11月29日 Party Night!!!

今朝返工真係險, set錯左alarm冇work到, 返8:45am就自己8:25am起身, damn即時換衫搵taxi返工.... 好彩又俾我趕到喎.... lucky... !!! 之後子接我放工呢, 因為佢今日終於有一日唔洗返學呢... , 所以可以一齊去搵grandma地飲茶... 下午我地都冇去玩, 都係返屋企休息下la... 因為佢今晚仲要返工做野, 9pm到2am..... 所以要養足精神lor... 而我就自己打下PC game.....晚黑我就先同佢食晚飯.....食飽飽之後就再送佢返工呢....  不過送完佢之後都係9pm.... 自己一個有咩攪好呢....?

其實今晚有阿dor既bday party, 而阿lam地又有b'day party... 不過個mood又好似唔係去partying喎... 反而好想搵個人飲杯野吹下水, 唔好太癲, 如果飲完野而子又收工, 就仲可以接埋佢呢..... 點知可以傾到計既朋友仔都有哂party... 咁nevermind啦... 一於自己去night ride.... 先o係kowloon bay遊左陣, 之後又收到maria既call, 又好喎.... 一齊出去遊下, 吹下水都好... 先返左香港pick up左佢, 之後去左cyberport and深灣.... 哈哈, 點知原來佢地今晚都會去LKF, 而阿Lam地又係LKF.... 即慶病又有少少發作.... 不過都係冇咩mood去clubbing..... 12am先送走左maria到LKF, 之後我就返左屋企泊車..... 打俾子, 佢又未知幾時走得, 所以佢都叫我出去搵朋友仔玩.... 哈哈... 最終都走左出去....

12:30am就落左到LKF既Beijing, 先搵返阿Lam佢地一班華仁既舊同學...., 有d仲真係好耐冇見呢... 計起上黎我都有兩年冇出去clubbing呢... 今晚見呢班friends, 都係當年華仁最靚仔而又最玩得果班呢.... 如果有10個靚仔o係果度, 我相信我都係排最尾果個, 最型既當然係阿彬啦.... ^^ 由中學開始都覺得佢好掂呢...!!! 而今晚圍內friends都有30幾人...個個都靚仔靚女, 而大部份都同埋女朋友/老婆出黎.... , 所以都幾熱鬧呢....好彩已經book哂檯, 所以都可以坐低玩下傾下計...唔洗迫... 當然我都有出去搵下maria and cherry地飲下酒熱鬧下啦... 一面同子都有contact, 直至佢返到屋企我先再放盡咁飲, 所以都幾開心呢... 又好似以前咁, 一個星期出去會一次班朋友仔...落到d場又見到我多old friends ^^ 所以玩到3:30am, 阿Lam同我又轉場返士去Cwb既登龍街, 打算上去阿dor既birthday party, 點知剛剛去到就見到佢走lu....其實果刻我地幾個都已經超wing....所以傾左兩句我地都閃lu.... 而之後再去左食宵夜.... 跟住就返屋企lu...... 連沖住涼都想sleep..... 不過好開心呢...

11月28日 一日休息

今日無奈地被編了day off.... 唉... 唯有星期六返工la....  所以噚晚都好好咁sleep左一覺.... 最近天氣都係冷冷的, 躲藏o係暖暖既被窩.... 永遠都係最舒服的...

起身以後就做左陣孝順仔, 先陪左dad and mum去左飲茶... 之後又傾下計咁.... 食完之後我就先返屋企la... 因為今日係allan兄既生日, 所以約左jackie and佢一齊去Tst睇mini既road show.... 正當等緊4pm既gathering... 老豆仲幫我買左我最鍾意玩既FootBall Manager 2009, 相信又有一排玩啦... ^^

