5月30日 Mini仔健康驗查

今日見有d時間, 所以就同左mini仔出去做下body check, 攪下美容, 又食d好野進補下la.... heheheehehe....

身體驗查.... well.... 隻腳仔好似有少少問題喎.... 下星期要搵博士整整佢先得la.... 好彩佢肯幫我跟ja..... woowoo~~~ 如果唔係就煩lu.....  攪哂d野之後,見有時間就同子一齊玩下手作仔.... 咁請你地找出22個不同之處啦... ^^

整完之後靚仔哂... ^^

本來今晚會去探探maggie個B, 不過佢個b突然之後病左呢, 所以留返下次la.... 之後同子去左食新疆菜, 食完就返左屋企rest rest先lor... 10pm左右jackie打黎, 話佢地o係morton食扒中.... 問我地去唔去飲野, 本來都打算...聽日先攪la... .但係又想睇下morton係咪真係咁正喎.... hahaha 即時執返哂d眼耳口鼻出去lor... 下次一定要去食一次呢... !!!!! 其實今日係Jackie兄既正日生日.... o係度再祝佢生日快樂, 身體健康啦....!!!  明日佢會再o係屋企攪party, 所以詳盡野, 聽日再寫呢... ^^

 

5月24日 四川賑災籌款夜遊

今晚New Mini Club arranged左一個好有意思既活動, 就係四川賑災籌款夜遊... 出席既會友都好多呢.... 你地睇下下面既相就知有幾多人參與呢... ^^ 而上面個banner係果晚有份出席既車車整埋一齊... 幾靚 ^^

人雖然唔係非常多, 不過都籌到一萬五千, 真係唔錯... 籌到既款項仲會損到紅十字會支援地震災民呢... ^^ 真係好有意義呢...

唔知點解, 越來越鍾意呢個會... 雖然我都唔係咩mini professional, 其實次次出黎都係吹下水, 又睇下人地d車車咁... 不過識下識下.... 又多左一班好朋友仔呢... ^^ 再加上今次特然發起既慈善活動有咁多人... 就更覺得會既人真係既好好呢, 除左玩車之外, 仲有善心呢...... ^^ 以後再有呢類型既活動, 我一定更加支持... ^^

 

你地見唔見到我o係邊呢...?

5月22日 UEFA 歐聯冠軍 - 曼聯

特別報告!!!

其實已經係早上6:10am...但係都忍不住要先update呢一個news...等左9年... 足足等左9年la.... 曼聯繼99年之後終於再一次稱霸歐洲!!! 成為今年UEFA 歐聯冠軍!!!

今晚場波係曼聯vs車路士... 場波只可以用四個字黎形容就係... 觸目驚心... 正常90分鐘球賽... 打和1:1... 之後加時30分鐘...都係和... 其間真係非常激烈... 仲有好多球員都相繼抽根... 到最後12碼.... C.Ronaldo因為懶型得濟咁射,而俾人救出左....果刻個心都真係停埋....  到車仔射最後一球, 只要一入... 曼聯就會輸... 果下真係個心都跳埋出黎呀.... 車路士隊長John Terry主射........ 大雨跣腳中柱.... YEAH!!!!!!!!! 之後進入即時死亡.... 曼聯龍門Van Dar Sar救出第二輪12碼....!!!!!!!!!! 曼聯再一次成為冠軍!

Ronaldo哭了... 他差點兒成了罪人.... Terry...更哭得厲害...其實他只差一步...

我有些朋友睇完球賽就會即時熄電視or散水, 而我個人就更喜歡睇進場時及完場時既球員... at least可以感受埋佢地既心情... 其實都係一種享受, 個人不是太喜歡車路士, 不過見到佢地完場時既表情... 其實都有點不是味兒... 不過成皇敗寇... 比賽就是這樣.... 正如完場我都sent左兩個sms... 一個俾charles... 話俾佢知我地等到... 另一個俾nelson...都話比佢知... 其實呢場都係一場好球賽, 希望佢都enjoy la... 好似好有體育精神咁... 哈哈哈... 不過明日返銀行... 我估... 我都會..hehehehehehe

Almost 7am la... 快d sleep lu....^^

以下係早幾日寫過曼聯贏聯賽冠軍

http://hk.myblog.yahoo.com/keislee/article?mid=814&prev=827&next=802

5月20日 Clubman S

突然之間出現左換車既想法..., 真係攪到我都有d心大心細...

