4月26日 健康星期日

之前個個weekend都忙住攪wedding and house hunting... 所以今個星期都要take a break, 希望可以好好休息一下la....  所以星期日我地都參與左一些好健康既節目呢!!! 打羽毛球, 飲茶, 車展, 大富翁, 大排檔....!!!! 好熱鬧... 嘻嘻哈哈又一個週日... 明日又要返工lu...

今朝12pm就到左Simon屋企打羽毛球, 之後一直打打打打到2pm.... 由於子同我都要prepare影pre-wedding, 所以對於可以參加運動減肥, 當然即時加入啦... 哈哈... !!! 打飽之後就去左飲茶, Allan and Edmund 兩pair伉儷都有一出席呢... ^^ 其實大家今日都想去睇Golf既新車車展.... heheheheheh.....  好似有位太太既先生已經ready for Gti呢... 恭喜哂!

睇完車展就返左Jackie兄既屋企... 玩好耐都冇玩過既大富翁.... heheheheheh 第一次梁家大富翁挑戰賽排名如下呢... 1. NatNat, 2.KEis, 3.Ximon, 4.Karen & 5.Kennis... 哈哈... 今日仲有個牢獄后呢.... 哈哈哈哈.... 希望快d再玩過la....

玩完成9pm至出去沙田食大排檔.... 哈哈... 對於正進行減肥既人士... 真係慘lu...

4月20日 Big Day Photographer?

今日返Quarry Bay上System Training, 整日都好busy...原因??? 就係一直上網噚找Big Day既Photographer lor... 繼星期日下午再去完King's Production/The Studio之後, 選擇困難症又再一次復發呢...! 噚日傾左Big Day既 Photo & Video Services..., 不過都真係幾貴呢...雖則我都明一分錢一分貨, 不過都好似已經超哂影相&片既budgets呢!

好鍾意King's Production既相,所以先借用Karen & Nelson's Wedding既pictures先!

單單一幅照片!觀者都已經感到很快樂!  我覺得佢地最叻就係捉人感覺!

Pre-Wedding已經用左佢地既service, 而黎緊都應該會用埋King's既Video Services, 不過影相就真係未confirm到... 成日自己同自己講, 一生人一次就豪埋佢la, 不過之後仲有好多地方要用錢呢...而且子同朋友仔都唔係太support... 真係好難決擇呢...

下面呢張既攝影師Andersen係我繼King's Production/The Studio之後就最鍾意既,好想同佢合作,所以今晚一發現佢已經即時同佢聯絡,可惜佢已經冇期啦,而且佢只係會影snap shot only, 不過我又ok喎!佢d相對比好強, 色彩好靚呢... 最重要既我覺得好clean and charm, 一睇就鍾意!

之後再睇Dennis Mok既相, 感覺都好o岩我同子呢!!! 打左俾佢,只係留左言! 而單睇個website, 相信都唔平呢... 睇下有冇期and報埋價先! 希望有good news! 好靚呀!

Ken's Wedding既production team, 專做commerical project, 不過阿ken佢仲未返香港, 所以都未問到佢地接唔接job呢...又係要等....

而最後今晚同豪哥見面, 大家傾下and share下可以點合作! 我要咩感覺咁! 佢真係好pro and好細心呢! 其實都合我同子既要求, 不過我地仲想睇多少少先! 如下面呢張最比到我要既感覺!

其實以上既都係一些個人意見, 先旨聲明我唔係專家, 所以觀賞方面都只係個人感覺... 所以問我要咩其實都唔識講, 不過唔知你地睇完以上照片之後, 有d咩感覺呢?不過我要求既.... 其實係要影到"果隻"感覺, 而邊隻我又真係唔識講, 另外顏色要靚, 對比要強, 人又要sharp... 黑白彩色我都鍾意呢....!!! 如果有referral都可以介紹俾我呢!!! Thank you!

