今朝一早起身就過左子屋企附近同左佢d屋企人一齊飲茶, 之後就去左New Mini Club既Mini Parking Day玩比賽...
約好左2pm成廿幾車係長廊集合, 之後就浩浩蕩蕩咁入左元朗既一個停車場玩la...哈哈哈... 個個都有玩喎... 睇下我泊成點....
又ok喎... 估唔到以我既成績都可以拎到全場既no. 1 睇下我幾型... ^^
哈哈哈...其實我係加10至真排第11 (仲同jackie兄平排喎).... 我total用左58秒左右泊左3個位... 不過都好滿足lu.....今日仲有車車, big toe and ugly dog 既gathering呢...
泊完都成6點幾, 之後就成班朋友仔去左機場食dinner呢.... 跟住又去左alex間車屋掃書...... 真係幾滿足..... 食飽飽之後打算返屋企la.... 點知又有幾車叫機, 話不如去食B仔喎..... 咁又入左元朗....食糖水呢... 好累呀... 聽日仲要返工ga....
好耐都冇寫過blog啦... 其實好多野都想寫ga, 不過每次一坐左o係電腦前面, 都係想click...click...click... 之後就sleep lu... 所以其實都miss左好多野... 好多感覺... well, 既然係咁, 我都想一次過寫哂呢一篇散文... 散既意思係... 真係散哂既意思... 希望大家睇得明la....
朋友---其實自從去完macau trip之後我地都攪左好多野ga... 之後有Tuem mum瘋狂雀局海鮮dinner啦..., 真係個個都玩到癲哂ga... 女仔既又玩得開心, 男仔既炒人同比人炒都咁crazy... 其實識到呢班朋友仔真係幾開心又玩得埋ga.... 我記得有位好朋友講過... 有時真係好少有對對couples都可以玩得埋ga....男仔又可以一講車, 影相, 電腦, 旅行咁... 女既又可以一齊玩下四方城, 扮下靚, 食下野咁.... 而最重要既... 係個個都可以做到朋友... 都幾難得ga.... 
而o係呢班朋友當中仲搵到幾個可以傾到心事既, 都真係一個bonus黎ga...^^ 所以~都幾開心呢...
屋企---最近都幾多野攪ga... 又要整部NOW HD TV Box, 整呢部野都幾受氣ga, 不過好彩大佬攪掂.... 真金白銀買部機... 佢地竟然俾部二手我地, 仲要係唔work果隻..., 個installer仲死, 話如果我地唔要就成部拎走, 叫我地用住舊果部先... %$&^%&%^% 唔係卦, 之後打去佢地CS complaint.. 佢地話香港全部既都係二手... 我 "大佬"真係火都黎埋... 插到佢地死, 依家做緊promote... 叫人買機, 你竟然同我講全部人都係二手既... 咁你真係有病... 比錢買仲要係二手??? 冇野呀... 我唔係租機ga..... 攪左一輪, 終於個師父都係死死地咁返去拎部新機黎..... 又話冇新...??? Besides, 遲d屋企都幾多野要攪.... 換全廳air cond, 又要拆鐵閘... 真係幾多野要煩呢....
今朝起身...剛剛眼都未開就走左出去老豆間書房, 打開窗... 想吸一下新鮮空氣... well... 望一望個景.... 我都唔記得左自己有幾耐冇望個窗外個景lu.... 日日放工都係睇電視 and 上網.... 原來真係會miss左好多野ga....唉... 而今日一睇... 對面間大廈拆左又起緊lu... 相信好快又會起到好高lu.... 真係唔明點解香港間間屋都要起到咁高既....???
