1月28日 年初三 車公廟

今朝一早起身, 本來打算同埋大佬地一齊去車公廟, 點知佢地又要去埋飲茶, 下午先會去, 所以我同子就先出發la... 不過都成2:30pm至到.... 其實都有好多年冇去過啦... 以往年年都會跟阿爸阿媽and一些uncle auntie一齊去還神同拜神, 有幾年就同埋表弟地一齊去, 不過都有兩年冇去過la.... 聽說如果一切順利, 就唔需要去求神.... 眼見上年不是太順, 就去左求個安心...希望今年事事順利....多謝子陪左我去迫....

今日其實都ok呀... 警察既安排都不錯, 進廟, 點香, 求神, 打鼓, 轉風車, 成個過程都唔要30mins, 係走果時攪左好耐啦.... 不過好在今日警察叔叔都俾我泊街街呢....^^

車車今日行到60000km la... 不經不覺平均每年都行左10,000km... 最近車車有d小毛病, 希望佢冇事la... 不過都仲係觀察期......

3:30pm去左梁家拜年, 大家心血來潮, 又訂埋飛去貝沙灣睇8pm既"游龍戲鳳", 華仔真係勁ok.... 基本上套戲既上半段都好ok, 仲好好笑, 不過埋尾就一般, 不過求開心既... 就算好好睇..... 我地睇戲之前仲去左香港仔dinner呢..... ^^

睇完movie, 10:45pm就返到屋企lu... 聽日又要返工, 點解d假咁快就放完ga.... woowooo... 點都好la... 明日要加油呀!!!

1月27日 年初二 極速拜年??!! 為左咩???

年初二啦.......  今日子終於返左黎la.... 哈哈哈.... 今日個topic係叫"極速拜年"喎.... how come呢..... ^^ 慢慢就知呢....

今朝十二點先出左去香港站接子, 之後佢先上左去我屋企拜年, 之後我地1pm就出發去grandma屋企食開年飯.... 今日餐飯好豐富, 咩都有得食呢.... 辛苦哂兩個姑姐+子+Ally..... 我地今日個個都好趕, 為左d咩... 其實就係今晚個海上睇煙花既Family Gathering.....今晚會5pm o係尖沙咀碼頭集合, 之後o係船上面dinner and睇煙花呢...., 但係由於食完開年飯都仲有兩個地方要去拜年, 之後仲要泊車, 所以都幾rush呢....

食飽飽之後都已經成3pm, 之後我就同大佬及家人一齊afternoon ride咁由鯉景灣出發, 之後先去探潤叔, 不過今年留得真係得一陣, 咁多年最趕就係今次, 之後再出發去深水步既舅父屋企拜年, 呢張相真係影得一部份人ja,因為仲有好多d表哥既仔仔女女and兩個大表哥今日都沒見到呢........

又係留左一陣都走la..... 4:30pm就走la... 因為5pm要到碼頭, 先開車到elements打算泊車, 點知去到又超塞, 塞左成大半個鐘先知個car park都封埋又冇人通知......攪到要趕返車去大角嘴泊車, 再撲的士落去........ 最終攪到成6pm至到, 成村人等我同大佬兩pair人...... 唉... 超級唔好意思

今日出海睇煙花既節目係由健仔arranged既.... 講真, 由佢第一日話今年要攪返多d family gathering開始, 我真係舉腳支持, 所以雖然今日個party真係好趕, 但係我都會支持, 呢幾年各有各忙...有返d家庭節目係必要既...我都會繼續支持啦! 其實我地屋企人都幾重視呢樣野, 所以次次攪親飲茶晚飯個個都會出席ga...想起阿婆時代果時我地仲會個個星期都會見面ga.... 健仔! 下次攪咩先??? karaoke??? 而今日維港真係可以用超大浪and超冷黎形容.... 我一向都唔怕冷, 不過今日真係今個冬天最冷既一日, 打哂冷震...上年最冷既係Mini Club既BBQ Party, 而今年就係今日....  而子仲暈埋船浪... 仲嘔左d野落海呢....(養魚???).... 真係估唔到佢係最快果個呢... hehehe... 到煙花開始啦....... 不過都冷到冇咩心機睇.......

