Sept 27 - Oct 1 李家秋季大旅行之東京+箱根 Day 3

第三日... 新宿終於出現藍天白雲啦! 在街頭買了兩個飯團之後就趕去車站搭身後既"浪漫號列車"到箱根啦!

Sept 27 - Oct 1 李家秋季大旅行之東京+箱根 Day 1 & 2

終於去完李家秋季大旅行返到黎香港啦! 今晚終於可以好好咁攪下個Trip既相呢...., 不過由於最近真係好忙, 就等我update住個Trip既頭part先啦 個trip真係玩得好開心呢! 由於同子兩個都有N年冇去過日本, 所以經老友記及大口哥既推介, 都係去最容易既東京&箱根啦! 好野.... 又去玩lu....!!!

9月27日 出發啦!!!

今早兩公婆一齊搭早機出發啦  !!!

各位老友記....... 遲d見啦!!!

Japan ~~~~ We are coming!!!

9月26日 New Mini Club 7th Anniversary

又一年啦... 今年係NMC既7週年晚會, 而今晚玩懷舊60' 70'年代look呢...!!! 由於明早機而呢個星期又病左咁耐... 個人嗚下嗚下咁... 所以只係join左dinner only啦... 不過都好開心....^^ 雖然我已經冇mini仔, 不過班朋友都識左幾年, 其實都有感情ga, 所以mini club既function我都會繼續join落去呢....

今晚去左Hong Kong Skycity Marriott Hotel! 同上年一樣有好多車會朋友黎玩呢....  今日見到Kenny Law呢個日本通, 借機問問佢有咩地方好玩啦, 而佢日本女友仔都有黎喎, 又問下佢先.... natnat同我都覺得佢好斯文呢... ^^

今年車會做既紀念品都好靚呀...!

年年抽獎禮物都唔差ga... 咩都有, 上年又有netbook, 又有車呔,避震等等....今年又有ipad等等... 真係好正ga....^^  年頭飯聚同車抽到個由mini hong kong送出既頭獎mini 雪櫃一個, heheheh 新婚係旺d卦.... 哈哈.... 今晚唔知有冇機會呢...?!

等等等.... 哈哈... 老婆抽左隻starbucks既杯, 而我抽到mini出既斜揹包呢.... ^^ 真係好唔錯呢...... 而頭獎就由剛做媽媽既mimi抽到... 真係旺呢... heheheh... 呢個會特別旺新婚及有baby既會員呢.... hohohoh...

好開心又過左一晚!

哈哈.... 點知natnat睇中左一會會友抽到momo house既毛毛fur喎.... 咁岩位會友又肯同我用個mini出既斜揹包換喎..... natnat即刻開心哂啦.... ^^ 即刻拉埋阿mo e影張相呢!

開心又一晚呢.... 一小小題外話呢... 真係好唔鍾意d代客泊車成日亂較人地個seat位, 你都係泊一泊位..... 較長較後我ok呀... 成日上下左右都較埋.... 到我拎車時真係好唔順手呢... 又要較過哂...!!!

開車返屋企仲有人護送呢.... 送到天橋位要分別啦, 同natnat竟然有d唔捨得呢...hehehe... 遲d見啦...

9月6日 一年前後感

突然想寫返一篇回顧... 9月6日是人生值得回味既一天...

上年9月6日下午去左試wedding cake, 之後地產小姐call左我地去睇居, 又好.... 就在一次極沒有心理準備既情況下.... 當天就成了人生中既第一次做"業主"啦...

多謝屋企俾我地o係佢間屋影相留念呢! 呢間就係我間屋既前身啦! 好橙呀

不過今時今日已經唔同哂啦...... 黑, 白, 灰, 綠.... 係屋既主色!!!

住後感就等我住多一陣再寫啦.....要睇回顧就可以睇返一年前既9月6日啦!

9月12日 新Router

搬左到新居都只係有9個月左右...而一直都想整到間屋盡量數碼化... Wifi Everywhere係我最想做到既基本要求 ^^ PS3, Netbook, Notebook, iphone, ipad, itouch, whatever..... 只要o係我屋企既任何一個位置, 都希望可以隨時上到網   所以當搬入新居之前, 就已經四圍物色一個最強既router.... 當中Linksys係以前我認識最靚既一個牌子!!! 當時見到下面呢部N160, 又係cisco出品, 又係linksys, 又靚仔, 價錢又比出面果d一般router貴... 心想, 都冇得買錯卦................

