9月28-29日 HongKong Disneyland

今年既第二次大假又開始放啦... 今次都係同子一齊放, 本來想同佢出去行開下... 點知同佢就到時間放公司假, 但又就唔到佢返學既時間... 唔緊要la... 臨時臨急去邊好呢? 就攪次迪士尼之旅la...  對上一次去係2006年既12月呢... 而且仲發緊燒呢!

28/9 星期日sleep到夠之後, 就去接子一齊食佐敦牛奶公司食lunch呢(子既最愛呢)... 食飽飽之後先12:45pm, 我地就出發去Disneyland la... ^^ 噚日陽光普照... 又有藍天... 又有白雲... 仲有個大太陽... 真係好開心... 不過就真係哂到爆炸...

到步之後... 我地先到 Disney's Hollywood Hotel登記, 不過由於要3pm先可以上房, 所以我地先幫mini仔登記好之後, 之後就可以免費o係樂園及酒店內parking呢... ^^ o係車車內執好個輕便服裝之後就出發去玩lu... 由於book左6:30pm食buffet, 所以都打算5:30pm左右就要返酒店.... 2pm入到disneyland.... yeah!!!... 有3個半鐘..... 先玩哂要排隊既野先la... 聽日再慢慢shopping and take pictures呢... ^^ 去到美國小鎮大街... 係喎... 依家有得玩埋Halloween喎.... ^^ 四周圍都有好多阿Jack!!!

同子先去左明日世界玩space mountain... 嘩... 真係好激呢!!! 其實唔知點解越大越怕玩呢d機動遊戲.. 驚驚所以我都係搵返我最鍾意既三眼仔呢!!! 其實我都有好多佢既珍藏ga!!!

玩完之後我地再去左Fantasyland and Adventureland玩... 連上次冇去玩既樹屋等等咩都玩哂.... 今次仲有黑色世界既鬼屋呢.... 最驚既仲係大街酒店鬼屋... 由於人龍既關係... 有一段時間, 竟然得返我同子兩個... 真係好驚ga... 果刻真係...死啦.. 點解咁耐都冇出口ga??? 不過都好好玩既... 今日就當warm up先la... 因為黎緊星期二會去埋海洋公園既halloween party呢! 基本上.... 大部份既機動遊戲我地都玩哂, 而最highly recommend既都係新開既小小世界... 我同子都覺得好靚and好relax呢!!!

玩哂所有野之後就返酒店沖涼lu, 臨走果時仲俾我地撞到南瓜唐老鴨呢... ^^ 今日真係行左好多地方呢....好累呢... 又出左好多汗.... tired...

去返樂園既停車場.... 竟然俾我見到....一部似曾相識既Mini....^^ 梁生...又係你!

上到酒店房... 真係好滿意呢!!! 四圍都有米奇既裝飾, 而張床仲要好鬼死大張呢, 真係好warm呢...... 同平時出去旅行既酒店真係好唔同, 以往住親外面d酒店更係有d怪怪地既感覺, 唔知係咪聽得太多鬼古呢... ^^ 不過呢間真係好舒服呢...返到房仲睇到神7返回地球呢... 中國人真係好厲害!!! 勁!!! 見到太空人平安返到地球, 都好開心!!!

而窗外仲有好靚既海景呢...!!!

迪士尼真係好值得讚, 就連床頭既毛巾仔都有Halloween既裝飾呢... 真係唔捨得用呢!!!

6:30pm就去左Chef's Mickey食dinner buffet呢... 講起食就更係要call埋梁氐家族一齊黎la... 今次仲係jason仔第一次去disneyland... 所以都真係好開心ga... 今晚真係多謝哂子既安排, 我地仲安排左一個好靚既卡位... 我地仲可以睇到disneyland放煙花呢... 勁!!! 今晚又勁食蟹腳.... yeah!!! 我地之後仲同jason仔去睇公仔... 不過佢好似唔係好鍾意呢...