8:30pm o係上環上岸, 之後同左大佬, ally, 子, 姨媽 and健仔一齊去左澳門茶餐廳食返d野是暖下身...... 大約10pm就散lu........ 而我之後同子就由信德中心條天橋一直行返去香港站, 再返去奧運站..... 因為車車泊左o係果度, 而我都要上佢屋企拜年呢..... ^^ 好耐都冇同子行咁多路拍下拖la.... 今日天氣又夠冷, 大家一面行行行, 一面傾傾傾... 又幾sweet ga bor.... 不過係要呢d天氣先正ma.... 冷冷的... ^^

返到子屋企之後, 都係留左一陣就走la... 可能今日真係太趕, 又太冷... 用左好多energy呢.... 所以12am左右就離開返屋企lu.....  返到屋企車房又再check下部車車, 今日水箱冇溜水喎, 咁應該ok喎....... 又放心d lu... ^^

1月26日 大年初一

牛牛年啦!!! 恭喜發財!!! 祝大家今年個個都身體健康, 快快樂樂, 心想事成啦!!!

年年既年初一都係差唔多, 噚晚掛住煲套"火燒圓明園", 所以今日都成11:30am至起身, 食左阿媽炒既年糕, 蘿蔔糕and茶做早餐之後, 跟住就等2pm到鯉景灣grandma屋企食午飯..... 今年見到警察叔叔係咁抄牌, 所以都唔敢四圍泊呢....開開心心咁過左同屋企人過左個初一!!!!! 今年阿B又大一年..... 真係唔開始認老都唔得...

食飽飽之後就先去左伯母屋企(即表弟既grandma屋企)拜年! 哈哈, 其實年年都差唔多, 之後就同哂姨媽, 表弟們及未來將會成為一家人既靚女們一齊上哂我屋企團拜........ 不過今年佢地都冇留o係我屋企食dinner呢.... before上返屋企之前就check下自己部車車睇下哂情況, e~~~ 今日又有d水o係個蓋邊溜左出黎喎.... 又攪到心情有d擔心呢.... 再整緊d睇多兩日先la... 不過check左個water level都仲係好高喎....

5:30pm左右, 突有貴客到訪.......yeah!!! 係梁生梁太+小B.... 年初一都見到佢地, 實在太意外and開心啦.... 如果子佢都係度就齊哂人呢..... ^^ 見唔見到小B手執住個大炮仗, 佢今日真係好可愛... 屋企個個人都好鍾意同佢玩呢...

小B之後仲去左我張床度游水and唱歌仔, 睇見佢玩得咁開心....又係咁學叫.... 真係好可愛呢.... 就係因為太開心既關係... 小B仲送左一份新年大禮俾我...係你ja小B.... 鬼叫我錫佢咩..... ------>  

個個人都開開心心咁過左年初一..... 今年都係第一次同埋佢地一齊慶祝, 講真..... 都幾開心呢....... 睇下小B佢笑得幾開心, 你要黎多d啦......

之後book左檯 8pm到Timessquare鍾菜食dinner, 阿爸阿媽jackiekennisjason一齊食.... 又玩bull dog, 又傾下食, 又傾下旅行湊仔鐘錶等等等等......... 咁又過左一晚呢....... 真係好開心.......

10:30pm左右返到屋企就開始執返間屋and就做埋開年拜神lu..... 希望今年事事順景, 身體健康, 財源滾滾and開開心心啦.....

之前車會幫我同子影左張相.... 今日可以用la.... ^^

 

ps. 上年初一既blog

http://hk.myblog.yahoo.com/keislee/article?mid=469

1月25日 年三十晚 (團年)

年三十晚啦... 噚晚玩到好晚至sleep, 所以今朝好late至起身, 連下午飲茶都冇去到, 不過nevermind啦... 今晚食左餐好好味既團年飯.... 所以都好開心呢...!!!