4月18日 Pre wedding既籌備日

今日既schedules實在太full and太fruitful la... 一日之間要做咁多咁多野, 都真係幾累呢!!! 話說半個月前就已經約左今日要到King's Production/The Studio開會傾影相既野, 所以同子都好期待今日呢.... 始終都係人生第一次, 都有d緊張既.... 而且有機會見見攝影師 - Ben Li! 其實兩年前睇到朋友仔既照片已經好鍾意佢啦, 不過當時未有打算結婚, 所以一直都等等等... 直到真係要影相時, 睇左冇幾個都已經決定要搵佢拍pre-wedding, 雖然收費係貴過坊間一般既package, 不過我同子都覺得真係值既...所以都幾期待呢!!!

今朝11am要先到利園拎個袋..., 之後就快手快腳咁食少少野, 就直去佢地公司lu.... 今日見到Kelly and Ben... 真係都幾開心呢... 大家都share左好多意見,  好多stories, 其實我地兩個咩都唔識, 都係講下大家想要d咩.... 至於係咩... 第時有相睇時咪知lor... 傾下傾下... 又傾左個幾鐘, 由於時間太緊, 又傾唔到Big Day既video and photo arrangement, 不過就咁睇個package price, 加埋好似都要成$46,000..... 好貴呀...一日ja bor!!! 唔知有冇discount呢, 不過都要再約先知... 暫定下星期啦.... 今日要去confirm用邊間既Gown先!

之後1:15pm就到左上環既Amelia Wedding睇婚紗... 都係果句la... Big Day既package要遲d先攪la... 先prepare好pre-wedding先la...  今日上到去... 感覺比上次o係Peony好... especially Zoie既服務真係唔錯.... 間店唔係好大間, 不過佢地對客人都好細心, 所以感覺好舒服... 心想, 婚紗好多都差唔多, 最緊要係舒服開心咁去做preparation... choose好左要既gown之後都成2:15pm, 又要趕去下場....

下一場就到很有名氣既Cocoon

從一些feedback and forum得知佢地既婚紗and褂都好靚.....一直都唔明點解咁多人讚, 不過當今日去過之後, 真係明哂啦....因為我同子都好滿意喎!!! 我地先選好wedding gown, 之後佢地仲好主動拎左件男裝比我試身呢...嘩!!! 真係好fit身喎, 大家都知我係細隻人啦, 之後Cocoon既Jackie and Kathy仲arrange叫埋子試...不斷咁試,又教我地點著呀,襯咩好呀! 一般都好少有未confirm就可以咁試法呢!!! 所以我地都好appreciate佢地既服務呢!最後仲拎左佢地件褂皇比我地睇(褂皇既身價係單日租都要成3千幾四千~嘩!不過佢地話連waiting list都冇得wait lu)

說真的,其實去之前打算用Amelia,不過睇完哂Cocoon既gown and佢地既服務後,我同子都已經有左決定,好似佢地既Gown岩子多d,不過星期一先再同佢地confirm啦!再一次多謝jackie and kathy既服務!!!下面呢件就係佢地其中一件Cocoon褂啦!

 

睇完之後都成4:30pm啦... 嘩.... 落大雨喎....... 我地今日冇開車, 所以都幾狼狽....嗚嗚... 5:15pm就再趕去chairone搵Andy幫子整整頭.... 順便睇下wedding個頭點set.... 好多謝上面既同事祝賀呢.... 其實我地去兩個都剪開chairone, 大大話話都有8年9年la, 所以都ok熟呢... 而且Andy and佢地好多同事都睇住我同子拍拖, 到我o係澳洲, 返香港, 開始做野等等... 而次次去都問我地幾時結婚, 今日真係啦... 哈哈... 多謝妳地! 不過子整到一半我就已經累到sleep著左lu.....

攪完頭之後去左邊??? 仲未完呀... 之後再去左CWB既Faces睇make up and hair set... d plan由幾千到一萬都有.... 如果指定用Eva就過萬...... 子就好滿意呢, 不過大家都係再睇下先啦, 未有決定......

