6月28日 拍拖日 - Confirm褂 & 再影pre-wedding?

之前兩日打唔成風, 攪到呢幾日都下大雨... 真係冇癮呢...!  不過由於子再下一個星期就要出成兩星期trip, 所以今日都要出去攪下d wedding野...

今日其中一件事就係去confirm件大五福褂后! 呢兩件就留左既褂! 兩件又有咩不同呢? 以前我都唔識得ga,只知道兩件都係褂后!

 

其實睇褂腳就知啦... 左邊既係龍鳳腳, 而右邊係花腳! 花腳既金銀繡線多好多, 成件褂既感覺都唔同d..... 所以子開左套新既之後, 老板娘就幫佢封左褂lu.... 留返佢結婚前再做final fit!

下午見有時間本想再出去睇wedding gown, 不過冇make appointment, 所以都係睇唔到lu... 自從開始籌備婚事之後, 都好少同子靜靜咁出去拍下拖, 所以見有時間就入左cyberport睇下movie呢....!!! 哈哈... 其實仲有一個purpose入去ga... 就係去芝柏搵下料呢.... 由於上次影pre-wedding只係影左90%, 所以心想與其再book化妝, 車, 頭 and婚紗等等等.... 咁不如 "if" 有閒錢... 不如整返一套傳統相玩下都好喎! 其實係要園林景...因為pre-wedding好似miss左呢一part!

今晚就再出左海港城食dinner.... 食左好多生蠔呢... 哈哈哈... 冇超哥度咁好食, 不過計下計下... 我食左成打半呢... hohohohohohoho......

6月27日 晚裝Package - Cocoon

好好的一個星期六, 點知又要全日返工... 真係慘慘慘...  點知繼上一個星期六之後, LB兄弟又再一次圍堵銀行, 所以今日由11am - 4:30pm大部份staffs都係留左o係pantry, 唔洗出去接客... 真係浪費哂我星期六既family day, 不過都好既...令到我有更多時間班新同事傾下計... 大家熟d, 返工都開心d啦...

放工之後就急急腳咁約埋子and Karen, 因為今日約左5-6pm上Cocoon睇Wedding Gown... 今日先要special thanks 譚太Karen陪左我地上去試婚紗呢... 上到去之後, 依舊咁開心, 因為Jackie liu and Coco都o係度, 次次上去都可以好開心and放心咁試...試...and試...... 本來約左一個鐘, 最終都試左成四個鐘... 哈哈...

子既 "The One" Hunting結果係... 有既唔岩, 岩既又冇期... 真係唔知點算, 記得上次試pre-wedding gown既時候, 見到一些新娘o係度試Big Day Gown... 嘩!嘩!嘩! 左三聲! 真係好靚好靚呢..... 今晚試左兩件之後, 再問左佢地有冇得試下上次見到果兩件, 點知果兩件都冇期呢.... 好失望, 但都唔理啦, 點都想俾子試下.... 一試左出黎..... 登.....登... 係呢種feel啦...!!! 呢d先叫婚紗呢, 可惜佢地唔可以影相呢, 所以冇得o係度share... 唉... 冇期冇期... 點可以冇期ga? 做一件??? 又好貴喎.... 做租都唔平呢...   >.<  唯有再等等之後睇下有咩方法啦.....突然之間有d唔踏實呢  唔理住啦, 再試埋晚裝先... 晚裝子就好滿意, 因為之前o係出面睇過果d佢都唔係太喜歡.... Cocoon 既款係好d.... 所以今晚先join左佢地既package, 兩件晚裝 & 一套男裝...! 咁依家唯有一面做多d research搵Big Day用既婚紗而另一面就等Cocoon既新款or新貨到啦... 不過今晚settle左個晚裝package都開心既.... 又要開工搵wedding gown lu..... 希望快d confirm到個心都可以踏實d...

