10月30日 突然驚喜??!!

*只限家人only

噚晚為左慶祝同事仔生日所以放工後去左唱K..., 攪到今日都冇咩力做野... 超累呢... 下次都係留返weekend攪啦...

而放工之後突然又收到good news喎... 就係... "加人工"... 呢...!!!

真係一場及時雨.... 最近真係需要用好多錢呢...!!!

10月27日 簽樓契

今日又係一個大日子, 因為子同我兩個今晚就要一齊上律師樓簽樓契啦....

由於改早左o係11月2日收樓, 所以今個星期一定o係29號中午前都要簽好哂所有文件... 一直都有擔心唔知攪唔攪得切, 而且聽晚又要開會, 所以唯一得今晚係可以上去攪, 所以佢地一ok我地都即刻上去lu......今晚放工即時約埋子兩個去左中環, 之後就上去簽文件and交埋d尾數, 計計埋埋又一條大數... 真係都幾甘.... 尾數, 律師費, stamp duty...雖然肉痛左d, 不過總算都settle所有手續呢...心情又可以放心呢.... 依家等下星期收鎖匙呢... 就可以正式做業主lu.... 好期待呢!

攪掂哂所有野之後就同子兩個四圍行去拍下拖.... 哈哈... 今晚一齊行石板街...

哈哈... 有d都幾恐怖ga.........heheheheheheeeee.....

10月25日 我們的Wedding Band

今天終於提取了屬於我同子既Wedding Band啦  真係好開心呢... 又完成一大任務hehheheheehe.... 之前我仲一直懶懶閒打算慢慢先買, 點知到買果時先知好多size冇貨... 訂貨又要等6個月, 不過好彩後尾都搵到返黎呢... !!!

今日終於見到佢啦...! 好開心 呢... 佢地既package仲好靚呢

10月9號confirm order, 而做engraving就整左兩個星期.... 而仲有2月4星期左右就要用啦... 時間剛剛好... 婚禮大部份既重要野都已經confirm左, 依家要開始攪新居設計and尋找婚禮樂隊.............. 加油!

10月22日 黑仔~Speeding

全日都冇咩mood, 好多野煩especially工作呢... 唉... 本應好好enjoy既日子, 日日卻要為工作而煩惱.... 日日都叫自己努力d.... 但總是有點力不從心, 一個字.... 懶  

由於心事心重重, 所以放工就開車去左等子OT收工, 等到8pm先可以接到佢呢... 同佢今晚打算到老友J屋企食飯傾計, 一如以往同佢一面傾計一面開車... 點知突然之間車中既rador detector係咁響..... 正當以為又係誤嗚之際... 即時都減速, 不過前面黑暗位已經有兩個警察叔叔叫緊walkie, 而又望住我..... 心中已經知不妙... 一轉彎.... road block已經o係前面....就咁又中左鎗.... 由於頭燈用緊HID而尾喉又響... 都係即時熄燈熄車...拿拿聲俾佢抄完就算,  唔好攪咁多野..... 點知拎完車牌之後... 阿sir話... 超左42/km.... 罰款600扣5分...... 有冇咁多呀...????? 我仲以為係$450+3分.... 點知依家咁多... 成5分呀..... 唉.............. 心中今日已經好苦, 今晚仲攪多單野真係更苦... 不過冇計, 都係自己掛住講野唔小心... >.<

我剛剛等左兩年先返齊分呢.... >.< 對上一次扣分剛剛check返係2007年8月26日cut雙白線..... $450+3分..., 之後真係要小心d啦......... 唉....... 一次過扣5分真係好慘...

10月21日 支持南華

由於今晚公司要食飯... 所以冇辦法出席今晚全港球迷既盛事...  其實我真係好想去支持南華... 大家睇新聞之後就會明白...

四個字... 雖敗猶榮...

10月18日 子既姊妹團友第一次聚集!

