10月30日 秋~~~胡思亂想

秋...... 唔知點解突然只想講呢個字...可能剛剛沖完涼出黎感覺到有一點點既涼意... 其實秋..... 除左涼之外, 仲有一種靜俾到我... 就係一種類似寂寞既感覺... 我很起喜歡秋天既感覺, 因為唔知點解每當天氣係咁既時候, 我都會想好多野.... 好多好多既無謂野...   

仲記得剛剛去Melbourne既頭一年, 過左去3個月左右就到秋天啦... 每日放學之後都要由火車站行10分鐘先可以返到homestay family既屋... 果陣時過, 又沒手提, 每日只可急急腳腳咁行返屋企, 一班聽住古董MD機, 一班腳踼踼咁係咁踢起地下既枯葉, 好不無聊, 踢左幾腳之後又會望下個天, 同一天空下, 想下香港果面點呢....? 我地melbourne果面就又涼, 太陽又開始落...成條街人都冇一個, 冷冷清清... 其實一個人果時都有點寂寞(不過只係我剛過去果時)  而香港又正值夏天, melbourne又快香港3hours, 相信香港既人一定係好繁忙.... 返學既返學.... 食飯既食飯... 又嘈又熱鬧... 一想到咁... 又會問自己... 我可以幾時返香港... 不過好在... 我住左年幾既housemates個個都好好... 妹妹cathy, terry哥, 仲有印尼既eka, ganda兩兄弟... 返到屋企總算熱熱鬧鬧...不過o係香港, 除左係半夜o係屋企or自己半夜出下車去海邊吹下風之後.... 要靜....其實都幾難and demanding...

今晚早左沖完涼, 所以想左好多野, 而今日又有兩個銀行一齊training既batchmates要走, 所以攪到我d心情都幾....我其實真係好唔捨得佢地(雖然我地都係一個月見一次), 我仲記得之前一齊training, 一齊考試, 一齊去玩, 去過節... 每日都好close....之後雖然大家都去左唔同既行, 但係感情其實都很不錯.... 我今日問左阿doug and keith, 你地仲記唔記得第一日返工, 個個蛋散都"懶"哂有自信咁, 扮到好似好有信心做好呢份工咁... 但係之後.... 個個都因唔同既原因離開左...我明白呢d就係reality, 18個人, 依家得返9個..... 唔知我地仲頂到幾耐呢.... 不過我會頂ga... unless我有更好既opportunity.... 否則我都會頂住... 其他既兄弟姊妹, 我地要頂住... 唔好咁意放棄呀...  其實我之前都有一個好大既逆境, 不過好好彩, 問題我已經solved左啦... 依家everything都已經冇問題啦... 所以你地都放心啦.. 我冇事la ^^ 而今日見左個生客, 唔知係咪冇咩壓力, 所以今日見客都好relax, 仲俾果3個客一齊讚我夠pro同有耐性...., 所以都幾開心呢... 希望我之後可以做得更好啦... 不過其實過左上次果件事, 我到依家都仲有點...... 陰影... 好怕有d野唔係可以control 係自己手度....不過事情暫時都解決了.... 所以我終於可以安心咁relax一下....

最後, 其實最近既我都好開心ga... 好似噚晚咁, 我地又同一班朋友仔咁出哂黎食飯, 女仕之前就自己去哂shopping, 我, kennyw and sorlo就去左happy hour....好不熱鬧又share左好多野, 而今日下午又同左sorlo and catherine一齊食dinner... 依家見佢地既時間真係仲多過見屋企人, 不過真係好開心呢... 又玩得又傾得埋....  開心哂... 希望快d去埋個korea trip就好lu....

10月28日 即慶族

今日係子既好姊妹阿菁既結婚, o係度都祝佢同阿yuen開開心心, 白頭到老 !!!所以子朝早就去左佢地既婚禮...

而我12點左右都入左去沙田, 我要返鋪買份禮物, 因為今日係子既爸爸生日... meet左子之後就係沙田新城市廣場食日本野, 子個伴娘look真係好搶喎... 放心, 我冇笑ga~~~... 一面食一面等sorlo, 因為我地之後想買西裝, 等到佢黎之後我地都係贂左一陣, 我同佢真係又有d似... 好懶去買衫.... hahaha...

見大家又有點累, 又唔想行, 又想食d野, 所以我地即慶咁去左沙田廣場間green box唱k Tea, 哈哈.... 見amy噚晚又想唱, 所以都call call佢呢... 哈哈... kenny and amy即時趕黎... heeehahah又一日lu...

