10月13日 仁濟醫院花車遊行, 蓮香樓 & CEO

依家每個weekend都極之其待... 原因實在太好玩啦... 哈哈哈 今日冇去同grandma飲茶, 因為我要去join仁濟醫院&TVB既慈善花車遊行... 所以1:30pm就去左kowloon bay集合, 之後遊行至天順村參加佢地既function.... 你地睇下我地準備出發既情況... 個個都準備要車d明星喎.... 哈哈... Fanny想車陳豪? 不過佢冇黎呢...

係咪好多車車呢... 仲有好多ga出左去.....

我部車車係第三隊出發既車隊... 港姐明星就由第一同二組去車lor..我地沿途都有好多人望仲有d阿sir幫我地開路呢.... 不過都冇用, 因為好塞車呀.... 所以差唔多個show完我地至到步... 去到之後jackie同我地就扮工作人員入去搵人影相... 其實我地有大會既t shirt, 不過我冇換到.....  不如睇下我地影到邊個??? 嘩..陳柏宇呀... 最近都好鍾意聽佢, 估唔到佢幾細個and細粒左少少...同睇mtv既佢有d唔同...不過佢都好nice ar... 子同我仲同佢傾左一陣, 最後仲要多謝kennyw and benny...佢地太似press and 大會攝影師.... 如果唔係都幾難埋身....

我地坐左o係第二行... 之後仲狂影相...又玩呢... so funny!!! 今次真係連阿婆都唔放過...

一直到4pm左右, 我地車隊就分左兩隊.... 一隊去左fanny既shop, 另一隊如kennyw, amy, me, 子, michael, his gf, benny and sorlo就返左去sorlo跑馬地既屋企... 睇相and rest rest.... 都幾開心呢... 哈哈... 不過都唔係stay左好耐ja.... 因為6:30pm仲要去晚飯大戰... 今晚整左兩圍係....

今晚又係食到..... 爆... 人都癲.... 不如睇下我地個個都食到傻左.... 今晚jackie兄仲派"貼"呀... 真係替佢高興..... 唔知佢結婚果日我地會玩到點呢...??? 其實識到呢班朋友都幾開心呢... 因為佢地個個都好nice呢... 個個又玩得, 又食得, 又飲得... 原來cat真係可以好玩得ga.... 呢排係咁食... 我都真係肥左...

點解呢張咁似結婚相ga???

食到10點左右我地全部去返中環中心拎車... 之後又去crazy party lu... kennyw又於要泊車返屋企, 所以佢幫我送左子返屋企... thank you so much brother!!! 而我就跟左sorlo and andrew車先返屋企泊車....  全部人泊好車之後就一齊出發去CEO...第三擊....

今晚有26人一齊k呀... 好熱鬧呢....圖中既係一對緋聞男女... 閃石fanny同歌皇sorlo

當晚我都勁唱.... 唱到依家都喉嚨痛

 不過可以捱到5:00am既都係得6個人ja~~~你地估下邊個係我....???

由左開始係sorlo, allen, kennyw, ???, 酒聖amy and閃石fanny...

今日玩得好開心呢...^^

10月12日 子的禮物

今日一早趕左返去大角嘴既HSBC Training Centre返training, 點知返到後先收到通知話改左去星期一, 有冇攪錯呀...? 我仲re-arrange哂所有appointment到下個星期一呢... 攪到我急急忙忙咁返左銀行, 又冇key, 又冇打領帶, 真係咩都冇!!!好彩有返件suit and 7叔借左條領帶俾我...如果唔係就慘 >.<  今日都係冇咩特別, 係有個法國舊客walk in黎左, 幫佢reconfirm左之前攪佢a/c果27萬GBP大約hkd4.2M已經可以用, 希望12月前可以做佢1.5M生意我就好過d....幫佢攪左好多野, 鬼客真係勁demanding, 做到哈哈哈, 攪唔掂就damn damn damn...好彩so far都ok既... 見之後得閒, 就統計一下自己個客record, 約60%鬼, 35%國內&台灣and 5%本地客... 不過睇黎之後個trend會變... 做多d國內客好似好d... 易d, 數好d, 不過又煩d....