買野---最近好想買好多野呢.... 改車.... 已經搵mimi訂左條喉.... 又差唔多成7,000蚊, 我點解可以咁大洗ga.... 果時想儲錢... 果時又心癢.... 真係冇用..... 仲有好多野想改, 不過真係要按住自己呢.... 唉.... 自己仲要係做wealth management.... damn it.... 而今個星期仲去左睇好多野, 不過真係要有用ga... 好似個External harddisc.... 搵緊隻500G, Maxtor, Seagate or Western Digital... 有冇人有好介紹呢....??? 之後又想換書臺chair..... 唉... 不過唔知咩好... 唔知黃生有冇好介紹呢...? interior design佢都在行ga..... 勁 ^^
而今日下午行行下街同子又撞到sorlo and helena.... 我地幾個又唔怕肥咁去左食ice cream.... 真係攪野.... 不過講真, 我都幾多時o係街撞到佢呢...而晚黑就約左jackie and kennis地去左mega box行街... 因為我都要去OTO拎我訂左個幾月既massage machine.... 真heavy.... 其實最近都見得幾多jackie and kennis... 個感覺都幾得意ga.... 睇住佢地兩個結婚, 依家又有左BB...見到佢地咁幸福, 其實都幾開心ga...而最近都陪過佢地睇過幾次BB野...原來今時今日要買BB野...都真係要好有學問呢..... 見得多, 睇得多.... 其實個心都開始期待ga.... 好想快d見到佢地個B出世呢.... ^^ 而行完街之後我地就去左kowloon city食日本野.... 今晚仲食左d好好好大隻既生蠔呢....真係成隻手咁大ga...正!!!
今日正式第一日返工, 其實都有點期待ga... ^.^ 好彩都冇咩野要跟, overall都ok喎... 放假前做好既野都可以平安咁process哂... good good good... 而返工之後都check個自己既SAM 既 ranking... 放左1個week假, 都仲可以o係Top Sales既第三位...好意外&好彩.... 都頂得住呢... 所以今日做左少少野都返屋企la...
放工約左師父去我屋企車房幫我整野, 因為噚日發現車身有俾人開門撞"lup"左..., 所以今日已經忍唔住搵人整好佢... 一粒細細既都要$400, 不過ok抵la... at least唔洗之後睇見個心唔舒服...
整好之後都7:30pm啦, 跟住就趕左去Jorden Lily屋企, join左佢arrange既DFS reunion party... 好少可join佢地女子組既party.... ^.^ 所以今晚見到佢地咁多人都幾開心ga... 我地仲call左舊boos pierre既mobile... 話掛住佢... lily仲忍唔住....
好感人呢.... 估唔到pierre dynasty既遺臣係咁ga...其實我地以前係sales & marketing -PRC Market Team ga... 而當中仲有tonia呢, 佢o係上排左2呢... hahaha... 玩得都好開心呢... ^^ 今晚仲第一次見lily既bf仔... 阿肥.... 原來佢都幾靚仔ga... 我後面紅衣係Lily, 而黃色係佢bf... ^^ 開開心心, 玩下飲下又一晚.... 今晚好多舊人呢.. Liza, Tonia, Katie... hahah...
經過左接近一個星期既 吃, 喝, 玩, 樂.... 今日真係要好好休息下la.... 悠長假期雖然好開心, 好relax... 不過身體就未回復呢.... 之前又有"痱知", 又熱氣, 到依家腸胃不適... 真係要好好休息一下la... 所以都冇咩plan要做咩... 都係打算留o係屋企就算lu...直到12pm左右o係msn見到jackie兄... 同佢傾左幾句又忍唔住走左出去食野... 不過我都唔係好食得, 所以都係清清地食左個通粉就算... 不過飲左果杯甜話梅又真係幾不錯呢...食到2pm左右我地就快始左今日既活動... hehehe... 睇車日... 你地估下我睇左咩...???
....hehehe....我地先去左利園附近睇... Benz??? 有呀... 不過最主要都係睇BB車... 第一次去睇... 嘩... 真係大開眼界... 又brake disc, 又有避震, 好多好多野ga.... 如果埋單都要成萬幾蚊.... 我仲笑jackie 話養個B如果要$4m, 咁你果個咪$40m... hahaha... 最後睇左幾間...總算有d心水la... hahah... 我地下午3點幾o係果度慢慢睇...但一般呢個時候shopping既都係d少婦呀... 師奶呀咁, 但今日竟然走左兩個男人入去... 哈哈... 感覺都幾攪野ga... ^^ 不過好彩後尾阿nat都黎埋呢...