食飽飽之後就返房睇singapore既night F1... 而Jason仔仲可以一試呢張超級大既床呢... 睇到佢個lum樣... 連佢都好開心呢...!!!  第一晚就咁過左la....

29/9 今朝一早...  我同子都去左下面個鋼琴泳池游水呢... 佢地仲話有高飛狗陪你游, 不過我又唔係好見喎.... 由於今朝都有d冷, 所以玩左一陣都返左房shower... 準備12pm check Out呢....

Check Out左之後就返左入樂園玩, 本來以為星期一應該冇咩人啦... 點知仲多人過噚日, 仲好多自由行呢! 所以都係玩左少少野ja, 反而行下, 影下相 and 睇下show多.... 唔講唔記得, 今日由酒店去樂園果程車仲係子車我去ga....

子今日再一次要去玩三眼仔.... 由於遊戲中段停過兩次... 而我又掛住影相.... 子竟然有25萬分....  真係冇可能咁勁呢....

我地之後去左大街既Corner Cafe食lunch, 之後再玩到3pm左右就走lu... 因為真係太累呢.... 所以返去car park接埋mini仔就一齊返屋企lu.... 今次真係好好善用mini club既太陽擋..... 真係好有用呢... 不過次次都唔識收返埋佢.....  見到部車車擺左一日戶外就勁dirty, 所以返屋企之前都先車左佢去shower先呢... ^^

5pm過到香港, 先同子去左tea, 而之後又去左行188....   買完野之後就返屋企lu..... 好累, 不過好開心呢...!!!

9月21日 New Mini Club 5th Anniversary

咁快又過一年啦... 話咁快就到New Mini Club既5週年會慶啦... 上年先第一次參加, 而今年又到第二年啦... 參加呢個會真係幾多采多姿呢...一年時間真係玩左好多野呢... 遊車河, 新車party, test drive experience, 大食會, wedding party, 慈善活動, 出國旅行等等等等.... 以一個車會黎講... 真係好好玩... ^^ 上年會慶我地玩左香港treasure hunt... 而今年呢...? 我地玩野o係外國mini club好興既野... 就係砌字啦... 唔知大家睇唔睇到係咩字呢...? 再玩多一個game... 見唔見到我部車車呢???

放大d先... 見到未呀...? 其實影相時都幾辛苦ga... 經過上年既經驗, 我已經著哂短衫褲呢... 如想睇上年, 可以click返上年9月既topic...

我地今日o係長廊集合, 之後就直入亞洲博覽館既car park玩影相呢!!! 呢部車車話咁快就陪左我同子年半啦...  講車... 我都冇想過mini係咁好玩ga... 既快又好開...

影完相就去左今晚party既場地Airport既富豪酒店.... 你地睇下下面部JCW R56邊個開緊.... 唔知子... 開得o唔ok呢...?

呢部泊左o係門口既JCW... 真係好得意...

今晚個場真係好靚呀... 原來有馬老板出手 ^^ 唔知佢接唔接wedding party既job呢??? 不過佢d setting真係好勁呢... 我估mini既marketing都可以搵佢攪啦... ^^

上年party我都抽唔到獎呢... 今年唔知點解好有信心喎.... 哈哈哈...  我其實有兩樣野好想抽ga... 1. Mini Keyring /2. Mini Clubman車車 (如果係lighting blue既就perfect呢)!!! 點知... clubman就抽唔到啦... 但竟然俾我同子抽到部Mini Challenge Rennfahrzeug MIT JCW-KIT!!! 所以都真係好開心呢...

睇下我地幾開心... 抽到獎.... 好lucky喎...

開左盒就係咁ga... 係咪好靚呢...

