今日係李家既一大日子, 因為今日係Grandma既生日呢... o係呢度再祝佢生日快樂, 身體健康, 長命百歲.... 開開心心啦.... 
所以我地今晚都總動員出去食晚飯呢.... 檯上個大壽包仲係老板送俾佢既birthday gift呢...!!! 真係好大個呢... 包內仲有好多個呢... 除左呢個大包外... 我地仲叫多兩打分俾朋友&其他屋企人.... 當然仲有大蛋糕啦......再過多幾日佢就同阿B and 姑姐們到台灣旅行, 希望佢地個個都玩得盡慶啦!!!
今個星期六做咩....??? 太熱啦.... 飲完茶行左陣街都頂唔順返屋企lu..... 再行實中暑呢... 所以返到屋企開行大冷氣....... 玩左樣好少同子玩既野.... 捉棋呢..... 2:2和氣收場... 呢個棋盤真係好靚呢.... 只有一部NDS咁大.... 最重要既係唔洗錢呢... hahahaha... BlackRock上次investment seminar送既gift呢.... 真係好o岩用好好玩呢...哈哈哈...
今朝真係好早好早起身呢.... 仲早過返工呢.... 原因係參加左MiniHK舉辦JCW優先試呢... 哈哈哈.... 不過真係好鬼早呢.... 7:15am就已經要o係大球場集合... 好彩住得近, 仲可以sleep多幾分鐘, 如果唔係就慘lu....
人齊之後就開車到Cyberport預備試車lu.... ^^ 今次Mini HongKong仲安排左我地成班人先到Le MERIDIEN Hotel食早餐呢... 果度好靚ga....
晨咁早去.... 試車上係一流ga... 不過可以試車只有15個quota呢...試下試下都成12pm, 開始車多, 不過好彩我都有份... ^^
先講JCW係咩... JCW-John Cooper Works即係offically改裝MINI既系列呢... ^^ 佢最新既R56可以由原廠既175ps改到去211ps呢... 一部咁細既車仔有呢個馬力... 真係好勁ga.... 由於Mini HongKong仲未正式將部車出街... 所以我地暫時都唔可以post果日部車車既相出黎呢... 唯有上網搵la... ^^ 果日試既同呢部係一樣ga... ^^
試後感..... 真係好勁好快呢.... ^^ 不過JCW今次改車分左幾個stage, 我地今次都係試左佢power同brake果part... 而suspension就未改呢... 只有option既sport version... 所以好似軟左少少呢.... ^^ 馬力同收車.... 就一流... 至於外表... hahaha... 我都係鍾意Edmund部車車多d呢...
最近真係花左好多錢呢.... 真係慳埋慳埋.... 幾野就洗哂呢... 
不過好多都係冇辦法先洗既... 例如個LCD la... 都壞左幾次最近先換... hahah... 今次攪咩.....??? 就係Alta條control arm呢... 哈哈.... 紅色又真係幾搶鏡呢... 哈哈哈......
今次換既原因都係原廠果條彎左呢..... 下面都睇到lu.... 真係不換不行呢....
今日真係好開心呢... 再一次見證Nelson哥係一年內既第二部新車落地...lu.....而今次引誘佢既魔鬼.... 哈哈哈... 就係我呢
佢今年咁努力做野, 真係抵佢有咁好既回報既...我都替佢好快心呢...睇黎我都要努力d工作lu....
放工之後就同左佢and karen一齊去左灣仔取車呢.... 8卦既我of coz要報導一下la...
車頭, 頭燈同霧燈係我最欣賞M6既地方... 呢隻08年獨有既sliver... 第一眼睇果陣有少少帶紫呢... 不過睇真d又唔係喎... 好sharp呢...
LED尾燈... 一個字.... 型!!! 不過打開個尾果陣真係要好小心!!! 因為好易打上停車場天花... 小心小心!!!