今日子就同佢一家人去左澳門過新年, 所以我都冇咩野做, 起左身之後, 人地就有兩日年28打掃好哂所有野, 不過我就懶, 攪到今日下午至洗..... 哈哈... 好彩好快已經攪點哂.......heheheh... 少有咁整齊... (男仔房係咁上下la)....

洗好房, 就落埋樓下洗車車.... wa.... 超冷呀... 又冷水, 又有冷風吹...., 之後打開車頭cover再洗埋車頭, 點知... 嘩... 個水壺又有水跡既....換左冇一年bor, 唔通噚晚果轉勁得滯....??? 小心check下, 洗左佢再睇下點先... 今晚出去食飯一轉, 返到屋企再check, 又冇事喎.... 好彩..... 不過都要小心....

另外, 今日仲有一單開心事, 噚晚為左條頸巾唔開心左好耐, 今日佢竟然自己出現返, 仲要係摺好咁放左o係樓下既路柱上面, 所以我相信係個的士driver拎返黎, 真係好彩啦...... 相信子都好開心呢...!!!

今晚本來打算同班朋友仔出去再迫花市, 不過... 沖完涼又懶lu........ 都係留o係屋企count down la.... ^^

預祝大家新年快樂!!!

1月24日 年廿九行花市

今日係星期六即年廿九啦...而今早仲要一早開工呢, 冷到傻呢!!! 而放工之後就去左飲茶, 不過grandma地就冇黎, 因為聽晚做所節.... 而噚晚就同左子屋企做節!!! 今年跟以往一樣, 佢要過澳門過節...  所以今日下午接左佢放學之後, 我地都plan好左今晚去行花市呢...... 下午子仲陪左我去搵PC Speaker呢... 依家用緊果個都差唔多到期lu....

去花市之前就約左梁家一齊去食團年飯... 哈哈係再食而o岩(好似星期二已經食左咩), 見mood又到, 我地就去左W's Entrecote食dinner... 呢度食扒真係好唔錯!!! 今晚我地仲食左... 好美味既牛扒呢.... ^^ 預祝大家牛年快樂!!!

Foie Gras Poêlé
Pan-fried Goose Liver with Prune & Port Wine Sauce
. . . . . . . . . . . . . . . . . . . . . . . . . . . .

Bisque de Homard
Lobster Bisque flavoured with Cognac
. . . . . . . . . . . . . . . . . . . . . . . . . . . .

Entrecôte
Grilled Ribeye Steak
. . . . . . . . . . . . . . . . . . . . . . . . . . . .

Petit Gâteau au Chocolat Servi Mi-cuit
Avec Une Boule de Glace à la Vanille
Warm Chocolate Cake served with Vanilla Ice Cream
. . . . . . . . . . . . . . . . . . . . . . . . . . . .

Café ou Thé
Coffee or Tea

食飽飽之後就同子去左"迫"花市.... 不過都可以"行"到兩步la... 不過都係迫到比人踢到鞋果隻.... 年年入去都唔係打算買花, 都係志在迫下, 買d玩具過下癮....今年就買左下面呢樣野la..... 幾得意ga......

行完之後先返自己屋企...... 點知...... 子條頸巾呢.....??? 明明離開花市時仲見到喎.... 搵極都搵唔到..... 我知佢好鐘意ga, 因為呢條綠色paul smith係佢個姊妹kathy送既bday present呢ga...... 唉.... 攪到今晚有d美中不足呢.... 我估應該跌左o係taxi >.<

1月10日 誓師大會???