4:15pm去到現場睇車車.... 啊啊啊!!! Allan兄, o係度再一次祝你生日快樂, 希望你今年事事順景啦... ^^ 其實今日既車展都好多野睇ga, 不過要試既, 要睇既, 其實之前都睇哂lu... 今日就算係湊下熱鬧la.... , 之後仲去左睇聖鬥士既展覽, 而睇完之後我地3隻公既就去左飲coffee.... 吹下d男人野lor...  ^^ 今晚壽星仔要拍拖.... 所以我同梁生都好識做既...  6:30pm我同jackie就去左接Nat收工, 之後再返香港接埋Kennis..... 今晚都想搵個特別既地方dinner, 因為大家都好想搵個靜靜地既地方吹下水.... 希望可以release一下大家工作既pressure, 不平事及最近咁"yim"悶既市況....aiii.... 左想右想...最終決定去香港仔既珍寶海鮮坊..... 我都有好耐好耐冇去過la... 今晚都係第一次同子去ja... 不過我地今晚係去左最高層既Top Deck食, 正如梁生講, 果度其實同山頂峰景餐廳一樣, 只不過地方唔同.....

今晚仲比個waiter點左我叫一杯唔知咩既熱wine, 好似叫mull wine... 飲左兩啖... damn... %$^#^$ 頂唔順, 好似廿四味..... waste左都冇法啦..... 即時要再叫另一杯野飲....; 就係咁又一晚lu....  大家心情又好返d呢... 食到9:15pm左右就走lu.... 因為大家都很累呢

返到深灣遊艇會car park時, 仲俾我地見到部靚車車呢.... 型呀! 

11月23日 杏花村

上兩個星期就已經約好左梁氐家族一齊今日再攪個睇樓團, 所以今日一起身就出左去飲茶... 我地先去左太古城既潮江春開餐, 之後3pm就開始呢...!!! 今日又見到小B呢 , 休息左一晚之後佢又笑嘻嘻咁同我地開餐呢... 次次見到佢都好開心呢!!!

今日下午既目標就係我o係港島區最愛既屋苑 - 杏花村 ^^ 基本上我o係港島既dream house係咩? heheheh貝沙灣and港島既堅尼地道就係我既最愛, 可惜呢d地方既屋根本唔係我地呢d平民白姓可以afford到呢, 發下夢比自己做個目標啦... 

對於杏花村就一直都有個情意結, 貪o個道既location真係好正... 既清靜又自成一角, 由多人既地區, 誇過一座山仔就到比較靜既地段, 做住宅就真係一流.... 你話佢係咪好唔方便??? 又唔係喎... 兩個站又到太古成, 開車到grandma屋企及自己屋企又唔洗過海.... 所以對於prefer住港島既我就真係Fit哂...

之前兩, 三年呢區既樓起碼都叫住HKD 4-6M, 仲要係細單位同冇景, 依半年就落返到 3M都有... 有d仲見到2字尾... 所以... 又好!!! 今日又睇下點先....  都幾有expectation ga!!! 以前都會過黎呢區, 不過都差唔多10年前lu... 當時都覺得ok, 環境設施都好ok... , 而今日開車到時都ok喎, d wall都白雪雪... 原來上年都返新過呢.... 滿意!!! 到參觀第一間次就開始出事lu....入到第一間既盤時, 一打開窗, woo.... 真係同隔離好近呢, 仲要冇景呢, 而其他既大堂, life, 到門窗等等等等都真係好舊呢..... 同上次睇4小龍真係好唔同.... 不過單論個"積"及個單位間隔.... 佢就真係好實用, 好大同好見洗....見見房都夠大.... 這方面, 舊式既apartment比較優勝!!! 之後再睇多幾間.... 個個盤都係 1-3樓, 最高既都係7樓....  冇景, 低層再加埋.... 價錢一d都唔平.... 呢個質素間間都差唔多HKD 3.2-5M/4.7M, 雖然係香港樓, 不過呢個價我可以搵到我多好野... 再者, 見到樓下security食住啖飯, 仲要個嘴"chee"住粒飯咁開門比d客... well... 真係咩興趣都冇哂......車位又貴又未必有... 算啦, 所以睇左5間之後, 我地都放棄唔再睇lu.... 同個agent say goodbye之後, 我地就去左屋村既商場行行... 不過又幾impress喎, 同以前真係好唔同呢..... 飲左杯野之後就散水lu... 因為都成6pm la.... 之後各自返屋企休息la....