今晚心情其實好矛盾ga... 本來我都打算8:45pm就走, 之後去睇英超大戰... 曼聯對車仔... 點知攪下攪下... 都係stay左o係party冇走到....  個戲碼真係好吸引ga.... 一年睇兩次ja... 而今日曼聯同車仔都almost full team.... 唉... 冇計la... 聽日放工睇reply啦... 不過睇波, 永遠都係睇LIVE最好睇呢....

不過, 今日個party真係好好呢...!!! 留返o係度都值呢... 開心開心!!!

9月18日 M3 Experience

今朝一早起身... 見到個天又陰又暗又下雨... 心中不禁有點失望呢...  咁既天氣及路面情況, 都未必試得真喎...  點知10點幾時... 又突然間天色晴朗.... 就係咁, 我又即時走左出去(見客)玩lor... ^^

今日要玩既大玩具就係BMW既E90 M3... ^^ 估唔到上次experience day都係坐下佢, 影下相... 而今日就可以玩下佢... 真係好開心同興奮呢....

其實之前既兩代既E36&E46 M3我都有試過玩, 今次到E90M3... 真係再次見識到寶馬o係科技上既進步...基本上M3既樣 and performance, 識車既都知啦... 唔洗多講, 不過上到車車第一樣吸引到我既就係呢枝棍仔...  細細枝咁好得意, 同X5果枝飛機控制器好唔同, 不過最好玩既係下面果粒可以控制油門感應度既button... 起步果下... 想起飛or慢起都睇佢...

而其他野其實都同一般既E90差唔多, 不過最特別既係佢白色既LED錶板, 同每當set cruise control時個錶板仲會有多一枝針走左出黎呢... 好型呀! 軑盤既手感仲正到爆呢!!! 至於個中央台... 我覺得真係簡約左d...  單論靚仔... 上一代型好多!

玩左差唔多一個鐘就返寶馬泊車lu.... 車尾果4個出氣喉真係型到爆, d聲仲..... 不過唔知點解M3個樣真係好似M5呢....

其實今次試部車車既壓力都幾大ga, 雖然部車一d都唔難開, 不過佢420匹既馬力真係一d都唔講得笑ga....  一個不留神大腳左少少.... 後果真係不得了... 再加埋佢淨車價未計option都要過百萬既身價... 真係要... 小心...小心...小心...

特別鳴謝: 好友今日既安排呢!!! 好好玩呀!!!

9月16日 新電話??!

相信個個最近都得知雷曼兄弟既事件... 真係一個字...慘!!! 從來都冇想過呢一間咁大既投資銀行都會攪到呢個地步... 真係唔知點講...唉!  自己手上都有d客係佢地既員工, 唔知佢地點呢... 所以今朝返工果時都有心理準備ga啦, 發生左咁大件事... 今日肯定會有咩urgent meeting呀... d客肯定call爆呀咁... 點知! 都冇咩喎(可能我冇咩幫人做ELI果d啦...)...今日d客都好似比較rational喎, 冇咩特別野發生... 反而今日令到我有點意外既... 係點解有部新電話o係我個位既.... 基本上係又多一部電話... 連同公司手機號碼... 第3部啦...   

呢部機既用途以前聽過好似可以接駁其他國家既HSBC, 又可以錄音幫客落investment deal等... 聽聞部機一接通就會啟動個錄音功能, 所以講咩都會俾人錄低(唔知係咪堅).... 所以冇咩都係唔好亂用lu... 不過佢個樣又幾靚仔既.... 

今日成個下午都出左去見客... 真係熱死.... 行一行出街, 都頂唔順呢... >.<

講起電話, 又有一樣野令我好氣憤... 今日收到 3 既mobile bill... 我頂呀!!! 佢地竟然收我成 $900 電話費, 應該都係$500幾....有冇攪錯, 我 21號簽左新contract... 佢地竟然收足我舊contract既錢, 仲要所有value added plan such as msn messager, 3xplore, muti media package...都計埋, 大佬, 我轉左iphone之後都用唔到呢d services, 加加埋埋又成條數, 佢地仲要話... 我冇cancel所以會一直計.... 我即時%^#^&%佢地啦..., 有咩理由呀, 仲唔可以即時ammend佢地張bill呀...??? 最終佢地話今期會照收.... 下期refund... 真係離譜 各位用緊 3 既iphone朋友仔... 你地今期真係要小心check好張單!!!