等左一個星期, 今日終於到星期六可以day off一朝早... well... 一朝早only, 因為到左下午2pm-6pm.... 我地成班同事都要出席 o係亞洲博覽館既誓師大會...嘩!洗唔洗攪到咁遠呀.... well, 不過攪呢個會既原因我都唔commend有人定冇人.... 不過攪個呢d會相信又花了一大筆..., 仲要不斷remind人跑跑跑數....唉... 而今日仲有個Q.3既Top Sales Award... 全港o係quarter 3最好果5個WMM各人都有一隻"五枝火柴"手錶作為禮物.... well...今次全港既Top5都係總行同事...真係有d意想不到..., 不過講真都幾proud of總行ga....始終大家跑既都係天文數字, 仲要係呢種市況....點都好啦恭喜哂  不過我始終希望假期係假期, 好想可以好好relax下instead of再出席公司function...

離開之後就先上哂Nelson屋企, 之前再接埋子一齊去kowloon city食dinner... 今晚jessiriskarennelsonnatnatandme... 都一齊食左餐開心飯... 總算冇waste左個星期六la...

食飽飽之後我地兩pair人仲返左去奧海城睇"葉問"呢.... 子都想睇好耐啦, 怕佢落畫, 所以今晚就去左睇9:45pm la.... ^^ 

1月8日 FMC春茗

今日係銀行Financial Management Centre既春茗日子, 而我地呢班WMM就join埋一齊去左尖沙嘴聘珍樓開呢個party....

Before share呢個party... 唉... 今日真係灰到爆, 話說上年帶左d數落今年報, 點知.... o係無收到通知既情況下... 死了... 一早少了HKD100,000數..... 攪到自己咩mood都冇哂, 直到下午見到一個客, 好似好有potential喎, 但硬係覺得唔o岩傾, 覺的自己未必攪得掂, 所以就refer左比Nelson兄接.... 點知... 一個懶字.... 又跌左一單總值HKD1,200,000生意... 即成400,000數....即時... 心都"拿"埋, 不過冇怨人, 只係心裡不斷咁狂"小"自己懶.... ^$%$$# shit!!! 直到放工開完team meeting之後, 就去左春茗lu.... 

由於總行人多, 所以今晚只係其中兩個部門一齊食!!! 下面呢班就係我既同事WMM Team, 即係Wealth Management Manager team...主力做Investment and Insurance Services, 上年有3 Team 成32幾人, 依家得返2 Teams共24人....而我身邊果個就係我新老板...

而呢班就係GBO既朋友仔.... GBO即係General Banking Officer, 主力負責銀行服務即Account Servicing, Mortgage, Card....等等等等... 好多野, 而我身邊個女仔叫阿Cass, 係我入行以來最耐既好朋友仔之一....同佢partner左好多次, 而上年最大個deal都係同佢拍...可以話係合作無間.... 今年行再新推行左個pairing system, 我再次同佢拍... 工作上最知我者, Cass是也...... 左手邊果個係佢徒弟vivian(卡奇jacket), 佢都係我好朋友仔之一呢... 不過佢地今日都係得半team人左右ja, 人齊就不得了....

最後下面呢4個係不得不提既重要戰友, 上年跟阿姐時同team, 而今年restructure後我地又再一次同Team.... 好好彩.....同佢地一齊我都好開心!!! 今晚又飲左好多呢.... 希望可以忘憂一下.... 

2009年係超級難既一年.... 仲記得第一年入行時.... 每月卒一次數, 之後就每月兩次, 再之後就一星期一次, 再再再之後就一日一次, 到今時今日早晚一次, 再加埋system每日出report... 成績表日日都派出黎...有時真係冇都唔知點見老板...唉....超大壓力, 好彩新老板都好understand... 如果唔係就慘lu.... 大家頂住la.... ^^

回顧我的2008

今晚總算有些時間, 去寫寫2008年的回顧...  

前幾天出街既時候, 影左呢一條我每天行到巴士站既路呢.... 果朝早既天氣好冷, 不過有著陽光藍天白雲...心情很不錯呢.... 希望2009年, 每日都有呢一種輕快既感覺

2008年... 是很突別的一年, 總結今年我真的不知道呢一年算是成功還是不成功... 或者就算不過不失吧! 2008年的前半年是很快樂的, 而後半年卻跟一般香港人一樣,受了金融海潚的影響了心情... 沒有了之前的開懷...