但8:30pm我地兩pair人又再出返海港城食飯..... 今晚子都係第一次同我地去果間餐廳食意粉呢.... ^^ 開開心心又過左個星期日la... 聽日又要返工絕地大反擊..... 跑數呀... 要努力d搵$$$$$呀...!!!

11月21日 小B百日宴

今朝本打算返工做下野, 不過都係敵唔過周公既gathering... z..Z...z...z...., 起身仲受到智慧牙既影響... 攪到咩mood都冇咩呢... 唉...

子今日下午又要返學, 放學之後又要返工做野... 所以佢都幾忙呢...  而我接左佢之後就一齊去參加小B Jason既百日宴... o係度再祝佢身體健康, 快快樂樂!!! 希望佢都鍾意Uncle Keis and Auntie Nat送既小禮物啦.... ^^ 噚日o係cwb搵左好耐都搵唔到ga... 最後竟然o係kowloon city食dinner時搵到喎...真係好似尋到寶咁好開心呢!!!

今晚除左一班老友記開心之後, 相信最開心既都係Kennis and Jackie ^^ 小B真係好可愛呢....!!! 再一次恭喜你地有個咁得人鍾意既小B ^^

11月20日 藍家迎親

再一次o係度恭喜子及佢既屋企人... 因為今日係佢哥哥結婚既好日子, 希望佢地一對新人阿偉同球姐開開心心, 快快樂樂

今日第一次做人地既伴郎, 所以心情都有d緊張ga... 最怕就係時間keep得唔好, miss左d吉時就唔好la... 不過好高興既係今日一切都好順利... 婚宴都順利完滿咁完成... 所以真係好開心呢.... 不過暫時仲未有相可以share, 就拎住我部傻瓜機先啦... ^^

今朝早6點幾就起左身, 之後7am就去到子既屋企同一班兄弟集合 and 開始做準備工作, 果朝早都幾冷呢...

8:15am我地就去左Marco Polo Hotel去接新娘, 哈哈... 而今日既伴娘就係子呢... 哈哈, 所以我都係去接子返屋企呢... ^^ 9am我地就準時返到屋企拜神and見家人呢...  睇見uncle and auntie今日個個都好開心呢... ^^

10:30am我地就去左奧海城飲茶relax一下, 12pm又出發去黃金海岸影相lu..... 哈哈, 呢張我覺得同子個樣好趣怪呢.... ^^ 不過黃金海岸真係冇咩好影... d野都幾舊... 酒店又唔影得.... 正當大家想緊要再去邊時...  e~~~~??? 好似返柏景灣個園景仲正喎....

即時返去睇睇.... 原來真係有個公園好正ga... 仲要係冇人果隻... o係個公園影返去入口, 個club house and swimming真係好正呢... ^^

我同子都係咁影呀.... 呢張相我都好滿意呢, 又有水池又有羅馬式園景... 真係好好好開心呢... 一直咁影影影又到4pm.. 我地之後就去酒樓lu....

晚宴o係8:45pm開始... 本來都有d擔心自己做唔做得掂MC, 不過好彩又過到關呢....開心...而今晚我屋企人都有出席呢... 我隔離果個就係我老豆啦... ^^ 今晚個個都好開心... 仲有金牌抽獎呢... hehehehe... 我屋企人竟然都抽到兩個.... hehehehe 冇做馬ga...

今晚直到11:30pm, 之後就送返子and佢屋企人返屋企lu.... 今日雖然都好累, 聽日仲要返工, 不過都真係好開心既... ^^

11月17日 銀行業之黑色星期一

今日係黑暗既一日, 相信有睇新聞既人都知今日銀行再有450人被裁撤出來... 其實都冇咩可以再講... 經濟環境, 在商言商既情況下... 呢個只不過係時間問題, 咩時候都有機會發生... 所以都冇話對與錯... well, 今日都收到好多朋友仔既問候, 大家可以放心, 我聽日都仲有工要返... 不過身邊有些同事及戰友都要....離開了... 心情不禁有些失落...

