3月29日 再睇: 新居 + 場

終於到左星期日啦... 而今個早上總算可以好好休息多一陣, 睡得好又睡得夠.... 真係好滿足呢...hohoho.... 不過下午個schedules都幾full呢.... 因為又要睇好多野.... especially係尋找新居既情況呢.....

先講講今日做過咩先la.... 下午先陪左子既dad & mum一齊飲茶, 之後我同子都先走la, 因為下午3-4pm要到酒店睇場.... 雖然已經confirm o係會展攪, 不過既然之前都book左, 就再去8卦下la... 可惜兩間都冇1月23日, 只有1月11日....  3pm先去左Harbour Plaza睇...., 說真的, 環境都不錯, 樓低高又有水晶燈, 最吸引既都係條長樓梯..... 不過個stage就怪怪的, 好似禮堂咁呢... hehehe....至酒席每圍7000至12,000....都ok.... min charge就唔記得問.... 不過今日陪我地個staff好pro又好有經驗.... 值得一讚... 睇下子傾得幾認真, 不過最可惜係... 冇23號... 不過就算有我都係prefer會展呢... 好似有feel d d....

之後4pm到左HongKong MarcoPolo Hotel....不過Well.... 由入去到講解到環境......只可以講唔掂&勁冇feel.... 個F&B既同事又唔識野, 個場又舊, 新娘房and overall supporting又唔夠, 個場仲同佢地影d相差好好好遠.... 所以stay唔夠20mins就走la...... 由於太趕時間約左睇樓... 所以冇去日航酒店lu...... 

跟住4:30pm 到奧運站pickup老豆, 之後再去左睇上個星期果間屋... 今日陽光好d.... 可以再睇得清楚少少呢...由於都真係幾鍾意, 所以今日都睇得幾小心....睇下子係咁四圍行行行, 睇睇睇得幾小心......

最喜愛既係可以企出露台...... 開揚景是我最愛呢...其實山景, 海景or樓景都可以, 只要係開揚又唔洗比人望住哂就可以呢.... 

右邊仲可以望哂4小龍呢......正!!! 不過說真的, 單論露台feel, 昇悅居果個正d, 不過論view就一定係呢度........

睇完之後就先送返老豆到搭車返屋企先.... 之後再同子傾左一陣, 就再打返電話比Agent第一次正式出價.... 之後就要睇下佢夠唔夠牙力同業主傾la..... 

之後再返去海港城睇新Z4既車展..... 呢部車真係我近期既Dream Car.... 好耐都未試過有一部車可以觸動得我咁緊要呢.... 可惜佢最最最平果部都要成50幾萬.... 哈哈...都係得個睇字呢.... 比d心機做野la....... 大家見唔見到我睇得幾入神呢... 比子影左都唔知...hohohohoho.... 所以今日都幾開心呢....

 

3月27日 婚宴場地: 香港會議展覽中心

香港會議展覽中心... 會是NatNat跟我舉辦婚宴的地方嗎???

呢個幾星期日日都係咁搵場... 有時都未知個場係點, 都已經要打去問la... 因為處處唔係waiting list, 就係完全冇期到連wait都冇得wait呢.....真係辛苦哂子啦... 當然仲有一班好友既幫手la.... Liza and Janice...! Thanks alot! 一直以黎心目中既都係果幾間所謂最城中最熱門既場地.... W Hotel, Four Seasons, Conrad, Excelsior, Le Meridien CyberPort... 可惜間間唔係full哂, 就擺唔到要既圍數....唉... 正當開始擔心之際....反而有一間細個時想過攪婚禮既地方而又一直就冇想過就係....會展!!!...特然間有點眾裡尋她.... 打去問過幾次.... 佢地一月三日有期(都係我地擇左既其中一日), 不過我地都係prefer一月二十三日呢... 問佢地23號waiting list幾多人, 佢話我地係第二個, 對上一個會o係今日confirm要定唔要.... 所以前幾日都好緊張呢... 而又一面等緊W Hotel星期五既回覆.....

終於到左今日啦... 子今朝俾左Good&bad News我...問我聽邊個先... 我話bad先... 就係W Hotel既Flora打左俾佢la...今早佢個客confirm左pay deposit... 所以我地攪唔到W個場, 反而會展就ok喎, 個客give up左...依家個場hold左比我地, 即時心都鬆左一口氣呢... 真係冇想過咁緊張呢.... 因為如果23號冇場.... 我就真係唔知點算lu......