睇完左BB用既"車"之後, 我地就去睇返其他"車"la... 去左灣仔掃車行.... 睇左幾間... 講返d比較有feel ga la..其他唔講啦... 最近最有noise既...都係mazda既6仔... 造工, design, 設備真係一流... 現貨都係$23萬左右...以呢個quality真係超超超值(呢個價錢都只係夠買部最normal既mini仔ja)....sales services都係最好既...真係好有衝動ga....不過屋企已經有3部車la....買多部又冇位擺....換車mini仔又未玩厭, 所以都係....算把la... 不過如果有朋友想換... 呢部車真係好值得consider ga... ^^
之後去左睇accord... 其實我以前都係accord既fans...(屋企都用過兩代既accord), 不過自從佢換左產地之後, 就已經放棄了... 第一. 樣衰, 第二. 得個大字... 不過今次回歸日本生產... 又有咁多magazine去介紹... 就走去睇睇... 點知... 唉... 兩個字.... "失望"... 都係果句... 得個"大"字, 其他野... 花巧野多... 中央台既function keys多到要搵menu至識用.... 頭燈仲要係鑽石燈.... 人地依家cheap cheap地都有projector la... 唉... 個sales又真係sell屎... 又話咩部車停左o係度都好有動感.... 我都???? 之後又勁踩camry... well... 總之咁sell野就唔掂la....唉...
之後睇多左幾間... 最後去左三菱... Lancer...well.. no comment... 定位不清.... 所以冇咩睇, 反而同子睇左部 " i " , 外型真係幾ok喎...., 不過其他野就no comment... $12萬左右... ok la... 不過要complete with benz 既 smart market... 咁就睇客要咩啦... 女仔用就ok既.... ^^
睇完車車之後就去左食tea, 由於下午真係食左好少野... 所以食到野la... 哈哈... 食飽之後jackie就車左我同子返屋企呢.... 點知好戲在後頭.... 因為.... 睇車日既最後一個function... Test Porsche 既 997 S.... 真係多謝阿jackie兄咁大膽比左子佢玩左一陣... hehe 當然我都唔放過呢個chance la... 哈哈... ^^ 下次可唔可以再試遠d呢...??? 就係咁又玩左成個鐘呢... 哈哈哈.... 997 S 真係越睇越型... 下次如果sorlo部灰色出埋黎影相仲正呢...(我profile既pic都係sorlo果部997黎ga... 正)
子都drive左幾下ga.... ^.^ 型車美女....??? 不過又幾好睇喎...
好開心咁又過左一日, 放埋聽日就要返工la.... 唉... 好好休息多一日la... ^^
KEis LEE... 祝你28歲生日快樂呀....
28歲真係有d唔知點咁... 話老又唔係, 候生又唔係... hahah... 不過都係果句啦... 今年都冇咩所求, 希望個個都身體健康, 心想事成la.... 我今年真係好開心... 多謝哂各位呀... !!!
此外... 今年真係收到好多好多朋友既祝賀, 希望透過我呢個Blog... 多謝你地每一個既祝福... 因為今年真係好感動呢....
生日週玩左咁多野... 今日點過呢.... 其實今日子都幫我預備左好多野呢... 最衰就係自己唔爭氣... 打敗仗... 唔知做咩... 個人好似熱熱地咁... 個胃又好唔舒服... 唔想食野咁... 唉... 不過nevermind la... 我個心已經好開心la....
Lunch就好多謝kenny and amy既安排... 我地四個人一齊去左尖咀食潮州野... ^^ o係生日正日都可以見到佢地(especially係weekday), 真係好開心呢.... 食完野之後我地仲去左整下車車d野... 而我地仲去左MiniHK呢... 我仲一次過換哂全車既水撥... 而子仲送多左隻mini車車毛公仔俾我放o係車呢... basically, 好似佢會用多d呢... 不過我都好鍾意ga.. ^^ 整完之後仲去左比人洗車... o係miniHK既後面$78蚊全車... 又幾好service喎...
