10月20日 大佬舊曆生日

今日放工累極, 所以準時放工係就返左屋企 z...Z..zz..z.z...因為今晚攪family gathering... 因為屋企預先同大佬攪個birthday party呢...

仲有一班表弟呢...

o係度再祝你生日快樂, 身體健康 and開開心心啦...!!!

10月19日 Nelson Hui's Wedding & Jackie's Dinner

今個星期身體慢慢康復中, 其實都幾需要休息呢... 繼噚日早返工後, 今朝又要早起lu... 因為今日係Nelson 'Hui'既wedding大日子呢... !!! o係度要再一次恭喜佢地呢.... 

呢位Nelson Hui兄唔係平時我提既Nelson, 唯一相同既係我地都係同一Team呢, 而阿許生仲要係座我前面呢!!! 照片左起既係anthonykeisnelsonkarenpuikigiginelsonhuiirisjesscandyken, 而繼噚日既所謂公司team building之後, 今日我地team又齊人la... 不過好似有人冇出席呢...?(不過我估一對新人都唔會介意既 ) 12pm左右我地又成班人飲茶lu... 食飽飽之後就去接子join埋jackie一家去左沙田食野呢... (因為佢地仲未開飯), before that仲幫小B沖涼呢... 哈哈... 影左好多出浴照呢... , 不過更係唔post得出黎同大家分享啦...  

1830就去左長廊集合, 今晚arrange左jackie飯局... 出席既人就有jackiekenniskeisnataliemimiedwinfannymostephen吉... 都幾熱鬧呢, 今晚我地去哂布袋澳食seafood, 而最想試既就係以下既螢光墨魚刺身...yeah!!! 好得意, 不過我都係覺得mama地, 因為唔係太爽口... 反而瀨尿蝦仲正呢... ^^

食飽飽之後再入左西貢食糖水呢.... 大約2230就走lu... 聽日又要返工捱....慘慘慘...

10月15日 FIFA 狂熱

等左幾個月... PS3版既 FIFA 09終於有得賣啦...

放工之後成Team仔一齊衝左去灣仔188買Game, 出名係魔鬼既Henry and 我.... 哈哈, 就更要踢埋super fans Nelson Lam and Nelson "Hui"一齊去買, 而阿許生仲要即時買埋部機, 先可以join埋我地一齊出網玩呢..哈哈哈....

FIFA呢隻Game...真係我玩咁耐足球game既極品, 2008版都係子送俾我先開始玩, 而玩過之後直頭將我由玩左10多年既Winning super fans都要轉去FIFA懷抱!!! 而呢隻FIFA08仲要吸引到愛夜蒲既我都返多左屋企上網玩佢....!!! 所以等左幾個月都有超高既期望呢.... 有Henry既介紹... HKD310就可以拎左隻返屋企lu.....

玩左幾鋪之後...雖然仲未玩真ga... 不過都想寫返少少comments先... 機本上我覺得像真度會係上集似d, 好玩d.... 因為難玩...又難控制, 再加埋遠近景既HD都做得好唔錯, 所以百玩不厭 , 晚晚打都唔會悶...而今集既娛樂性就會好d...速度, 畫面, 動作全部都更加細緻.... 不過就失真左d, 遠景d人好似假假地咁....而佢令我最意外既地方係會每個星期都會update game既data, 所有data都會因真實世界既球員performance而去改變... 所以都幾真實呢.... 不過暫時未玩熟, 所以都未可以作準... 個人prefer舊作 ^.^

10月14日 故宮一日遊

今日day off... 正好俾我呢個病人好好休息一下... 今朝起身喉嚨都仲痛痛地, 不過唔知係咪食得太多消炎藥and抗生素等等... 個人都幾燥下, 仲要生左幾粒"痱之"呢... 今次真係痛多幾錢重.... 好彩屋企有d西瓜霜守門口ja... 所以今日都係好好地o係屋企sleep下, 休息下la... 我都想快d好返....下午自己整完野食之後, 見又有d時間... 就想返起早幾日報紙and新聞都有段講依家可以虛擬遊故宮既news呢.... 早幾日整過不過唔成功... 所以今日就認真整整佢la... ^^ 今次終於ok喎... 知道有呢個網上既故宮博物院, 我都好興奮呢.... 唔知係咪全個城都可以行哂呢...???

