7月31日 老家大翻新

呢幾日都唔係太想返屋企呢...  

原因係老家翻新工程進入第二期呢... 第一期工程已經o係三月完成 (當中包括全屋冷氣, 書房及工人房工程), 不過由於dad and mum之後去左個多月旅行... 所以第二期工程就由7月中開始, 相信都要8月尾至可完成第二期呢...   今次包括了全屋, 房間及廚房.... 好幸運地我間房前年已經裝修好... 所以全家最少受到影響既就係我間房呢...  其實今次翻新工程, 第一係老家都有十幾年冇整過, 第二就係prepare年底大佬及出年一月我同子既婚事呢... 始終整好d, 影相都靚d呢...

全屋都好大塵... 大廳及飯廳既塵況...

大門口及走廊

廚房工程

全屋都亂到暈....

我間房既門口既工程就緊要lu, 因為依家整緊既野將會成為全屋Wifi上網既中心點...

日日都沙塵滾滾... 希望快d整好哂所有野啦...  不過整完之後又會到第三期工程, 不過第三期係會聯同大廈發團進行, 當中包括了外牆翻新, 加裝車場閘口, 車位閉路電視, 山坡護土牆修護... 所以都仲有一段時間要忍受呢... 

不過我估整哂d野之後我都搬左出去住lu... 哈哈.... 希望可以成事啦... 最近d屋仔真係貴左好多呢... 唉....

7月30日 Mini仔小手術

之前心情真係好一般呢! 由於Mini仔既身體好似唔係咁好... 咩事...? 冷氣系統既問題lor, 佢唔係唔冷, 不過總係冇以前咁冷, 怕熱既我就真係唔夠! 所以上星期同佢去左就身體檢查...最後證實係A/C Compressor & Condensor出現問題...嗚

所以星期一放工之後就拎左佢去醫院... 由於都有5000km冇做過services, 既然要拆野, 就一次過換新冷氣, 做大services and 全身檢查...

李醫生真係好勁, 基本上我一日已經可以拎車... 佢仲幫mini仔跟左好多癮疾, 一直以為車底雜聲來自control arm既波子頭... 點知原來跟返條suspensions and 再執下波子頭... 依家部車真係靜哂... 由於佢地有哂我services record... 所以連之前叫佢地唔好換既BMC air filter都順手換埋.... 點知換返原廠格之後部車真係冇咁爽, 由於係咁... 所以今日lunch都出左去旺角... 買返個新既K&N...  依家部車真係正左好多, d冷氣仲冷到暈呢....

星期六會再俾佢地check多一次and再跟多少少野老化零件... 之後就正lu.... 不過佢地話我既suspension都差唔多... 換唔換佢好呢...? 不過最近真係洗左好多錢啦...都係wait wait啦... 今次整車再加埋下個月牌費... 又要萬幾....唉 不過整返好又好喎....又可以用多一排呢..!!!

不過講真, 真係越來越鍾意呢部車仔...!

7月29日 Wedding Planner

一直以來都有打算聘請Wedding Planner既打算, 原因係我相信一對新人由籌備至婚禮當日, 要準備及要兼顧既事, 都真係太多太多啦...  尤其是Big Day當日... Time Keeping, 司儀, Coordination等等既工作....如果冇一個人可以centralize所有既野, 當日既婚禮真係好易會出現混亂問題, 為左呢個原因而影響了當日既心情... 真是不值得... 所以我認為Wedding Planner係一對新人背後其中最重要一人...

由於一直都唔想將當日既工作量及壓力都轉到一班親朋戚友/兄弟姊妹身上, 始終當日佢地既來臨都係我既Guests... 我好希望佢地都可以好好咁enjoy當日既party... relax, have fun and share our happiness!  (o係度都再要多謝出聲應徵做MC既兄弟及姊妹!)