9月14日 中秋節 & BMW Experience 08

又到中秋節啦... o係度再同我一眾既朋友仔講句中秋節快樂!!! 希望你地個個都過得開開心心啦...  d月餅係咪好靚呢...?!!

如果要我選出三個我最喜愛既節日...農曆新年, 中秋節及聖誕節... 都是我最愛的.... 仲記得以前仲o係澳洲... 中秋節我都一定買機票返香港陪子&屋企人...  呢方面我好傳統呢, 我覺得呢個節日一定要人月團圓聚聚... 哈哈... 細個果陣仲可以去維園迫...仲可以玩玩火...哈哈哈 (想起都興奮lu) ^^  而上年仲同左車會朋友去night ride呢... 估唔到咁快又一年lu....

而今年呢...??? 唔知點解今年覺得特別冇咩氣氛咁呢... 我估最大原因係太熱啦... 就咁企o係條街上... 幾分鐘都出哂汗啦.... 仲點去玩"火"呢...???  唉.....

忙左成個禮拜, 而且噚晚又睇波睇到夜一夜... 所以今早雖然知道mini club有fuction, 不過都係選擇同周公見多幾面lu... 唯有等下星期個聚會先再去見見班朋友仔la... ^^ 今日農曆十五, 屋企有人食素, 所以明晚先做節.... 12點幾起身, 就約左同子屋企人一齊飲茶食lunch呢... 今日coco都有黎呢!  食飽飽之後都差唔多2:45pm, 之後就直接去左BMW Experience 2008,  本來約好3:40pm先開始試車, 不過實在太熱啦... 所以入到去都request左改早d呢... 哈哈.. 咁好彩3pm有一個位free左出黎... 如果唔係實哂死... 今日試左5部車... Z4 Coupe, X3, 323i, Mini Cooper S, Mini Clubman S...  係差部5系未試呢...  咁多部車當中... 最想試既係Z4 Coupe and 323i....  而最好玩既係 Z4 Coupe & Clubman S... 最失望既係323i  (點解會出部細馬力ga) and X3(有d似bus呢)....??? 下面部 Z4 就出左部3.0 無論係power and handling都係最正.... 

雖然係車展.... 子會唔會好悶...? 哈... 唔會卦... 其實在場都有好多野玩ga... 呢樣野子就玩得最開心呢... 棉花糖機...^^

我??? 試車前就更要簽定d.... 咩咩咩咩條款啦...

玩到3:30pm左右就走lu... 因為真係好熱呢... 哈哈.... 玩完車之後就去左陪Jason過第一個中秋節呢... 睇佢眼神, 佢好似開始認到人呢... 仲會同人玩呢... 好有滿足感呢!!! 佢好叻仔呢... 噚晚佢仲第一次上我屋企睇英超曼聯對利物浦呢... 我相信佢都會俾我踢佢入曼聯Fans Club呢... 哈哈...

小B食飽飽之後就要覺覺豬啦... 而我同梁先生一家地就去左Sheraton既Morton's of Chicago食我地既慶祝大四喜宴呢... ^^ 呢度個海鮮盤and扒真係好perfect.... 實在每一件菜式都好好味....  一個字...正!!!!! 呢一餐真係食得好開心ga.... 計下計下...其實呢餐都約左4個幾月呢... 而呢幾個月都經歷左好多事..., 不過好彩既係依家所有事情都settle好呢!!! 而今日中秋節更值得好好慶祝一番呢!!! Anyway... 再一次祝福我身邊每一位既朋友都開開心心, 身體健康!!!