最近真係傻左呀... 食飯, 行街, 睇movie全部都係即慶既... 有冇攪錯.... 就係咁就唱到6:30pm, 之後就走lu, 因為我地要趕返去同uncle食飯...其實咁都幾好呀.... 最近成日都係咁, 樣樣野都係即慶既, 個個有車又方便, 隨時都可以join到, 又唔洗fix左個schedules.... 

開心左兩日, 聽日又要返工啦... 希望聽日可以攪掂個trouble客la... 如果真係可以settle到... 我就可以好開心咁過呢幾個月lu...

10月27日 Mini 哈佬喂夜遊

今朝一早就起左身lu, 因為今日都幾多野要做呢... 首先就去左edwin間車房度跟返少少野la,... 仲有機會喂edwin部車車試左轉...  佢手車真係唔野小.... 一個字... 勁.., 整返好部車之後就join返屋企人去飲茶...

下午果陣就再約左kennyw and amy兩個一齊去mimi度, 因為我仲想跟返隻窗少少野, 原來冇窗框係會有機會入水ga, 真係唔知喎... 不過我都係用支水槍勁噴先有少少, 聽過edwin and kennyw既explain後, 咁ok啦...因為一定會係咁既... 哈哈... 如果唔係我又一定要換膠邊lu... 一面吹下水咁又到7:15pm lu, 我先去左中環接子放學, 而amy, kenny, sorlo, mimi, edwin地就去左跑馬地街市搵位食dinner....  之後andrew, cat, bb and fanny都有黎埋... 食到9:30pm左右我地就去左大球場集合參加Mini 哈佬喂夜遊... 今晚又有成廿幾部車車, 真係幾癲呀... 部部車都裝飾哂先黎, 依舊都係fanny部fanny cooper最搶 , 又有蛛網, 又有楠瓜.... 集合哂之後就分左兩批去大浪灣...lu... 今晚有d車手都幾勁ga.... 哈哈...

我地去到又玩, 又影相, 又吹水... 好熱鬧呢...

睇下幾多靚靚鬼???

當然仲有一班好朋友啦.... 其實仲有好多朋友d相未upload上黎... 唔好意思呢!

留左大約45mins左右, 我地又去左stanley影團體相, 你地睇下有幾多車???

直到1am左右本來都想去唱k ga, 不過k皇sorlo話今晚唔去喎, 所以我地改左去會展海傍吹水, 我地仲玩左test drive呢... kennyw test mine, natalie test fanny"s and me test sorlo" jcw... JCW既馬力真係唔可以講笑, 2000轉以下就同一般S冇咩分別, 2500以上就開始癲左.....攪到我果刻都有d試過龍..., 之後想起都真係勁唔好意思.....  好彩sorlo冇即時拎把刀劈我ja~~~ 其實我自己都好少, 真係好少借車比人drive, 今晚都係第一次俾朋友drive部mini仔, 不過ok la... sorlo and kennyw都係mini professional, 俾佢地drive我都好放心, 仲見到自己部車車夜晚咁行... 真係好型, 同好特別... 因為都好少有機會見到自己部車o係街行.. 之後子屋企人吹, 所以我都即時送左佢返屋企, 之後再join返佢地一齊去cwb食宵夜....食到3:30am左右就返屋企lu...

今晚好開心呢... 暫時都將所有煩惱攪放下...

10月26日 多事之秋 & Eason Live

先寫左噚晚先啦!!! 噚晚o係屋企食完晚飯之後就想出去屋企附近行下...所以就約左mini, edwin and sorlo地出黎食糖水lor... 希望可以開心一下, 其實最近都有d黑仔, 點知今次仲累埋mini死... 見秋高氣爽, 依家佢冇左個逢, 不如開窗啦吹下風, 點知driver side隻窗開唔到既??? 佢壞左呀..... 好唔開心呀.... 所以食完野之後即時送左入mimi and edwin位於號馬地既緊急救援中心睇症, 好彩佢地話係小事, 所以我都即時交左mini仔俾佢地, 明天先接返佢lor... edwin and mimi 唔該哂呢.... 又要你地車我返屋企!!! 本來仲想同sorlo夜談, 點知都係要返屋企msn....

多事之秋...

最近都係俾較煩, 其實之前幾個月都好開心ga, 所以我都特別珍惜每一樣野... always work hard, play hard and play safe.... 做野會好小心, 玩又會玩到好盡, 總知咩都會好小心, 我想開心既日子可以"延長", forever我就唔敢講. 不過都岩既, 人生就更係好多上上落落...呢點我係明白ga, 所以好多謝之前咁多位留左sms, msn and blog msg既朋友... Thanks alot呢...!!! I will try to manage my 情緒.

工作上仲係好心煩  希望星期一可以settle果件事...不過今日下午時都好開心遇到兩個舊客, 一個英國人 and 一對台灣夫婦, 幫佢睇做左d野, 之後仲傾左好多計呢.... 即時開心返呢(雖然內心仲憂慮中...)

