其實自三月求婚之後開始, 子同我兩個都一直都沒停過, 婚禮籌備, 新居安排, 工作及子既課程, 大家真係一有空閒時間, 都會用o係婚禮既籌備工作上呢...
其實整個婚禮籌備工作, 子同我都安排得好開心, 因為好好彩地好多事大家都可以有商有量, 基本上所有決定都係由我地兩個人一齊去決定呢...
所以一直以黎雙方家長都好信任我地and俾好多自由度我地呢... 呢方面真係好感激佢地呢... 因為佢地一直都沒有過問我地太多野, 而且好多時都係以我地開心為前題.... 真係多謝哂!
所以忙下忙下...一直都想係settle大部份野之後, 先約佢地見面, 而直到今晚大家終於有機會安排食返餐呢... hehehehe.... 其實好多野之前我地都已經各自同父母傾好哂, 所以今晚大家都係好輕鬆and開心既情況下食左餐"對親家"飯呢... heeehee..... 子既屋企人其實同我屋企人之前都見過面, 只不過當時仲未到談婚論嫁呢
今晚8pm大家到左奧海城食飯而之後子既daddy仲請哂我地上哂佢屋企呢........ 開開心心咁呢!
順利過關! 
最近公司又唔知要攪咩promotion, 攪到每逢四五六呢d黃金時間都要開OT... 
真係唔知有咩用... 而今晚放工之後先去左剪髮, 今次又一次狠心咁剪短哂... 留左成五個月, 真係有d唔捨得呢... 本想留長少少過christmas...到我結婚時先剪, 不過都係算啦...大佬下星期六就結婚, 我都唔知將來睇返d相好似長毛飛咁...所以都係... 剪啦!
整完之後先返屋企休息一陣, 之後接子放學... 跟住再約埋班老友記食dinner....嘩... 今晚又有人有新玩具喎.... 等我做下記者影下相先... hehehe 係左154km only ja! 不過係咩車呢....?個錶板咁既.......???
heheheheheeeehehehe..... 最終又俾我偷拍到佢既蹤影呢... 好大部呀!
呢排子佢都放緊大假, 所以我都拎左日annual陪佢一齊攪wedding及新居既野呢! 
噚晚已經訂左帖 and 同maggie開會... 希望快d可以settle埋樂隊, 咁就真係可以放心啦!
今日下午1:30pm先到左會展開會, 傾下婚宴當日既setting... 
真係唔講唔知呢... 原來都幾多野要傾ga... 既要傾seat cover, 又要傾head table用色, 餐巾,guest table... 等等... 雖然好enjoy, 不過都係冇我好想要既colour... 再睇睇先啦.... 題外話... 今日winnie話原來佢都有睇我個blog呢... 真係高興佢都好鍾意我地既pre-wedding呢!多謝哂!
3pm就到左Renaissance Habour View傾decoration, 原因係會展既deco job係由佢地負責既.... 不過睇左佢地既package都係好一般, 最終都係由子同我自己畫俾佢地, 叫佢地follow就得.....不過都係要加錢... >.<
開完會之後4:30pm就上左師父公司見面.....waiting list左成11個月... 今日終於到我啦, 子就上星期已經上左去啦... 楊生真係好ok...... 之前擇日等等等都係靠佢呢! 希望一切事事順景啦!
睇完之後又約左梁生食tea... 再晚d又上左新屋睇工程! 今日真係好忙呢!
新居正式開工啦...
就等我紀錄一下個進程啦!
Nov 20, 同師父開完會之後就執好哂野, 預備開工!
Nov 25, 放工之後去左攪帖, 今晚總算攪掂哂啦! 由於明日day off, 所以一早就約定wedding planner maggie開會, 一直又傾到10點幾! 又走上新居8卦下... 一上到去.... 好大"陣"天拿水味呢... >.<
Nov 26, 今晚上到新屋! 地板已經起哂啦.... 而又開始批灰啦!
哈哈... 新到既馬桶已經o係窗台出現啦...!!!
新工人到了我們家都有20日啦... ^^ 表現如何?! well... 說句公道話, 佢打掃屋企既表現都不錯ga.... at least"大部份"既地方都可以打掃得一塵不染, 所以都幾ok ga...at least每次返到屋企我都覺得好整齊....因為我本身都好亂呢... hehehehe......
不過講真, 佢真係仲有好多地方都有待改進... 英文溝通能力, 做事比較疏忽等等...真係..... 唉.... 話說書檯前既3部mini模型, 3車6隻側鏡唔見左4隻... 我第一日見到唔出聲, 因為部部車都好"突然"間好清潔, 心中都知咩事啦... 但點解冇人出聲既....? 好... 我又睇下妳幾時同我坦白.... 我故意將用cover蓋返返3部車, 等佢知我alert件事... 睇下佢今日知道我知未.... 可惜都係冇...
well... 既然妳唔出聲, 我就主動去問.... 一輪要用英文單字既溝通, 佢只係一直咁excuse, excuse and excuse.... 真正一句sorry都沒講過.... 講左一陣我都係算啦...唉... 都已經破爛左, 而我又唔想嚇親佢....