其實依家都幾滿意自己部mini仔... 剛剛又換喉, 之前又換鈴, 又搵過人執哂車身d"笠"左既地方... so far 都ok呀... 間唔中快下又得... 斯斯文文出下街又可以... ^^ 最緊要既係車本身既condition都唔錯... 我估再keep佢一段時間都ok ga... ^^

唉... 不過自從有晚同andrew兄傾過最近clubman s有discount, 再經過一班"好友"既鋪橋搭路之後... 總算都知道左最近有咩咁吸引呢... ^^ 突然間又有d心癢! 同子傾過之後又覺得真係幾抵喎, 計過條數又可以afford到, 不如豁出去買返部clubman s玩下都好喎....橫掂個會又冇太多部, 整返一部都幾好玩喎... 其本上了解左顏色, options都係自己想要既野....整部AT子又可以一齊drive...應該都冇咩問題啦卦... 死就死啦...

本打算噚日出去試車, 如果ok就俾訂la... 點知想下想下... 由興奮既心情又唔知點解有左少少既Hesitation...... 真係唔知點解.... 可能o係我真正consider既期間, 有幾隻魔鬼都唔知點解突然從良喎....哈哈... 內容就唔講la.... 不過問左自己好多次... 鍾唔鍾意clubman先...??? 講真, 我真係覺得clubman好靚, especially係S個車尾...真係好型呀....但係你叫我自己擁有一部, 我就真係冇想過....

唉.... 到依家都仲15~~~16~~~, 一部車價ok... options又ok, 顏色又ok既clubman s..., 我仲hesitate d咩呀...??? All or nothing.... 一係就換呢部, 如果唔換既... 我可能會keep返住現有部mini仔先...

想想.....再好好想想...

5月17日 Batch 94 Re-union Dinner

太耐太耐冇見la...!!!

今晚真係好多謝阿miu佢arrange左我地今晚個gathering, Batch94又再一集合返一齊la... 哈哈哈... 雖然今晚都唔齊人, 不過見到咁多人都好ok啦... ^^ 而我地去左上環既一間日本野度食任食dinner... hehehehe... 都幾開心呢...^^ 仲幾"攪野"呢...

今晚嘻嘻哈哈係咁食, 係咁飲, 又係咁食.... 真係都幾熱鬧ga.... ^^ 點解dougdoug今日又咁靜既....???  hehehehehehehe....... 食完飯之後, 我同阿Doug先去左信德中心一齊拎車, 之後同左Elaine, Doug & Stefanie去左跑馬地間Brown飲野傾計呢...hhehehe一直飲到1:30am呢... 好開心又可以坐低慢慢傾... (今晚冇位泊車, 所以就咁泊左o係Mimi門口, 唔知阻唔阻到d貓入去呢...???)

Batch94係我之前返HSBC Training既coursemates, 本來有成18人ga, 不過依家都係得返7個人左右ja.... 有d人轉左行, 又有d去左其他bank做... 以前又日日tranining, 又一齊日日食飯... 過時過節都成日一齊ga.... 所有果陣真係玩得好癲ga...  感情都好好ga... 當中有幾個真係要highlight一下ga... ^^ Debbie, Keith, Pierre, Leo and Kennis今晚都冇黎... 佢地都係我playgroup既好朋友.... 大鐵腳... 不過有d都唔係香港lu... >.< 今晚冇左佢地都係美中不足....

講到感情最好既... 其實都係Debbie, DougDoug and Elaine... ^^ 當年銀行派左5個人到香港區, 我, Elaine & Benny到總行, Doug就中環區, Benny一早就走左, 而debbie又係上環, 最近仲轉左行呢...... 所以最近總行既就只有Elaine and Doug....相中人係... 邊個???