其實自從參加過J兄婚禮之後, 都知道今時今日香港既wedding planner真係好專業...由籌備策劃, 出門大吟姐, 證婚司儀至酒宴司儀等等... 佢地都可以提供專業意見及服務... 我一直都好相信專業就是專業... 其實自問自己的口才都可以, 不過自從做過一次朋友婚禮上既MC之後, 真係有點怕怕, 因為真係感到很大的壓力... 不是怕講不唔到野, 而係怕講錯野... 哈哈... 而且屋企老人家都比較傳統, 有個專業大吟姐o係度, 應該可以令到佢地更加放心....

所以其實自上blog尋尋覓覓, 終於俾子同我搵到佢... Maggie Chui @ 嫁妝

"大日子應該是輕鬆地享受，令你們及你們的朋友也能開開心心的留下美好回憶，而不是憂心沖沖的顧這望那而影響心情。"

所以當日就靠哂妳啦!

ps. 其實早前去婚紗展時已經confirm左搵佢, 當日佢公司仲有Alice做model呢... Alice好靚呀! 不過好似, NatNat仲靚喎... 哈哈... 點解我又好似肥左咁ga....

7月28日 尋找Wedding Band

終於寫到去婚介呢一篇blog啦...不過對於有選擇困難症既我, 相信又會煩擾我好一段時間呢!

其實同子心目中都有心頭好... Cartier and Van Cleef & Arpels (VCA)

Cartier

Cartier一向都係婚介中最傳統既牌子之一, 所以一直都好有信心可以搵到隻岩我地既wedding band, 所以前兩日陪子到Lee Garden既門市拎返隻錶, 見仲有時間就順便睇下wedding band...佢地既services真係好好, sales都好仔細咁同我地講解左每一個系列既特色同特點, 而且仲俾我地試左好多唔同既款式... 其實同子都搵到岩心水既婚介... 不過都仲想睇多一陣先

Van Cleef & Arpels

而今晚放工之後就同子去左廣東道既1881 Heritage睇Van Cleef & Arpels  ! 佢地既服務真係非常一流, 兩個sales一齊serve子同我兩個人, 服務真係夠哂細心... VCA最出名既係帶上手既舒適度, 由於佢地設計比較貼手, 所以帶上手一點"un"住既感覺都冇... 而且佢一般設計都比較簡單, 每一隻既介子仲有獨立既serial no. 確保了介子在世上既獨一無二. 當中Infini就係我比較鍾意既系列...Signature, 3D and New York都不錯... 我自己比較喜歡Infini Signature... 而子都好似比較喜歡VCA, 原因係佢好鍾意Alfred Van Cleef  同 Estelle Arpels 兩人的愛情故事...好浪漫...  但係我又有點擔心佢個面會唔會好易花...

其實今次選擇婚介應該唔算難, 不過有幾點係我比較concern... 始終wedding band係跟一世... 所以耐用 and 耐看都比較重要... 由於自己都比較論盡, 所以我都怕撞花左之後自己會唔鍾意, 而款式方面款式簡單比較好... 太Trendy我怕好快會睇厭.... 

都係同子傾多陣先決定啦... 希望8月可以confirm到... 始終如果冇size要訂就大件事lu...

7月24日 一日Day Off...

終於到星期五啦  ! 由於聽日要返工, 所以今日可以好好休息一天呢!

噚晚先約左一班HSBC既前teammates食dinner哈哈...真係好開心呢, 而更估唔到既係做左老板既同事A竟然o係日本買左部Audi R8...真係好想試下佢部超跑呢! 而之後再約左阿Lam出去飲野!

今朝一早就拎左mini仔去車房做詳細既身體檢查, 佢最近既冷氣真係有點問題, 有時好似冇以前咁冷... 醫生認為係冷氣泵既問題... 維修+更換+再加上週邊既更新 ... 單計個泵就要5000-6000... 咁加埋其他野... 仲有下個月驗車加牌費... 又要花一筆...之前我有d心動既500D又冇望lu...不過都冇計啦... 有d整好mini仔再算啦...

