9月8日 我的秘密愛好 - 清朝

睇開好多朋友仔既blog, 好多都有分享佢地既嗜好呀,珍藏呀咁樣既topic! 其實一直以往來... 我都好想寫一篇blog黎share一下自己有咩愛好咁...... 不過一直都"的"唔起個心肝... 見今晚子又要開OT... 又好... 就今日寫啦...  

其實好多朋友都知道我鍾意玩車車呀...又係曼聯既瘋狂fans等等等.... 但其實我有一樣愛好就唔係咁多朋友知道... 其中一樣, 就係讀清代史(上面的都只係一部份珍藏呢)....  有幾次同開d朋友傾開, 佢地都唔敢相信呢.... 哈哈... 佢地話: keis你晚黑一定去clubbing多la... 哈哈...佢地咁講就肯定唔熟我呢, 其實我晚晚都係煲碟最多...12am至1:30am仲係我既黃金時段呢... 哈哈哈...

唔知點解, 由小學時代開始就一直對呢一個朝代感到好大好大既興趣, 覺得無論係佢地既服飾, 禮儀, 建築, 官制, 經歷興衰等等等等.... 都真係好吸引,又好靚呢.... 有時更會覺得清朝, 先係一個可以表現到中國民族既一個朝代... 或者... 清都算係一個較近代而歷史又夠長久既朝代(因為國家都有268年歷史呢, 而清室就係o係1912年2月12日退位)... 正史及野史其實都有從不同既徒徑係讀過... 只可惜我一直都相信就算有幾多紀錄片及書本記載都好... 歷史其實都冇100%既真確...  原因係清代既封建皇權制度... 只要皇帝要改, 什麼什麼史記都要更改... 又講講一個極具爭議性既題目... 乾隆時代既和坤是一個貪官壞人嗎? 由史書到電視劇集.... 無一不說他是一個貪官... 但是真是假都說不清, 為此我曾經都同人地debate過...^.^ 在那個時代, 那有不貪的官呢... 在當時的時代, 得到皇帝既寵信就時生存之道, 再者... 以當時既制度古語云... 君為輕, 民為重... 真的嗎...? 當時... '忠' 於皇帝比任何更重要.... at least在乾隆帝晚年時(清由盛轉弱時), 更不得不承認和坤是一個很懂得理財的戶部尚書(即今日既財政師). 當然不同的書有不同的comments or stories.. 所以我一直都想知咩係真... 咩係假.. 不過又談何容易呢... 所以當古仔書or戲睇就最開心呢...

基本上由努爾哈赤至溥儀, 其實每個朝代我都略知一二既... 哈哈... 其實好多都係睇dvd (當中有劇, 有紀錄片等等)... 喜愛既人物其實真係有好多呢... 最近煲左晚清既-"恭親王"及"走向共和" (依家仲煲緊走向共和既最後幾集).... 現總算了解左更多清亡既原因呢.... 記得睇左一集係聯軍打入紫禁城, 慈禧太后同光緒出走個幕都真係有點..... 唉....皇朝亡矣.... 其實好多野真係盡在不言中又好有趣ga.... 如果有興趣既.... 下次可以一齊傾傾share一下啦.... 

而另外一個令到我好有興趣既... 就係再遊紫禁城.... 2年前同子去玩過一次, 不過由於參加旅行團, 所以都係得半日時間呢... 如果可以... 我都想自由行咁再去一次呢... 我仲記得上次去... 個導遊都俾我煩死呢... 哈哈... 不過感覺真係好突別呢.... 試想想...在約一百年前.... 有咩人可以大遙大擺咁行入去呢... 有時想一想... 以前是一處極權既地方, 既神秘, 又莊嚴... 而今時今日... 什麼人都可以行入去.... 其實都幾不可思議ga... 

講清朝... 其實真的不是一時三刻可以講完....  希望第時有機會可以一齊去玩la.... 我相信紫禁城係一處很好既攝影地方呢... ^^