放工之後先同子去左Mandarin Oriental, Hong Kong睇場, 不過佢地都係得Jan 11號有場, 23日都要waiting list... 見冇咩chance, 6:30pm就約埋Cathy and 佢未婚夫一齊去睇會展場... Cathy 係子既二十幾年姊妹...大家都係黎緊呢年結婚, 而又咁岩佢地都係擺會展呢... 所以今晚大家睇完場之後都去左dinner and 做下sharing呢...

先講講個場呢.... 我地預計擺23-25圍... 所以佢地可以比哂紫荊廳3個場我地.... 一次過打通哂個場真係好壯觀呢.... 不過講真, 單論grand...佢真係不夠酒店既ball room..... 不過卻有超高樓低, 全場落地玻璃加無敵維港景.....都ok啦... 最多放多d resources係場地佈置啦.... hahaha.... 不過有個場都已經好開心.....

同sales manager傾左好多野!不過都係等星期一先confirm啦... 不過98%都係ok! 因為市場真係冇咩有期而又可以比我地.....之後四周參觀下, 其實大廳同expect既都差唔多, 反而lobby and走廊就幾impress到我喎! 既靚, 又夠大...可以set好多野呢!

入到盡轉右之後另一條入場既大走廊..... 真係幾大喎....

傾好哂之後...再傾菜單.... well....改下加下, 圍起條數每圍都同酒店charges都係差唔多呢.... 不過都係開心既... at least confirm到有場ready....^^

其實真係好開心呢.... 最終可以係會展擺子同我既婚宴..... 說真的會展不是最靚的場, 不過卻是我覺得最特別最有意思的....話說18歲考了車牌, 之後一有時間就開車四圍去玩, 四圍去遊... 去得最多既...就係同一班老友記去會展海傍吹水...當時會展都係起左一陣ja, 直到之後放假返港次次都係去會展.... 有時晚晚由12am吹水吹到朝早7/8am呢... 為什麼到那裡??? 三樣野講哂.... 1.靚 2.靜 3.泊車唔洗錢, 不過我覺得最好都係11:30pm後去先係prefect time呢...唔知係咪慣左.... 咁多年就算到了今日....好多時都會自己一個人去果度..... 有時想靜靜地想下野.... 唔開心..... 有重大決定時... or 有朋友來港要吹水.... 我都會去果道..... 當然同子都有o係果度拍拖bowl電話... 有時都係企左係果度成晚la.. 仲記得當時望住維港, 吹住海風, 望住車車, 又望住會展....真係正!!!

到自己係澳洲時... 有時夜深人靜, 都會想好多無謂野呢..... 有時想下自己如果有機會有部Z3 la.. 又有想過自己結婚又會係點呢... 想當年都唔知咩場地咁咁咁, 總之唔好係酒樓... 所以有時會想imagine下, 會展係最represent香港既地方, 當年回歸又係會展.... 如果可以望住維港, 而且有一個超大既hall, 又可以o係最代表香港既地方舉行婚禮.....都很不錯呢.....!

所以子..... 妳放心啦.....!!! 去唔到W Hotel其實真係冇問題ga.....塞翁失馬....

而且.... 我地真是眾裡尋她呢!!!

快d打去confirm要個場la....!!!

3月25日 李宅裝修

真係非常非常dirty呢... 全屋都佈滿了灰塵, 又成股油味, 真係好難頂呢....  上個星期得知屋企有裝修工程, 本以為只是整整大門及換掉全屋五部冷氣.... 點知....

整下整下... 越整越多.... 對上一次去前年去韓國期間裝修自己睡房, 返到香港仲要sleep左幾日廳呢.... 而今次...  先整好老豆間電腦廳重修牆身, 之後又要搭棚, 再換全部冷氣.... 點知廳果兩部d喉入哂牆, 攪到又要鑽開哂d牆, 咁整好之後連牆紙都要換埋(預計5月頭)...都幾大工程呢.... 不過最trouble係成屋都好dirty呢....

到我自己房.... 呢部就係新機... 不過整到d牆又勁dirty, 又勁dusty.... damn... 好難頂, 仲連我窗台都整爛埋... aiiii... 又要整多幾日......