睇下我係紫禁城既第一張相, 而呢張相係紫禁城既正門即係午門... 當你一登入之後, 你就會出現o係度, 之後你可以四圍行, 去參觀下....  通過午門, 再經過金水河, 你就可以見到最莊嚴既太和殿...

經過左太和, 中和及保和殿之後... , 你就會到達 - 乾清門... 通過下面呢隻門之後, 入面就叫內庭(即皇帝及皇族起居既地方), 一般人都唔可以入去....

就係咁就玩左一個下午呢... ^^ 基本上呢個虛擬紫禁城都做得很唔錯, 呢個由故宮博物院及IBM聯合開法既第一個景點虛擬遊... 真係一大突破... ^^ 不過可能個系統仲係新開既階段, 所以仲有d地方需要再進一步. 總括黎講, 個紫禁城都可以暫時滿足到我再遊故宮既慾望, 一般可以遊既地方佢都有齊哂, 只不過既係有好多既地方都冇開發出黎給人參觀, 所以都有點失望呢.... 而如果佢可以再加齊返少少既傢私... 相信會更perfect呢... 好似皇帝後期住既養心殿... 佢入面真係咩都冇呢... 好失望... >.<

不過有得可以咁玩玩都好滿足呢, 仲要係免費ga... 正...正..正!!! 如果大家有興趣既都可以去以下網址登記及服裝個software就可以了... 我地仲可以一齊遊紫禁城呢!!!搵日有興趣玩既可以call埋我一齊去呢... enjoy!!!

 http://www.beyondspaceandtime.org

10月13日 病...病...病...

好耐都冇試過病咁耐la...我喉嚨痛到就黎死la... 好辛苦...依家連講野都好吃力, 有咩搵我就用sms/msn啦... 自從上個禮拜五第一次去左睇醫生之後... 4日以來, 進進出出咁都睇左3次醫生lu...

自放完大假之後, 一直都想以最好既狀態返工, 去抵禦一下金融海嘯既沖擊... 點知... 呢幾日完完全全冇態... 仲要係咁病.... 一直只有轉壞... 沒少少好轉.... 睇下上面呢埋藥... 都係由三個不同既醫生開既.... >.< 如果唔係公司有哂所有coverage, 睇醫生都睇到窮lu.... 日前仲同子講, 今年係我咁多年以黎去得"養和"最多既一年....當然有幾次去既都係為左d開心事la...不過多數...都係睇病... 今年子同我都係多病痛.... 真係要多做運動至得and小心身體至得lu......本來仲想陪子o係佢放完假之前好好玩下, 點知反過來仲要佢照顧我... 真係好唔好意思呢...>.<

今朝本應要返工, 不過呢兩日喉嚨痛到完全講唔到野, 咁既情況又點見客呢, 本有3個meetings, 其中一個仲要係oversea黎香港既客!!! 不過都頂唔住la... 所以返左一陣都係要返屋企休息... 我真係唔明... 食左無數咁多既止痛, 消炎, 加抗生素.... 又食左成3日幾... 點解一點兒既好轉都冇...噚日問醫生有冇消炎針打...? 因為今日趕住返工, 點知佢話冇, 平時打係因為有發燒, 不過今次冇燒, 所以唔用打... 唉....呢兩晚仲痛到醒左... 完全痛到sleep唔到呢... 點好呀...? 人地4小時食一粒喉糖, 我依家就40mins一粒... (大口醫生..... 有冇方法可以好快d呢...???)

離開左之後返左去跑馬地, 本來想去買粥食, 點知....間舖執左喎... 所以都唔理la... 返左上大坑道間超市.... 求求其其買左d野就返屋企自己整黎食, 又唔想食即食麵or其他味精野....所以今日lunch就整我o係melbourne食得最多既PASTA...

賣相.... ok啦... 唔記得買腸+火腿呢... >.< 頂住先la....