 

咪係我Honey Elaine and 阿Doug la....,佢地兩個都係一個我可以share心事既好朋友, 先講講Elaine啦... 我相信佢仲記得有次同佢上大陸單野呢... hehehe, 好多心事, 隨左阿nat之外, 我相信佢知我最多野呢... 哈哈... 有時o係阿nat面前, 我地仲玩到攬頭攬頸... 好彩佢地個個都知我地玩得癲呢..,  而阿Doug... 我相信佢係我地batch既top sale, 搵錢又最多, 工作上佢勤力程度如果佢有90分....我估我得40分左右..., 做野上面, 我同佢最match...睇法又好相似, 所以我有好多野都學左佢, 仲俾佢影響左呢... 不過都係positive既... 而我地又係中環返工... client type最近似, 所以工作上我地最合拍; 我永遠都覺得同佢地講野係可以最free... 又最放既... 我仲記得前年識佢地果陣, 我自己都有好多野煩, 所以成日都同佢地出黎吹水, share下relax下... 我可以講 佢地真係陪我經歷左好多野,  而隨後我地幾個o係唔同時間都經歷過一d唔開心既時間.... 大家都有出黎扶持下, 又真係好難得... 工作上可以有一班交到心既朋友, 其實都開心好多ga.... 不過依家elaine就轉左去渣打..., 而Doug又唔係同我同間行... 所以見面既機會其實都好少呢... 今晚有機會出黎...bilibala... 又幾開心ga...

呢張係上年生日咁岩我地返去on going training果時影ga.... 個surprise party仲係上上下堂攪ga..... 哈哈... thanks alot呢...阿doug去左邊??? 咪係影緊相果個lor ^^

5月12日 07/08英超冠軍-曼聯

今年度既英超冠軍終於o係噚晚誕生左...

曼聯 Manchester United!!!

等左又一年既時間... 真係估唔到今年要打到最後一場先知邊隊係冠軍... 真係緊張到死!!! 16年英超曼聯贏左10年... 真係勁!!! 今年起初仲以為係阿仙奴同曼聯之爭, 點知最後車路士又殺返上黎....真係險... 講真, 真係冇想過會咁迷曼聯ga...記得最令我捧佢地就係98/99年... 三冠皇o個年..., 打歐聯決賽贏果日我仲o係melbourne fairfield既homestay...贏波果下...我真係癲左... 大叫大跳 hahah.. 真係嚇死我d flatmates!!! 而之後...果幾年...都係同左我最好既朋友Charles一齊捧... 每次打歐聯, 我地都成5am左右去左city既一間 bar度捧...果時天氣真係冷死人, 得果一兩度,  不過鬼佬吧既氣氛真係好正... 又唱又飲... 仲記得果年曼聯vs皇馬...好似係beckham最後替曼聯打歐聯果場, 真係好感人, 因為全隊都拚盡...而beckham仲入左兩球, 雖然最終都輸左, 不過好感動..., 而往後幾年... 曼聯都好唔掂... 場場都係一球上落, 每次一入球之後都打守勢波... 好唔好睇, 買人又唔知係乜水... 名不符實..., 之後阿仙奴又以無敵姿態咁贏左兩年, 再之後就到車仔俾油王買起左.... 之後用錢打做勁人隊... 心想用錢都得...??? 皇馬都死啦.. 當年用錢砌左隊波...冇用ga bor... 運動係teamwork... 要默契..., 而曼聯7小福o個陣, 真係個個由學徒一齊打到成名, 再贏埋三冠皇,  點知... 佢地真係得喎... 唉... 直到上年, 幾勁辛苦... 曼聯先win返一年... 所以舊年win左既冠軍... 我真係癲左... 好興奮....好感動...

而今年... 贏果刻我都好平靜... 可能最近太多野煩la...而且又係一個人睇,  不過打果時其實都好緊張ga... 直到Giggs入第二球....其實o個球已經贏左今年既冠軍la......佢今年勁俾人批評好多野, 而呢一球真係可以好好咁出一口氣, 而且佢今晚仲平左bobby charlton 替曼聯比賽既record, 打左758場... 曼聯有邊個有佢咁忠心....而又可以打到咁老呢...???

