8月30日 Sport Day

最近工作真係好有壓力呢...連今日星期六都要返工呢.... 真係慘!!! 日日都話跑數追Target... 真係個個都就黎癲呢...  又唔記得左邊日.... 成班teammates話攪個sport day relax下....  又好喎... 就plan好左今日做下d有益身心既活動先...

放工之後就同埋林大哥一齊去天星碼頭拎車車呢...最近大家都改泊天星唔泊IFC lu...因為之前park ifc真係好煩.... 再接埋anthony & jess就一齊剷入去佢東涌既屋企呢...  由於其他人要返屋企換衫等等.... 所以lunch都係得準林太, 林生, jess同我一齊食.....; 大約4pm Anthony, Nelson Hui, Gigi 地到齊就開始我地既第一個活動... 就係我勁屎既羽毛球啦...;佢地兩個Nelson都好變態ga... 打波時好似上左身咁... 野野都搏命抽....攪到我閃避多過打中, 不過好彩我都有幾分....  哈哈.... 未至於食"蛋"..... 睇我幾狼狽.... hahaha... 不過好開心呢... 有球打到10下呢...好好玩... 不過我好快冇氣

林生林太既球場上"英姿"

呢對就係Nelson Hui and Gigi la... ^^

打左兩個鍾之後玩咩....??? Bowling lor... 今次既高手有好高既anthony....

Hehehehehehe....林大哥俾我o係最後一round反超前左佢.... 6分...... 好彩唔洗包尾!!! yeah!!! 一局過冇上訴呢..... ^^

玩到7pm左右, 子剛剛放學都join埋一齊食dinner呢.......玩左陣豆豆 and 松松... 之後我地去左東涌既一d村屋食大排檔呢..... 真係好特別 and 好食喎... 講真冇人同我地黎一定唔識搵.... hehehehahahah 又一晚呢.... 總算將工作上既壓力都放抵左"一陣"呢...  8個人食左8菜1湯.... 都係每人$80... 真係抵食呢.... 哈哈.... 10:30pm左右就散lu... 因為真係好tired呢.... ^^

8月29日 新電腦正式啟動

我的新電腦正式啟動啦....!!! 好開心呢!!!

Woo~~~ 攪左成個星期, 又Install, 又format, 又有d唔知咩既error.... 哈哈哈!!! 今日總算攪掂部新玩具啦....新機真係好快... 又好靚呢....!!! 呢幾日再加左少少新野....DVD RW & Logitech Keyboard Set!!! 遲d再買埋TV高清手指 and 7.1 speaker + Subwoofer...咁就真係齊哂呢.... ^^ 呢幾日攪左咁多野...埋單剛好一萬多少少...雖然有d out左budget... 不過都值既... 話哂我每日用電腦既時間都幾長...... ok啦...  開心開心!!!

• Intel Core 2 Q6600 2.4GH (CPU)
  
• Gigabyte P45-DS3P (Motherboard)
  
• Icon ATI HD4850 512MB DDR3 (Display Card)
  
• A Data 4G DDR2-800 (Ram)
  
• Western Digital 640GB (HD)
  
• Cooler Master Real Power RS520
  
• Logitech Cordless Desktop Wave
  
• Pioneer DVD-RW DVR-216 
  
• NZXT Guardian 921Case


• Philips 220XW8 LCD HDMI Ready

呢部就係新機既樣啦.... 上面既有Maxtor既500GB External HD, 而個case上面仲有個LCD Display呢...

最靚靚既係佢既側面.... 透明ga.... 可以睇到入面ga.... 仲有藍色燈燈呢!!!

入面仲可以見到佢既勁勁核心 Intel Core 2 Q6600 2.4GH & 4G DDR2 Ram呢!!!

今次真係要Thanks我大佬既出手相助呢... ^^ 好滿意呀!!!

8月24日 又買新玩具

今個weekend都幾好呀! 星期五打左個9號波, 即時多左日假, 所以都幾relax呀! 打風果日都冇咩做... 都係留屋企, 去飲茶, 之後仲去左轉電腦展(可惜要食閉門羹)... 仲話螷風雨不改呢...