10月10日 表姐結婚了

今日係表姐(Ellen)跟表姐夫(Roman) o係香港結婚既大日子... o係度再一次祝佢地新婚快樂, 開開心心及快d生返個BB仔la... ^^

Roman係瑞士人, 識左佢都有好幾年lu, 今日見到佢地咁開心, 真係替佢地高興呢! 其實佢地兩公婆o係上年8月已經o係瑞士琉森城外的一座小古堡度行左禮....好浪漫呢....可惜冇機會去玩玩呢  如果香港就多數去教堂or大會堂ja.... ^^ 所以今日全家總動員一齊祝賀佢地呢....  今晚最經典既一張相仲未到我手.... 就係阿媽果面既大合照.... 又舅父, 又幾個姨媽... 仲有表哥表姊們..... 又有好多阿嫂....依家仲子姪仲一大埋呢...  真係好多人, 又好熱鬧呢... 今年年初二.... 哈哈... 一定好好玩呢... ^^

下午同子一齊去左剪頭髮.... 又忍唔住, 一次過剪短哂佢la... 費時煩....  剪完之後就去左Timessquare見見病人家族呢.... 今次仲包埋我... 有d喉嚨痛呢... 慘.... 返左屋企換衫之後就去飲lu... 今晚又同Kelly玩呢... 佢今次又一個左la... 屋企咁多小朋友, 除左鈞鴻10歲之後, Kelly就最大lu.. 不過佢都係得5歲...佢人仔細細講野仲好叻呢! 所以我同子都好錫佢...

10月6日 拍拖運動日

呢個假期都plan左好多次要去做exercise, 不過次次都因為懶而攪到去唔成, 所以今朝一早都下定決心要去去去呢  本來都有好多野想做ga... 拎哂d西裝去洗 and 下午唱karaoke等等.... 點知臨出門口又磨左一輪....  又攪唔切, 聽日再算啦...

下午3pm到左club house既羽毛球場, 真係好耐都冇用過佢地既設施lu... 之後開始打我最唔熟手既羽毛球, 就咁你一球, 我一球... 嘻嘻哈哈又玩左個下午... 好累, 手又痛... 即時想起Yoyo同Ekin點解可以成日打羽毛球拍拖呢

玩完之後沖埋涼就去左食KFC醫下肚先....!!!

食飽飽又冇野做可以做咩...? 又去左上堂lor...., 今日小B咳, 見到佢咁其實都有d心痛, 更何況係佢daddy and mammy... 唉... 你要快d好返la... 大個仔教你好似titanic咁吐痰(不過其實我都唔識)... 晚上我地出返去沙田食dinner...? 食左咩?

未住... 留返肚同mini club d朋友仔一齊食啦... 今晚食上海野..., 食飽飽就返左課室睇<江山美人> ... Well, really no comment...

 

10月4日 銀行家聚會?

今朝一早俾個身在南美既客叫左起身...  頂!!! 9:30am... 之後一直都sleep唔返, 就係咁就起埋身上網搵一首想搵好耐既歌.... 只可惜搵黎搵去都搵唔到903國語類首主題曲... (張敬軒唱)... 嗚嗚  11am就到Nelson打黎... confirm今日下午打波gathering呢...

1pm就去左中環接佢地, 點知Iris and Jess都要遲d自己入, 所以最終個ball game party都係改左打FIFA 2008既足球, 仲要係PS3果隻....

而今晚呢個party既所有人都係銀行友呢... 當中有HSBC, Standard Chartered and Heng Sang Private Banking等等... 唔知遲d會唔會有其他bank既朋友仔參加呢?

今晚個天氣都幾好呀... 本來以為會落雨又會熱... 點知又唔係喎... 又大風又冇雨... Good Good Good!!! 而個場又clean and tidy... 真係要special thanks to Nelson借出屋苑既BBQ場地呢...!!! 

玩完都成10:30pm呢... 之後仲驅車直去sorlo屋企參加mini club既朋友仔聚會呢... ^^ 好熱鬧仲好多人呢... Thanks Sorlo! 不過我都係stay左一陣呢... 因為今晚12:30am仲有曼聯對布力般呢... 哈哈!!! Yeah!!! 2:0 Rooney勁呀...!!!