家庭上, 今年一家人都開開心心順順利利, 一齊總算可以吧....grandma身體健康, 爸媽常常去旅行, 俾我可以放心的做做自己事.... 多謝佢地... 我希望佢地之後都要身體健康, 開開心心就夠了...

愛情上, 不用說的就只有子一人, 今年我同佢都經歷了很多很多.... 當中, 最令到我擔心最憂心既就係五月既一次手術.... 那次既經歷至今.... 說真的我還是有點怕... 人...原來是很脆弱...我還有很多很多事未陪子做, 幸好當時有一班好友的支援支持, 如果沒有佢地, 我都真的不敢想像... 說真的, 我真的很感謝幾位朋友Dr. Li, Edmund, Jackie, Kennis and Amy 再一次多謝你地! o係最近一次既checking當中, 佢已經康復了...經濟過這次經歷, 我自己的life planning其實都有所更改, 有些target在可以既情況下, 我都希望可以提前進行...再俾多少少時間我吧... 努力中; 此外, 今年我都很替佢開心, o係工作上我相信今年是佢豐收的一年, 恭喜妳! 我地今日既付出, 都係希望將來既生活可以好一點.... 大家努力吧!!!

工作上, 前半年是我工作以來最快樂的日子...回報及工作性質既適合我既性格又唔困身, 第二季出的糧其實以經足夠我08年全年的洗用, 所以生活總算可以, 雖然市場已經受到海嘯影響, 不過一切總算順利...不過年低時金融海嘯的影響越來越大, 身邊一位一位既同行朋友都慢慢離開的離開淘汰的淘汰... 心都灰了... 現在總算還頂得住,不過都越來越難做了; 10月份本有一次轉變的機會, 只可惜市道既影響.... 都告吹了... 今時今日, 唯有頂硬上... 搵得幾多得幾多, 做得幾耐得幾耐.... 相信呢個都係不少人既心聲.... 不過總括今年.... 自問自己還未達到年頭訂下的目標.... 所以.... 失望; Btw, 上年極trouble的老板已經離開了, 希望今年o係新team新老板的情況下可以有更好的發展....

今年全球的人都受到影響, 每個人都有自己既故事, 更有自己的煩惱, 希望好既環境可以快d到, 更祝身邊既所有人都身體健康.

講左好多工作上既野, 其實都有好多開心事想share呢.... 其實睇左我blog耐既朋友都知..... 呢段時間除了子之外....我見得最多既.....就係梁家既小B Jason啦....今年年頭睇住佢媽媽個肚一日一日咁大..... 到BB出世前一晚我地仲上左山頂飲野...到佢第一日出世, 直到今日佢五個月啦....... 慢慢認得人, 慢慢撩人講野, 又識轉身.... 可以睇住佢一天一天咁大... 一日比一日健康及可愛...我同子都好錫佢, 所以一有時間都去搵佢玩呢, 呢種感覺真的很奇妙很開心, 佢既來臨真係改變左不少人呢... 希望佢都開開心心健健康康! 另外一件開心事, 就係Karen and Nelson既wedding.... 好成功, 好開心.... 見到佢地11月時終於拉埋天窗, 真係好幸福呢..........!!! 仲有....... 太多太多la.... 所以不說了.... 

最後當然還要多謝一班老友記啦!!! 有些事... 心照吧! ^^

最後, 2008年我經歷的真的很多, 而我相信2009年會是更難的一年....祝願所有人都可以順順利利....