攪好之後就去左Element睇戲... 今日去左睇B.C.10,000... 又幾好睇喎... 不過太過神化左d... 同expect有d唔同.... 睇完7pm... 就到戲肉啦.... 就係子幾個星期前prepare左既dinner... yeah!!!
我地去左28樓既Felix Restaurant... 嘩.... 唔怪得要book咁耐la... ^^ 個night view真係好靚呢.... 今晚同子望住全個維港夜景食dinner... 真係好sweet.... 子多謝你既安排...
今晚都食左好多野呢... crab soup la.. caesar, steak, lamb, 仲有d好special既drink呢...
今晚真係去左個好特別既男toilet呢... 對住落地玻璃既夜景去小便... 真係cool~~~爆呢.... 食完之後就返去la... 因為今日真係唔係好舒服...
最後... 真係好多謝子對我既安排... 哈哈... 錫死妳... 
仲要就係多謝一班既好友, 我知今年有咁多party and function佢地個個都有出力呢... 收到哂你地既心意啦.... 我會更愛你地ga la... ^^
THANK YOU!!!
PS. 我知有d朋友仔仲未arrange到食飯...sorry呀...我會盡快安排ga la... 我會盡力去屈你地食餐勁既... 哈哈哈....... 快d prepare gift比我呀.... ^^ 遲左少少... 希望你地唔好介意啦.. ^^
今日係我正式28歲既舊曆生日... o係度都祝下自己生日快樂, 身體健康, 身邊所有既朋友都開開心心啦... yeah!!!
今日sleep到成1pm至起身ar... 因為噚晚真係太累la...... 所以起身之後就即刻去左接子, 因為我地講好左今日去由黃太介紹apm既Quiksilver買去泰國trip既用品呢.... heheheh... 真係好抵喎.... 最終我地買左3件t shirt and一對鞋呢... hehehe.... 買到4:30pm就返左去渣甸山間wellcome shopping野食呢... hehehe.... 去到個parking... 仲見到部好靚仔既黑色R56 Mini呢... 心想一定有朋友仔都o係上面... hehehe... 上到去真係見到salina o係度shopping呢... 真係咁岩既... 之後我地仲一齊傾左陣營養經呢.... 仲講好下次一齊玩煮飯仔.... hehehehe....買完野就返左屋企休息lu... 因為真係好tired...
今晚約好左family... 7:30pm o係東湖食晚飯, 我地既家族真係越來越多人la... 真係一圍都坐爆呢...第時真係要兩圍先夠la....所以好熱鬧, 好開心....
o係度都要再多謝所有出席既屋企人la... 今晚真係好開心.... 有老豆prepare既壽包, 姑姐既蛋糕 and 連姨丈都有prepare既一個大球場蛋糕.... 真係個個都好有心思呢.... 多謝哂大家呀.... 今晚真係好開心好surprise呀!!!
你地睇下球場蛋糕幾得意...!!! 仲有beckham o係左上方ga.... ^^
最後仲要多謝大家既... 大利事呢... 哈哈哈哈哈....... 
今日終於到左星期六la... 朝早都係如常咁同左屋企人飲茶... 之後... 哈哈哈... 我既生日週正式開始la... hehehehe....
首先真係要多謝子& 宋小姐既悉心安排左一個集美食及娛樂既一級地方俾我地一班嘩鬼o係度開party... hehehehe... 而呢個地方就係利舞臺對面間翠園la... ^^ 我地約左5pm就開始個party....我同子先約左黃生and黃太一齊泊車, 之後就一齊出發lu .. ^^ 最早一個到既.... 就係....Mimi小姐..... 一見到佢既眼神, 就已經知道, 佢已經ready左今日既"局"... hheheeh... 四方城.... hehehehe..... 多謝妳呢... ^^
之後一個and一個既好朋友相繼到步, 如常一樣.... 都係分左男子及女子組la.... 戰況今晚真係不得了呢.... 一直玩到7:30pm就正式入席....
今晚既食物更真係超大碟呢^^ 你地睇下!今晚真係食到個個都飽哂... 連肚都漲.