試完之後都成9:15pm lu, 所以就約埋jackie liu一齊出去食飯呢! 哈哈... 佢就同我地去左中環食大排檔呢.....食食下仲下大雨呢.....好狼狽, 不過都好開心.... 再次好多謝佢次次都咁幫手, 而佢仲話我地係佢識既咁多pair新人當中, 第二pair佢有試過一齊食飯呢... 哈哈... 多謝哂!!! 下次再約佢飲野先! 

6月22日 裙褂 - 錦發繡莊

本應寫呢篇blog既時候係星期日, 不過由於訂褂呢件事有d小插曲, 所以都係等今晚confirm左之後先再寫啦.... 至於係咩...等陣寫啦....先share一下今次租褂既experiences先啦.... 其實一直以來, 就算到今時今日對褂既認識都係唔多, 始終褂既information真係冇婚紗咁多呢.... 所以大部份既idea都係靠一班blog友and 討論區既share 總括黎講..... 同子都係High Light左4間可以租褂既地方呢....

冠南華 

上星期去左睇呢間人人都讚既老字號, 佢地服務好好, 當第一件拎出黎試既時候, 第一個感覺....殘! 價錢千幾.... 我問佢新d既價錢有咩唔同, 著過兩三次既就3000-4000都有...手工好似唔錯, 不過又冇嘩一聲既感覺, 呢個價錢我當時都唔係好知算貴定唔貴, 因為租婚紗都唔止呢個價錢,不過感覺以褂黎計都應該唔平...所以睇左一陣就走.... 因為好似同其他差唔多, 同埋著得一陣要成幾千好似唔係好值

美華繡莊 

呢間其實係我第一間去既褂店... 睇左d褂后and五福...好新淨, 又幾正...再問價.... 嘩左兩聲!!! 6-700左右, 佢話新褂, 訂左之後可以封褂.... 心中有d唔踏實, 有冇咁抵呀....?????? 不過打算再睇多兩間, 所以都係遲d先confirm.... (直到噚日本打算去租, 不過出門口時再睇睇forum, d人既comments都唔係咁好, 佢地大部份既人都話老板娘既服務好好, 不過老板既態度就極差, 如果老板娘唔係度就好大機會唔開心咁走), 所以訂褂當日放棄左佢! 唔想搏.....

Cocoon

好有名既小鳳仙褂! 相信都不用介紹, 其實本來都有想過同子o係佢地度租, 始終同佢地合作左都有一段時間, 又開心! 信心夠哂! 不過我同子都係prefer比較傳統d既褂呢......咁冇計啦.......

綿發繡莊

最終我地去左綿發租子結婚用既頭褂! 星期日同埋子and佢媽咪一齊出去睇, 始終褂呢樣野好代表女家, 所以搵埋auntie一齊睇會開心d既.... 入到去, 郭小姐既推介力真係好勁.... 一次過拎左好多褂皇, 褂后(大五福), 小五福等等既褂比子試, 又比影相, 不過就真係好急, 所以真係有d睇唔清楚....... 最終同子都係喜歡褂后....問左第一件個價, 就700幾, 不過都幾殘下.... 問下佢有冇頭褂, 佢就拎左件新褂后(大五福)比子試, 不過呢件唔係花尾, 而係龍鳳尾... 一見咁新... 同子隻眼都已經登大左... 就呢件啦! 都冇點睇... 埋單1380... 比左訂就走lu... 老板娘仲送左紅傘and睡衣

走果刻都幾滿意.... 不過之後同子感覺都有d怪怪地.... 個價好似同expect既差左d, 點解之前一件700幾, 雖然係舊d, 不過而家呢件差唔多成一倍價錢喎.... 心中有個問號... 點解好似貴咁多既.... 不過既然比左, 都唔好再想lu..... 晚黑返到屋企睇返d相..... e~~~~ 點解上圖呢件咁似中五福既, 我地係要褂后喎.... ??? d銀線越睇睇疏.... 心中突然又有一大個問號...... "點解咁ga????" 我同子都唔係好開心...