之後到Nancy間舊房, 全部家私都拆哂.... 由工人房再改多一間雜物房..... 都唔知有冇咁多垃圾, 真係誇張

希望快d快d整好所有野la.......想快d執返好d野la....

3月23日 睇場: W Hotel@Elements

今日係星期一又要返工啦....!!!  不過說真的, 個心都散哂而又飛左去搵場地.... 始終一日未能夠落實個婚宴場地, 個心始終都唔係好踏實...  不過今朝總算有個Good News啦... W Hotel經過星期六事件之後, 今晚總算有交代啦...因為今晚直接由Flora佢地個 Sales Director接待我地呢! 佢真係pro過佢地之前個sales manager多好多呢, 而且上次Ken's既wedding都係由佢負責呢... 心中即時加左幾分!!!

放工之後7pm先到W Hotel既Lobby行左一陣, 個feel真係似足外國既casino...音樂, lighting, 所有所有野都好有mood呢...(真實環境暗好多呢)  而今晚除左子之外, 仲有佢既好姊妹Liza都有一齊出黎幫手睇呢....我地都好感激佢呢, 呢幾日佢都幫我地打左去好多酒店check期... 真係多謝哂妳呢!

我地上到7/F既Pre-Function Area and Great Room就即時想起朋友仔上次個wedding, 簽紙既儀式都可以係pre-function area舉行! 感覺真的很不錯, 仲好靚呢!

其實點解想係W Hotel攪.... 呢個pre-function area佔了很大既因素.... 因為地方真係好靚, 全場落地玻璃..... 光線既足, 又靚!!!

之後再入去Great Room睇場! 說真的... 有少少失望... 因為個場真係細左d, 計過哂最多都係擺到21圍, 如果要再多...每圍一係放多一個人 or 要係pre function area擺多幾圍, 不過就要set cam and projector整場內直播.... 咁貴一圍酒攪到咁又好似唔好喎....  所以如果真係有期擺到, 可能有部份既親戚/朋友仔就未必請到....  咁又好似唔好呢...

行左一陣就同Flora傾場期問題, 佢話最快要星期五先可以confirm我23 Jan有冇期, 所以我又要等多幾日??? 好希望可以o係兩個星期內confirm到場地....

睇完之後一齊去左Elements食dinner... 今日真係多謝哂Liza咁幫手... 一次check哂心目中幾間酒店: Four Seasons Hotel(已full), Intercontinental Hotel (Min charge: 600K???), Aberdeen Marina Club (只有11 Jan期)...今個星期繼續努力啦.... 要快手d先得la....

不過唔知點解, 今晚睇完W Hotel有左少少hesitation...第一.個場真係細左d, 第二. 就係Liza有句說話講中左自己心事.... 個場好正好有clubbing feel, 成班朋友仔去一定超hyper and超enjoy, 不過年長個一輩又點呢??? 之前真係冇想個呢一點.... 第三. 今日計過每圍要成萬三有多...呢個價真係可以有好多選擇呢!!!

3月22日 睇:場+新居

自從公司要求同事要返多一日之後, 休息及準備婚禮既時間真係又少左, 所以今日雖然係星期日, 但係都冇得去好好休息, 成日都full schedules去搵呢樣, 搵果樣.... 我自己都還可以, 不過子又要返工, 又要返MBA course, 又要keep fit.... 真係體力差d都唔可以呢... 子!!! 妳要加油, 不過更要照顧身體呢!

噚晚先要多謝Jackie and Edmund兩位兄弟食完dinner之後仲陪左我同子一齊去左 Elements既W Hotel睇場... 事源唔係晚黑呢d時間去睇ga, 不過由於佢地個sales manager真係超煩, 約左Fri, 又改下Tues, 之後再改Mon, 最終又話唔得....要再confirm咁即係點??? 佢地叫我地自己有時間可以上去睇下先... 好lor... 咁就自己去睇下先la.... 說真的, 佢地個sales manager咁既服務真係唔係好得, 不過由於呢間Hotel overall所有野我都好鍾意, 所以都得忍忍la.... 點知今晚上到去又真係好好好OK呢.... 環境, d staff and所有個feel真係一流, 唯一可惜既係只可擺到20圍... 真係好少呀!!!而且min charge+beverages都要成280,000... 都好貴下呢 不過一世人一次而又係心頭好, 冇計la.... 最終噚晚都係問唔到sales team個期, 唯有等星期一佢地再覆la... 不過我知佢地個waiting list都唔短呢....