星期六照常飲茶, 而子就開始返佢剛報左既MBA Course, 所以都冇join我地. 食飽之後就同左大佬and Allan兄一齊行電腦展... 真係好迫好迫人...排隊入場時真係焗到好唔舒服呢, 而且好多野想買都買唔到, only買到ram and norton 360...慘呢.. 我係要去買電腦喎! 不過太多人真係冇計. 5:45pm左右就走去接子, 而Dinner就約左車會朋友入科學園食飯... 今晚好熱鬧呢... 個個都係度share玩部iphone既心得...hhaha 新玩具都幾有吸引力... 11:30pm左右就散lu... 不過今日個頭勁痛呢... 好唔舒服... 返到屋企仲有d發冷發熱呢... 真係慘...

噚晚真係好唔舒服呢... 本來打算半夜出去睇急症, 不過都係算啦...手軟腳軟點開車呢, 又唔想打擾屋企人, 所以就好似以前o係melbourne咁... 自己攪掂自己.... 見又熱又冇汗出... 點都爬起身... 狂灌溫水... 出左身汗... 好返好多lu...就即時上床照sleep... 一早起身... 見有返d力... 即時拿拿聲開車落養和睇醫生, 好彩今日唔多人, 好快就走得... 返到屋企都好返6-7成, 食埋藥就更好la... 見好返咁多, 就join埋屋企人去飲茶, 之後就同左大佬, ally and子一齊去左深水步買玩具呢... 哈哈哈...不過又要迫呢... 買左咩.... hahaha...

• Intel Core 2 Q6600 2.4GH (CPU)


• Gigabyte P45-DS3P (Motherboard)


• Icon ATI HD4850 512MB DDR3 (Display Card)


• A Data 4G DDR2-800 (Ram)


• Western Digital 640GB (HD)


• Cooler Master Real Power RS520


• NZXT Guardian 921Case

相信呢個combination都夠用返一段時間, 過多兩日再買返d新keyboard and speaker先...hehehe... 5.1/7.1??? hahah... 不過今日又洗左好多錢呢... 唉...好肉痛呀...!!! 買完之後又應左湊仔公邀請去左沙田食飯再加上改名課... 真係唔講唔知改名都要咁有學問呢....^^ 今日上到去小Jason又好懶玩唔sleep呢... 今晚佢好肯俾人抱喎.... 不過今日冇我份呢..., 而我仲要隔返個距離呢, 唯有等我好返哂先再抱佢la.... ^^

8月21日 抉擇困難症 iPhone3G

新玩具噚晚到手了...就係部黑色既 iPhone3G機... 哈哈哈哈... 為左攪佢...... 呢幾日真係俾佢玩死....

最近睇到好多朋友仔既BLOG都係講緊iPhone3G呢部電話... 起初都冇咩為意ga, 因為用左半年左右既Sony P1i, 真係我近期用既手機當中, 最好用既一部....其實我好唔鍾意換mobile呢... d contact要轉黎轉去真係好煩ga,  所以之前有車會特別offer, 都冇想過要出呢.... hehehehe....  點知.... 當Nelson兄一借左佢部iPod Touch俾我玩.... woo... 即時出事呢... 經WIFI上網既速度真係好快呢.... o係銀行返工, 其實真係好悶ga..... 有客時都有野講下.... 冇客時真係冇野做.... 睇report睇市....??? 最近都冇野好睇la... 最慘既係連Internet都冇得上..... 唉..... 不過自從買左P1i之後, 既有msn又有3explore上網....都真係唔錯ga... 不過缺點係慢同埋網頁都拉到變哂形... 不過有得上都好好la.... 點知玩左幾日部TOUCH.... 冇哂野講la.... 實在太好la.... 快, 靚, 正..... 本來想買返部Touch就算... 不過得8G果部都要2400, 而我又唔想每日拎住兩部野出街... 不如買返部iPhone3G玩就算la.... 橫掂用498個Plan就 $0 機價.... 不過要簽兩年約.... 依家每月都差唔多3百幾4百... 加多少少都好喎整個無限上網plan都好喎.... (公司仲有allowance呢)... 咁抵... 唔洗想啦下ma..... 點知....我既"抉擇困難症"又發作la....

原因係iPhone3G好係好, 不過佢唔好既地方都有好多...

第一. 冇左video call(咁咪冇得同子玩) 呢個因素好重要....