 

2009年的我...伺機而動

1月3日 兄弟姐妹Reunion

今日又到星期六lu... 不過子又要返學, 所以都冇咩時間陪我, 不過nevermind啦, 自己搵活動...噚晚mother's birthday, 成家"族"一齊出去陪佢慶祝, 所以今早又好late至起身, 而下午就如常一樣, 陪屋企人飲茶.... ^^ 飲完之後就返屋企lu.... 點知.. shit... 朝早d工人拆野, 攪到mini仔超越dirty... 正當我想懶懶之際... 唉.... 又要洗車....

5:30pm再出車去接子放學, 因為佢聽日要做伴娘, 所以大家都唔會有時間見lu... 見放學都有兩小時, 都即時出去陪佢食下野傾下計.... 本來打算去佐敦食通粉, 點知行錯路... 就算啦... 改去深水步... hehehehe... 想睇d電腦speaker..... 食左少少野之後就送子返屋企lu, 因為我要去join今晚個party呢...!!!

今晚7:30pm去左旺角新世紀既karaoke開party, 不過果度既services真係超唔掂, 所以大家冇咩都唔好去.... 超差唸..... ^^ 今晚仲要多謝一班好姊妹既姊妹照構想圖.... hahhaa.. 等我都做埋姊妹先...hahahah....... 今晚最touching既係karen and nelson送既birthday bear... 佢地真係好細心呢...連我地所有人既birthday都知.....

本來之後arrange左另一個party o係join返阿lam地, 不過最終都冇去攪lu, 因為星期一又要返工, 再飲我怕星期一又起唔到身...所以今晚個karaoke都係玩到12:30am, 而之後我先送左Hilary到旺角, 之後再送iris到香港...... 最後再同Hazel吹下水, 點知大家傾傾下又肚餓呢.... 就係咁我地就再去埋西環食supper, 之後返屋企lu....開開心心又一晚..... ^^

1月1日 Happy New Year 2009!!!

2009年新年快樂呀!!!  真係話咁快又到新既一年lu.....o係度再祝自己and身邊所有既家人及朋友.... 身體健康, 迎接開開心心既一年啦... ^^

今日12點幾先起身, 正當仲o係張典下典下果時子又咁o岩起身打俾我, 大家傾左一陣本打算去睇戲拍拖, 不過再傾下傾下子又話想見下小B, 就借機打去梁公館問下有冇興趣一齊睇戲.... 點知今日佢地工人放假, 所以要搵d野小B都可以一齊做至得... 咁點呢... 又未食飯... 不如開左餐再算啦.... 所以又約左去科學園飲茶... 點知攪下攪下... 成1:30pm先開餐呢... hoohohoh.....

食飽飽之後就先o係附近行下影下開年相先.... 今日天氣冷冷地, 真係好o岩散步.... 又再借機搶左小B同佢部法拉利影下相先... hohooho..... 下年新年再同佢影佢應該大個左好多...... 所以影多兩張先... hohoho... 今日個環境真係好正, 人少少, 天氣好.... 心想, 如果第時同子咁樣拍下拖, 推住自己個B去散步, 都應該幾唔錯.... 哈哈, 不過要有B都要等事業再好d先攪得掂.....

行完之後見冇咩野做.... 梁先生就話去kowloon bay睇傢私, 哈哈... 又好... 我都想睇下d二手車車俾海潚浸成點先... hohohoh.... 大家係咁又行又行..... 又行到5:00pm... 食飯又未有咁早... 攪咩好呢....??? 正當大家都十五十六時... 又想去8卦下d野呢.... 自從上次見過同學仔間屋之後, 一直都都念念不忘佢間靚屋...

就係咁我地就決定入將軍澳睇下呢間屋既樓盤同價錢... 其實一直都對呢區都冇咩興趣, 因為冇乜幾可入去.... 附近又冇咩朋友or家人, 所以去既機會都唔多... 不過今日就真係好有興趣咁入去睇下.... 今次既目的地係君傲灣....