內籠錶板仲型.... 日本車除左IS250之外, 我覺得最靚仔係佢....!!!
哈哈... 真係好開心可以參與今日取車既節目呢.... 真係好興奮ga... 哈哈哈... 唔知我幾時都可以買新車呢...? 我都好想快d買部新車呢, 不過睇呢都冇咁快有我份lu.... 嗚嗚..... Nelson!!! Have fun with you new baby la... ^^
六週年紀念日啦... 真係話咁快又一年呢... ^^
我同子今年都係靜靜地咁慶祝, 點慶祝就留返少少秘密la.... 而晚飯我地就安安靜靜咁橕檯腳.... sweet sweet咁過左一晚...
今晚去左半島Chesa ^.^ 果度既蟹肉pan cake好好味ga....!!!
子.... Love Love you 呢.... 快d想好下年我地點慶祝啦...!
今日係同子週年紀念假期既第三日呢... 呢幾日我都會陪到佢實呢...哈哈哈...
而今日個topic係咪好熟呢...? 寫得呢一篇野真係要多謝阿Funny Mo既介紹... hehehe 係Fanny至岩 ^^ 因為睇左佢個blog既介紹, 話o係灣仔有一間好好食既牛肉麵呢... 所以都想去試一下...不過要成$150去食一碗麵.... 都真係唔係好捨得呢... 就算要食都要出師有名呢.... 而今日總算有機會去試一試呢...原因係... 一陣先講la...
先講個麵... well... 講真個牛肉麵都唔錯, 不過要咁貴就唔係好值, 麵同肉都唔錯, 不過個湯就... 清左d lor... 同我expect既有d唔同.... 反而子食果個雞麵仲正.... 而果個都係$80 ^^ 呢...我地仲叫左白肉... 呢個好ok呢... 仲有素鵝... 而kennis就叫左擔擔麵呢...今晚Fanny都有黎一齊熱鬧下ga.... 佢係導遊呀ma....
點可以唔黎呢...
至於點解今日出師有名...? 哈哈... 其實今日下午送左mini仔返廠做下身體檢查...見子又放假, jackie and kennis又放假...咁約約埋一齊出去行下食下野又好喎.....
檢查完之後就同左Jackie地一齊去左Elements睇戲呢... 一心想睇Hancock, 點知剛去到已經開左10mins la... 不過我地都冇理la... 照睇la... ^^ 又ok喎.... 我仲以為係d打打殺殺既... 點知又唔係喎... ok la... 睇完都6pm lu... 就係咁我地就去左灣仔食麵lor.... ^^
開開心心又一日.... 唔洗返工就好lu...
今朝一早起身send左個SMS俾佢... 祝佢"相識"7週年快快樂... 哈哈... 點知...俾佢笑返我轉頭.... 原來係步入第7年至真.... 哈哈... 計錯左數呢...^^ 唔緊要la... 總之成日覺得識左佢好耐咁...
六年前既今日... 第一次識佢... ^^ 而六年後既今日我地就咩呢...?
咁多戰利品... 哈哈... 因為下午去左婚紗展呢... 第一次去呢d地方, 其實都幾難為情ga... 不過為左做定更多資料搜集,都要去去去la.... 嘩!!! 今日真係大開眼界... 果度既sales真係仲勁過睇樓果d呢... ^^ 個個都超級aggressive去介紹自己公司既style呀...services咁.... 真係行一條街冇一個鐘都出唔到去呢... 而d相都睇到頭暈... 哈哈..估唔到咁都撞到nelson and karen兩公婆呢...仲有winnie呢... ^^ 今日總算知道自己想要咩呢... 好多人都會問影結婚相會唔會去外國影... 見到場內有好多外國影相既package, 而本來都對paris呢個地方有d 情意結, 不過今日睇左d相之後, 感覺好一般呢.... 唔知係咪歐洲陰天多... 感覺&背景好似唔係好好咁... (扮識野... 哈哈...)個sales話呢個feel叫romantic呢...well見人見智la.. 而當中有一間好同子都覺得好正呢... 係邊間... 哈哈...第時咪知lor... ^^ 不過都未有咁快既... 等我再努力做野... 搵多d錢先la...
