5月30日 DIY 花球事件

終於到星期六啦...! 好耐都冇見過子星期六既日光時間出現呢...(之前都要返學), 所以今日真係做左好多野呢... 話說佢今早約好左Andy整到, 而再早d約埋Liza出去睇花呢....為左咩... 佢想試下DIY一個花球呢....

哈哈... 最終都係出去訂啦.... 其實我已經知要咩啦... 之後將多左既花都插好放哂入房, 真係好香呢...... 哈哈哈......

飲完茶之後就趕返屋企prepare梁先生既生日禮物呢... 今日係呢位老友記既大日子ma.... 所以一班朋友仔都會去佢屋企開party呢... ^^

梁生: 祝你生日快樂... 今年多左小B陪你慶祝, 相信會有另一番感受吧! 送俾你的"快樂"禮物希望你在屋企/公司都岩用.... 祝你快樂常在!!!

最後... 今日真係有d唔開心呢... 正當整整整整整野時... 用左年半都冇既DC好似有問題...... 整唔係問題呢, 不過我唔夠9日就要影pre-wedding, 依家壞左拎去整都唔知整唔整得切??? 買過部都可以, 不過我仲好鍾意依家果部喎.... 點都好啦... 星期一拎去check下啦...!!!

5月29日 IPSC Exam

又到一星期一次既IPSC Training, 而今日係考試... 成功完成之後就可以安排上其他課程及租場練習呢....!!! 我地9個朋友仔得一個人唔得lor... 果個咪係....... 子lor! 由於佢MBA改左schedules, 所以有兩堂都冇上過..... 不過trainer都好好, 俾佢再arrange返果兩堂, 只可以佢6月要返學, 7月要出trip.... 都唔知幾時再得lu.....

今日考兩面, 一面打場景, 而呢面打"把".....

再一次證明左邊好過右邊, 左邊比較集中呢...

話說開考之前比Joyjoy既一句說話笑死呢.... 仲要係我食緊撈麵呢...

joyjoy: Noodle is HOT!!!!!!!!!
Eater! Are you ready? Eater you may 撈 and make ready!

Keis: (唔理)! 係咁食食食食........

其實玩完呢個Training, 真係幾好.... 說exciting佢未必係最exciting, 不過安全意識高左好多呢.... at least唔會隨便拎鎗出黎, 而且手指唔會放左入"板位".... 好小心!

ps. Thanks fufu幫我地影左好多video呢...!!!

考完之後就接埋子一齊去左kowloon city食dinner, 而佢仲帶左個靚靚coursemate出黎呢...今晚個個要用哂國語and英文呢...哈哈! nice to meet you Jen!

ps. 有冇人知聖子(海鮮)既英文係咩呢...?

5月27日 期待很久既一日- Champions League Final

期待了很久既賽事... 歐聯決賽: 曼聯vs巴塞! 一場我認為係近年最精彩的賽事!

今日全日都被呢場比賽的氣氛所感染, 同學, Trainer, 朋友當中好多都係球迷呢.... 所以真係連FB處處都係談論住呢場賽事..... 由於聽日係假期, 所以真係心都散哂呢! 而且今晚要plan盡時間期待呢場波呢....

今日既party真係約到full哂呢...由於聽日放假, 所以同學都安排好party玩呢, 不過之前已經約好朋友到屋企睇波, 所以我都只可以join一陣玩下, 今晚party10pm開始, 而比賽就係2:45am... hehehehe...所以放學之後就去左做massage, 由於屋企人又去哂旅行冇人煮飯, 所以留埋係果度食埋dinner都幾好...幾百蚊...可以做massage relax下, 又可以sleep一陣charge下電, 再食飽飽.... 真係最好既方法呢...!!!

9pm就先返屋企換衫, 之後10pm就約哂班同學仔到LKF開party... 今晚我地去左好多個場玩呢... Bit Stop, LKF Hotel, Fongs, Play....第一次同咁大班同學仔出去玩玩玩呢.... 所以都好熱鬧and開心呢... 由於玩得都幾急... 所以好快就wing左... 唉.... 直到2:15am, Brian到左LKF接埋我返屋企睇波......不過講真... 真係好失敗呢... 飲多左兩杯咁睇波真係好辛苦, 又要頂眼訓, 又要眼花花..... 好辛苦....好難頂! 講返場波, 最終曼聯輸左0:2... 技術性被擊倒...