所以今晚放工之後再一次到綿發繡莊再睇返次封左條褂, 經郭小姐既講解之後, 同子又開心哂呢... 原來舊褂后同新褂后既車工係唔同, 兩者都係車4銀線, 不過就有闊窄之分, 而中五福係車3線... 所以確定左係褂后之後, 就再比較噚日果件點解咁閃既....而子留左果件感覺紅咁多既... 原來花尾同龍鳳尾又係唔同ga.....最終子都係鍾意件閃d既花尾, 所以我地就轉左要款-褂后(大五福)波浪花尾款.... 可惜新褂未到, 所以要等過幾日有新貨先可以再試, 試好之後先封褂呢...... 依家同一時間keep左噚日hold左果件.... 到時再confirm要邊件啦! 不過就係因為咁.... 同子就更有信心.... 貴d都值既...!

攪完褂之後就去左阿moon既婚宴... 祝佢同Jerry都新婚快樂, 白頭偕老!

6月20日 婚紗店

呢幾個星期六都要返工, 仲要開足全日呢... 真係幾慘 不過今日子黎左接我放工, 都好d啦.... 就係呢個原因, 我地終於可以正正式式咁行下尖沙咀既婚紗店...

之前試過幾次想去行, 不過次次都泊唔到車, 所以次次都過其門而不入.... 而今日終於可以舒舒服服咁去行一轉... 不過成30幾度著住套suit咁行.... 真係都辛苦ga.....

自從影完pre-wedding之後, 都同子放左一陣break...放開心情咁食下野開心下....哈哈... 唔知有冇肥左呢... hooohoho... 而依家又係時候開始尋找Big Day既Wedding Gown.... 次次都冇行過尖沙咀... 唔知係自己冇興趣定唔岩timing... 真係一次都冇, 所以子都話我... 佢話結婚點都要行下呢條"婚紗街".....

一次過行左三至四間婚紗店..... 行完之後既感覺真係一般.... 我唔可以話佢地既gown唔靚, 反而係感覺既問題.... 唔知係咪星期六既關係... 間間店都係人山人海.... 入到去... 坐都未坐暖, 就已經開始俾sales好rush咁問... 妳要咩, 咁你想要咩款, 你妳你有咩想要??? 之後好求其咁入左去放婚紗既地方, 抄一套, 兩套, 三套比我地睇....., 而且佢地真係好多one stop service既店... 租婚紗, 影pre-wedding, wedding pic, 選相....我只係覺得好多人, 好嘈吵, 好亂.........或者好多人可能都會覺得方便.... 不過我覺得咁樣好似唔係太好咁........既急又趕..... 好似買菜咁...... 岩唔岩? 唔岩試呢件啦.....  

行左唔夠45mins, 就打的返屋企..... 心中不禁有點失望.......  選擇big day既wedding gown, 我覺得一定要環境舒服, 始終係比一個女仔一世人穿最靚既嫁衣, 試既時候點可以有咁多閒雜人等在附近, 既急又趕又點可以好好enjoy個過程呢! 我覺得每間婚紗店都係professional而且間間都有佢地既style.... 所以其實我入去呢幾間店舖, 我都係想睇下佢地既style and款式, 始終每一間都應該有佢地唔同既地方, 只可惜行左幾間,  佢地連相既sample都冇得睇.....有一間仲拎左2007年既目錄比我睇呢...(佢仲要係大店喎),  一間好既婚紗店, 我好希望佢地可以好pro咁比到意見我地, 環境都係好重要既一環, 由搵gown, fitting, final fitting, 整個過程其實都好長, 唔可以好relax and 開心咁去籌備, 咁就幾難enjoy個過程.....而我覺得最好每次只可serve一至兩pair客人就最perfect啦....