攪完之後就返屋企真係rest rest啦... 今日真係好累... 下雨又真係好trouble呢.... 而9pm左右, 梁小B再一次上左我屋企探我and我屋企人呢.... 真係好開心呢.... ^^ 小蜜蜂look? I like it... ^^

10pm, 我就同子先再出去大角嘴食腸粉做dinner呢... 唔好太heavy lu.... 點知真係o岩喎... 竟然同Bobo(小優)and佢老公坐埋一檯... 哈哈... 大家又做下sharing呢... ^^

今日真係好累呀... 不過說真的.... 很enjoy and 開心既...

子~~~ 大家加油啦!!!

4月17日 Work/Life Balance

Work / Life Balance... 一直係前銀行既口號... 得唔得就見仁見智啦!!! 不過今日就真係做左一件有益身心既活動, 就係打羽毛球啦!!!

(Ps. 第一次整呢d四合一照, 成功了... 好開心呢...)

Simon兄... 今日多謝哂你既安排... 大家都玩得好開心呢... 我同子就更加需要intensive既exercise呢... 要努力減磅呢.... 6月頭就要影相啦..... 而辛苦左成個星期, 做下運動都真係幾正呢... hohohoohhooo......

既然有life就update下work先...呢個就係我地其中一個class room, 係咪好似bank hall呢....其實間間銀行都有呢類型既房...

上堂做得最多係咩??? 睇下我部i-phone就知啦... 佢又要食野la....

4月17日 新工的一星期

終於返左一個星期la... 返新工既感覺很特別!

首先好想係度多謝所有sms, msn, fb and打過電話俾我既朋友仔及同事仔...多謝哂你地所有人既支持及鼓勵呢 心中無言感激!!!

仲記得當第一日踏進新銀行大樓時... 我望住佢個logo同自己講, 我已經正正式式由....轉到.... 銀行了.... 呢個感覺好好好特別.....

已經返左一個星期新工lu..., 如何? 說真的, 現在還不知道呢, 因為o係落行之前都要training呢, 而且個schedules比以前FPM既18日半更長, 因為由4月中一直會training到6月頭, 所以都幾長呢.... 本來都以為training period會係一個honey moon啦... 不過原來都唔係ga, 因為佢地training都幾多野做... 可能做既野始終唔同.... 不過我都好willing去學去做, 因為要成為一個正正式式既personal banker, 就唔可以只focus o係 I&I 方面.... 所以真係好多野都要學... 依家每朝8:30am開始read newspaper and listen銀行一條叫830既hotline即時update market news... 好甘呀  本以為自己會好enjoy training既日子, 因為唔洗再跑數, 點知冇左跑數既壓力... 換黎既就係好似小朋友咁坐定定上堂and考試... 其實都係另一種壓力呢.... 好彩trainer都好好人... 上堂唔算太辛苦呢....

第一日校長出黎訓話, 有一句我好agree, 佢話我地呢個batch有26人... 個個來自唔同銀行....咩position都有, 所以剛開始時好多人都會同自己舊行比較, 哈哈... 佢一講果刻, 我正掛住我d舊同事仔呢... 想緊上星期同佢地做緊咩, 始終上星期既呢一刻我都仲同緊佢地一齊呢!!! 而再講返呢個btach既batchmates大部份都係做開relationship manager居多, 仲要有好多人由private banking過黎....所以佢地都應該幾熟將會學既野, o係咁多猛人面前, 我都係低調d, 惡補下先呢....哈哈, 不過玩左幾日, 都已經熟左半班同學仔呢... ^^ 其實銀行system方面, 間間銀行都差唔多,所以問題不大反而係做既野多左好多呢...因為過黎之前,所有人都話比我呢度個culture跑得仲勁個Citi, 心都知幾甘la, 不過都要頂啦...今時今日呢個時勢, 有promotion又有加薪, 都算好好啦... 