而今日下午就同子睇左兩個場, 一個係Conrad而另一個係Renaissance Harbour View... 兩間都係港島區既老牌酒店.... 先睇左 Renaissance, 佢有兩個場, 一個大可以擺到30圍, 感覺同一般酒店冇分別, 冇咩驚喜... 而另外一個細既就只可以擺到14圍, 不過成個場都有落地玻璃.... 又有大玻璃天幕...嘩!!!好正呀!!! 不過得果14圍??? 點解個個ok既場都只可以擺咁少呢...??? 其實同子plan左擺22-25圍就最好呢...所以冇計la.... 睇完之後就去左Conrad.... 個場就真係酒店feel lor... 一個大大既ball room, 三個細廳打通佢開盡一個大廳! 好grand, 不過就冇令到我地"嘩"一聲..... 都係要等佢地sales team報價報期.... 今日就係睇左咁多..... 有少少失望, 我只係希望快d可以confirm個期and場... 咁我地就可以舒服d, 唔洗咁緊張....一個婚禮, 最難就既, 就係婚宴個期................

行完酒席場之後, 就約好左經紀朋友去睇新居....  心目中已經有兩個岩心水既樓盤, 所以依家都係睇價and睇下邊個盤最快有d荀野la.... 今次Terry冇黎, 反而carol黎左... 都好呀!佢幾professional ga...!!! 今晚仲叫埋子既daddy一齊去幫下眼! 一次過睇左3個單位... 真係有點驚喜呢....今次第一次睇呢隻單位, 我同子都幾鍾意呢.... 今次真係有 "嘩" "嘩"兩聲呢.... 價錢方面其實都可以... 業主依家開左 3m頭 ... 話仲可以再講多少少.... 睇左咁多個盤, 而呢個最有機會... 我同子都覺得呢個可以呢! 

之後再去多次心目中最愛既A單位加無敵維港景, 下面個張相就係A單位個景, 環境真係好正, 不過個價完全冇跌過, 同上月月尾一樣仲係賣緊3M尾.... damn $#$&^$%^ , 即時買癮大減...... 留返個差價仲可以買部新車lu.....

見AB座似乎冇咩chance, 就再上多次去"嘩"嘩"單位, 想睇多次個夜景.... 真係很不錯呢... 之後再同carol密斟多一陣, 睇下得唔得... ok既話今個星期可以開票.... 不過我都想安排屋企人上去同我睇多次先... 始終買樓係唔可以衝動呢! 

送左子既爸爸返屋企之後, 我地就join左Nelson兩公婆出黎傾計, allan哥, 不好意思, 特然有事, 因為要請教佢地攪wedding d野... 都幾急呢.... 今晚傾左好多wedding and工作上既野...... 最近真係有好多轉變呢... 雖然辛苦, 不過都係開心既......

3月20日 擇"好"日子

今日真係好開心!!! 因為可以提前到師父度擇日, 總算鬆左一口氣呢....

今晚放工本來約左去睇場, 點知個sales manager今日唔得, 唯有改期先la.... 見放工同子忽然冇野做, 就call楊師父問問可唔可以早d上去擇日(本來約左23/3, 星期一)... 哈哈!好彩又比我地約到喎, 所以放工後7:30pm就上左佢office lor!!!

楊師父擇左好幾日俾我地, 不過由於大佬今年12月5日結婚(屋企老人家要我地分隔最少一個月至可再攪喜事),而下年新年係2月14日,  下年既通勝又未出, 最重要既係我又怕3月春天可能又會下雨又潮濕, 所以可以選擇既日子其實都真係少之又少.... 一月係唯一比較可以選取既時間...

最終一月可以選既日子有三日, 就係一月三/十一/二十三日.... 都幾好呀...  一一一 and 一二三 幾易記呢!!! 擇好日之後就先同子去左world trade centre dinner.. 之後就趕返屋企lu..... 始終想問下屋企人既意見..... , 之後再去grandma屋企傾.... 再之後就到子屋企商量一下! 經過眾人既意見之後... 好彩佢地都好respect我地呢....佢都都俾我地自己話事, 而我地選擇左既排序如下呢:

1. 一月二十三日

2. 一月十一日

3. 一月三日

希望可以安排到啦.... 因為最終都係要睇酒席既安排, 始終最難book既都係酒席... 希望o係下星期可以confirm到婚宴既地方啦....