上圖係取自LouLou Bridal, 希望老板唔好介意啦... 因為佢既環境真係好舒服, 而且每次上去都係by appointment and每個時段都只係會serve一個客人, 一對新人及陪同既朋友感覺都非常舒服and而且可以好細心咁傾下大家既要求...! 感覺好好多! 之前去過幾間都有好好既感覺呢... Cocoon and Amelia 都係不錯既選擇!!! 同今日去過既很不同....... 心中其實已經有左big day gown既選擇... 不過仲想睇多一陣先...!

行完之後就返屋企休息下呢, 因為晚黑就陪子既屋企人食父親節飯呢... 食飽飽之後就入左梁兄屋企探梁兄一家and小B呢.... 呢幾日有d掛住佢呢...

6月15日 證婚場地 - Conrad HongKong

其實o係上個月都已經confirm左我同子既證婚場地, 不過前排先收到酒店send左一部分既sample pictures比我地做reference....又係時間要plan下場地佈置lu...

證婚場地 - Conrad HongKong

由於安排證婚既地方只係pool side既一個露天餐廳, 地方不算太大, 所以設計方面真係要花多點點既心思, 而其實容納嘉賓人數都有限呢...

場地佈置方面都希望以簡潔為主呢.... 不過參觀過一些婚禮場地佈置公司, 佢地好多都冇Conrad pool side既sample呢... 呢方面都係要自己花多少少心思去攪啦!

證婚時間應該會係由下午2-4:30pm, 如果當日陽光充足, 再加場邊既游泳池, 環境都應該幾靚幾舒服 所以重點應該係o係 colour theme, 鮮花, 音樂等等

Reception Desk... 都夠長, 可以容納到7-8個兄弟姐妹呢....

呢個就係個靚靚泳池...子同我都好鍾意呢個地方呢....!!! 希望可以快點confirm埋樂隊and場地佈置啦.....等weekend再做d research先...!!!

6月14日 Big Day Photographer

困難選擇症加上重感冒既我  今個weekend真係要make兩個重大既decision... 換車and confirm big day photographer... 呢兩個決定真係好難決擇呢...

先講車車先啦! 最終都決定唔換住, 雖然個offer好吸引, 不過呢個時期又要返新工, 又要籌備婚禮, 又要搵屋仔...咁多野已經令到自己分哂心, 最重要既係將來供樓條數又未知... o係咁多uncertainties既情況下, 多一事不如少一事啦...

之後就要講講最重要既Big Day Photographer  心目中都有幾個人選呢...

King's Production - King/Ben (以下pic from King's Production)

Howard Liu (以下pic from Howard)

說實話... 呢個decision真係好難好難make呢... 因為一直都有心頭好 - The Studio/King's Production - Ben Li, 我直頭可以做佢fans呢... 由兩年前第一次睇過佢影既相, 已經極之欣賞呢....所以當知道要影pre-wedding時已經咩都唔理豁左出去, 之後再睇埋King's Production -Ray 既video....就更加忍唔住即時confirm同佢地合作... hohoho.... 而到Big Day Photographer又點呢...... 我好相信, wedding既攝影, 由pre-wedding, big day photo至 big day video用埋同一間公司既photographers, video man and crews加埋一齊係有synergy既,不過, 又有d擔心 Pre-wedding & Big day d相出來太近似, 都想有d新元素, 再加上加哂所有野之後費用之後, o係攝影方面既expenses就真係over左... 

一世人一次! 唔緊要啦! 第時慳返d就ok啦! 已經成為我最近既籌備婚禮既口頭襌... 之前就係呢個原因, 就已經額外arrange左另一個證婚場地行禮... 當然子同我都好鍾意呢個extra plan啦, 不過當開返excel做左既balance sheet出黎睇, 就真係不得不要再更小心所有既wedding expenses lu......