仲要有一班好友相聚.... 真係好開心ga... x10000
而jackie仲做埋攪手去玩遊戲呢....... 估女星....???
今晚真係多謝哂每一位出席既好友and你地既禮物呢.... 希望大家都玩得開心, 食得開心... 哈哈... 玩就真係停不了呢, 我地之後全部人都上哂sorlo屋企再戰呢.... 係咁玩玩玩玩玩.... 又玩到2:30am左右就散場lu.....
再一次多謝子, kenny, amy, sorlo, catherine, edmund, michele, mimi, edwin, jackie and kennis呢.... 仲有就係andrew大佬呢... 雖然佢今日黎唔到... 不過都好多謝佢既calling and the manchester gift呢....
ps. 仲有係多謝amy幫手訂個cova蛋糕呢..... 因為nat同我既生日cake都係佢幫手既... amy... thanks alot!!! (updated on 3 Mar)
最後, 今日俾好友話我恰阿nat....講真邊有喎...? 其實好友同我講果刻我都幾上心ga... 所以噚晚返左屋企都同子傾左陣電話傾下呢個問題....最後...有d咁既事...^^ ? 我地一向都係咁ga..., 唔洗擔心喎 ^^ 只係每對couple都有唔同既溝通方法姐... 放心 ^^
今個星期都冇咩特別野發生, 最主要既原因都係全部精神都放哂o係工作上面, 所以每日放工都好似"六神合體"咁... 散哂....
由於下個星期要去trip, 所以今個week想去盡d, 雖然係辛苦d, 不過都係有回報既... o係個市咁靜既情況下, 我今個week都有4 counts...合共做左 HKD 2M左右啦... 至於其他野好似就做左1.7m... 不過最開心既都係d客好... 個個做完都係好開心咁走... 所以都幾有滿足感呢... 哈哈... 仲有係估唔到過左年都咁耐, 仲有客俾利是同手信比我呢... 謝謝! 呢兩日都攪到成4:30pm至食lunch, 真係慘... 本來今日有位泰個既客人會黎香港見面, 上年幫佢攪左d野... 打算比佢睇睇個performance啦... 唉... 點知最後都見佢唔到... 可能佢真係趕唔切la... 一直都有同佢都有email contact, 而且佢同佢個女都係d好客呢ga...^^ 所以同佢地做野都合作得幾好呢...而其實佢本身係有relationship manager跟ga... well... 不過俾我跟埋.... ^^ 唔知比佢知道會唔會找我呢....???
最近公司大老板日日朝晚勁"卒"數... 噚日開會又落黎講, well.... 冇咩特別感覺... 真係幾心涼....我知佢地都比group卒爆, 不過上年攪restructure趕到咁絕.... 哈哈... 依家睇下點lor... 哈哈哈...
今日自己見左4個clients, hit左3個...之後幫師妹手做多左一單... 希望佢可以過probation啦...要教既都教哂, 加油la.... 之後做完自己野都5pm... 真係慢呢.... 不過我都係7:30pm先走, 因為約左子去行街街呢.... 今日唔想出車車, 所以見咁方便就去左旺角行金魚街呢... 睇下魚, 青蛙, 狗, 蛇, 果度真係咩都有.... 都幾得意呢... 你睇下d野幾.....
行到太子先食dinner... 之後搵到一間叫甜品哥哥既食糖水, 呢間野真係幾ok, 係近期食過最好食咩.... 佢開到1am, 出面又有car park, 下次可以叫埋車會既朋友黎呢... 地點係上海街.... 10pm左右上左子屋企睇電視, 之後call的士返屋企lu..... 11:30pm又call左nelson上網打PS3既FIFA 08... ^^
最後: 今個quarter我要盡追將會發生既問題, 希望可以cover到, 壓力係大, 不過再呻都冇用, 盡力想辦法攪攪佢好過, 希望將impact降至最低...... 而business, 希望可以做到hkd15m whereas now hkd13m啦, 而仲有幾日我就要放10days annual....所以要再快啦... 加油!!!