不過忍左一陣, 我都係忍唔到, 起初我都係想point out叫佢做野小心d... 如果有事發生唔可以扮冇事... 做錯事要report and道歉係最基本既工作態度... 雖然一句sorry唔可以代表咩, 不過at least講左, 起碼都叫講個一句呀.... 唉... 3部mini車事小, 不過其實3部都係我既禮物... 既有christmas gift, 又有birthday gift...樣樣野都好有紀錄價值, 其實我真係有d唔開心ga....整爛左仲要掉埋件parts.....真係.... 唉....
今晚同大佬傾, 點知佢仲慘... 原來佢已經整爛左好多大佬既collections....唉....
真係唔知點幫佢啦... 希望講完之後佢會有進步啦... 其實屋企人都ok佢ga... at least阿媽都對佢幾好呢...
又過左一個weekend啦! 呢個星期真係忙到暈呢...日間又要返工, 而間中仲要同師父傾新居設計, 每晚返到屋企又要上網搵料, 又要抄書, 之後自己又要劃下圖咁咁咁... 攪左咁多日... 今個weekend總算有個大躍進呢... 因為.........
先講講星期六呢... 一早起身就搵左子一齊出去睇帖, 之後就o係駱克道"蒲"左成個下午搵料...之後再上左師父間公司傾下用料等等....真係幾累呢....
而今日總算可以confirm哂所有木工既用料呢.... ^^ 開心!
而晚黑就參加左舊行同事Rosa and Norman既wedding酒宴... 真係恭喜哂佢地呢....而由於今年大家都有share下籌備wedding既information, 所以都多野傾左呢...見住佢地一步一步咁去籌備, 直到今晚再見到佢地順利完成整個婚禮, 真係好替佢地高興呢... 而另外最得意既係當婚禮完成之後, 佢兄弟姊妹當中竟然有一pair係婚禮場地門口"求婚"... 真係好開心可以見到呢個場面....
而成晚另一個令我最開心既就係可以見返HSBC班老友記and老板... ^^ 次次見返佢地都好開心呢... 酒宴完結之後我地仲去左cwb開party呢... 又玩到癲左呢... 真係好耐冇咁玩過.... heheheheeh....
今朝一早子就同左梁生一家去左行山籌款, 而由於噚晚好夜sleep, 所以都起唔到身一齊去行啦..., 直到lunch我就上左山頂join埋佢地一齊食... ^^ 食飽飽之後又再到駱克道confirm埋要訂既"地磚"and新既"馬桶"! 呢兩日一次過confirm左咁多野... 真係鬆左一口氣呢! 其實一直以來都好十五十六... 唔知換唔換existing有既地板, 一來依家個condition都ok, 二來一換地板個costing由地磚到人工加埋加埋都好甘...三來係屋企人都唔係太主張我係呢個時間再花咁多錢, 因為佢地都認為我好快會搬返香港島....所以呢幾日都一直係咁... "計"~"計"~"計"~ 最終都係決定換哂全屋啦... 冇錯我都有想過我好有"可能"會搬返港島, 不過呢個"可能"幾時發生呢...? 我又真係未知喎... 與其加多少少錢可以令到間屋靚d而自己又會開心d....... 所以都係換哂佢啦.... ^^ 新屋既工程明天就正式開工啦... 希望一切順利啦!
早兩日總算正式收到designer出左新一批pre-wedding既設計圖片! 今次收到既終於似樣d啦... 我同子兩個都滿意今次既設計呢... 不過仲有好多地方再要執....hehehehe 今晚又忍唔住要upload一張上黎同大家share一下呢! 希望大家都鍾意啦!
子最近終於有些時間去休息啦...因為佢既大假正式開始呢, 所以今日放有人黎接我呢.... 由於大家呢幾日都要趕好新屋野, 所以都分到行事呢, 而今晚一有時間, 我地就約埋一齊睇裝修料呢...... 放工後我地先去左行駱克道睇地磚料... 之後一直行到cwb..., 跟住再行埋Sogo睇mattress.... 新屋買大床一直都相信係好重要既一環... 所以其實之前都有做定research買邊隻好...之前自己睇過幾間都唔係好鍾意, 又冇咩突別感覺, 所以心想, 如果真係搵唔到既, 都係買返自己依家用緊果張, 用左一年左右, 都幾好幾舒服呀! 又唔洗再試, 要買都只係買返再張d就已經ok 起碼唔會話sleep唔慣... 所以今日見到佢地有discount, 就即時扑鎚! 又settle一件事呢!