所以子and一班朋友仔都好幫手咁去物色其他人選,真係辛苦哂呢! Jan 23可能真係一個好日子,好多攝影師既期都full哂呢! 不過幾經尋尋覓覓, 再經朋友仔既介紹終於都比我地搵到一個既有技術又有heart既攝影師-Howard Liu 所以噚日下午安排左一個short meeting, 睇下佢d相and大家傾左一陣,佢真人好nice仲好願意同大家share意見...雖然我病左又少參與左, 不過佢d相真係比到感覺我地,相片簡潔and感覺開心! 

 

所以噚晚返屋企之後都睇左佢其他既相... 真係得喎.... 既然所有野都合乎要求! 而子同我都喜歡佢既作品, 再聽埋朋友仔既意見.... 好!!!一拍即合! 今日我地就confirm左Big Day Photographer - Howard Liu!  靠哂你啦!

下午見仲有時間, 就同子出左去睇"褂"呢.... 子呢方面同我一樣, 大家都係prefer d比較traditional既款式, 所以去左兩間比較老字號既褂店舖到試, 心中都已經有d頭緒... 睇黎呢樣都好快就可以confirm埋呢... ^^

6月12日 又一星期

話咁快又到星期五啦... 說真的... 今個星期真的過得很特別! 因為經過影pre-wedding之後, 同子兩個一齊病左...

星期一. 影pre-wedding (內容在前一篇已share了)

星期二. 新工作, 正式開始工作

星期三. 頂唔住開始病, 照返工, 放工後仲要返CPD Training (1900-2130)

星期四. Sick Leave, 不過晚黑都要上Training (1900-2130), 之後再接埋子

星期五. 好d, 不過仲係未病好.... 見可以準時走, 就約左Simon兄睇野...

wa... 正當去dinner既時間, 點解佢會o係前面既....? 子....... Nat Nat...???

今個星期真係好tired and exhausted呢... 病足成個星期, 冇精神又點返好工呢...? 唉... 下星期一一定要身體好呢... 工作上真係要加把勁呢... 好多野要學呢....好多野都要靠自己啦!!! 病左仲要捱兩晚返學.... 唉..... 之後又有一樣野要我呢個選擇困難症既人去做既... 就係賣唔賣部車車...真係煩.... 不過呢個星期都冇心機想其他野啦.. 遲d再算啦.... 不過今個星期都有開心野既, 始終都已經完成pre-wedding, 放心左好多又輕鬆多呢...不過今個星期咁多野攪... 真係攪到冇時間比我好好休息....

星期一因為影相而冇去Graduation... 點都好啦... 希望我班老友仔個個o係新既地方都發展順利啦.............

6月8日 Pre-Wedding製作花絮

今日係子同我影人生第一次既結婚照... 我同佢都相當重視今日的一點一滴....

說真的... 今日真係要多謝上天給我90% outdoor時間都冇下雨.... 我同子都很感恩!!! o係度再多謝好多人 Jackie Liu, Coco, Kathy, Paddy, Janice, Jessie, Jackie, Kennis, Liza, Ben, Raymond, Ka Yi, Kelly, NatNat, myself and all people who gave us support and once again ~especially God!!!

 

噚晚睡得一點都唔好... 成晚都上住網咁去睇天文台既衛星圖片... 256km以外有一大雷雨帶.... 佢會唔會到呢....? 今早要cancel嗎? 直到6:30am醒左一陣再望一望... oh... 個天勁暗, 而衛星圖片有一大片雨雲已經到左大嶼山... 心想... 唉... 整定要cancel, 不過為左不吵醒子... 繼續再sleep啦... 等起身至同佢講..... 9am子打俾我話預備出門口.... 個天光返啦... 再check電腦.... d雨雲又散左喎.... 由依家到2pm都應該好天.... YEAH!個plan可以繼續進行呢...... ^^ 10am左右子就先到左The Studio/King's Production化妝and整頭呢.... 而我就11am拎哂d野同佢會合....而今日好姐妹Janice都有幫手到IFC拎花球... Thank you so so so so much!!! 由於剛開始時我同子都未warm up呀... 有Janice o係度... 我地心情都放鬆好多, 而且好快都可以投入到呢....