子今日真係開心啦... 因為佢既姊妹團終於第一次聚集啦! 真係好替佢開心呢... 因為佢個個姊妹都係好錫佢既好朋友.... 睇黎我都要盡快攪次兄弟大集合呢!

今日聚集做咩呢...? 最主要既任務就係幫班姊妹度身訂做姊妹裙!!! 而今日真係要special thanks to 好姊妹兼老板娘Jessie呢... 因為所有姊妹裙既設計, 款式及用料佢都幫我地一手包辦及以超超級老友兼姊妹價幫我地安排... 謝謝妳呀

今日其實都好感謝大家呢, 因為要約哂咁多個姊妹一齊出黎其實都好難ga.... 好似阿賢, 阿菁and jessie就特登抽時間出黎幫手, 而之後仲要趕住走呢...! Thx alot! 下次攪個正式飯局好好答謝大家呢!

度完之後又到開飯時間啦...! 大家就去左大埔小白鷺食dinner... 其實今晚真係特別開心ga, 因為出黎既都係子同我最好既朋友, 好似老友J及老友N....既然有咁好既地方當然又可以傾下計啦!

Jessie公司呢.....

10月13日 Wedding Wine Tasting

呢幾晚放工之後都好忙呢... 唔係銀行要開會就係要攪wedding既preparation...而聽晚仲會第一次約新居既候選designer, 大家明晚會坐低傾下, 希望明晚可以confirm到啦! 而今晚放工之後, 就急急腳咁陪子一齊去左個Wedding Wine Tasting Function...

今晚8pm就開始... 而由於今晚主題係wedding, 所以特別agnes都特別講解左每一次酒既味道, 而每一隻酒又點樣可以同香港式既婚宴做food pairing... 呢part子同我都好似之前忽略左... 今晚都有d得著呢....

先講講d酒, 今晚試左6枝不同既wine.... 2枝WHITE, 1枝ROSE & 3枝RED...  子同我就最愛其中一支WHITE and ROSE...而RED就冇prefernce.... 個人還是比較喜愛澳洲red, 但佢地主要係賣法國...所以Red方面都係沿用原本計劃吧....

今晚一試就試到10pm, 而臨走前再買多枝Sparkling返屋企, 留返同子嘆下呢...

原來食廣東菜都可以配唔同wine ga, 下面就係一個demo啦...!

不過由於放工空肚去, 所以飲完都有d wing呢... >.<

10月10日 Decoration Plan Confirmed!

自從子o係佢個blog發表左123進度表之後, 呢兩個星期既進度真係好似開左turbo咁... The One, EGs, 男禮, Wedding Band, 姊妹裙等等都逐一confirm哂....呢個速度真係好開呢... 直到今日... 我地又confirm左場地既decoration啦...

一直以來都拖住decoration plan既進度, 原因係一直心中都未有咩plan and concept, 又唔想同太刻板, 又唔想太貴, 所以都係hea住咁, 心想酒店and會展方面都有提供部份既佈置, 既然都有打低, 都唔洗太急and擔心啦, 而且今年都有好多機會參加朋友既wedding, 都想睇多d先... 點知睇左好多唔同既wedding, 但係個個都好似差唔多咁... 直到最近先肯去約係blog友界最有信心既Monarch去傾下個plan...點知...OMG佢地冇期.... 正當開始擔憂之際....真係多謝老友記既推薦呢... 又搵到一間好特別既Production House呢... 而最重要既係子同我都好喜歡佢地既場地設計呢...^^ 基本上佢地係主力以氣球concept做主題...而咁岩我地做證婚又係o係室外, 所以用佢地既idea做, 感覺既簡約, 又flexible呢... 最重要既係... 有些用左o係Conrad既佈置, 都可以拎去會展用得返, 呢方便又可以慳返一筆...  