到步之後先求其搵左間地產問問, 再講出左自己既要求... 就開始今日最後一個節目.... 睇樓... 先去左佢地既商場, Lobby and 所有野...都好見得人喎.... 到入屋再睇...間格and overall都好ok...感覺上仲好過四小龍好多喎... 間間屋都有一個小露檯.... 呢樣野真係好好好!!! 不過要注要既地方係佢地附近既新地盤會唔會有影響呢....  不過由於天黑了, 所以景就睇得唔係太清楚... 留返下次la.... 以尺價黎計... 將軍澳會平過四小龍少少...而且overall面積就會大返d... , 所以基本上價錢都係差唔多.... 所以選擇既係location.... 呢個真係一個好難決擇既問題... 今晚一口氣都睇左五個盤, 所以都幾累呢.....不過唔緊要啦, 又唔係太急, 仲可以慢慢睇睇想想.....

8:30pm左右就出返去kowloon city搵左超哥開餐, 不過我地今次去左十三妙姨度開飯食鐵板燒.... 一月一日就豪埋呢餐啦.... 之後又要重新搏殺and努力儲錢lu..... 10:30pm就返去梁家拎車車, 之後就返屋企lu... 聽日要返工, 仲要轉新team新開始呢... ^^

Happy New Year!!!

12月31日 New Year Eve

2008年又到左最後一日啦! 本來都想打篇回顧, 不過都係過多幾日有mood至打啦, 先記一下今日點過啦....  

今朝一早起身返工, 泊好車之後就趕返去開morning briefing, 點知今日得我一個最準時... 真係估唔到... 今日係我老板最後一次同我地開, 因為佢o係2009年就會調離開總行... well... 對佢既離開在此都不加以評論...  不過點都好啦, 佢工作能力係好值得人去respect既...

上午見有時間就出去攪攪部車, 本打算返廠or去朋友仔個場攪, 點知廠又收半天而朋友仔個場又full哂... 正當打算去大佬整開果間時, 最捨得玩車既同事就recommend我去佢屋企附近整開果間試試, 神哥喎~連佢部997 4S都係o係佢度整, 佢話ok又肯陪我閃出去, 就of coz要去睇睇... 不過我最希望既都係要今日整好, 我唔想有d壞野責住過年... 之後佢同我去左西半山既一間老字號車房整... 老板一睇就知咩事...同jackie講既一樣brake pad到期, 換返就ok (咁就好啦...之前仲驚車車上了年紀, 係怕佢電腦問題),  之後順便叫佢幫我做埋service... 再問佢幾點有得拎... 4pm就可以... 好野!!!   收工返去拎車.... 一個字.... 好!!! 仲幫我用電腦check埋車decode andreset埋個oil inspection meter... 收費都ok呀... 半山區算係咁, 最緊要係近我公司.....

放工之後去左接子... 之後先返屋企, 8:30pm就join左華仁既舊同學一齊o係灣仔燒野食, 哈哈... 點知竟然book左去一間很不錯既"x"bar... 真係好熱鬧....  驚驚.... 不過唔緊要啦... 一齊玩la... hhehehe 外面就燒野食... 熱熱鬧鬧

入面就飲飲飲.... hehehehee... 隔離既阿Lam就係我中學既好友之一... 講真佢真人真係好靚仔ga.... ^^ hehehehehehe 今晚都要多謝子陪左我成晚呢..... ^^

倒數完畢之後我地就去哂8某某既新居呢.... 不過stay左一陣我地就去左第二場lu....

先送左子離開, 我地先去左告士打道某間既private club.... 我都唔知叫咩名, 我都係跟志華既個朋友uncle入去, 我只係記得果間地鋪又成日有d黑布cover哂d door好似好神秘既一間club... 今晚總算入到去左 Fu9就3am至黎join....  不過我地都係玩到3:30am又轉場, 之後我地再去埋登龍街20樓and19樓.... 見見其他朋友就再去食消夜lu....今晚又ok喎, 又唔係好醉呢...   

2008年咁就過左啦... 希望2009年會更好啦..... ^^ Happy New Year!!!

過兩day再打回顧.... ^^