其實咁耐以黎... 最鍾意既曼聯球星...係邊個...?

1. Beckham
2. Scholes
3. Van Nistelrooy

其實都係舊人居多... ^.^ 可能念舊掛... 哈哈...

至於今年, 講講隊波先... 今年最討好既係Tevez, 因為場場都勁賣力..., 最鍾意既係roony, 不過今年好似冇咩料到, 其實自從佢重傷過之後, 已經唔再似以前果種蠻牛打法, 不過其實我最鍾意佢蠻牛打法, 因為個個都怕左佢....至於今年最勁既C.Ronadlo... well... 真係好好睇... 每次有佢o係度都好有信心...因為佢太勁la... 只係, 唔知點解對佢冇咩好感咁... 可能因為續約問題上, 佢好唔loyalty...而其他既紅魔個個都好忠心... 好似係Giggs, Roony, Ferdinand, Hargreaves...個個都表明係非曼聯不簽咁...而佢...唉... 不過佢用既係實力來証明左自己... 所以冇計la... 講起另一個曼聯球星Hargreaves...well...

我相信佢會係我往後幾年會捧既球星, 唔知點解.. 對佢好有好感, 又忠於曼聯, 又全面, 又幾勤力, 踢波時又charm, 又型, 仲要係英格蘭國腳....如果要買球衣... 佢同Roony係我既首選... ^^

新人方面... Anderson ok喎... Nani... 唉... 不知所謂...學C.Ronadlo, 又冇人咁勁... 又獨食, 成日比人小.... 唉... 仲要上場拎紅牌, 希望佢下年好d...., 而後防都ok啦... 係雲達沙真係老左d... 要換人睇睇lu... Anyway... 今日先拎左聯賽冠軍...2星期後... 就到歐洲聯賽既決賽... 只要贏埋果場... 佢地就係07/08年真正既歐洲霸主!!! 加油~~~仲有一場ja~~~ !!!

 

5月11日 子返屋企la...

累左都好幾日la... 見噚晚子又好返好多, 所以都一直留到9:30pm, 等到佢累到要sleep先走... 而今朝一早子就打俾我, 李醫生話佢一切正常, 今日可以俾佢走la... 所以佢叫我可以今日遲少少至去, 一次過接埋佢出院呢... ^^

我12pm一去到, 就見到佢面色好好咁叫定兩個出哂名既養和煲仔飯等我黎一齊食... 你地睇佢今日好左幾多... ^^ 佢噚日仲面青青ga, 所以大家可以放心la...

見佢咁好食慾, 我都放心d... ^^ 幫佢拾好哂所有哂之後, 就到會計部結數, 之後就送佢返屋企好好休息lu... 埋數果時睇單... 真係嘩左一聲, 住左短短4日, 埋單竟然要六萬幾呢... 真係好貴, 依家真係明白點解份medical insurance係咁唔慳得....

送左佢返屋企之後... 黃太都有上子屋企探佢呢.... 我地幾個嘻嘻哈哈咁又過左一陣, 點知子..... 佢咁快又肚餓la, 所以陪左佢去奧海城食烏冬呢...  哈哈...Edmund大哥同...michele又特然出現呢.... 真係好好好開心呢.... 佢地三個真係好有心ga.... 多謝哂你地... ^^ 我之後都係stay左一陣都返屋企lu..... 等子可以好好休息.... 而我又可以睇曼聯.... ^^

而係度又想再次多謝呢幾日黎過既朋友la... 首先就係我地既屋企人la... 個個都好錫子, 又整湯, 又生果, 真係咩都有呢... 而我地既朋友啦... 你地既心意我地都收到啦... 多謝哂你地咁細心呢...!!!

多謝哂edmund and michele隻鴨仔... (但點解佢唔係醫生鴨, 而係學生鴨...??? 佢剛剛畢業, 得唔得ga???), 不過真係好多謝呢... 有左佢, 子都sleep好d...., 而後面盤花係銀行送黎送黎既...