第二. 冇MMS service (好多時都會用)

第三. 冇哂MSN and 收音機 (日日都會用)

第四. 以後所有野都要用itune過機, 內置memory... 如有意外, 咩data都死...

第五. 係部P1i我真係好鍾意ga, 而且買左都好似得幾個月...咁快換好似好waste $$$呢...

抉擇困難症又令到我15/16... P1i既communication and function可以話係無敵, 不過我日日都會用手機online.... 依家部機好似唔夠用呢.... 而 iPhone係呢方面就win哂呢... 不過其他野就.... 唉.... 魚與熊掌不可兼得... 想左好耐好耐... 好似我上網時間send email多過玩video call好多呢....又見咁抵... 好啦拍板!!!

點知第二個問題又出現la.... 要黑好定白好呢... 呢兩隻色又令到我苦惱左一段時間呢...哈哈....

白色 - Image Colour, 16GB, 市面少d,  又好Apple Feel呢... (不過返工拎佢又好似好玩具), 女仔好似易親d...

黑色 - 型仔, 8 and 16GB都有, 所以一街都係, piano black又多指模 , 不過男仔用又ok喎...

最後上到3既office... 睇左dummy....拎過上手, 唔洗想... 即時choose黑色... 因為黑色真係靚d呢... hehehehe.... 不過第一部有死點... 所以都係第二部至ok呢... ^^ 好彩睇左先.

同子食完日本野返屋企玩.... 點知真係煩... 到itune出事.... 佢同左windows撞左... install到不過開唔到... 開唔到即係轉唔到contact.... aii... 咁即係冇用... 我d客既資料轉唔到又點返工呢... 唉... 所以都幾煩... 由噚晚攪到今晚...連Henry都上埋黎幫手不過都攪唔掂, 又睇哂咩toubleshooting and好多forum...都係攪唔掂... 最終做左一件好唔想做既事... 就係format左我部用左4年都未format過既PC, 本plan好左今個星期六去電腦展買新機.... 唔想攪咁多野... 點知都係要整..... 唉... 好啦, 好在之前都back up哂d野.... 又好... 攪左成晚.... 總算係3am整好左所有野....(咁夜sleep都係搏聽日打風唔洗返工呢)...睇黎真係有排玩lu.... 哈哈哈...!!! 初步用後感, 冇ipod touch咁快, 不過真係好靚....... 好似好易散咁... 都係小心d用lu....

P1i... 我估你都要休息一陣呢..... ^^

8月18日 再見110

再見了... 陪了我差不多8年既AE 110... 希望你既新主人會好好對你啦...

呢部車車其實見證左我既成長... 讀書, 做野, 放假返香港玩, 又同朋友晚晚遊車河等等等等...咁多年黎無論粗用or斯文用.... 你都好盡忠騷職守... 只要入油, 你都識行識走.... 永冇投訴... 所以今日你要離開李家.... 其實都好唔捨得呢... >.<

不過其實呢兩年...大佬同我都各自有車車la...  所以都冇咩幾可會開你用你.... (後面部Z3就係我之前既二奶呢...^^) 不過你既離開.... 卻令到我部Mini仔可以用返個大大車位呢... 哈哈哈... 所以都有d開心既.... hehehehe... 細個果時屋企一部車都冇, 不過依家屋企得果4個人... 竟然會有3部車.... 所以都幾無謂呢... 最多時有機會一次過出3部車遊車河.... 都係過年時呢.... 都好好玩ga... 同大佬and老豆ride喎....^^

點解會買呢部車.... ??? 其實都幾突然ga.... 剛剛說掂老豆換左佢部accord換左部好好玩既........就係下面部CF4 TORNEO新車買返黎玩唔夠6個月... 就比人偷左lu.... 而呢部係當年第一部水貨到港既CF4呢.... 馬力未改都有200ps... 又改哂d燈, 又有sport suspension, 尾喉等等...真係好開心ga... 點知有朝出街..... 部車呢...???自此阿媽就唔俾玩跑車.... 佢一開口就攪掂左老豆.... 平平地出部AE110.... 話斯文D喎.....冇咁易比人偷 (當年好多人偷車)... 唉.... 自始就..... 唉....