朋友... 希望你一切順利!!! 叫得你係朋友既, 地位一定比同事高, 你既係我地既早餐黨, 午餐友及活動組成員... 又係我地team既CPI王子及副隊長呢... 希望你之後會有更好既發展...  成日心情其實都冇咩點, 不過當知道有朋友收到離職通知, 心情都謝了...而放工之後我地成team仲一齊去左LKF Farewell我地呢個朋友仔... Good Luck my friend!

9pm左右大家都散了... 而飲左兩杯既我... 又返左去cwb...再搵左個兄弟出黎吹下水, 既想搵個o岩傾既朋友傾下...仲想解決一d心結, 唔想有野"kick"住"kick"住... 我地之後上左Henry House既Shelter飲野... 傾左好耐... problem solved了...雖然工作上還有很多迷茫, 但心情卻好多了...謝謝...

雖然今日有好多唔開心既news出現左... 不過都想o係度再一次恭喜子!!! 佢今日被通知升職了....  在這逆市當中還可以有promtion!!! 妳要俾d心機呀.... 藍經理!!!

11月16日 Macau Grand Prix 2008

今日真係好興奮呢... !!! 第一次正正式式咁睇Macau Grand Prix!!!!  今朝仲要一早起身出發呢...!!!

今次呢個party又係BMW攪既.... 話說早幾日正式收到份invitation letter及兩套來回船票...  真係好興奮呢, o係呢個咁悶既市況又即時帶返少少生氣呢...  又有野玩lu...

今早9am就約左子, jackie and kennis到左信德中心集合, 之後出發到澳門呢.... !!! 10am到步之後就由佢地既工作人員帶我地到起步點既Roof Top食野and睇賽車呢.... 今日仲撞到好多朋友仔喎... peter, maggie, mimi, edwin, michelle and carlos... 真係岩呢... ^^ 剛好仲可以睇到GT Cup... !!! 歐陽若曦真係好勁呀... 佢部車每次行過都好震撼!!!

完場時都落左去pit超近距離咁睇d super car...唔知呢部係咩呢... F430??? or.... 好吵耳, 仲好型呀...!!! 越睇越興奮...

部Porsche仲水滾呢... 爆哂d水出黎....

到之後等WTCC開始時... 我同子仲落到起步點睇呢.... 真係可以同車手握手ga... 仲撞到果個叫咩"姨太", 真人都幾冇禮貌....呢...

真係超近.... 呀...

睇到咁上下又係扮下fans既時候... 你睇nat and kennis幾認真.... !!! 搖哂旗咁, 可惜BMW今日都輸左... 可惜....

完場之後又去左行pit, 下面部Accord CL7真係慘....

呢部E90.... 都好多傷口呢.... ^^ 不過又補得ok喎.... ^^

至於racing queen...  Well.... really no comment!!! 不過今日實在太熱la... 所以我地4pm就走lu.... 冇睇Formula 3..... 

而今晚就約左mimi, edwin, kennis and jackie一齊去科學園食泰國菜..... 不過果餐都係唔好食...... 冇咩野都係唔好去食呢.... ^^ 而之前我地上左佢地屋企一陣.... 為左咩.... ??? 開封??? 原來係小B都要操車for第時玩GP呢.... 不過佢個樣好似驚驚喎.... hehehe 其實佢叫人開餐ja.... ^^

不過最開心果個好似係jackie喎....!!!

11月15日 KennyW's bday dinner!!!

今日係黃先生既大日子, o係度再一次祝佢生日快樂, 希望佢事事都一切順利....