放工之後約左子, 因為我地今晚會去睇Eason Live... Thanks 子為我安排左呢個咁好既節目... Eason真係唱得好勁呀... 又夠抵死...  終於明白佢點解可以咁成功... 我好多時都睇佢close up個表情, 我覺得佢好享受and認真...所以咁佢可以做得好好. 我認為人只有咁樣, 先可以做好一件工作..其實個concert我不斷想緊好多野, 希望自己可以釋懷一下, 總算有點得著... 有誰未遇過逆境...... 塞翁失馬...

10月24日 起落

一直以來, 我都很享受我的工作, 雖然壓力比較大, 但我總算滿意... 不過今日工作上有點唔如意, 心情認真不太好... 噚日開心, 今日又咁... 又起又落, 又落又起... 我真係要好好咁manage一下自己既情緒... keith係msn度有個msg寫得好好...

潮落之後一定會有潮起, 有什麼了不起?

我真係要好好咁再想想我要既係咩career...

10月23日 出糧 & 飯局

今日返工almost遲到呢... 相信都係天氣的錯, 越近秋天就越唔想起身... 幾時先至到星期五呀??? 我真係想好好咁休息幾日!!! 之前食得太多, 又玩得太多... 開始feel到唔再休息下... 都幾唔掂. especially我已經同kennyw and amy兩公婆confirm左11月中個韓國trip!!! 我要好好預備一下, 個行程其實只係報左名, 但係咩都未攪... 不過個心已經去左旅行... 所以最近都幾懶.... 不過如果噚日個客下星期confirm過數俾我... 咁就真係一天都光哂啦... at least到december都唔洗煩...... 哈哈哈...

月頭等到月尾, 今日下午check數.... 哈哈... , 總算等到出糧既一日啦!!! 收到份糧果時真係"O" 左一下嘴, 點解會有呢個數既...? 可能對於某d人黎講呢個數目唔係d乜野, 不過對於我自己黎講, 我其實已經好滿意啦(我要求唔係好高)... 好開心呀, 因為咁就代表左我之前既努力係有回報既, 收到糧單之後另外一個想法係...就算一月要promote但我都要行舊制... 總之今日都幾開心啦... 第一次到自己既record high... yeah!!! 我要再加油 

放工之後好想去relax一下開心下, 所以就同左幾個同事上左28/F既MESS CLUB Happy hour左一陣... 傾下大家既去向(呢個topic都傾左一個月啦, 開始有d悶tim). 大約7:30pm左右就約左子, kennyw and sorlo 一齊去左時代廣場既金滿廷食dinner.... 嘻嘻哈哈咁又過左一晚... 談天說地, 同佢地一齊玩果時真係咩壓力都冇哂, 因為兩個字... 好笑!!!

食完之後我地仲去左行電器鋪.... kennyw兄... 不如我地一齊換啦... 最多我黑你紅lor...... 好想比個藉口自己買野, 不過都係儲下錢先啦, 不過唔知忍手可以忍幾耐...之後行完都成10:45pm lu... 之後去左sorlo屋企.... 哈哈... 為左咩? 因為公子佢車哂我地返屋企呢.... 真係辛苦佢呀... 仲有你部車真係好舒服呀, 下次不如你車我放工啦!!! 送完kennyw返屋企之後, 我地係o係車度都傾左好多野, 工作上 and 私人野都有傾下...總之希望大家都on a right track啦....加油呀!!!

最後係星期日果時去左fanny屋企house warming, o係佢屋企影左我地泊左係窩打老道既車, 係咪好得意呢....?

 

10月20日 洗車, 大閘蟹 & 雷達測試

今日一齊如常啦...下午同family飲茶, 之後子就去左剪髮, 而我就去左sorlo屋企洗車啦, kenny兄都有一齊黎, 不過佢冇洗車, 但就幫我地影左好多相heehehe.... 哈哈, 我地幾個最近真係成日見呢... 不過幾開心ga, 熱熱鬧鬧, 洗車都冇咁辛苦...

其實大家見到左下面果張係鏡既倒影呢ga, 見唔見到右下方果個就係kennyw啦!!!

哈哈哈... kennyw仲幫我用左今日d相整左個banner呢... 好型呀!!!哈哈哈...

之後我地仲用左部開逢mini遊左返我屋企一轉.... 最衰唔記得影相呢... 4個人heehhahaah 勁熱鬧... 我覺得出mini既原因就係為左咁... "開心" 遊完之後我先同子去jessie屋企, 因為佢請我同子去食大閘蟹宴 yeah!!! 估唔到個衰妹又整得幾好食ga bor, 咁就真係qualify to be 人妻next year呢... 哈哈... 好耐冇見過auntie, 佢依然都係咁開心... 真係似足jessie呢...