說真的.... 最最最不慣的...就是以往搭地鐵由cwb到中環, 而今日由cwb到觀塘, 身邊既人, 好多好多既野都很不同... 衣著, language, 所有野都同平時唔同哂, 感覺總是怪怪的...我還是比較喜歡在中環返工,  所有野都好靚呢....仲記得第一朝早就連落車都落錯, 原來要到牛頭角站下車, 而我卻早了在觀塘站下車.... 真stupid.... 行到傻左! 而以往到呢面都係自己開車, 而今日就搭車, 仲要行... 真係唉...好唔慣呢! 希望我之後可以重返中環啦....

最後啦... 都唔知有咩講啦.... 所有野都開始習慣中... 希望可以順利完成所有野!!! 比心機做好新工啦...!!! 加油!

4月13日 Wedding公仔

今日第一次到傳說中既金都... 說真的那裡都真係幾包羅萬有...  不過就冇咩自己想要既野.... 反而可以睇下帖, 禮物仔等等la... 不過今日最問心既都係子la... 因為.... 佢搵到佢最想要既野..... ^^ 不過佢都未plan到要用邊對呢....

買左之後仲入左去鋪頭倒亂呢... 係咁攪d龍鳳"bracelet"...... 子最開心呢....

而今晚又再一次約左jackie and ximon兩公婆一齊出黎食左餐casual dinner, 由於聽日個個都要開工, 所以好早就食lu..... Easter Holiday又完lu... 希望大家都有個新開始啦....!!!

而明天就要返新工啦.... 說真的, 真係有點緊張呢....pray for me!!! 心情有點忐忑....

4月12日 BBQ 聚會

今晚真係好開心呢... 又可以到ximon's既"豪宅"開party.... 說真的, 最近去過咁多既屋苑參觀...佢屋企真係好好好靚呢...  內外所有野都好好好正呀!!! 而今晚我地去左佢club house既BBQ場開餐呢....... 小B仲第一次參加BBQ呢....!!!

今晚真係唔該哂Ximon兩公婆既籌備呢..... o係佢地屋企bbq真係好方便....大部份既野屋苑都提供了, 我地只係需要預備食物用具等.... 最重要既係場地非常clean呢... ^^ 雖然間中都下了兩滴雨, 不過仲好... 清涼d呢.....仲舒服... 一直食食食食又黎下men chat.... 因為女士都去左陪小B玩... 所以都好愉快呢.... 9pm就返上左去佢地屋企lu.... 而11:00pm又再落樓下食糖水.... 好relax咁又過左一日easter holiday.... 仲有一日就要返新工lu.....開始緊張!

而今日下午, 陪左子食左少少野之後, 見仲有時間就再約左carol睇樓, 因為佢之前call過我話有個新屋苑可以睇, 而Quxz噚日又睇過... 又好... 見有2hrs時間....所以我地先去左睇兩個四小蟲既單位, 不過弘景一直唔係我地杯茶, 所以都係望下就算.... 之後就係左今日既主菜 - 星匯居........

說真的... 一入去既感覺好impressive... 樓下lobby, lift and門口所有野都好岩feel... 好靚... 屋既灰色設計所有野都好正and好有型...有d似君匯港... kitchen, toilet, lift都有TV....好正ga.... d廳好見洗... 不過一入房就........ 細到離奇....窗台大, 但個窗卻細到癲.... 真係一千個???????  不過overall building都好ok既, 不過都係location問題... 行到去長沙灣MTR其實都幾遠, 而且要搬到去深水步, 呢個樓價又好似唔值喎....

4月11日 Mini Club海鮮宴

今日下午再次去左睇婚紗, 不過今日都係睇左一陣, 雖然好靚, 不過好似唔係我地相要既野... 再慢慢睇下先la...

6pm就去左west kowloon同mini club既朋友仔集合, 因為今晚會去流浮山食海鮮呢... 今晚真係超抵食.... 每人HKD260, 真係食到夠呢....

食飽飽之後就去左機場核心工程果面night ride and吹水呢... 睇下幾多mini....

今晚又過了一個愉快既晚上... 放假真係開心呢!!!