今場波都唔知可以講咩啦... 失望and好唔開心....幾個大男人一齊睇波.... 唉... 我同brian真係都唔知講咩.... 不過足球就係咁....冇一隊波可以長勝... 就係咁樣, 先鍾意睇足球! 講真, 捧波真係有血有淚........ 輸比佢地, 我服既...

唔開心就一定...不過最氣憤既都係班死仔(Anti MU Fans), 講真...如果佢地一直都係巴塞既fans, 打贏曼聯之後潤下我地d曼聯死硬派Fans我又覺得ok喎... 因為我都會係咁..不過為反而反, 咁就唔好lor... 年頭捧車仔, 年中捧國米, 年尾捧巴塞, 英超20隊唔通又捧足19隊?.... 總之曼聯一輸波or失分就鬼哂咁嘈...咁即為針對而唔係捧自己喜愛既球隊姐....咁樣去睇波又有咩意思呢? $^%$^%$^^$#.......

Anyway...今年我覺得最重要既賽事要睇既都睇哂lu.... 費sir...下年靠你啦!

5月25日 Make-up Artist: Tobey@Sayso

最近工作比較忙! 所以要到今晚至有時間陪子去試妝呢!  

今次要試既係位於銅鑼灣既SAYSO, 而Make-up Arist係Tobey! 子o係上去之前已經對佢地好有信心, 佢同我話佢地既妝比較自然, 對佢黎講比較合適呢...! 先講講佢地既office呢.... 好靚呀!... 樓底又夠高...所以好舒服, 由於化妝都幾花時間呢, 所以有舒適既環境都好重要....... 不過真係好鍾意佢地個地方呢....

好啦.... 今晚花左差不多四個鐘頭, 而整左幾個唔同既images, 睇住部份先啦... 呢個係子最鍾意既...又ok喎...恭喜哂子既keep fit行動ok喎... All-back no problem!

佢就係MUA - Tobey啦... 佢真係好nice, 而且又細心... 子都好鍾意佢呢!

之後再整個晚裝......

最後又再整多過.... 我叫"麵包頭"....

一直係咁試.... 走得既時候都已經11pm啦...... 同子都好累呢.....

最終點? 由於子非常信任and喜歡Tobey既技術and服務, 所以我地都即時confirm埋Tobey做我地Big Day既Make-up Artist啦....!!!   Thank you!

Ps. 子就係因為呢個廣告就愛上左Sayso呢... !

5月21日 深夜"刺"客

遇襲受傷: 是我FaceBook寫既message... 先多謝一班朋友仔既慰問!

不過真係好傷ga.....  話說最近迷上左玩restaurant city, 所以噚晚一直係咁玩玩玩玩玩, 直到玩至根疲力盡就撻左落我認為全世界最安全既地方~~~我既被窩休息

正當上床熄燈想sleep既時候遇到前所未有既"刺"客襲擊.....

哎呀!!! 一聲大叫....... 左腳極度刺痛

即時開燈...and 床舖一睇... 有隻3吋長既大黃蜂o係我張被入面(更正返原來係3cm至岩).....我都唔知比佢針左定咬左....只知道痛到左腳企唔起身....

 

即時撥左佢落地再爬出房外向大佬求救, 由於唔知係針到定咬到, 不過點都唔理啦, 即將再出廳搵電蚊拍......由於怒火沖沖呢所以痛都唔理啦.... o係自己房受襲真係接受唔到呢...多謝大家既關心..最終我已將刺客... "碎屍萬段"...  不過佢既生命真係好強....

 

其實我真係唔知佢咬我定針我, 不過冇理由咬到咁痛ga.... 而聽人講蜜蜂針完人係會死ga.... 點解佢咁勁既....? 正當想去急証室check下, 但又驚最近醫院係高危地方, 所以最終都係上網search急救方法.... 先用溫水洗好傷好, 再用滴露shower gel洗好... 沖好之後再用消炎cream, 之後再包好傷口就算啦.... 真係太太太sleepy la... 不過我估佢應該係一隻黃蜂.... 因為都幾大隻呢....... 唔理la... sleep la....

而今晚放工去左睇醫生, 醫生話: "睇多幾日再覆診啦", 再唔係就係睇急証室... damn!!! 講左等於冇講......

 

不過起身之後都好左啦... 消左朣又冇咁痛lu........ 放心啦...!