識我既朋友都知... 人生當中我有三個好重視既moments...我好希望可以做到最好...
第一既大學畢業.... ok啦... 雖然唔係咩牛津哈佛... 不過Melbourne Uni都算係澳洲既No.1/No.2 la... 以我一個咁冇天份讀書既人... 我可以畢到業已經好滿足la.... 而第二樣...well... 人選都搵到, 好多人叫我打鐵就快d啦... 不過我真係好希望可以做到一個好好既結婚典禮呢... 呢個婚禮唔一定係要好豪華, 不過我要有既野就一定要齊...女人一世最靚最快樂既就係結婚果日(當然之後都會更快樂啦), 所以唔可以求求其其呢....一世人一次喎... 我都想子可以好好咁嫁呢.... 第三.事業... 仲努力中... 有時都為左呢樣野幾煩惱ga... 不過慢慢黎la...
今日行完之後仲去左買LCD, 之後就去左timessquare family gathering... 好耐都冇同健仔, 偉仔地一齊食飯lu... 所以好開心呢....
今晚真係黑仔呢... 個冷氣制壞左呢... 開唔到冷氣呀... 好慘呢.... >.< 為左玩個新LCD..都係留返係自己房... 開部風機吹下算啦... 聽朝搵人黎整...
ps. 今日仲收到子既禮物呢..... 哈....哈......哈.... 福娃呢... !!!
我部新既LCD終於入手la...
攪左咁耐... 最終都係換左部Philips LCD 220XW8FB... 其實一早前已經搵人訂左部 Samsung 2232WM, 因為之前唔知香港出唔出, 所以都等左成兩個月, 而最近得知香港只有中原有得賣, 即時去左問... 點知唉... 冇貨.... 又要等..8月中...??? 放棄啦... 好鬼死憎等野.... 樣樣都要等... 今日行完婚莎展後去行電腦中心.... 唔理la... 見到邊部ok就邊部la... 所以最終都係搵左部Philips LCD 220XW8FB ^^ 22吋LCD, 1680x1050, 有齊Dvi, HDMI, VGA, 又support到HD... Yeah!!! 打機, 睇戲, 上網咩都夠用la... ^^ 正!!! 見間鋪包零死零光... 現金又有discount... 好... 殺你!!! 返到屋企拎出黎睇... 真係大好多呢... ^^
個盒都好重下呢... 好期待呀...!!!
著得機未先...?
開啦...開啦...!!!
睇下波先...
又上下網先...!!! 連張檯都執過哂呢...^^ 對到應咁上網都真係幾大ga...
陪左我4年幾既Sony HS-73s... 再見了... 如果你唔係成日病發, 我都唔想咁快同你say good bye ga.... 希望你可以好好退休la...
其實佢聽日先生日, 不過今日先同佢慶祝, 所以都想o係呢度要祝阿B生日快樂.... 又大一歲啦.... 真係希望佢聽聽話話, 身體健康, 仲要比d心機讀書la... 
佢係我姪子, 睇住佢由BB仔到依家10歲la... 估唔到轉眼間佢都咁大個lu.... 子同我都一直咁睇住佢大呢.... 依家既佢真係人又老積, 又有過度活躍症.....有時都幾難捉得住佢.... 不過有樣好彩既... 就係佢都算聽我話 ^^ 你睇佢... 又整估做怪....
今晚一家人陪佢食飯, 之後返左grandma屋企食蛋糕呢.... ^^ 都幾開心.... 放工果陣先趕左去買birthday present..... 想左好耐好耐...都唔知送咩好... 上年送左G-Shock, 因為比較實用.... 今年咩好呢...? 月底佢會同姑姐and grandma一家去台灣旅行, 就搵個單邊袋啦... 不過可適搵唔岩.... 之後... 不如買波衫啦... 佢又鍾意睇打波... 去旅行熱既話波衫又舒服... 好!!! 就波衫啦.... 點知一睇.... 嘩....!!! 原來童裝都唔平喎.... 