呢札花花係由黃生黃太送黎既.... 真係好靚呀.... ^^ 我地已經拎左返屋企插好左呢...

噚晚jackie, kennis, sorlo都有黎... 我地平時一齊食飯都多啦... 估唔到係醫院都可以開餐, 你地睇下張檯有幾多野....(其實子果時都唔係好食得野... 面又青青咁, 又吐... 見到佢咁辛苦其實都想送返佢落去, 不過我知佢都想熱鬧d, 所以都俾佢一齊食la...), 我永遠都相信, 開心快樂係醫病最有用既特效藥)

Jackie買黎既生果, 我地都即時用黎做飯後果...., 大家食得幾開心... ^^

嘩~~~ 寫寫下都成4an啦... 其實寫咁多野... 都係想留返d memory... 入院雖然好辛苦, 但係有一班咁好既朋友支持.... 其實都好感恩.... 因為有一班好好, 又好有心既朋友仔...

總之, 希望大家都身體健康....

5月9日 擔心煩心

今日既心情真係好複雜... 原因係有太多既事情發生左...

煩擾左子同我都有差不多都有成個月時間, 其實之前每一日表面上都好似很輕鬆, 日日都嘻嘻哈哈咁, 同朋友都仲有講有笑, 但其實每月既心情都過得很沉重, 每日同子都睡得唔好, 而今日順利能夠處理左呢次事件...總算鬆左一口氣呢! 多謝哂你~~~李醫生, 很感謝可以遇到這個很好的醫生....而我再想o係呢度再一次多謝每一位支持及關心過我地既朋友, especially係Edmund, Jackie, Amy and 大口兄... 衷心感謝你地既幫忙同"心理"輔導! 等子出院之後, 再好好休息多一段時間, 我地又會嘻嘻哈哈咁請你地食返餐答謝你地...

本來想將件事保持低調, 不過有些心情真係想紀錄一下, 留返一些回憶, 又想做一個警惕... 珍惜現在身邊所有既一切... 有些人和事... 都唔係理所當然的...

由噚晚子入院, 到今日手術出黎之前... 表面上的我都好似信心十足, 不是太過擔心似的,  只係直到今日下午... 本來預定時間係12:30pm可以出黎, 點知等到2:10pm至可以出返黎... 等果刻既心情... 我只可以用...鐵板上的蝦碌來形容.... 即係咩...? 生煎活蝦咁.... lor...  好彩到最後一切都順利.... 我地所有人都鬆了一口氣... 希望佢可以盡快復原啦... 子! 妳要加油呀...!!!

下午果時本來想快快手手出去買d野俾佢, 之後同auntie食lunch..., 去到灣仔先買野, 點知泊低左部車跑去買野不久就出事la... 話說auntie幫我睇住部車, 點知一部銀色既Benz 硬要泊部車o係我前面, 點知就撞左埋黎lor.... 我當時未返而auntie就係車度... 個driver自己都feel到呢....所以下車之後留左咭片之後就走左.... 打左去又傾唔掂數... 最終都係備案再算... 果一刻真係好難受呢... 心已經急死, 你仲攪件咁野比我.... 係咪要我爆炸呢... 係咪要咁玩我呀....???

所以都冇心情再食野lu.... 即時返左醫院... 返到醫院睇住子, 之後又同d朋友傾.... 最終都係... 多一事, 不如少一事, especially這個多事之"夏".... 少少地收左賠償就算.... 最終call左果個人.... 佢話自己this weekend唔o係香港, 星期一過數俾我.... 等我聽住先la... 如果星期一收唔到, 而果時我又冇咩後顧之憂... 我就可能會改變主意.... 原因係... 我依家真係好煩, 所以願意收錢, 但其實我個心真係好唔順果個driver撞完人仲可以咁惡, 講真... 整呢少少野... 我自己頂都仲可以, 但一個公道對於我黎講, 我覺得更重要! 如果星期一連這個咁小既承諾都做唔到, 我寧願豁出去同佢玩到上court..., 最多就花多一年時間, 我都要一個公道!!!!!!!!!!不過見到三奶俾人咁撞法.... 其實都好唔開心呢...