最近都要計得更小心啦, 自置新居以後, 子同我都希望將wedding方面既expenses可以降低的話就都盡可能降低, 始終一次過進行人生兩個大projects, 大家既budget又越來越有限呢...既然big day既大Items又已經差不多定了, 如果係咁, 倒不如將resources放落新居裝修好過  

最後, 今晚confirm完decoration plan之後就參加左芳表姊既酒宴, 祝佢同表姊夫新婚快樂!!!

正式私有化

不經不覺寫了這個blog都有兩年時間啦!

首先o係度多謝大家一直以來既支持!

其實一開始寫呢個blog既時候都係希望記下一些生活事, 而另一方面又可以有一處地方俾自己暢所欲言不受限制的記下自己既感受, 好讓自己將來及一班志同道合既朋友仔都可以分享到自己既感受! 有感瀏覽此網既人數越來越多... 而將來所寫既事可能比較私隱, 所以經過長時間考慮, 正式落實於2009年10月10日將此blog私有化及只開放給家人/好友及blog友...

現有的blog友是沒有受影響的，因為我已經將你地放進好友列之內!

當然有興趣繼續分享KEis先生blog既朋友...可以在此留言, 等我add你地加入我既好友列之內, 但記得先要登入自己既Yahoo ID呀!

再一次多謝一直以來支持本Blog既朋友!

10月9日 Wedding Band Confirmed

又完成一大任務啦!!!  經過一段時間既選擇and比較... 今晚終於正式confirm同子既Wedding Band呢.... 所以都幾開心呢...

放工之後就約左子o係PP等, 而之前都有d擔心一向有選擇困難症既我會要花好多時間去o係最後兩強中make decision...不過今次卻出奇地快喎... ^^ 其實同子都好鍾意Van Cleef, especially佢地既既signature or 3D... 不過最終都冇要到... 因為好怕signature會易花, 咁之後就唔靚, 而且個signature o係圈外, 感覺似fashion款多過似wedding band.... 而3D就好襯女仔多d.....所以... 不過VCA overall比我既感覺都真係好好...especialy佢地既 services!

而子同我終於都被情意結影響而去confirm左個decision呢... 哈哈...不過要等多3個星期至可以拎, 因為要拎去做engraving! 而之後仲有一個surprise呢... 原因係子同我隻手"指"又瘦左呢... 大家個圈都一人細左一個碼!  有人好開心喎...!!! 哈哈!!! 講起做engraving... 今晚就真係又有一個難題呢.... o係度想問下大家, 你地既wedding band入面會刻咩呢? 對方既名? 對方+自己? Big Day?or????....由於可以刻既space只有23格... 所以子同我都為左呢樣野想左好耐呢....confirm左寫咩之後又要confirm 字形, 字體大小楷等等... 呢part又攪左好耐呢.... 呢part真係大意左呢...之前一直冇想過呢...

Settle哂所有野之後都係7pm呢... 而今晚再約左兩位姑姐出黎幫grandma搵鑽介哈哈... grandma都要靚靚咁出席佢兩個孫今年年底and出年年頭既wedding呢...!

10月6日 按揭成功批核

經過半個月既申請... 建立新居過程當中其中一樣最重要既按揭申請已經得到批核啦  哈哈...... 心情即時都放鬆哂呢!!! 開心!

真係好攪笑, 間間銀行一係唔批, 而一批就同一時間幾間一齊批... 今次真係可以慢慢度下d terms呢...! 基本上間間銀行既offer都係差唔多, 所以都幾難選擇呢!  不過子同我其實都有preference啦... 希望一切順利就可以提早收樓裝修啦!!!

 

10月5日 家中寶物?!!

老家的翻新工程仍在進行中, 新傢俬已經開始進駐屋企呢... 而阿爸阿媽日日都係度執屋, 今晚執執下仲執到d........  

幼稚園低班既我... 個嘴好似雀仔咁...

華仁小學既既校車證

下面既就係由幼稚園低, 中, 高班至小一

真係好耐以前lu.....