5月16日 曼聯三連霸火鍋派對

今晚真係好好好好開心&好好好好好興奮  

曼聯皇朝終於再一次誕生啦... 連續三年在英超稱霸!!!

今年既勝利雖然沒有像上年般興奮... 因為上年真的是要打到最後一場至可以決定輸贏, 而今年可以提早兩場奪冠, 真的很不錯呢....不過最重要既係可以o係奧脫福主場封皇... 相信很多曼聯Fans都會感到欣慰... 因為o係主場捧起英超冠軍... 都係第二次... 

今晚真係好開心, 因為有一班朋友仔上哂我屋企開party, 而我其實之前都已經約左Brian兄到我屋企睇冠軍戰.... 咁就不如攪個曼聯三連霸火鍋派對啦...

客廳派....既睇波團!

廚房派...既湊仔及預備團

開餐啦.... 今晚都幾多牛肉ga... 我估我仲可以食多幾晚牛肉鍋烏冬呢...

之後又再支持下Rooney....

最終0:0打和... 而曼聯提早封重.... Brian 同我都好興奮呢... 今年真係贏得不易....

今晚真係辛苦哂子既預備, 而食飽飽就等佢好好玩下啦..., 而我就負責洗哂d碗碟... 真係好耐冇入廚房呢...... 呢張相影時都12:30am... 睇下Jason and Jackie sleep得幾sweet!

由於今午study時少左一份note, 所以11:30pm都出左一轉去brian屋企拎notes呢.... 之後再返屋企都成12am lu.......

今日都幾開心呀... 不過最衰要prepare exam啦... 如果唔係個mood仲好d....

上年的blog呢... 可以review一下喎...

http://hk.myblog.yahoo.com/keislee/article?mid=814

5月15日 IPSC - Lesson 2

今日放工之後就去左上 IPSC Lesson 2啦...  

今日學左邊走邊射.... 有時真係唔學唔識, 以為一個好簡單既一個動作, 原來都要預先計定用幾多時間..... 又要小心每一個動作....好似今日就有3位同學DQ左, 我同子就係其中兩個.... 另外一個就自己估啦...以前打war game, 總之啪啪啪啪.... 係咁開鎗, 依家就每一發都要好小心去打... 而且仲唔可以隨時拎起支鎗舞呢....

子今日都打得好左喎....

今日其中一個比賽仲要係kennis vs natnat呢... 佢地幾認真!

到我打左右靶... Shooter Ready???

今晚終於可以影張合照啦..... 男子組

女子組

打完之後就去左kowloon city食路邊雞呢.... 玩埋今晚就要溫書呢......星期一考試呀.....woowooo....

5月11日 今年今日...

一年既轉變真係好大,而仲記得上年今年今日...心情真的極不一樣呢!

上年既今日都係開心既, 不過之前既日子就真係....真係想不到咁快就一年lu, 真係希望子妳要健健康康呀!  其實個個都要身體健康and開開心心既...

而今年今日... 新的工作, 新的環境... 此時此刻... 咩都慣lu.... 今個batch既同學比較多, 個個都不錯個... 不過最開心既都係同檯既幾位大哥大姐... Angie, Anthony, Brian, 采兒, Victor... 我地幾個都幾合拍, 所以overall都好開心呢... 日日都係咁玩又笑又玩滴露....  不過最重要既係佢地都幾experience, 又有private banker更有RM2... 所以有佢地幫手, 大家學新野都幾快, 有問題仲可以教到我呢... hahaa... 講真, 呢個training都幾intensive... 由開戶口, Banking Services, Margin Trade, FX, Hedge, NDF, Funds, Options, Futures, Mortgage咩都要學....都幾full schedules ga...朝朝都要做investment work and 日日仲要test....有時都幾大壓力ga, 不過好彩班同學都互相support, 所以都過左幾關la.... 而唔開心係waste左個MPF牌... 因為公司冇做....  最怕讀書, 不過成日都有好多野讀... 不過nevermind la... 有人工仲可以學野.. 都係一件好事... 話咁快就上左一個月堂啦... 仲有三星期就要落行... 有d緊張呢...

工作以外... 最重要既就係籌備婚事啦... 上年子入醫院時, 已經有個念頭.... 而今時今日... 大部份既重要野都已經settle好...  依家開始跟schedules一步一步黎, 應該都可以既.... 等再攪埋間屋仔... 就掂哂lu....

祝一切順利呢...!!!