8月29日 Apple

最近有點身痕, 想買件蘋果返屋企玩下...  有見最近好多朋友/用戶都轉入蘋果既陣營, 我都希望去認識一下呢... 不過我既蘋果知識真係有限... 盡其量都只係識識地用iphone & ipad2.... 其他大件既... 真係唔係好識, 亦都唔係好知邊部識合自己... 所以都想係道問下大家既一d意見......

iMac

MacBook Pro

MacBook Air

其實我屋企已經有...... er..... 一部PC Desktop, 一部netbook, 一部notebook, 另有兩部公司notebooks..... 其實睇過哂.... 部iMac 27'真係best buy, 大件夾抵食.... 不過如果買佢返黎, 我屋企部大腦就一定要被淘汰...... 好似好浪費咁.... 依家部機都係用左3年左右.... 而且其他hardwares such as speaker, keyboard, mouse, lcd等等都襯過哂........ 換又好似唔抵, 但係換左既話... 又真係慳位又好用........ 好煩惱.....

其實我用得最多既.... 都係上網呀... 寫blog呀... 睇下波呀... 打下機... download下野... 聽下歌咁..... 其實我應唔應該留返部大腦....而另加部Macbook Pro/Air呢...?! 定一次換左個大既就算呢...?! hahah.... 選擇困難症again...

我又想問下大家上面三部.... 你地又會選邊部, 定話你地已經用緊呢...?! 俾d意見啦... ^^

8月14日 開"咧"

2011-2012既英超又開始啦... 最愛既節目終於再開始啦...  上年既球季好開心, 識左好多睇曼聯既朋友一齊睇波... 而且仲達成夢想可以一到奧脫福球場睇曼聯....希望今季都有chance去睇多次啦! 今晚又一次開波啦.... Manchester United... Go Go Go!

訂左好耐既波衫, 今日一次過拎埋..... 之前唔知印邊個球星好! 都係照舊啦! 鍾意一個人係唔洗轉既... hhehehe... Rooney加油!

今晚果然冇令我失望.... 球季第一球就係你啦... yeah!

8月13日 Dream House?

最近又開始出去睇樓, 由於有d心癮想搬返過老家附近, 所以呢兩個星期都有去睇樓呢8卦下, 只不過最近既樓價真係貴到離哂譜, 大坑道附近入場費最細都要成7百尾8百中... 唔係卦.... 都係再plan啦...

不過今日好開心, 因為除左下午正常既family day之外, 今日仲約左BM哥一家到我舊屋企呢 ^^ 之後因為我地有個約會....  原來世界真係好細..... 我既知己之一阿J, 之後好快就會嫁俾BM哥既好朋友阿T呢.... hahaha.... 所以我地今晚就係約左一齊到佢地既屋企開餐...

一直都知JT既新居只係o係我老家附近, 但一直都未去過....而今日終於正式上去佢地屋企啦....  

上到去.... 真係好好好靚呀..... 位置, 裝修, 景觀, 間格都係我ideal既屋呢... ^^  真係好鍾意呀... especially living room, toilet and this study room.... ^^ 全屋都係灰白就主題! 用料好靚.... 所以真係好有feel呢... ^^ 而呢間study room既一排窗景都係綠油油既山景... 超like.... 個人都係prefer山景多少少呢.. ^^

多謝阿J俾我post佢既相, 不過都係一張就夠啦... 留返d privicy先... ^^

要有間咁大又咁靚既屋所.... 我同子都要努力d至得啦...

8月7日 黑到爆既星期六

噚晚過左近期最開心既一個friday night...原因係噚晚約左一對好好好要好既朋友Janice and Alex一齊上左我屋企飲酒談心... 大家都傾得好開心, 而之後我既心情真係好多了...  正當今日心情正好之際.... 黑爆既事就連接住咁中招...

話說今早出門口.... 打算返港島老家.... e.....? 點解個呔盤好似小小搶咁既... 突然叮噹一聲, 車電腦出warning.... check tyre... 原來爆呔了.... 唉... 唯有call vw既24hrs on road assist啦.... 本來可以即日換新tyre, 點知佢地話要星期一至可以換到... advisor就suggest我佢地幫我換條spare tyre頂住先... 星期一再返廠攪.... 又好...!!! 不過超怪雞... 不過都算啦... 星期一再攪....

之後下午返左港島飲茶, 之後就先泊車返老家.... 點知... 又出事.... "啪"...... high左落車房條柱..... 左車尾花左3點...... 唉..... 咩事呀..... 又返返噴..... 好想爆炸... 不過衰自己, 又可以講咩..... 農歷7月唔係咁咩呀... 之後勁冇心情, 不過約左agent o係老家附近睇屋, 勁冇心情咁睇左個多鍾就散場....

之後冇哂心情就留左o係老家一陣.... 唉... 等星期一返廠再打下價啦.... 真係waste時間.... $#^$#^&^%$!#!!!!

晚黑就去左好友屋企飲sake and wine... 多謝! 心情又好返哂....  不過今日真係黑黑地.... 激死人...

8月5日 家中冷暖系統

等左N咁多個月, 今日終於完全左個更換分體冷暖機啦... 新買間屋時見部舊機仲用得, 就唔好再花錢....  點知, 搬左入黎之後就覺得舊部機同新屋好似好唔襯, 而且冬天時新居就真係幾凍下.... 有見及此.... 上年已經打算換, 不過又怕新機size唔岩, 又怕工程整衰個牆, 所以一直係咁拖, 直到2月尾就訂啦.... 點知俾人一拖, 又話冇貨又話有工程唔夠機,又話panasonic冇返貨, 最終等到6月頭火起, 撻訂.... 再搵朋友買... 等左一陣就已經班到部返黎... 今日終於整好啦...   係咪靚仔好多呢...

呢部就係部舊機啦...... 覺得點呢...?!

早在上星期就已經搵左人返黎搭棚... 呢度又$3000 >.<

哈哈... 好大盒呀... panasonic... 實太等得你太耐啦...

工程進行中... 好dirty又大塵呀.... 救命...

安裝完成之後會試用一星期, 之後再安排拆棚啦.... ^^ 屋企野終於整好哂啦...