新玩具噚晚到手了...就係部黑色既 iPhone3G機... 哈哈哈哈... 為左攪佢...... 呢幾日真係俾佢玩死....
最近睇到好多朋友仔既BLOG都係講緊iPhone3G呢部電話... 起初都冇咩為意ga, 因為用左半年左右既Sony P1i, 真係我近期用既手機當中, 最好用既一部....其實我好唔鍾意換mobile呢... d contact要轉黎轉去真係好煩ga, 所以之前有車會特別offer, 都冇想過要出呢.... hehehehe.... 點知.... 當Nelson兄一借左佢部iPod Touch俾我玩.... woo... 即時出事呢... 經WIFI上網既速度真係好快呢.... o係銀行返工, 其實真係好悶ga..... 有客時都有野講下.... 冇客時真係冇野做.... 睇report睇市....??? 最近都冇野好睇la... 最慘既係連Internet都冇得上..... 唉..... 不過自從買左P1i之後, 既有msn又有3explore上網....都真係唔錯ga... 不過缺點係慢同埋網頁都拉到變哂形... 不過有得上都好好la.... 點知玩左幾日部TOUCH.... 冇哂野講la.... 實在太好la.... 快, 靚, 正..... 本來想買返部Touch就算... 不過得8G果部都要2400, 而我又唔想每日拎住兩部野出街... 不如買返部iPhone3G玩就算la.... 橫掂用498個Plan就 $0 機價.... 不過要簽兩年約.... 依家每月都差唔多3百幾4百... 加多少少都好喎整個無限上網plan都好喎.... (公司仲有allowance呢)... 咁抵... 唔洗想啦下ma..... 點知....我既"抉擇困難症"又發作la....
原因係iPhone3G好係好, 不過佢唔好既地方都有好多...
第一. 冇左video call(咁咪冇得同子玩) 呢個因素好重要....
第二. 冇MMS service (好多時都會用)
第三. 冇哂MSN and 收音機 (日日都會用)
第四. 以後所有野都要用itune過機, 內置memory... 如有意外, 咩data都死...
第五. 係部P1i我真係好鍾意ga, 而且買左都好似得幾個月...咁快換好似好waste $$$呢...
抉擇困難症又令到我15/16... P1i既communication and function可以話係無敵, 不過我日日都會用手機online.... 依家部機好似唔夠用呢.... 而 iPhone係呢方面就win哂呢... 不過其他野就.... 唉.... 魚與熊掌不可兼得... 想左好耐好耐... 好似我上網時間send email多過玩video call好多呢....又見咁抵... 好啦拍板!!!
點知第二個問題又出現la.... 要黑好定白好呢... 呢兩隻色又令到我苦惱左一段時間呢...哈哈....
白色 - Image Colour, 16GB, 市面少d, 又好Apple Feel呢... (不過返工拎佢又好似好玩具), 女仔好似易親d...
黑色 - 型仔, 8 and 16GB都有, 所以一街都係, piano black又多指模 , 不過男仔用又ok喎...
最後上到3既office... 睇左dummy....拎過上手, 唔洗想... 即時choose黑色... 因為黑色真係靚d呢... hehehehe.... 不過第一部有死點... 所以都係第二部至ok呢... ^^ 好彩睇左先.
同子食完日本野返屋企玩.... 點知真係煩... 到itune出事.... 佢同左windows撞左... install到不過開唔到... 開唔到即係轉唔到contact.... aii... 咁即係冇用... 我d客既資料轉唔到又點返工呢... 唉... 所以都幾煩... 由噚晚攪到今晚...連Henry都上埋黎幫手不過都攪唔掂, 又睇哂咩toubleshooting and好多forum...都係攪唔掂... 最終做左一件好唔想做既事... 就係format左我部用左4年都未format過既PC, 本plan好左今個星期六去電腦展買新機.... 唔想攪咁多野... 點知都係要整..... 唉... 好啦, 好在之前都back up哂d野.... 又好... 攪左成晚.... 總算係3am整好左所有野....(咁夜sleep都係搏聽日打風唔洗返工呢)...睇黎真係有排玩lu.... 哈哈哈...!!! 初步用後感, 冇ipod touch咁快, 不過真係好靚....... 好似好易散咁... 都係小心d用lu....
P1i... 我估你都要休息一陣呢..... ^^
冇得玩MSN架咩??? 收音機朝朝都聽喎~ mms我都成日用架!
回覆刪除[版主回覆08/23/2008 12:49:00]依家咩都冇哂lu.... 換黎既係上網方便d....
好快你會用返P1
回覆刪除[版主回覆08/23/2008 13:58:00]我已經留起左佢o係我間房呢....!!!
Bigmouth 兄， Yeah 英雄所見！
回覆刪除K 屎哥， 新屎坑！睇你香幾多日？ 夠薑掉咗部 P1，我就服你，哪！
[版主回覆08/25/2008 19:48:00]"英雄"所見??? 邊度邊度... 哈哈哈....
湊仔公.... 你又唔好成日expect我會用幾耐啦(因為我部部機都係半年到~~~哈哈!), 我部P1i呢就一定唔會掉, 因為真係好好用... 做後備都好.... 今日返工用iphone, so far都幾滿意la... 基本上呢部機既設計我覺得第一係Trendy, 第二係俾一d唔會成日o係office/home既人用就最o岩... 因為部機既ipod function又可以聽歌, safari又可以o係外面上網.....呢兩樣野如果係坐係屋企or offce有得用電腦就一定唔需要, 而且依家o係 Starbucks and 大部份既Banks都可以免費接wifi.... 對於我黎講係超級方便... 一部機有齊聽mp3,上網(快果隻),影相, 電話 and PDA....都幾岩我返工用(因為公司冇得上網ma), 不過如果only用電話function, 咁佢電量及穩定性就未必夠勁....
我都有d後悔買左iPhone啦, 不過宜家努力適應中.
回覆刪除[版主回覆08/25/2008 19:52:00]其實iPhone對於我呢講都係一樣好新既野... 因為我之前都冇接觸過apple既野... 不過用落又覺得幾ok喎.... at least今日我咩都用齊, 上網, check email, 聽歌, 電話... 真係好方便...
最trouble既, 都係用itune做傳輸....... 不過努力啦... 上次o係jackie屋企見咁多人一齊玩.... 我覺得呢個都會係mini以外既一個Hot Topic呢...
請問你係咪患上 "Choice Phobia Disorder" 呀！你好多時都好似好難做決定咁喎！
回覆刪除[版主回覆08/28/2008 02:02:00]我係ga.... 因為我好怕make錯decision.... 所以想前想後, 想後想前呢......
"Choice Phobia Disorder"!? Kennis咁pro既!?
回覆刪除[版主回覆08/28/2008 02:04:00]聽聞你都有手好車功喎.... 你都好pro呀...!!!
梗係啦，我太座做邊行？佢睇 case ( Keis ?) 唔少得過 d 醫生架！
回覆刪除[版主回覆08/28/2008 02:03:00]衰野... 兩日冇上blog就係我度玩野.... hahahaha 等我見到你就知味道!!!
原來kennis係無間道陳慧琳
回覆刪除[版主回覆08/31/2008 01:33:00]哈哈... 阿NAT係我私人催眠師........