3月15日 Pre-Wedding Picture

首先再想o係度多謝咁多好友連日以來既祝賀! 衷心的多謝大家  我同子會好好咁享受呢一個過程and呢一個婚禮  而今日最新既update就係已經落實左影Pre-Wedding既Production House呢...!!! 開心哂....!!!

Before 寫pre-wedding picture之前, 很高興joyjoy前幾晚既說話, 而我都想同大家share一下, 因為我好認同... "婚禮既時間好短, 一天既時間很快就過, 反而籌備既時間卻很長, 可以做到籌備既時間都sweet & 幸福, 呢個Experience & Memories反而更加重要"... 聽到之後感受好深.... 心急既我一直都係著重結果多於過程, 今次真係要好好學習享受呢一個過程...仲要攪下自己個耐性呢 好多好友近日都同我做左d婚前consultation, 話呢段時間至結婚當中一定有好多意見分歧所以都好易吵架, 希望呢樣野唔好咁"快"發生... 我都希望可以好好manage到呢... 小心小心... 不過一直以黎子都好就得我, 應該可以既... ^^ 不過點都好la... 多謝哂咁多位... and joyjoy!

言歸正傳啦.... 繼噚日之後, 今日又第二次去左婚紗展, 今次去最主要既原因就係arrange pre-wedding picture既services... 行左好多間, 睇左好多間... 其實心目中已搵到一個好岩心水既攝影師.... 婚紗展中其實有好多間唔同既production house, package等等等等.... 影既相間間都唔同... 不過最岩心水既, 其實都係要搵返個攝影師而唔係公司. 兩年前睇過朋友既pre-wedding照之後一直都有好感!!! 而其實上年參觀過婚紗展之後就知道個攝影師係邊個... 其實詳情可以睇返我or Nat既舊blog~2008/7/13.... 我地都對佢好有好感呢.... 至於係邊個就唔講住... 影左先再share啦...噚日去左睇之後, 其實個心都十五十六, 原來影相都幾貴ga, 又要pre-wedding, 又要wedding day, 又要video, 又要即日剪video等等等等... 真係炒埋一條數冇返6-8萬都冇得走呢...  咁點好呢...??? 自選攝影師仲要另加$3000-8000不等? wa..WA...WA....!!! 咁點好呀?.... 但係又好鍾意wor~~~ 點呢... 點呢....?  計下計下... 呢度拉下, 果度慳下, 都係算啦... 既然鍾意就再去傾下la.... 價錢就冇得傾la... 係傾下可以拎多d其他優惠la... 如可取回既相數目, 油畫等等等.... 最終都係忍唔住... 睇左咁多間, 又睇左朋友果套都成兩年, 到今時今日, 都係最鐘意佢.... 所以都係豁左出去俾左deposit... 不過子同我都係好開心既..... 最快5月影相... 睇黎我地都要極速修身呢... 

Update返今朝一早7am就去左New Mini Club既新車優先試, 今次試既係新到香港既開逢cooper, 而試車會o係cyber port舉行, 我地仲可以一面o係酒店食breadfast一面等試呢... 哈哈... 子今日都有試! 不過由於新車o係香港仲未有發佈, 所以今日既照片仲未可以登出來, 直到Hong Kong Mini發佈左先再update啦... 睇住外國d pic先la...

3月12日 可以三喜臨門嗎?

忍左幾一段日子, 希望可以o係今個星期一次過出現多個喜訊沖喜下.... 本以為可以三喜臨門la.... 不過咁想又係咪貪心d呢??? Senior??? No la... I am not looking for this....

今日其實都有少少打擊ar, 不過一日未confirm所以都唔緊要啦... 繼續努力吧... 依家要好好為將來做準備, 太多野想做la... 樣樣都講$$$唔努力d唔得呢......

今日其實day off, 噚晚睇完曼聯對國米都5:45am lu, 而今日下午做完要做既野之後, 就搵左準伴郎昌兄弟出黎傾下計, 順便互補生日呢... 多謝哂啦... !!! 不過今晚冇去飲野la... 因為都幾tired呢...

