9月24日 蘋果@香港

今日係Apple Store香港店既開張日!!!  哈哈... 我係咪Apple Fans?! 其實都唔算係既.... 除左iphone and ipad2之外, 其實我都未用過mac機呢...  不過一個品牌可以令到咁多人都咁喜愛... 一定有佢既原因... 所以早兩篇blog都寫過想搵部mac機玩下

見今日係蘋果香港店既開張日, 正好走去8卦下啦.... ^^ 今日下午如常family day飲茶, 之後本打算到audi睇下車車, 點知又冇car park, 所以就直接去左IFC.... 先陪子去食佢好鍾意食既 petite Amanda...  子今個星期已經第三次幫襯佢啦... 佢話今日帶我去睇靚女amanda s喎.... ^^ 佢真人真係好靚呀...!!!

食完個light tea之後我地就約埋好朋友yanyan一齊到apple store "朝聖"啦  一入到去, 個氣氛真係好不得了.... 果種既熱鬧及熱情, 簡直同我當年見識過既傳銷局差唔多... hahaha..... 入到去你簡直有種不可不買既感覺... 哈哈... 就咁就買左我同子既第一部mac機啦.... MacBook Pro 13' 2.7GHz! 之前都係打算買imac 27' or MacBook Pro 13 2.3GHz入門版, 不過屋企部pc仲用得, 所以都係唔換住, 本來打算入部入門版macbook pro就算啦!不過之後經一輪商討,都係買13' 當中最強既2.7GHz啦! 感覺好似可以用耐d咁 叫得yanyan去, 我當然都要做下魔鬼啦... hahaha....有人中伏!

今日去到買d野都好似有d紀錄價值咁呢...(又俾excuse自己)

最終另加埋apple care and join左apple store獨有既one to one training course... 埋單合共$14,xxx.... 又洗一筆啦...  不過係apple store買野都真係幾好, 佢地會即時幫你部機做setting, personalize哂d野... 先俾你拎走! 以一個mac白癡呢講... 呢個service真好! 為左要令呢筆錢洗得有價值... 真係要好好學識點用佢....

返到屋企一打開個機盒....  真係既簡單, 又型呀!

開機啦...!!!

當然仲要影埋最"搶眼"既logo啦....^^

嘩... 不經不覺之中... 原來我都已經有左三樣野呢... 仲話轉返sony and轉用androd呢... 睇黎我越走越遠啦....

wa.... 熄左燈... 真係仲靚呢.... ^^ 今晚可以慢慢玩啦... ^^

ps. 26/9 更新... 哈哈.. 今日拎左部機返apple換左部新... 原因係keyboard有d finishing唔係咁perfect, 所以換左... 不過換左之後都係仲有少少既... 可能大部份都係咁la... 唔理啦.. 好好enjoy部新機啦....

9月22日 對VW極失望

星期一同車車返廠做regular service, 順手幫佢噴返條頭bumper... 一心以為今次咩攪掂哂啦.... 點知..... 拎車時俾我超好眼咁睇到以下情況....  4條軨竟然有3條俾佢地整花左..... 我都真係唔知講咩啦.... 一間咁大既車廠, 竟然可以整得仲衰過出面補軑既鋪仔, 簡直是不x知所謂.... 一隻整花叫careless, 三隻整花叫咩呢...?!

Service Advisor知道出事, 雖然已經即時補鑊, 約定下星期再返廠修補, 不過真係咩信心都失哂啦.... 第一次做service, 攪到部車偏左, 第二次做service, 花軨再加上輕微偏左..... 我真係對呢隻牌車既after sales service完全冇哂信心, 雖然保護期內整咩都包, 不過成日都要返去.... 我都覺得樣衰..... >.< 我好鍾意部車, 不過真係幾鬼煩呀!!! 我想complaint, 不過又唔想令到個SA難做.... >.<

下星期又要冇車用兩日.... 頂!!!

今日唯一開心既, 就係換左個頭燈之後, 真係靚仔好多呢....^^

9月18日 家中Party

Grandma 星期五已經出院啦! 經歷了接近兩星期既醫院生涯, 屋企人都終於可以休息下, 所以今個週日.... 同子兩個都係留o係屋企, 好好休息下, 反而約左d朋友仔上黎屋企玩下card games, 食飯同睇波啦...

多謝Jessica and Terence 送俾我地既蘋果燈...

子最近買左個真空煲, 日日都想煲d湯水飲下, 今晚就係呢個咩咩烏雞湯啦! 好好飲!

今晚主菜仲有籠仔蒸蝦飯!!!

4人聚局, 後尾阿哥, ally同karen, 再加埋hugo and christine一齊上黎睇車仔大戰曼聯.... 成9個人一齊拆樓大叫... 好不開心... ^^ 3:1大勝...!!! 正呀...!!!

9月12日 中秋節

各位Blog友 & 好朋友中秋節快樂呀!!! 

中秋節一直都係我好重視既節日之一, 我很喜歡團圓這個感覺, 所以當年係澳洲, 我都會做part time買多張機票返香港陪子同屋企人  除左農曆新年及christmas之外, 我最重視就係呢個節日....  不過今年既中秋節....... 我的感覺不是太濃, 因為我的grandma上星期五入了醫院, 所以今年家中既慶祝做節飯等.... 都要推遲... 希望grandma佢可以快d出院啦.... 我好擔心

以往我地都會一家人同grandma及姑姐一家一齊係十六食飯慶祝...... 但今晚十正我地就改左, 今晚我地今年冇出街, 冇賞月, 反而.... 我地請左子既爸爸媽媽, 佢三姑姐, coco, 我阿爸and阿媽一齊上哂我屋企做節食飯..... 今晚所有既菜式都係由子一個人負責 (隨左三姑姐買上黎既三文魚), 不過今晚都夠8菜1湯.... 8人開餐... 大家都好開心呢!

小小心意菜式, 大家都過得好開心呢... 之後我地仲食月餅同嘆茶呢.... 大家都開開心心咁過左一晚....

以往都會出去開心下, 玩下燈籠, 睇下月光等等... 不過今年多了份擔心, 加上噚晚去飲之後仲未恢復, 所以都係留o係屋企算啦....

祝大家都中秋節快樂, 大家仲要健健康康呀!

ps. 唔知大家有冇覺得今年過節既氣氛好似少左咁, 就連以往新聞成日報有人煲臘受傷, 今年都好似冇 (需然係好事), 不過以前成日都聽到, 今年好似提都冇提...