下午果陣就約左我既best friend 及靚女榜Top5之一既jessica同佢食左個lunch... 因佢終於o係State返左黎啦.... 佢個死野同我識左well...都有十幾年啦... 估唔到都快變中女既佢仲係咁靚 (其實佢只大我一歲).... 由男仔頭變靚女再變更靚女... 哈哈... o係你面前唔會咁讚妳ga la... 哈哈... 當然下午咁岩子都黎join到....所以2個top5黎食飯of coz very happy la... 今次你留香港一年... 希望你之後會再返黎多d啦.... 好多野要同你share ga...唔好成日話唔like香港至得ga....

放工就先同子去左cwb集合, 食完晚飯之後就返左鋪頭拎佢份禮物lor....

o拿~~~ 子... 雖然唔係好大隻, 不過都希望妳鍾意la....

下次果隻應該會再.... 今次就當係上期... hehehe..

食完之後我地就留左o係沙田行下街lor, 本來想出同子出部P1i, 點知3又未有貨, 唯有等一下la...  其實我仲有好多野要買呢... rims, digital cam, 秋裝, new lcd... etcetc... 睇黎我又要好好咁plan下今個月點save money先啦.. 哈哈... 其實子都SUGGEST我換左果部古董Sony P2 Cam... 哈哈... 但係真係唔捨得佢...次次都想換, 但係都換唔成. 雖然佢係老左d, 不過佢都算幾reliable, 我用左都有5年左右啦, 又同我去過好多地方, 所以都算行得走得仲跌得... 哈哈...  而且我upload上網多數都係680*480, 如果要哂相就用老豆部機 (不過超大同唔識用).... 不過可能今個christmas都要俾佢退休啦...

 應該係榮休.....

10月10 日 大會 & 打邊爐

今日銀行開大會, 所以全日都冇咩心機去做野呢... 下午果陣就同左fiona, nelson and 阿姐佢去左飲茶, 傾下將來既plan... 心中都有數...

3點幾就拎車先去bmw買野, 之後去展貿開大會, 點知都係癈話大過咩... 無聊啦... 既然咁多野要去煩, 不如好好跑埋今個quarter既數先啦...

6:15pm左右就早閃先lu, 之後去左觀塘接子, iris and 子既boss belinda一齊出去食dinner... 我地去左太子食我最愛既豬骨煲呢...

好飽呀!!! 食完之後我地仲去左kowloon city食糖水呢... 今晚都幾盡慶ga, 不過點解今日唔係星期五.....???

10月9日 工作上的決擇

最近工作上都比較冇態...

 累 + 靜 + 懶... 係我俾自己既comments

  實在玩得太多 & 休息太少啦... 唉...  感覺到自己真的有點不知所謂 %$##$@

我一定唔可以再懶落去, 所以今晚決定左12:30am之前一定要sleep啦... 如果唔係真係冇精神見客... 不過今日terry,  妹妹frances, nelson... 等等... 都話我係panda... >.< well, 我要好好re-organise一下我既生活schedules...

工作上有一些決擇性既問題... 就係公司restructure... 所以我地sales force都有好大既轉變...  well... 認真的係講係升職... Title有變, basic有變, 銀行中既ranking都有變.... 其實都可以算係一件好事... 因為人工上可以stable一點, 壓力上都可以relax返少少... 不過, 唯一不好既地方就係要give up幫我地搵錢既incentive system... 其實加入銀行既sales force雖然只有一年左右既時間, 但係return其實我都幾滿意, at least 可以afford得到我既expenses再加返少少saving and investment都唔係問題... 一向大洗既我總算儲到少少$... 但如果新制就唔同啦...人工fix左... 又冇得搏... 咁點算??? 但係前途就可能會好d... at least做既野會再all round d... 真係有得有失...

今個月既22號要confirm所有意向.... 真係好煩呢...

10月7日 Stephen House Warming Party

今日又到星期日啦... 由於幾日都玩到癲左, 所以點都要好好休息一下... 所以都almost 4pm至出左去接子, 之後仲去左行海港城呢... 哈哈...

 子, 多謝你送俾我既shiseido保濕面cream... 我會用ga啦...

買完左之後就去左stephen位於紅磡海灣軒既新居...! 環境真的不錯... 好似melbourne既city gate + nova!!!

 一個字... 正!!! 如果情況許可, 自己租住都不錯, 因為佢果度係service apartment!