今朝一早都要返工, 放工之後都如常同屋企人飲茶, 飲完茶就同左大佬行街shopping, 秋天都係時候入返d衫啦, 如果唔係又冇衫呢.... 所以行下行下又late左... almost遲左接子放學去party呢... ^^

今晚個party7pm開始.... hehheheeh 生日大閘宴.... 好正呀... 不過我又要做多d exercise至得la... 黃太 and 黃Auntie今晚都親手煮左好多野食..... 樣樣都好好味, 下次個會再有function, 我相信黃太一定大力支持... hehehehe....

hehehehahaha玩左成晚, 之後仲上左kenny屋企玩呢.... !!! 由於明天要早起, 所以11:30pm左右都走lu.... Btw, 多謝黃氏家庭既invitation... 今晚個個都好開心呢!!! 再一次祝Kenny Happy Birthday!!!

咁快又一年... 當年今日我地去左韓國慶祝呢.... 大家好似都冇咩變呢...!!!

11月10/11日 梁家大喜日子

工作環境越來越越差, 但心情卻有點豁了出去... 因為個個都係咁既時候, 都冇得再獨善其身..... 壓力越大就越需要減壓....  而最好既方法都係見下朋友呀... 小B呀.... ^^ 哈哈... 呢兩日都係梁先生, 梁太太及梁家小B既大喜日子... o係呢度想再一次恭喜哂佢地! 希望佢地個個都生活愉快, 身體健康!!!

噚晚放工返到屋企後, 正當打算好好o係屋企食番餐and休息下時..... 就收到梁家特報通知... Jason仔100days呀!!! 好好好...食左晚飯之後就即時接埋仍在工作中既子.... 一齊去為小B慶祝一番!!! 可以能夠見證到小B o係佢媽媽個肚中一日一日長大, 到剛剛出世好似粒豆豆咁, 直到依家一百天慶祝...其實都有點緣份, 今日佢大個人仔又開始認人學講野, 其實都好令人心甜ga.... o係度祝小B!!!! 身體健康, 快快樂樂!

而今晚放工之後就去左金鍾萬豪酒店食dinner... 為左咩咁開心.....

再一次恭喜哂!!!

11月9日 睇樓團

Remark: 係睇樓團ja.... 唔係買樓團呀....!!!

今朝天氣很清爽... 是我最愛的感覺... 而噚晚睡得都可以, 連發夢都再夢到生蠔.... 真的瘋了.... 心情...??? 永遠都受天氣影響, 今天都好了些... 雖然其實仲...  不過唔再調整一下自己既心情, 星期一又點解決問題而又點打之後既仗呢....? 仲有成個月要過呢...

今早約了jackie兄一家12:30pm到科學園飲茶 , 哈哈, 正當有人怕我會late... hehehe.. 時間我實安排好啦... !!! 準時接埋子12:30pm到步.... 我地仲撞到契姐阿May同佢男友仔一齊飲茶呢.... 佢地真係開心, 食飽飽之後又去同部新車遊車呢...兩個一人一部白色戰車... 開逢FairLady & R35GTR... 型呀!

而睇樓團呢??? 今日約好左agent幫我地arrange, 而今日2:30pm開始一次過睇哂泓景臺, 昇悅居, 碧海藍天三個屋苑... 睇樓都睇左4個鐘, 真係總算一番見識.... 而今日仲要有小B出動做義工detector(老人家教, 睇樓要搵個小b去, 如果佢唔cry就ok啦).... 哈哈... Special Thanks to 小B...!!! 四圍咁睇.... 又內園又海境又山境.... 始終最有feel既都係呢間....客廳中有個小露臺... 左面可以望到香港島....

而右面仲可以望到新既大橋景呢....真係好靚呢....

第時如果請同子or朋友o係屋企飲下野, 摸下杯低咁吹下水.... 一定好好feel呢.... ^^  而細房個view都可以ga...