幾日之後, 新車到步.... WELL得果13"鈴...全原廠車....一個字.... 唉.....  即時拎左出去走轉.... 地板油上山~冇力...., 照明~冇HID... 轉彎~第一個彎已經嚮哂又甩.... 13"鈴... 真恐怖.... 以前放人.... 依家俾人放..... 好慘呢.... 不過當年仲讀緊書, 冇計la... 唯有照用la..... 不過玩下玩下.... 其實開AE110都可以train好d基本功ga... 話哂部車太raw....可以話完全冇pc support, 不過 ok ga..... 就咁就玩上左感情呢..... 當年放假返香港一定四圍去..... 打風都出去坐係部車度... 好有安全感呢... 哈哈....

又ok喎...玩左咁多年... 到依家92000km.... 都行得走得....Toyota既耐用性....真係最好... 如果第時再買車長用....Lexus一定可以考慮... Toyota真係品質保證!!! 其實部車玩玩下都改左好多野呢... 頭圍, 尾喉, 避震, 鈴, s03胎, brake, 入風盒, 乜bar物bar,  日版章... 好多好多野.... 日間睇都係咁la... 不過晚黑就係玩細個最興既燈仔lor...又藍又綠都幾靚ga... 不過成日比屋企人話我攪到佢太飛仔呢....

其實佢都好好玩ga... 不過.....heheheheheheheh 當然依家mini仔好玩多la... 哈哈.... 點都好啦.... 用左佢咁多年.... 感情真係有ga.... 希望之後有機會o係街街再見到佢la...

多謝你呀.... 哥哥仔.... Corolla!!!

8月8日 湊仔牌 & 奧運080808

今日銀行好靜......靜到真係有點嚇人呢... 原因??? 咪係080808 lor... 可能係奧運問題卦, 其實處處都好靜... 好既可以係部份既retail only.... 不過都冇咩國內人黎香港lu...  所以都好養養神好過..... 好好留力再搏過啦...

子既公司真係好, 俾佢地放早睇奧運開幕呢....  本來對睇開幕都冇咩興趣, 不過後尾又撻著左自己想睇喎..... 話哂中國第一次! 想睇下佢地可以做得幾好... 點樣宣揚國威呢.... 所以放工後先去接子, 之後再去整車車d野.... 攪完仲收到jackie既電話... 幫佢買左d補給品之後.....就入去探BB同睇奧運呢.... 晚黑返到屋企仲搵返d古董出黎啦! 我真係有湊仔牌ga...不過深造果張唔見左呢.....嗚嗚.... ^.^

Jason仔今日又大個左啦, 不過都係先講奧運先..... 今次呢個開幕真係好精彩, 不過好鬼死長....... 開始果陣既歌舞.... 我真係想起Jay果套咩<滿城盡帶黃金甲>..... 好多人, 好整齊.... 仲好精彩呢.... 不過入場入左兩個幾鐘, 之後先點聖火..... 點果下都成12點..... 都真係幾累and悶呢... 不過都幾好睇既... ^^

講起今日探Jason... 佢又大個左呢... 精精靈靈, 眼仔碌碌... 成日都唔願sleep咁... 雖然話佢大個左.... 但係jackie抱佢上手果時... 我又覺得佢好細粒呢.... 成個馬騮仔咁... 又舞手, 又舞腳.... 哈哈.... 特登幫佢影左張腳仔相.... 哈哈... 同我一隻手指咁上下長ja...., 我要等佢大個時俾返佢睇呢....

今日... 真係體會到做老豆老媽既辛苦... 就係呢短短既幾小時....  食奶, 掃風, 換片, 要抱既動作.... 都唔知做左幾多次...... 每次換片.... 清潔都好似面臨大敵咁.... 真係要好小心.....小心... and小心.... 真係心血少d都唔得呢.... BB仔又未識得表達自己....喊is the only way they can do... 每一次喊都要好似猜迷咁....猜到就好, 猜唔到bb又會越喊越勁... 越喊又越心痛, 又越心急......  好心急既我... 第時如果有BB都唔知攪唔攪得掂呢.... 見到呢個情形.... 真係不得不讚一下天下既父母.... 當然係度都想讚一下Kennis and Jackie呢..... 一個字.... 勁!!!