4月10日 嫁衣~子的第一次

今朝一早就俾子morning call... 哈哈, 佢提我今日要去睇婚紗呢... 佢把聲好似好開心咁喎...見佢咁開心, 都即時醒哂la....(噚晚成晚同阿Lam出左去man talk and飲野, 其實我都係今朝先sleep呢)... 不過都即時起床, 梳洗一下就到銅鑼灣meet佢...

我地先去左Peony睇... 第一次見子著婚紗...感覺有點特別... 人地話, 女人著婚紗係最快樂最幸福既.... 而佢第一次... 我相信都係既 ... 子不斷問我好唔好睇, 不過我冇答佢, 其實一個女人最幸福既樣咪係最靚lor... 仲要問? 最衰唔可以影相, 如果唔係, 我一定會影低佢既表情... 之後睇左佢既gown and package, 由於今次係第一次睇, 所以都唔會咁急決定... 不過價錢比我預料既ok...

睇完之後去左同屋企人飲茶, 大約3:30pm又再去另一間子同事介紹既Joy's睇... 之前聽子介紹過老板娘係佢同事既媽媽... 仲要係好有experience既... 所以起初上到去都有點緊張呢.... ^^ 傾左一陣, 又試左"好一陣"... 總算大概知道要d咩啦... 佢間shop既所有gown都好靚ga... 全部gowns都係新, 手工又好, 真係好靚呢...   下面張相都係偷雞影, 不過應承左auntie會保持婚紗既privicy, 所以已將張相加工了... 唔會睇到款...

一分錢一分貨係真既.... 唔講唔知一套gown係咁貴.... 所以都係睇多陣先下決定... 今日總結係, 簡單就是最美....

今日過得咁特別, 所以搵左老友仔一齊食飯, share下今日既喜悅呢!!!

4月7日 再見匯豐總行

今天是我最後一天在匯豐銀行總行上班的日子... 心中有超過一百萬個捨不得... 說真的, 我從未有想過我係咁捨不得ga... 本以為可以灑灑脫脫的離開.... 點知... 都係咁...  情緒病又發作.....想o係度再講一句, 多謝哂身邊每一位同事, 客戶朋友及Batch94既batchmates..... 你們給我的回憶... 常在心!!!

Last Day其實都冇咩好寫.... 都係食下farewell lunch, 做埋exit interview, 影下相咁... 反而相記錄一下每天工作的點滴啦.....!!! 在總行工作呢幾年... Total轉了三個team leader... 說真的, 有時真的很不慣.... 剛剛慣了合作方式, 轉頭又要轉..... 唉... 不過呢幾年間... 很高興同Nelson兄都是同一team.... 總算係有一個伴... 兄弟, 雖然你有時衰d.... 不過都好感激你既.... ^^ 每日既工作.... offically要返8:30am, 之後就要開morning briefing/investment briefing..... 一直到9am... 之後一班早餐腳就會落哂去basement開餐.... 說真的, 我根本不肚餓... 下去最多都係飲杯coffee... 最多都係想refresh一下自己個腦only, 吹下水又等自己醒下呢.......

呢d就係日日食... 但係又好鬼難食既燒賣... 咁又食左幾年..... >.<

通常食15mins我地都返去開工la... 而呢條通道既lift可以直到counter入面....

講真我地個個其實都幾勤力ga! 只係我懶d啦...由於日日都要跑數,個個都唔會waste太多時間, 始終你永遠都唔會知機會幾時有...每天既早上,大部份時間都係比較靜, 所以覆email/覆call比較多, 有時又接下counter, fmc, international banking centre既referral!不過都唔係太多,而呢個就係我既work station!