用左半年左右, 一個字.... 差!!! 而且由於佢太有型啦.... 攪到散熱勁差, 成日overheat, 又唔stable, 成鬼日斷線... 真係唉...平常老婆o係睡房/廳上網, 工作功課又連唔到網做唔到, 好彩仲有隻netvigator手指, 而我又成日用唔到PS3上網打機... 所以一早就想換左佢... 不過買左咁貴, 又用左一陣... 所以都忍下先啦...

忍左一段時間..... 最終都忍唔到啦.... 上FB問問朋友... 好多人介紹呢部BELKIN - SURF..... 樣子普通......價錢一部Linksys可以買到佢2.5部.....  心想買佢最top model - Belkin Play Max.... 不過經sales分析and老婆意見.... 最終買左部最普通既Surf版本....

用左個多星期.... Well.....  Reliable & Stable係我對佢既comments.....at least用到依家都未斷過線...而且次次開PS3都上到網.....  真係平, .... , 正之選.... 係冇咁型呢... ^^ 

9月7日 秋季大旅行

自從上次同梁家+小B一齊完成新加坡旅行之後, 同佢地一齊都有plan過今年去多一次旅行, 目得地都係想以自駕遊為主既地方澳洲, 英國, 北海道都係我地既目的地!

9月4日 Tiffany's Wedding

今日係我ACN老友group-Tiffany既大喜日子... o係度再一次祝佢新婚快樂! 永遠都幸幸福福, sweet sweet

今朝一早工人執完屋之後就即刻出門口趕到伯大尼參加呢個婚禮呢!!! Tiffany係我第一份工時識既朋友仔.... 我地5個今時今日都成日出黎食飯, 今年年頭先係我結婚, 之後到Tiff Tiff, 之後好快又到聰爺and ada.... Alfred哥... 你都快手d啦... ^^

今日子都有陪我出席呢... ^^

完成婚禮之後我地就趕返cwb, join返屋企人飲茶呢....之後陪子shopping..... 而晚黑就約埋大口哥&梁家一齊去玩影相... 大家都想玩部新相機7D, 550D and my S95呢... 今日都好開心ar...

9月2日 S95 試機

呢幾日都係咁玩部新既S95... 由於買呢部機既原因都係想o係宵夜影到相, 所以今次試機都係o係室內and夜景為主呢... 睇下得唔得先....

室內既燈光.........

室內試影微距......

全黑既夜景.......

特別效果...........

Overall都好滿意呢... at least去旅行影夜景都唔洗落腳架....  不過舊電唔夠捱同埋影影下會好熱呢..... 不過用傻瓜機... 呢部就夠哂啦.....

8月31日 選擇困難症發作

選擇困難症再一次發作 --- 為咩....? 洗車安排lor

以往住o係老家, 每逢到星期六or有時間, 都總會自己落樓洗車, 絕不假手於人, 原因都係唔想俾d粗心大意既人洗車, 總怕俾人越洗越"花"... 不過自搬到新居之後, 車場又唔俾洗.... 心想用管理處既洗車服務都好喎... 既方便, 又抵用... 二百幾蚊... 洗足成個月, 所以都幾吸引呢..... 不過想下想下.... 果桶水.... 車場三層又咁多車.... 一桶水洗成幾部車, 有咩石呀...沙呀... 一噴一抹就真係得哂.... 遲早花哂... 不過隔日俾人抹, 次次出街都靚靚仔仔, 又ready唔洗等.... 又真係好吸引喎..... 不過都係"抹車"多過洗車...

依家自己都懶得洗, 所以間唔中都出去俾人手洗.... 70-80蚊一次... 手洗又係咁噴水... 點都小心d又真係叫洗車啦... 係咁噴洗.... 次次都要等成30分鐘... 去到又要等...攪親都成45mins-60mins... 又真係好煩喎.... 我當每星期一次, 都係二百幾.... 有時出街都想ready to drive啦... 又要特登走去洗....... 唉..... 都唔知點好喎....

有車既朋友.... 你地又點選呢...?!