今晚真係玩得好開心呢... stephen, angel, 子, 我 and carol... 連本來話唔出黎既kennyw and amy我地都用左紅酒, ice cream and 香檳引左佢地出黎... 哈哈.. 十點幾仲要聽日要返工... 我地好勁呀...!!! 今晚既dinner由stephen負責, 有羊扒, 牛扒, 三文魚, 沙律..... 等等....  house design, 食物 and 餐具... 我都好滿意.... ^.^

我地食完之後又聽歌, 又打will, 又上網.... 又食ice cream... 真係幾開心呀... 我估如果子同我搬左過去都幾不錯呢.... 最衰果度冇得買ga.... 唉... 又有海景, 又方便... 又靚... 都幾岩我呢... seriously...  不過rent要12000左右... 不如我自己供好過.... ^.^

不過今晚真係好開心呢...

10月5日 瘋狂的卡拉OK大戰

呢排真係玩到... 日日玩到冇得休息...

 噚晚先玩到2am, 之後今日返工又頸痛又back pain....  點知... 哈哈.. kennyw兄一打俾我話攪karaoke party我就of coz即時醒哂啦...

放工開會都即時唔辛苦啦，之後開會仲係咁sms and arrange今晚既ｄｉｎｎｅｒ

今晚同子約左kennyw同佢太太ａｍｙ一齊食ｄｉｎｎｅｒ，我地７：３０ｐｍ左右先ｍｅｅｔ左係ｃｗｂ既和民食飯．．．都係第一次同佢兩公婆食飯．．．佢地兩個都好ｎｉｃｅ　ｇａ，有時都覺得我地兩ｐａｉｒ人都有少少相似既地方，　唔知係咪咁，所以都幾岩傾呢！而食完之後我又先返屋企換衫先．．．而一換完又即係落返去ｊｏｉｎ佢地．因為我地約左１０：３０ｐｍ去ｃｗｂ　ｃｅｏ　ｎｅｗａｙ．．．ａｇａｉｎ，仲要係上次間ｒｍ３２８呢．．．今晚大戰結果係．．．　ｓｔｅｐｅｎ．．變左K.O.皇（有相為證），而ｋｅｎｎｙｗ第二．．．哈哈．．．

今晚又係咁癲下癲下咁又換到５：１５ａｍ．．而子大約１：１５ａｍ左右就由ｍｉｍｉ　ａｎｄ　ｅｄｗｉｎ車左返屋企呢．．　真係唔該哂呀！

今晚陣容都幾多人ｇａ．．．有我，子，ｋｅｎｎｙｗ，ａｍｙ，ａｎｇｅｌ，ｓｔｅｐｈｅｎ，ｓｏｒｌｏ，ｃａｔ，ｆａｎｎｙ，ｍｉｍｉ，ｋｅｎｎｉｓ，ｊａｃｋｉｅ．．．等等．．．　都幾熱鬧．．．日日係咁就好ｌｕ．．．

　不過好累呢．．．

10月4日 瘋狂海鮮大食戰

呢幾個星期真係玩到人都癲呀!!!! 工作上就真係玩到心都散埋

今日一放工就即刻搵埋子同班朋友地入左去三聖村食海鮮大餐, 去左ifc先meet sorlo and cat, 之後再去西kowloon長廊集合.... 之後就去戰場啦....

嘩~~~ 今日都幾多人呀... 最終12車, almost30人... 而我地今晚食既野真係好多... 食左咩都唔記得lu... 不如睇下相好過啦.... 睇下幾多野...

魚, crab, 瀨尿蝦, 龍蝦, 鮑魚, 鮮魷sashimi, 生oyster,抄螺,貝...... 仲有好多呢... 不rememeber了... 只想講今晚好開心啦... 由9pm食到11pm.. 仲唔肥死....??? 仲有係食唔哂呀.... !!! 最終埋單每人300蚊... 抵食呢... ^.^ 元老派跟少壯派又分唔出高低...

食完今晚仲向jackie買左佢個8500 blue led rador... 終於買啦... 仲整埋呢... ^.^ 食到11點幾班嘩鬼仲未enough, 所以我地又好有隊形咁出返去kowloon city食sweet soup呢... 個個有walkie又有radio... 好好玩...

不過之前我都先送左子返屋企呢... 之後我先去join佢地食...  甜品鬥食party如下呢...  就係咁既weekday既情況下.. 我地又食到1:30am.. 食完之後就返屋企lu.... 明日仲要返工ga...>.<

10月1日 快樂的國慶

今日係國慶日星期一... 突然之間多一日休息, 真係好開心呢... at least...經過咁多日既parties... 真係可以好好地咁sleep一次.... 所以一早miss左好多sms... 真係唔好意思啦....