不過呢分鐘都唔重要la.... 最重要既係...子要快d康復.... 就當是破財消災吧!!!

子~~~妳要加油加油!!!

5月7日 報稅單

唉... 最近比人洗劫既行動真係冇停過....繼LCD and PC (到依家仲未買)夠期換之後, 人壽單, 醫療保險單, 連同日前寄黎既車保單..... 竟然o係一次過寄哂黎..... 真係大鑊... 心想都ok la....因為都plan左, 所以都仲頂得住既...>.< 但係都已經非常肉痛lu,  點知... 一份最最最最最最最.... 大鑊既收數單, 竟然o係今日寄左黎~~~ 稅單!!! , 交左份form and info俾子幫我計.... 扣減哂所有allowance之後..... 今次要交既數目真係超出哂預算, 同上年相比, 今年仲要交多好幾倍呀........唉.....唉..... 唉.....今次真係唔知點算....... 唉.... 真係好想 , 我早應該上年就報個course拎多個allowance.... 好過依家要白交.....

 

5月4日 在晴朗的週日中出發

今朝11:30am起身, 之後一出房門... 真係woo左一聲... 終於有陽光n藍天.... 雖然係熱左少少... 不過都真係好開心... , 其實我每日既心情都好俾天氣既影響... 呢樣左除左子之外, 我銀行既一d同事就一定知... 好似frances, cass and janice... 佢地一知天氣好我果日就特別搏... ^^

上午都係留左o係屋企攪下野睇下電視, 之後再去香港站接子一齊出去.... 本來打算約埋d朋友仔去淺水灣酒店間露台餐廳食個tea and飲杯果汁....  一面哂下太陽, 一面飲下野, 既可吹風, 又可吹水....真係十級享受呀...!!! hahah 其實想真係靜靜地咁傾下計就真既...可惜又唔岩時間... 所以就同左子兩個人去左Stanley行下...而o係電話度又經jackie強力介紹下, 本想去果度食咩... 旦多士.... 點知... 今日都唔知咩事, 勁多人... 攪到連車都泊唔到... 所以都係停埋一面.. 吹下風, 飲下野, 之後就走lu.... 不過今日沙灘真係好多人呢... 係時候要攪下野呢... hehehe... 船河? 遊水? 睇下... 今日個天幾藍...??? 好開心呀... ^^

留左一陣之後都返出市區la.... 行開果頭返屋企又會經過邊個屋企... hehehee... 係sorlo lor... 冇野做... 又見有d時間... 好, 又去攪下佢一齊洗車先... 佢洗車... 我洗鈴ja... 哈哈... 咁又一個下午....你地睇下佢幾咁用力.... 洗...洗...洗... heheheeh...

之後返左屋企睇下movie咁... dinner就再出去食....  好relax既一個週日呢... 開心...!!!

5月3日 CatCat B Day!

噚晚同左edwin, mimi, amy and子去左jackie and kennis arranged既雀局.... 又玩到成1am, 不過我其實都係去陪坐, 因為我自己都冇份玩既.... 中間11pm就出返去搵我新加坡黎既朋友...., 12:30am左右又返去沙田接返子.....呢... ^^ 所以今朝都好累下...

點知今朝一早起身想上網.... 唉.... 用用下死機.... 本來想今日下午去買埋個philips既lcd mon, 點知依家又要成套買... 真係又要破財.... 為左要backup返d野... 我係咁又拆又整, 又整又拆... 哈哈... 最終又有奇蹟喎.... 著返又用到....^^ 拔左兩條ram出黎... 又ok喎.... 哈哈...依家得返512ram... 不過都係要買機la... 用左依家呢部都有4年... 見仲用得而噚晚又真真正正搵到部自己勁like既samsung 2232mw LCD就出....好!!! 就等你... 有d朋友都知我呢兩個week會好忙.... 好就等我攪掂哂d野之後就一次過PC, Speaker, Keyboard, LCD, Mouse一次過.... 換哂佢.... 再拉天線加機盒... 我要整到我間房有哂HD....咁就可以all in one la...以後打機睇電視都可以stay o係自己房呢... ^^ 阿機阿機哥... .頂多兩個星期la....