其實仲有其他好消息既... 3月份既生意已經全部達標...  Green Light呢.... 要加油做定4月啦... 公司方面越來越難做.......... 要求又越來越高呢..... 努力呀..!!!

3月11日 大日子! 生日 & Engagement

311既今日將會係我人生最重要既生日之一!!! 原因係~~~我向子求婚成功啦!!!

首先要係度多謝所有朋友send比我既birthday msg...... 今日sms, facebook, email都不斷咁收到很多你地既祝福..... 真係多謝哂你地呢!!! 真心的... 多謝哂你地!!! 今日想o係度再宣佈呢一個喜訊!!! 我很快便會結婚了 不過日子要o係四月至定到, 因為等緊師父替我地倆個擇日呢....

今日真係........ 我都唔識講依家既感覺..... 開心, 緊張, 累, 興奮..... 其實樣樣都有d..... 哈哈... 有d唔知點咁.... 不如就照舊咁記敘今日既一點一滴啦....!!!

籌備了這天其實都有一段時間, 不過之前為左保密, 所以都lock左我好段blog既topic, 不過依家都開放左o係 Ks之Wedding既Group入面, 有時間可以睇下呢... ^^ 其實呢幾日都prepare緊求婚既方法..... 之前子溜左口風話今晚會o係半島Felix食dinner, 即時打算用最老土既方法去propose..... 訂好花.... 同酒店既manager傾好左密謀咁將一個birthday dinner變成為一個Engagement Dinner... 當一切準備就緒......  說真的, 人算不如天算.... 今朝一早子打俾我話酒店已經同佢confirm左張檯, 仲話如果李生訂左d花一到, 就會contact返李生...... 酒店方面之後知道左出事, 即時話... 唔好意思, 攪錯左另一張檯..... 但頂... 打得比藍小姐, 又係李生訂花..... 唉....... 雖然之後子都以為佢地真係攪錯... 但係我都要改改個plan, 如果唔係真係冇哂驚喜呢..... 其實我都係鍾意順其自然呢個方法, 既舒服, 又意外, 效果可能仲好d呢...... 所以.... 今日不斷找尋機會.... 睇下有冇"突襲"既好時機!!!

今日我day off而子就off半日, 所以2pm到左香港站接子之後, 就同佢去左赤柱散步and食tea...... 我地去左好朋友介紹既泗益食野呢.... hehehe...

今日天陰陰, 又清涼, 仲要下住毛毛雨呢...... 不過感覺卻出乎意料的舒服呢......因為閒日關係, 四周都好寧靜呢...... 望住個大海.... 心想... 係呢刻呢度啦.... 唔好再等.... 就咁....就 下面呢張相係求婚之前搵人影既......

 

3:15pm左右!!! 成功了!!! 之後子既手上已經有屬於我倆婚約既介子!!! 雖然隻介子唔係最完美既一隻, 不過卻係我最有誠意既一份心意....!!!

之後大家既心情...都唔知講咩la.... 只係笑.....笑....同笑.... hoohohoo..... 留左o係果度一陣之後我地就去返銅鑼灣..... 我地仲即興走左去利園睇婚介呢.... (好似急左d喎).... 6:15pm酒店打比我話everything alright... 我話... 妳地個同事已經爆響口左.... 所以我已經proposed左呢.... hehehe...  算啦.... 我比較鍾意今日呢種mood到就黎既方式....

7:30pm我地就去左半島28/F既Felix, 以前生日去過一次, 不過上次胃唔舒服, 所以食得好少野..... 而今次.... 應該開胃d..... 

環境真的很不錯.......食物不錯, 都不及心情既不錯呢...^.^

Dessert仲變左個birthday chocolate呢... ^^

食飽飽啦... 係時候返子屋企見家長, 正式宣佈婚訊呢....

未入門口都仲要影呢.....

今日真係好特別.....  我一直同子講, 唔洗買birthday gift.... 咩都唔要.... 因為.... 妳咪係我一生中最重要既生日禮物lor...... 子...!!! I will love you forever and happy birthday to me!!!

返左屋企一陣, 朋友親戚已經有msg and call黎啦.... 又會咁快知既.... 多謝哂大家!!! 之後wedding既update, 大家都可以o係我個blog Ks之Wedding share到呢... 有咩做得不足, 記得指點下我呢.....

Thanks for everything from all of you!!!