本來plan左一早入cyberport影相, 之後去飲茶.... 不過由於敵不過睡魔.... 所以都改哂schedules.... 而我同子就先陪左屋企人飲茶, 之後就去左加州花園jackie屋企group洗車.... 由於買左6:15pm睇~戒 l 色, 所以行程都幾充實... 先係3:00pm飲完茶, 之後就直入左去搵佢地啦... 3:30pm到步, 之後我就冇洗車.. 只係吹下水, 而子就同左其他人玩lor.... 哈哈.. 今日都有10部車左右, 我部車車就係藍色部既右手邊... hehehe   睇唔睇到呢....???

留到5:15pm就走lu... 趕住5:45pm出去cyberport meet佢地.... 好彩都on time既... ^.^ 影左幾張pic之後就去左睇movie lu... 

戒 色 ~~~ 呢部戲我覺得不錯, 成日"型"住係王家衛既戲, 一定會好bored... 睇睇下... 又唔係太悶喎.. 又幾ok.... 哈哈.. 係喎..好似係李安既戲.. 所以越睇越有feel... 好多人去係想睇d所謂"激"野... 不過講真我又唔係lor... 要睇就去日本睇啦, right? 我反而真係對佢個story幾有興趣... 28個pages既story可以拍到2hrs, 真係好勁呀... 講真套戲ok ga... 戲服又靚, 又多勁人.. 我另外最想睇既係~ 陳沖~ 冇失望... 不過佢真係老左 >.< 而我最鍾意既偉仔就都係意料之內... 睇完戲之後就出左去影左幾張相.... 而有幾張我都幾滿意, 所以我都唔resize佢地... 希望大家指教一下...

影完之後就同左子, stephen and angel地去左大角嘴食野... 之後就返屋企lu... 而我返屋企過紅隧果陣仲遇到d飛仔drive車... 過唔到我入隧道, 之後仲要雙白線過我頭, 之後仲狂撩我... 又俾中指, 又用士巴拿舉下舉下... 係咪癲ga... 香港人仲有冇皇法ga....#$$^%^%$#@... 不過我of coz冇理佢la... 仲細咩...

聽日又要返工啦... 我要加油呢!!! 好多野要買...哈哈!!!努力搵錢....

9月30日 鑽戒....?

*號外*

今日下午有人發現左Mr. Keis LEE同左子佢去左沙田.... 訂購左一隻..... 都幾見得下人既鑽戒....而走果時, 有人見到子只係o係度傻笑.... 究竟咩事呢?....  遲下再公布啦...

 

之後又出返去kln約左angel and stephen一齊去左玩車, 買野 and 食飯, 之後再去食糖水... 不過太full and tired 啦... 所以今晚都係有d返屋企休息一下....

最後... 9 月又完左啦... 今年最後Q又要再搏過....  工作上, 我有一個很不錯的7, 8及9月... 生意都算不錯...  我都幾滿意... 今quarter的數都總算爆了... 做到都有接近1000萬既生意, 雖然唔係pc, 不過我都好滿足!!!  我希望十, 十一 and十二月可以再上一步...  !!!

9月29日 車房BBQ & Crazy Karaoke

今日真係玩到人都癲.... 下午就同平時一樣啦.... 陪左屋企人去飲茶, 之後行左陣街都返屋企lu... 因為今晚先會約左班朋友仔去跑馬地朋友間車房燒野食... 有蜆, 有蝦, 金菇, 仲有靚扒猪牛羊, 配埋紅酒... etc ...  今晚班魔鬼真係幫我好多喎... 又要換rims, 又要加雷達, 又要改咩咩咩... 哈哈... 又幾皮??? Think Think 先啦.... !!! Adam 同 Jackie伉儷, 原本話尼睇下, 結果都吹水吹到好夜先走...haha .. 我地由7pm一直玩到12am左右... 之後又轉戰CEO Karaoke..... 

OH... 不過stephen兄好似有d事發生喎... 希望佢快d可以solve d problem啦... 不過另外果件事都令我有d "O"左個嘴 點解會咁ga..... ??? 不過今晚都玩得好開心呀... 估唔到kennyw and amy兩夫婦可以咁好玩....

就咁我地又玩到6am lu....