而今晚係阿cat既birthday.... 所以我地都出左去尖沙咀同佢慶祝一番.... 佢今晚真係掂! 掂! 掂! 好靚女呀...!!! o係度再祝佢生日快樂... 希望佢所有既願望都可以成真.... 今日食日本自助餐.... 真係下次可以再encore...!!!

食食下仲有andrew跌左粒"的"是件... 真係好驚嚇呢... hehehehehe.... 喂~~~ andrew!!! 多d返黎香港呀... 你睇你今日笑到扯哂蝦... 幾開心.... ^^ 之後係cake.... 仲有隻好似墨魚既candle.... 勁攪笑呢.... 

11pm子, edmund and michele就先走lu, 而我地就去左下場唱karaoke... 一直玩到3:30am.... 好耐都冇咁專注唱k la....  唔得咁喎.... 下次一定要先泊好車.... 之後都要"劈"下喎.....

返到屋企仲想睇下波... 點知自選台仲未有得播返今晚曼聯vs west ham...所以都係sleep lu....

5月1日 勞動假...

噚晚睇liverpool vs車仔... 不過未到3:30am就fall asleep la..., 所以都係sleep左, 而本來今日約左去踢波, 不過真係頂唔順, 太sleepy啦...sorry呢...nelson兄!!! 所以最終都係改左去搵黃太, 阿cat呀...打算做d outdoor野.... 不如去放風箏la... !!! 好興奮咁約埋sorlo o係香港站等, 之後一齊由西隧去kenny屋企集合.... hehehehe... 去到樓下一陣阿cat and andrew都到la... 影左陣相就出發lu...

打算去小覽, 點知又full爆... 又多人又泊唔到車, 之後冇target咁去左~~~遊車河!!! 黃金海岸呀... 肥豬島呀.... hehehehe...  最後都去左elements shopping... 黃生去左買衫, adrain就o係sofa做exercise... 又勁跑.... , 我同andrew就去左睇LCD...hehehe... 今日仲撞到隻蝦... 其實都掛住佢ga.... 不過有時太busy玩又唔記得左搵佢呢...  喂!!! 錫住自己呀... 蝦仔...!!!

7pm左右, 我地又決定去沙田食dinner.... 幾部車車又一齊行8號幹線... 好free呀...!!! 不過最終都改左去大尾督食泰國野....hheheheehe... 不過都唔知點解今日四圍都咁多人, 不過都好開心呢...因為我真係好鍾意成班人咁heheehahah, 食飽飽之後就返屋企lu....^^

4月30日 Photo Night!??

今晚差唔多收工果陣收到kenny兄既邀請, 話不如今晚約埋sorlo出黎去機場T2食飯and影下相.... 哈哈!!! 係喎, 聽日又放假.... 好... 即時say yes啦... !!!  

我同子8pm左右先入到kenny屋企集合, 之後又遊左轉去東涌入油.... 先再去T2泊車呢.... 由於sorlo工務繁多, 所以都差唔多9pm先入到黎join埋食飯呢... ^^ 我地今晚去左清亭食越南野... hehehehahaha 吹下水咁... 真係有d似之前同黃生黃太去korea and之前去samui咁... 如果可以食飽之後上機就好lu.... 真係好懷念果時既日子...

10:30pm左右我地又出發去影相la, 不過我地竟然冇人識去上次night ride果度.... 反而今晚子就叻la.... 佢負責引路.... 竟然又中喎.... 叻女... 哈哈... 好少有呢...!!!

今晚睇下sorlo and 黃生o係度玩燈.... 佢地就夠哂pro ar... 我都係用返自己部傻瓜機影影影影影影影影影la.... 影得一般ja... 唔好笑呀....!!!

ps. 有冇見過泥鴨mini呀...??? 超dirty呢... !!!