買定大床娶老婆... 又攪掂一件事呢! hehehee... 依家間房其實都幾好sleep ga!
買完床之後我地兩個就去左食煲仔飯, 天寒地凍... 正!!!
食飽飽之後再上左Sony Style and Ikea睇電器and傢俱, 因為仲要為左電視櫃and梳妝台去做設計..... 去抄下size先... ^^
不過講真喎... 真係好想設計張靚靚梳妝台俾子放係房呢.... ^^
返到屋企之後又再打俾師父傾... 11pm又傾到12點幾, 之後就送子返屋企呢!
星期日又要趕projects啦... 相信呢兩個月一有時間都會超busy 不過都好希望可以好好咁enjoy呢段咁忙既時間呢
經過一日既奔波,今晚終於可以同子好好咁飲杯茶, 大家傾下計, 又傾下大家想要咩裝修and colour theme呢!
由於噚晚好夜先打完邊爐, 而之後又睇英格蘭vs巴西既球賽, 所以今朝起身都成11:30am, 之後又急急腳咁趕去陪子既屋企人飲茶呢! 飲完茶之後就去開工lu... 由於今日coco都過左黎, 所以我地先去搵jessie度身, 呢part大家都好快手呢... 因為都已經幫過好多姊妹度身, 既然立造料都已經confirm左, 所以今日只係搵款and度身已經ok呢... 所以攪左一個鐘都已經settle哂呢..!!! 攪完之後我地去左kowloon展去"抄考"一下人地裝修設計, 由於依家唔用designer, 所以好多設計都要自己上陣攪呢... 最起碼都要知道自己要d咩.... 好多野都好靚呢... 希望自己都知自己想要d咩呢! 不過講真喎, 今午睇左一隻叫"芝華事"既sofa, 又真係幾好坐喎.... 真係一大發現, 不過佢地唔平呢...!
行完kowloon bay之後先送左coco返子屋企, 之後我又再同子去睇請帖, 竟然o係同一個地方撞到兩個朋友仔... 同事ryan and子既朋友jennifer... 真係咁岩既... 不過大家都好趕, 所以傾左一陣都要走lu...... 7點幾見四圍都落雨, 又唔想行, 又走左到elements食飯呢.... 食完飯又去左飲野, 之後又去睇電器.... 10點幾就返屋企趕功課呢! 哈哈... 唔識畫野, 唔好笑我.... !
今日係11月13日... 先祝我大佬生日快樂 希望佢好好enjoy單身既最後一個birthday啦! 玩得開心點吧!
而我今日day off, 所以都可以有更多時間跟進新居既裝修計劃呢!
自從上次designer報左個價之後, 一直都好confuse... 用唔用好呢... 好唔好減d設計而令到整個計劃可以execute呢...? 想前想後, 計過又度過... 最終都係決定唔用designer, 都係搵返個朋友既裝修朋友幫我地攪啦...
而今日整個下午我都o係屋企刨d設計書, 又上網搵d相做references呢, 而直到今晚6pm就再到新居, 先交管理費, 之後順水拎埋張住客證, 不過業主申請都要俾錢就有點過份呢... 而今日仲有阿爸and阿媽一齊上新居參觀, 阿媽都好似鍾意呢度多d... 而今晚都約左老爸既朋友上黎度尺又順手報下價, , 而再晚一點就係朋友介紹既師父再上黎覆多次尺! 如無以外, 用佢機會大一點呢! 因為佢知道我要咩多d, 我都好懶得再講啦...好累呢!
今晚一直煩緊搵地磚, 地板, 門, 門框既問題, 因為一係唔換, 一換既錢又好"o禁"計呢... 點好呀.... 為左呢樣野真係好煩呀...!!!
攪哂之後就用左佢地一齊到左屋苑商場既酒樓食飯, 之後再一齊接子放學呢! 子... 妳係咪好warm呢... 咁多人黎接妳!
李家裝修工程進入最後階段, 外牆, 保安系統及車場閘口等等.... 由於日日噴牆, 所以全屋既窗戶既不能打開, 又要密封... 日光日白既情況係咁, 係咪有d似迪x尼既黑色世界呢....
最近要煩既野實在太多... 工作進度, 婚禮籌備, 新居裝修, 用錢分配等等等等.... 樣樣野都要煩, 又要想.... 唉.... 以上幾樣野真係唔可以亂攪呢... 所以樣樣野都要想過度過...
而今日工作上總算settle左少少野... 不過仲未可以偷懶呢... 因為仲未夠呢....見今日做到單大deal... 好! 就比自己好好咁休息一晚啦...
所以今晚就約埋屋企人同子... 一齊食養左兩日既蟹兵呢.... 之所謂, 養兵兩日, 用在今晚呢... hehehehehehehehe.........真係要再一次多謝蝦仔!