玩左成日到7pm左右就走lu.... 之後入左機場食dinner.... 順便傾下今日既evaluation呢.... !!! 而食飽飽之後我地仲去左就黎o係香港執哂既Krispy Kreme食返個dougnut做甜品呢... 子??? 為左將來, 辛苦妳要黎做part time幫補下呢.... ^^

 

11月2日 休息日

今日真係可以好好咁休息左一日, 所以都好滿足.... 之前病左咁多日, 好下又病, 病下又好, 點知又再病... 真係唔可以係咁捱... 食燒炎藥都食到虛哂.... >.<

所以今日12pm起身之後, 再約埋子一齊join我屋企人o係causeway bay飲茶, 費事走黎走去... 食飽飽之後同埋表弟and monica地一齊行玩具反斗城, 本來想買大富翁玩下, 點知原來有隻新既version係用card機喎, 但依家只係available 世界大富翁, 香港版仲要wait wait... 咁下次先再買la... 行到5pm就返屋企休息下lu...

7:30pm又同子出左去太子, 食一間由jackie介紹既扒房 - 名寶石, 呢間野真係好抵食, 至於食咩... 都係扒, 鵝肝再加田螺啦... 兩個人都係$400左右... 正!!!

見食完晚飯都係9pm左右, 問問子不如去夜遊下, 順便睇下d樓價跌成點, 再睇下有冇資料可以拎返屋企睇睇... 就咁就開始左今晚既最後一個節目... 睇樓!  去到荔枝角一帶既地產之後都見到好多唔同屋苑都俾上月減左唔少...同個經紀吹左一陣... 再了解返比較有興趣既昇月居, 其實價錢都可以接受, 不過相信短期內仲有下跌空間, 再加上銀行做樓按要求都收緊了不少, 所以都係睇下先la... 之後返左去奧運附近既地產, 又停低左部車走去睇下8下... 見咁夜個經紀又出黎係咁傾又係咁推... 最終就同子上左維港灣2座既某一個高層盤"8下"....  個廳同個view又唔錯喎, 不過d房就好細lor... ^^ 所以興趣不大... 不過其實都個經紀都岩既, 如果單論升值能力... 維港灣應該比荔枝角一帶強少少...不過是旦la... 今晚都係食飽飯冇事做上去玩下ja.... 遲d先先再算啦....

11月1日 Halloween 夜遊

真係話咁快又一年la... 上年先第一次參加new mini club既halloween night ride... 咁快又一年... 今年既陣容同上年都差唔多呢...

先講講今日做過咩la... 今朝o係極不願意既情況下... 又一次返星期六... 唉唉唉... 好想sleep呀...!!! 不過又錯有錯著喎... 今日做左一單HKD1,200,000既deal呀... ^^ 逆市既情況下, 總算可以鬆返一, 兩日...而且今日仲收到MDRT既証書呢, 等我星期一返office表起佢呢... ^^ 心情總算好返少少呢... ^^ 下午就去左陪屋企人飲茶, 飲完茶就返屋午睡呢... 太累啦... 而dinner就留左o係屋企同子玩煮飯仔... 因為屋企人去哂旅行呢... 哈哈, 仲唔可以佔據個kitchen玩下... ^^ 食飽飽之後就去左大球場join mini club玩呢...

今晚最給引我地既... 當然就係edmund部新車啦... 仲要全車翻新呢... ^^ 呢部粉紅色既車車, 我估楊太一定愛死... ^^

車入面仲靚呢.... ^^ "入面果個係我呢ga"... ^^

而今晚既路程就係由大球場遊causeway bay, 之後入大浪灣...., wawawa... 今日總算見到兩位出手既技術... 話說我係第三車... 而頭二車真係快到.... "火花"都括出埋.... 真係好勁呀....... ^^ 

最後, 今晚我覺得最靚既裝飾係herbie部海盜船mini la... 你地睇下... ^^ 仲有支海盜旗, 只可惜影唔到呢... 哈哈, 仲有一單變態蜈蚣兇殺案呢... ^^

當然仲有一班mini club既一班wa鬼la... ^^ 開開心心又一晚呢...!!!