10月3日 Happy Friday

又過左幾日annual啦... 噚日總算有時間整返好煩擾左mini仔成個月既problem啦, 而今次就去左大佬個friend間車房...又ok喎, 仲可以即日拎返車車... good good good! 原來d雜聲係來自條control arm呢...  加返少少手工就solve左個problem lu.. ^^

休息既時間真係過得快, 本來都想好好咁sleep幾日, 不過今日都冇法, 因為有d重要事要去做, 所以9am都起左身, 之後返左銀行同d同事仔食早餐先.... btw, 希望一切順利la.... 而攪掂哂所有野之後都12pm lu, 而我之後就去左佐敦陪子and佢既屋企人飲茶  2:30pm左右又返左去中環行街街.... 哈哈...有時又真係咁岩喎...梁生一家又到左中環喎... 哈哈... 所以就join左佢地lor.... settle哂d野之後就去左Cafe Landmark食個正tea呢... ^^

一直坐坐坐坐... 又成5pm... 之後去邊好呢....??? 我9pm仲約左班batchmates去飲野喎...., 依家仲有4粒鐘.... 好啦! 就上我屋企啦... 所以一行人又返左上我屋企lu.... 而dinner我地就order左翠華返屋企食呢... 哈哈... 咁梁小B做咩...? 好可愛呢... 佢第一次o係我張床仔出現呢... ^^ 係咪充滿保護層呢...

9:30pm左右就約左keith, doug and elaine出黎耀華街飲野...大家都share左好多銀行最近既news呀! job info等等... 個sharing都幾fruitful呢... 希望我地可以快d reunion啦 ^^

9月30日 海洋公園全城哈囉喂2008

今晚又去左一年幾度既海洋公園全城哈囉喂啦  而今晚既包場既係渣打銀行, 所以都要多謝哂子既安排呢! 仲幫我地買到好抵既tickets... yeah!!!

今次係我第二次到海洋公園參加哈囉喂party, 而對上一年都係9月尾既事...仲記得當時同左Auntie Mo, 天使, 馬老板等人一齊去玩, 果晚真係玩到身水身汗呢, 時間真係過得真係快呢...  咁快又一年呢!!!

先約左Nelson and Karen兩公婆6:30pm o係天后集合, 之後先去食少少野, 然後就直接殺入海洋公園呢... 其實繼前兩日殺入迪士尼之後, 今晚又再入去哈囉喂咁玩法,其實都幾考體力ga... 玩到中場時我都叫到失左聲呢...  今晚Nelson似去驅鬼多d呢... 子...? 你上左身嗎??? 不過玩到後段妳都冇電lu....

今年有8個大既鬼屋, 我地都好勁呀... 可以玩到6個, 不過就要上山, 落山, 上山再落山咁去避開人潮(吊車都坐左兩次)....我覺得最好玩既係個叫厲鬼村...個設計真係好唔錯... ^^ 基本上, 我覺得今年海洋公園個party設計得好左好多.... at least排隊時間短左... 仲記得上年真係一味排同等... 而今年就快好多la... 每個game最長都係排左20mins左右... 以咁多人黎計, 都好ok啦...因為佢今年有好多game都可以一次入兩至三批人, 同上年每次只可以入一批好唔同.... 佢地既設計真係好抵讚, 不過就係因為要就入既人數多左, 所以真係玩既地方就真係比以前短左少少... 冇咁過癮!!! 再可以讚既就係有好多要排隊既地方都增設左大既吹風機.... 所以都冇咁辛苦(不過好在噚晚都唔係好熱)...  

哈哈... 兩個紙扎人... 係咪好好cutie呢.... 總括左兩個香港主題公園既Halloween Party... 我都係鍾意海洋公園多d.... 可能係因為攪左咁多年經驗又好d啦... 每次玩都好有氣氛!!! 但論入到鬼屋既設計同靚, 我反而覺得disneyland做得好d呢...只可惜玩點太少 ^^ 

玩到12:15am至返去正門取車車呢... 之後去左邊??? 唔知係咪受上年既影響呢... 我地又一齊開車去左大角嘴食宵夜.... 又油渣麵, 又雞翼, 又餃子, 再後加炒牛河... 真係飽哂... 剛放大假就連續玩左3日... 明日都要好好休息一下la....  哈哈... 點知返到屋企都2am, 我同nelson竟然又再開機打FIFA08... 哈哈.. 為咩...? 等2:45am開波既歐聯lor...  放假真係好!!!

 

ps.要睇返上年Party既blog, 可以click返2007年9月27日呢!!!