係咪好想食呢... 不如我遲d都攪個大閘蟹宴啦...!!!

食到9:30pm左右我地都走啦... 好似好趕咁, 因為趕住meet kennyw and sorlo地, 今晚先o係奧海城集合之後去遊車河... 之後stephen and angel都有黎, 不過子就走先...  我地之後再去左長廊集合! mimi & edwin都有齊, 但係點攪唔見fanny既...??? 佢又再一次遲到啦... 8個人等一個.... 仲要又係一個鐘... 係咪打得少... 真係唔好遲到啦... 唔鐘意人遲到... 10至15分鐘都可以accept, 不過多過30分鐘真係有d過分, at least都打個電話黎 and 到左都要 "sa" "lum", 可惜佢兩樣依舊冇做到... 不過都唔理啦... 開車把啦... 死仔stephen and mimi又係搏打... 一開車就好似枝火箭咁走左... 唔係一齊test ga咩???, 所以最終都係我, kennyw and sorlo留後慢慢test... 哈哈... 要sorlo開住部porsche 997慢遊, 唔知會唔會辛苦呢...??? 不過kenny同我就好enjoy喎.... 一面用walkie, 一面試, 都幾relax, 目的地係黃金海岸, 我地之後仲去左飲野 and 睇波... yeah manchester 又win啦.. 不過我地都係睇左半場ja~~~ 之後去左car park影相and睇車lor... 都幾開心呢..

大約2:30am左右就走lu, 之後fanny, sorlo, stephen and我同路, 但係唔知點解fanny又唔跟, 自己行左另一條路走... 所以都冇理啦... 3am左右返到屋企, 之後mini四仔又上網4人msn.... chat... 今晚玩得好開心呢...

相都影多幾張先.... ^.^

10月19日 重陽, sorlo and 兄弟

噚晚想左好多耐...最終都決定今朝一早去拜山...  講真, 有時我唔係懶, 只不過我唔係太鍾意去墳場...因為果d地方我覺得唔係太feel comfortable...秋季重陽涼d我仲頂到, 夏天清明就真係頂唔住...所以見今日天氣又不錯, 身體最近又好似差左咁, 不如去行下山啦...  今朝一早成8點幾就起左身, 阿媽都有d surprised我今日會去... 大佬負責出車... 因為佢部車大d, 舒服d...  約哂所有阿公果面既屋企人10am係和合石集合, 之後就上山去了...  行呀行... 爬呀爬....都幾辛苦, 不過全程都有同d表哥們傾計, 講下車經, 又講下財經, 所以時間都好快過呢... 拜完阿公and兩個阿婆之後就出返去長沙灣食lunch...不過食完都4pm, 其實下次可以早一個星期or閒日去.. at least可以drive到上出頂, 依家只可以泊山腳... 不過舅父唔俾... 話一定要正日... 都係去阿爺度方便少少...at least grandma俾我地早d去, 行得唔洗咁辛苦而且又係香港果面呢.....

食完lunch之後就接左子返我屋企,由於子有d唔舒服所以佢stay左o係屋企, 而我就同左sorlo and大佬去睇bmw既新m3 and拎返我order左既mini parts...睇完之後都唔知做咩好, 所以就同左大佬佢去左sorlo既屋企...唔好意思, 又攪到佢呢... 不過stay左一陣都係返屋企lu.... 哈哈.. 點知返左屋企, 子又話想搵sorlo佢打下WII喎... 跟住我地又返左去sorlo既屋企呢.... 哈哈.... 攪到佢想sleep都sleep唔到.... 不過又玩得幾開心喎.. 點解打拳次次都係我輸ga???仲要俾人影左d silly video...  玩到8pm左右就online book ticket今晚睇movie, 我地3個仲捉埋kennyw and amy兩公婆9:50pm 一齊去澳海城睇"兄弟".... before that就同去左食米線... ^.^

今晚套"兄弟"都ok啦... overall都係expected, 3哥做戲真係同leon好似呢... 12am左右完場之後我地就去左食糖水... 食完之後就送左子返屋企, 之後就同sorlo兩部車返香港lu... 佢返屋企, 我就去左做massage... 今日幫我按摩個師父真係勁... 一摸就知我今日體力勞動完... 我真係俾佢推到我想叫救命... 因為真係好死痛....雖然冇叫出黎, 但同個icon有得比... 不過好似真係舒服左好多, 其實我都幾鍾意呢個場, 服務環境都可以compare with hotel, 不過佢地越來越亂收錢 and "禁"我小費... 攪到我都開始幾唔like, especially出面收錢果d...