 

其實阿Ben都知道我地好擔心天氣問題, 所以一開始briefing時, 佢第一句說話就叫我地唔好再睇iphone, 唔好聽電話...盡量relax and玩得開心d就最好.....

之後12pm就正式開始影indoor studio....

 

呢張影到爆哂... 不過我覺得幾得意呀.... 睇住先!!!

 

之後影影影影影都成2pm幾啦... 其實我個心情都仲有d擔懮, 因為有一大片既雨雲又o係香港西南邊黎緊... 不過都仲有一段距離..... 所以2pm左右我地一行人 - 我, 子, Ben, Ka Yi, Raymond and 司機就先出發去第一個地方影....  好彩天氣都ok.... 天氣都熱, 但可以之前下過雨, 所以都冇咁辛苦.... 不過影左一陣, 我連件禮服都濕到透.... 好難頂..... 影完第一個景點之後就去Stanley... 天又變黑了, 而先頭部隊Jackie兄到步之後打黎說.... 下好大大大雨呀! 心又實哂, 而iphone既衛星照所說粉藍色既係雨帶... 而Stanley當時真係有雨帶經過呢!心想以當時既wind speed 30mins應該會走! 好好彩之後真係停左雨!

 

由於塞車, 所以我地45mins之後到, 天又光返.... 雨又停左.....  我地又開始影啦... 而呢幾張都係jackie兄既偷拍照.... 而我最鍾意既就係呢張

 

本來只想upload FB上面果幾張pic就算, 因為都要保持多少少神秘感ma....不過Jackie兄有一張佢都好滿意, 就整多一張啦....

 

影完之後又轉地方啦.... 不過影完呢張之後又下大雨啦.... 影唔到某一些景呢...  that's why只complete到90%... 而我地仲淋到濕哂呢....

Ben adviced我地之後再擇日重拍....我話不如去邊邊邊... 咁又可以唔洗淋雨影, 不過佢就話, 唔好為左影而影, 最緊要影到有feel, 最多再arrange時間... 佢真係好pro, 我同子對佢真係好有信心, 不枉我地等左佢兩年呢...   所以之後我地慢慢出車去影夜景既地方... 7pm出到去.... oh... 係最初個15分鍾下雨, 不過之後又停雨喎.... 所以都影左好多相... Ben仲話, 如果相夠的話, 我地可以唔洗再補影...... 不過咩都要睇左相先!

 

8pm正式收工啦.... 子同我都累透..... 不過卻很開心!!! 以往聽好多朋友說影左一次pre-wedding就怕怕...... 不過我地其實都好enjoy, 仲覺得好好玩好開心呢... ^^ Ben又帶得好, 而我同子又係玩玩玩咁影.... 所以都真係好relax呢... 如果係秋天影, 一定更perfect!!!!返到studio之後即時換走濕到透哂既禮服...... 就再趕住到Cocoon還婚紗... 還完之後一直都冇停過雨, 仲要係超大雨呢.... 真係好彩! 而9:15pm就返屋企拎車車再入jackie兄屋企拎相copy and dinner呢... 哈哈... Thanks alot!

 

Special Thanks to 以下人士:

 

Coco and Paddy (Cocoon) especially jackie liu (放左工)

 

Jackie兄 and my mini baby!

 

姐妹Janice 一早幫我地拎花花

 

仲有子既手作仔!

 

 

今日總算完成了wedding既其中一個大project! 說真的... 很滿意, 很開心... 希望快d可以睇相啦....... 今日影相真係影到心情都經歷大起跌呢!!! 哈哈哈.... tired.....

 

ps. Offical既pictures要等多三星期至可以睇, 呢d相都係朋友仔既snap shot呢! Thanks!