呢個就係Jason最愛既趴地熊動作la..... 不過相信.... 幾辛苦都好.... 見到BB咁relax咁趴左o係度.... 真係咩都"lum"哂la...., right!!! 加油啦!!!

8月5日 小手術? 養和?

今日身體有點不適, 所以上午都係留左o係屋企好好咁休息..... 而下午見好了些就同Mini仔仔出去做個眼科小手術... 你睇佢冇左對眼仔個樣幾趣怪...... ^^

整好左之後真係好好多呢... hehehehehe... 不過又花一筆呢.... 我部新PC又要等多一等lu...嗚嗚....

接埋子放工之後就要開飯啦.... 食咩....??? 養和最出名既煲仔飯.... 今日Allan都有一齊黎食呢....哈哈... 真係唔錯ga....

今晚再接再厲.... 哈哈今次小Jason唔喊啦.... 佢真係好似一隻小可熊仔.... 好得意呢, 今日仲識得望鏡頭呢.... 叻仔...!!!

而我...? 俾梁生梁太攪到我都緊張哂呢... 哈哈...其實都冇問題ga....話哂我真係有以前Red Cross既嬰兒護理證書及深造嬰兒護理證書... 不過張cert都成13年前....hahaha.... 唔知仲算唔算數呢...? 望住小B... 佢咁細小既身型我只想起了一粒豆豆, 抱住佢更不禁會想唔知佢以後會點呢? 我相信佢一兩年後已經識行識走識跑識唱歌...更可能識玩車車呢...^^ 時間真的很快就過...... 手抱住佢, 唔知佢將來仲記唔記得我同子咁樣抱過佢呢(仲要係佢出世後幾日)... 想起如果有一朝做老豆.... 哈哈... 雙魚座既我一家想餐死呢... 又怕呢樣, 又怕果樣.... 睇呢....我仲未ready去做呢一個角色.... 不過做過好老公我估都ready既.... ^^

8月3日 第一次

第一次.... 今日真的有很多第一次呢....

先講今朝先啦....  一早起身見子又有野做, 所以就留左o係屋企玩下個新LCD, 又駁下HD, 又攪下PS3.... 哈哈... o係房既高清設備進一步呢... 遲d再攪埋個高清盒先... ^^ 而Jackie兄早上o係我牙都未刷時上黎探我... 哈哈哈... 真係少有呢...^^ 原因....??? 哈... 問佢la....

下午到子可以出黎.... 就先叫佢去利園買份禮物仔俾Jason仔呢.... 而其中一份一定要有手襪仔... 因為噚日佢自己整損左自己塊面仔呢....快d包住隻手仔至得lu... ^^ 點知今日探佢... 佢又好返哂呢... 真係神奇.....^^ 至於第一次係咩....??? 咪抱起佢lor......我同子都有抱佢... 出世第二日ja... 佢真係好細個呢... ^^ 點知我同子一抱佢就喊.... 哈哈哈... 真係打爛左子既招牌呢.... hehehe 話哂我屋企個阿B同佢細佬, 佢都湊過.... 而其他bb都好跟佢....哈哈...  今次真係"魚"呢.... heheheh... 不過都夠開心呢...!!!

睇完BB... 又到tea time la... 唔知呢父母睇咩睇到咁入神呢....?

攪左一陣都返屋企lu..... 好好咁o係星期日休息一下呢... ^^ 晚黑就去左同子既屋企人打邊爐.... hahahah... 食左兩日勁la... 好肥仔呢...!!!

下面張相就係我今日o係房玩既野呢....

8月2日 Buffet + Night Ride

今日實在是快樂的一天, 再一次恭喜jackie一家增添了一個新成員.... Jason!!!! 你要快快樂樂咁成長啊!!!