做一陣野就要食lunch la... 我地多數食11am, 因為lunch hour行比較多人, 機會又多d.... 所以早d出去仲可以食到早餐, 如果唔係, 我地就食2pm..同林大哥食就比較快... 通常一餐lunch都唔會過30mins.... 所以次次都食唔足1 hour!係咪好慘呢.... >.<

下午都係見客見客報價報價落下deal.... 咁就一日.... 4:30pm收行.... 之後會出去買個tea食下... 因為實在太早食lunch la... 有時頂餓都幾慘ga... 5pm返行再做野... paper work呀.. call下舊客呀... 講下briefing, meeting呀, 捽下數呀..... 咩都要做... 通常7pm收工la... 日日如是.... 呢個就係我地日常既工作, 說真的, 不是太辛苦, 不過壓力卻很大的... 不是我們呢行, 你地不會明白啦... 天文數字既數... 日日睇performance.... 都幾係野ga....

今日係last day, 我又想介紹一下朋友仔呢....!

Carmen and Cat仔係Customer Ambassador, 佢地兩個都好好人, 我好多生意都係佢地refer俾我呢.... 成日同cat仔一齊企main.... 都真係幾好笑ga.... 我地講野既內容真係.... 唔出得街... hoohohoh.....

下面呢兩個就係同team既好朋友, Nelson and Iris... 說真的, 佢兩個都係我在總行最close既好朋友.... also最可信賴既工作夥伴....

Cass係我總行最好朋友之一... 我地由企門口開始識..... 由講笑話, 到吵架(都係一日), 佢由customer services升到做general banking officer... 我覺得佢既服務同細心真係最好既.... 所以我自己做既mortgage都會搵佢幫手.........

記得以前我新黎時, 就成日同佢企呢個位搵客.... 儲客呢... 而我最大既deal(過HKD10M)就係由佢refer俾我既呢.... 多謝你!

以下就係Financial Management Centre既reception!以往我好多時都會o係果度幫手呢... 間唔中都有d好機會ga... 不過最開心都係同佢地一齊工作呢, 仲可以傾下計!

呢個就係3/F既pantry... 有時都會入去rest rest呢......, 因為出面坐滿客, 有時都幾有壓力呢.... d客成日都係度望到實哂, 佢地係度等時, 你又唔接客, 佢地就會用d好不滿既眼神, 成日好似問, 你做咩唔做野, 要我等..... 哈哈....

Kathy Ho... 一個年紀輕輕, 但做野超搏既同事... 不得不提呢

靚仔ronald and kathy... GBO同事... 同我都係manchester united既fans...!!!

最後更不得不提以下既Ingrid....匯豐全港最Top既sales...佢既productivity and 人工, 簡直係我既偶像!!! 仲要係年年都咁勁....... 一個人頂得半team數.... 勁!!!

以下就係總行Level 28既Mess Club, 以前只有executive level既同事至可成為member上去食野, 飲野happy hour等, 仲有buffet食ga..... 睇下後面個view幾正, 另一面可以望哂中環半上view!

再多謝部份Wealth Management既同事上黎同我farewell呢....無言感激!

最後又返落level 3既conference room, 呢間房係我第一日落行做registeration既地方, 之後平時team meeting, investment briefing and "捽數"等等都會o係度進行... 大老板房就係隔離........

最後更想回顧一些重要人士呢Batch94!起初一齊training做FPM, 呢個時段最開心, 而當我走左後,18人只係得返3個ja! Sam, Stefanie and Michelle加油啦...!!! 

當然仲有同batch最跑得既Doug Doug la.....

呢面就係上年阿姐Team既同事, 最團結既一群....說真的, 以往係同行如敵國, 不過同佢地我都部份人成日都有聚會呢..... ^^

最後啦.... 返返去level 3既主場影張相先...講真, 總行真係幾靚ga! 而影呢張相既時候已經係last day既6pm la... 當時既心情都係好特別.... 要做既都做齊, 銀行又關了門...四周都好靜, 或許是離開既好時間啦...  離開時真的百感交雜!!! 一直以為做呢個位只係單打獨鬥既工種, 沒料到除了工作經驗之外, 更贏了不少的友誼!!!多謝你地每一位給我回憶既朋友.... I love you all!!!!

離開是為了回來??? 不知道.... 不去想那些太長遠的事la.... 只想好好休息這一個星期, 因為一個星期之後我就要在新的工作崗位再次搏鬥.... 加油呀...!!!