我自己果件都唔捨得買呢... , 不過最大既問題係..... 佢鍾意邊隊呢....???想前想後.... 佢又好似鍾意皇馬, 又好似阿仙奴, 又好似曼聯..... 唉... 邊隊呀....??? 最終都係豁左出去呢.... choose我最鐘意果隊就算la.... 順手踢佢做fans都好喎... 咁遲d又可以一齊睇呢... ^^ 點知食飯問佢.... 原來佢鍾意車仔....oh my GOD.... 咁點好呢...? 不過都冇理啦.... 照送la..... 點知送左俾佢... 哈哈... 佢又好鍾意喎... 仲話其實鍾意曼聯呢.... 哈哈... 小朋友真係善變.... 見到佢發左光對眼咁望住佢自己第一件真既波衫.... 感覺都好開心既.... 希望佢會好好愛惜佢la... 因為我都好鍾意ga... ^^
Happy Birthday la... 阿B!!!
姑姐就送左套福娃俾佢呢.... ^^ 估唔到佢鍾意呢5隻野喎...
雙魚座 - 愛幻想, 感性, 情緒化, 重感情....發神經
而我? 就係呢種人.... 對自己重視過的, 其實都放了很多感情.... 當中親情, 愛情, 友情都是我最重視的.... 只可惜呢方便我既表達能力係最差既.... 唉...
最近真係Period come... Well.... 又係d情緒病, 思緒混亂症... 自從903出左果個tool bar之後, 前幾晚weekend晚晚都聽收音機..... 凌晨既2 - 3am聽到既好舊好舊既歌.... 真係比佢"撩"到我d mood又出哂黎.... 即時download返哂好多好舊既歌一面聽, 一面寫blog呢.....
剛剛聽緊一首最可以respresent到我剛到melbourne時既一自首歌, 就係許志安既<怪你怪到心痛>....聽緊果首歌果陣, 我都係到左melbourne一陣, 而果時仲用緊MD呢... 仲記得當時既我.... 哈哈... 個心都唔係melbourne, 而係o係香港呢.... 果個年紀...個心大部分時間都係掛住當時既女友呢... well, 不過一切都係過去呢....而果時聽住呢首歌, 每日8am就由fairfield既homestay趕出去街口既火車站..... 話就話街口ja.... 不過都要行成10分鐘... 仲要係超高速果隻... 所以有幾"近", 大家都知la... 不過最甘既, 就係冬天得果一, 兩度.... 又下雨..... 係果面又唔興拎雨傘呢... 所以一面"林", 又一面急步俾d冷風吹...都幾......係野ga.... 到左車站... 又要坐十個站至到Melbourne Central (City), 再轉tram又要15mins至可以到college.... well...每次企o係站前, 我都會聽呢首歌呢... 果時成日想.... 8:30am.... 香港既家人, 女友, 朋友... 佢地個面都係5:30am... 唔知佢地點呢... 日日如是....人生路不熟, 當年只有18歲既我, 又第一次出國 個mood都好似幾淒涼ga...不過呢種mood都只係維持左一段時間呢....... 因為兩年之後搬左出city... 生活就唔同哂呢.... 不過今日想起同一班housemates住, 真係好開心ga... home master有兩間屋... 收左好多唔同既學生....黎住... 住得最耐既都係佢地... Yuko(Japan), Cathy(HK), Terry(HK), Eka, Ganda & Wiwed (Indonesia)...... 當中yuko之後都同我搬左出city... Terry and Cathy同我就如兄妹, Eka & Ganda係親兄弟, 而wiwed最有錢... 屋企好多野都係佢整... 好似foxtel, cable tv等呢.... 仲記得以前有段時間最唔開心.... 半夜就會由後花園走去cathy房外拍窗叫佢.... 有幾次仲嚇死左佢呢.... 而terry就成日同我打機... 食宵夜.... eka and ganda...我地好多野都會share玩呢.... o個段時間, 又真係好開心...好有回憶.......