離開醫院之後就直接去香格理拉既Cafe Koo食buffet呢... 等左呢一餐真係好耐呢.... 原因係為左慶祝.....hehehehehee..... 多謝哂啦...Nelson and Karen... 哈哈哈... 今日真係飲得一杯落la... 個個都咁開心呢... (我仲crazy到食左兩打生蠔呢.... )

食飽飽之後就同左兩部車車去night ride啦.... 今次去左... TST - 觀塘 - 將軍奧 - 大清 - 西貢(糖水) - 馬鞍山 - 8號仔 - 返屋企...都去左幾多地方呢.... 我地去左大清個停車場之後仲狂玩部新M6S呢... 你睇佢個尾箱幾大.... ^^

玩完之後都成12am lu.... 之後就返屋企rest rest lu...  今晚第一次同nelson去night ride... 又幾好玩喎....heheheh 快d再arrange下一次啦... ^^

8月2日 獨家轉播: 梁家小B

恭喜哂!!! 恭喜哂Jackie and Kennis.... 恭喜你地梁氏家族既新一位成員... 梁家小B  Jason Leung!!!  o係今日正式加入你地既家庭呢....!!!

你地睇下小B幾咁鬼馬....??? 又食手... 又單眼.... 真係似足佢老豆咁攪鬼呢... !!! 哈哈哈哈....

噚晚先同佢兩公婆見過面, 望住kennis個肚果刻真係覺得人真係好神秘... 噚晚仲係度想, 小B o係個肚入面, 又黑, 又比水包圍住... 雖然只有一塊肚皮之隔.... 但佢生存既地方真係同我地好唔同呢.... 點解佢可以o係入面生存40weeks呢...? 我地係山頂飲野果時.... 雖然知佢就快出黎.... 但總係有好多.... 點解...點解 and 點解....  書... 讀左好多關於BB既野.... 不過睇住小b既出世.... 真係覺得好神奇... 又好興奮呢...!!! 醫生本來話小B要星期一做手術出黎ga.... 不過唔知點解噚晚總係覺得...奇奇怪怪咁...但成日都仍住好似好快會見面咁....., 飲野時見到jackie有小小失望小B可能會遲到...., 因為醫生講既), 不過我始終覺得.... BB成日會o係你最冇準備既時候出現... 搭搭下車, 食緊野(可能睇得戲多呢)...好多野話唔埋呢...??? 哈哈... 飲完野提議不如行下山頂廣場散下步, 可能果時就會呢....點知都係冇喎........不過聽講佢返左屋企之後就..... GOOD GOOD GOOD NEWS呢!!!

今朝晨咁早就收到jackie兄既sms話小B佢突然間想同大家見面..., 佢地天都未光就已經沖左入養和.... 而手術時間更confirm埋呢.... Yeah!!! 睇到佢msg果刻我真係自己都yeah左一聲呢.... 雖然唔係自己做老豆, 但係都好開心呢.... 其實今個星期我都隨時ready返返下工就走.... 因為我都好心急呢....從子既生日當天得知kennis有了小B, 到之後常常食飯見面... 不經不覺都等左好多個月呢.... 見到kennis個肚一日一日咁大... 我都好想快d可以見到佢.... ^^ 所以今日連平時既family gathering都取消左... 我想第一時間接埋子一齊去睇小B呢...

2pm... 正式收到Jason出世既消息... 知道佢地母子平安.... 即時接埋子打算去做第一個睇小B既"Uncle & Auntie".... 哈哈....  由於心急, 所以咩都冇買就飛左去.... only買左張靚靚card呢... ^^ 接左子.... 泊好車.... 同子兩個真係跑住咁上醫院...我叫子小心d... 點知我地都係越跑越快呢... 點知一到步就見到Fanny出車...(心想... 唔係卦...??? 仲快過我....? 有d失望呢)... 傾左兩句之後都唔理啦... 上去先la... 點知BB同Kennis都未出黎.... 哈哈... 我始終第一個到呢... hahaha.... 多謝Jackie...!!! 俾個機會我地第一個拎650card仔睇小B呢...  好開心..... 小B真係比相像中大隻... 同靚仔呢... 起初估d baby出世幾個鐘個樣都應該係一舊舊.... 點知小B又ok喎... 係唔小心整損左塊面呢...

小B仲成日揮拳... 就咁睇到幾大力....  之前食飯kennis成日話小B o係肚度又打拳又踢腿.... 睇黎都幾痛呢....

睇下我地個個幾開心!!!

當然榮升做老豆既Jackie最開心la....見到佢開心到成個小朋友咁呢.... 我都好興奮...!!! 其實我地仲泊左video... 不過好似太大啦... 睇下遲D整唔整到先(睇住pic先啦...)