10月4日 "The One" & EGs @ Cocoon

今日行程真係充實呢... 由於太懶既關係,今朝都好遲先爬到起身呢... 之前病左幾日都仲未清呢, 再加埋呢幾日咁多假期又掛住玩... 所以仲未好返哂呢... 不過都冇阻我地今日去目標呢 ^^ 先係4pm參加左小Jason既受洗儀式, 詳細報導就睇返老友J個blog啦!

而今日子同我最大既任務就係再戰Cocoon....約好左5:30-7:30pm上去confirm EG, 男禮and今日終於可以第一次正式見"The One"既真身啦....^^ 由於佢係一個初生baby, 所以一見到佢就真係好似發左光咁呢...因為佢真係好似一片白雲咁ga.... (詳情又可以睇返我之前confirm "The One"篇)...其實真係好開心ga, 因為The One真係好fit子, 只可惜我今日反應真係慢左十幾拍.... 見到佢都唔識反應... Jackie and Coco兩個都笑我今日反應慢左好多呢... 哈哈! 開心過後之後再試左幾款新到既EG...而今日試左果幾條, 真係完全岩哂...對上一次試左好多件都唔岩心水, 不過今次真係一take過, 所以真係好開心ga... 因為今次經由Jackie and Coco挑選過俾子試既EG都好岩佢著呢... 而最重要既係連colour, cutting等等都我地想要果d呢... 真係好滿意呢... 不經不覺其實都同Cocoon合作左半年呢.... 由prepare影Pre-Wedding到依家prepare big day...真係每次大家合作都有進步... 我唔係要幫佢地賣廣告, 始終Gown係要夾人, 感覺及服務都要係要夾人, 呢方面我地真係合作得幾放心＆開心呢.....

10月3日 中秋節啦!!!

又到中秋節啦...!!! o係度先祝大家中秋節快樂... 人月兩團圓啦

中秋節一直都係我最愛節日之一, 以往仲o係澳洲讀書時都會特意返香港陪子及家人一齊過呢個節日... 最喜歡既係可以一家食餐飯, 之後又可以去維園迫下, 再之後就可以返屋企樓下"放火"... 哈哈...  不過呢一,兩年都少左咁玩la... 原因係以往中秋天氣都開始清涼, 不過呢兩年就仲熱到暈... 所以都係唔好玩啦... 食下飯, 又或者o係屋企樓下玩下燈籠都可以既.... 不過今年就冇玩啦... 因為真係好熱呢....... 哈哈....

為左令到今個中秋都過得特別有意思, 咁我地今日做左咩呢...??? 一如以往都係先陪屋企人飲茶, 而之後就同子兩個去左訂結婚介子呢.... ^^ 中秋節去買好似更有意思呢...哈哈(其實只有自己覺得呢...hahaah), 我地先去左利園, 之後都係決定係PP一次過返睇之前最後兩強(之前個blog都介紹過)....睇左一陣都已經可以confirm, 不過由於未有我既size, 所以就make左appointment, 下星期再去試呢... ^^ 應該下個星期就可以落實埋隻婚介呢!

行完街街都成5:30pm lu, 由於8pm要陪子屋企做節(我屋企聽日), 所以我地又再返灣仔行左陣, 為左咩...? FIFA10終於有得賣啦... 一知道就即刻買返隻啦... ^^

8pm就陪左子既屋企人做節.... 而10pm又再趕入沙田馬場join new mini club既function呢 ^^ 今晚我地又night ride入機場啦....  我地去左富豪酒店飲野and大家聚下呢.... 當然都有個燈籠仔玩下啦... ^^

一班老友記更要影下相啦.....^^

1am就再趕返屋企睇曼聯呢.... 哈哈... 今個中秋真滿足  多謝子.... 如果你可以陪我睇埋場波就更開心呢... heheheeheh.... 出年應該可以啦...!!!