過左去一段時間.... 睇返自己以前都好攪笑呢..., 睇下我個長毛look...... ^^ 驚唔驚...??? 當年仲好瘦呢.... 面勁尖呢.... (依家擂緊安仔既<心靈相通>), 好想唱K呢...
其實我有好多野仲想打呢... 不過明日仲要返工... 唉.... I think I really gotta take a break 呢... 最近有很多迷茫... almost十年前既我...同今時今日既我...有點lost呢... 很想回到過去呢..... 好多野都share.... 點好呢...依家mood起.... 真係好想彈返琴呢... 不過依定個琴搬左出飯廳, 半夜三更... 都係要忍手呢......
不過最近想得最多既都係工作, 唔知如果俾我從頭再行一次.... 我又會唔會有另外一個story呢? 其實我本身大學時唔係一開始就讀B.Com ga....我考入大學果時....係入左The University of Melbourne 既 Architecture.... 為左改科, 果時都同老豆debate左一輪ga... 工作上... 下次再share吧... night!
最近花最多精神既, 相信都係自己既工作... 所以都冇咩心情去玩其他野...始終依家做既每一個plan, 每一樣決定 (買樓, 結婚, 旅行, 讀書等等...),每一樣都係講$$$...所以金錢係一個好重要既因素, 而工作係我呢刻最concern既... 而經過沉靜既第second quarter... 希望黎緊呢3個月可以有一番新氣象啦.... 不過根據"楊師父"既細批, 我起碼要頂到8月至可以再進一步, 所以現在... 唯有做好自己, 做得幾多得幾多la...前幾日先俾阿姐問我今quarter既strategy係咩, 今quarter會點跑 ... well... 都係果幾句la... 應酬下算... 自己心中有數就算la.... 黎緊都幾難做...
... 咩鬼都要頂ga...
點知今日一返工, 阿姐又四萬咁既口問我咩事... 我都"O"左嘴, 佢即時show左大老板既email俾我睇, 原來大老板send左封email俾所有team heads, 我and另一個同事, 恭喜我地7月一開始就成為左香港既Top Sales既no.2 and no.3.... 而我o係總行仲係no.1 (全港第二) 自己睇左都好開心呢... 下面張相既橙色第二行就係我呢... 依家o係銀行既intranet wed site都可以睇到呢... ^^
雖然可能好快就會俾人過頭, 不過我都已經好滿足呢...全香港既第二, 就算只係做過一個鐘, 我都好開心呢....... at least榜上有名呢!!!
最近心情都係一般... 所以都想好好咁靜一下...
由於聽日day off, 所以放工之後都約左幾個知己朋友去左飲杯野呢...!!!
頭場8pm就同cherry去左好耐冇去既Excelsior 39/F既Tott's - Talk of the town...飲野傾下計... 以前讀大學放假返香港時都好鍾意上去同d朋友仔飲野.... 因為果度無論係日景/夜景都真係好靚... 真係好好呢~~~天氣好清, 仲可以望住對維港既夜景傾計... 心情都平靜了些! 不過最衰冇拎相機影相啦....
10pm就約左yahi侍衛轉場再飲.... 而地方係Henry House既shelter... 呢度係我呢兩年去得最多既地方... 歌o岩聽...又坐得舒服... 好enjoy又好relax...
飲到11:45pm左右... 就帶少少醉意返屋企... 飲到呢種感覺就最舒服...心情好了些, 不過就還未釋懷....I look forward to my long vacation....當然仲要多謝我既朋友仔la... ^^