仲記唔記得之前篇blog話同Jackie and Kennis玩左個估B出世既暗盤遊戲呢....jackie一直都冇睇過話直到小B出世果日至睇.... 哈哈.... 睇下邊個中左...??? 係我呀....!!!

講左咁耐都累啦.... 不過小B仲累呢.... 睇下佢個O型嘴.... 真係唔似出左世兩小時呢... 咁大個又成7磅14...... 可能靚媽媽陪我地食得太多野呢, 不過大大隻隻又健健康康都好呀.....!!!

最後... 衷心祝賀jackie and kennis添了一個咁可愛既小B....  希望小B以後都快快樂樂, 身體健康, 你地都要開開心心, 生活幸福!!!

Jackie and Kennis 可以見證到你地咁多既開心事.... 真係好榮幸呢...!!! 更加多謝你地與我同子分享了呢個咁大既喜悅.... 我都真係好開心呢... (今日o係病房我都好似遲左咁係咁... yeah...yeah...yeah!!!...) 真係好興奮呢....

ps: 呢張係梁家既第一張家庭照呢....(獨家披露)

8月1日 Friday Night! Happy Night!

Friday Night Fever Night!?? No more now... 不過今晚又幾happy既...

今晚去左朗豪坊酒店dinner gathering, 而今次仲係跟阿姐Team之後第一次有gathering dinner呢... 其實一路以黎做都好少有呢類型既party呢....可能係呢行既原因la... 不過最近都幾開心ga... at least我覺得阿姐呢team個個都work得好開心... 個個都傾得計呢...hehehe... 而今晚聚頭既原因就係同阿Ann(紅衫位靚太)...farewell呢....  

 

食飽飽之後就火速返過香港上山頂.... 哈哈... 原因係jackie and kennis捉左子山頂食飯飲野呢.... hehehehe... 咁我of coz都要上去睇佢地攪咩東東la.... ^^ hehehe... 原來玩改名呢...... 嘻嘻.... 唔知我改果個字得唔得呢.... ??? 其實都好期待呢... 不過都係唔好俾咁大壓力kennis呢... 順其自然la..... 不過唔知點解成日都覺得係呢個weekend ga la... 哈哈... 開開心心咁11pm就走lu....

另一樣開心野就係... 我估睇jackie個blog既留言都知咩事呢.... 哈哈... 今日又俾我攪掂喎.... Philips既customer service真係唔錯... 今日我仲返去上次果個redemption centre度拎返我應有既野... 不過個師奶依舊咁串... 不過nevermind la.... 其實拎唔拎到都唔緊要, 不過佢上次態度太差la... ^^ 今日順哂呢...hohoh...

7月31日 累...

搏鬥左整個7月... 今日放工果時真係累到頂唔順... 身心俱累... 真係好怕elaine所講, 做壞自己... 唉... 而今個月真係有史以來最難做既一個月...  今日仲要攪到成5:30pm, 先可以正式鬆一口氣...   所以放工既時候總覺得特別寧靜安寧... 呢張相係放工落小巴返屋企果刻影既... 四圍好靜....好relax...

呢幾個weeks真係唉...... 做做做做做.....唔係喎??? 其實冇咩野做... 因為冇咩客.... 所以坐多過做野....好鬼得閒.... 睇下reports, reviews, figures, 去下fund briefing, investments seminar, 咩都去下.... 咁又一日.... 好無聊好難頂.... 最怕冇咩做....  冇客冇數即係死... 不過好彩呢最後呢兩個禮拜都俾我搏到... 不過就搵唔到咩錢呢... 但攪得掂自己條數都已經好好好彩lu....

放工後約左Jackie, Kennis and 子一齊去apm食飯.... 安樂茶飯... 嘻嘻哈哈又一餐.... 最喜歡這種暢所欲言既感覺....咩都講一餐..... 哈哈... 今晚仲玩埋阿B.... 估阿B幾時生日呢...... 個暗盤票仲收埋左o係jackie銀包度呢.... hehehehe....唔知子中定我中呢...食飽飽之後... 先泊好左mini仔... 我地之後再入去西貢食糖水呢...... 我地幾個真係好大膽呢.... 呢幾日係kennis既due day... 我地都仲走來走去.... ^^ 10:30pm左右就返屋企lu.....