下午就join左dad and mum一齊去飲茶, 咩都傾下... 工作, 婚事籌備等等等....  2pm飲完見天氣好好...去邊好呢? 就約左Quxz一齊去左遊車河 and 影相呢... 我地去左Stanley!!! 飲野呢... 大熱天時唔洗返工, 吹下海風, 飲下野... 真係正到暈... 平日返工真係可以屈到病呢....!!!

最近Quxz學影相! 咁我都拎部DC影下先... 盡力而為啦!!!  其間不斷咁說佢買500D...哈哈... 原來佢同我都一樣有部D80, 不過對於我地黎講實在太重啦!

晚黑一齊去接子放工... 又影下先!

今晚又有飯局呢... 食d咩...? heeehee.... J兄! 放心, 我會等你復出!加油!

今晚我地去左大角嘴既力奇打邊爐! d野真係好正ga! 不過services and 環境就....ok啦! 不過不失... 好彩冷氣夠呢...! 一連兩日見到Nelson兄! o係度再祝佢工作順利啦... 有人正式升做老板級呢...!!! 恭喜哂!

當然仲要同子andQuxz影返相啦... 今日真係好開心呢!

7月23日 兄弟姊妹團

今晚終於可以打呢一篇blog啦  結婚當日既兄弟姊妹名單已經訂了啦! 四個字形容自己既心情... 開心and感激!!!

一直以來都以為呢個list係其中一個最易解決既task, 因為o係好耐好耐之前, 在包圍自己既好朋友當中, 有8大好友(4男4女), 心想就算搵埋女仔做我既兄弟都冇問題呀! 再加上近年既新相識既好友.... 到時就真係好熱鬧呢...!!!  不過當同子佢傾過兄弟姊妹既總人數及參閱過一些結婚雜誌既建議之後... 大家都認為8對兄弟姊妹已經係最多, 所以就係咁... 子&我都要重新整理大家既兄弟姊妹list呢...

伴郎伴娘人選早在很久以前已經確定了... 而子既姊妹團都confirm了, 反而今次攪得最耐既係我呢... 詢問過唔同朋友既意見, 大家都有不同既見解... 有朋友認為Big Day當日如果可以搵玩開既peer group去參與, 當日眾人會玩得開心些, 氣氛又會好些! 因為如果搵一班唔係玩開既朋友一齊玩(當然係同主角係熟啦), 可能會玩得冇咁放喎, 氣氛可能冇咁好. 而為左呢個情況... 我真的想了很久很久...  直至剛剛的一個星期六and日...經過同子and wedding planner傾過之後, 說真的其實在同佢地傾之前我已經下了決定, 不過佢地既話真係講中了我的心事, 所以加速了在今個星期下定決定呢...!  一個peer group既gathering, 其實anytime都可以arrange到, 不過人生只得一次既big day, 最重要既係自己想要咩...而我要既.....係一直以來...我都認為在我人生其中最重要的一日(Big Day), 除了子及家人之外, 我希望當日(撐/伴)我渡過的兄弟...都會是我人生中最真及最要好既兄弟... 而請他們做我兄弟既原因, 我是很想他們做一個見證, 更重要的是我真心希望他們都可以分享我的喜悅!!! 

噚晚及今晚都約左個別兄弟出左去飲野and正式邀請佢地加入...兄弟團!!! 聽到佢地極爽快既答覆....... 真的多謝哂大家呢!

7月17日 昂坪360之旅

一連兩日既假期, 都想同子離開下香港, 不過只係得星期四&五, 又去得邊呢? 星期六仲要返工呢!  本來想過過澳門or離島過兩晚就算呢! 點知就攪不成, 最終又亂打亂撞走左去試坐360...  哈哈... 點知又玩得出奇的開心呢!

其實一直都冇plan去邊玩, 直到今早11am起身, 子話不如去360玩下呢... 又未試過... 咁好啦! 為了噚晚一些事, 心情起初還是有些不快呢... 不過唔理啦! 快d好好享受今日既陽光and假期啦! 得返今日ja...子既annual leave已經放得7788啦... 而我更唔可以隨便放假呢!!! 所以今日要好好enjoy!!!

起身之後1pm就去左接子, 之後就開車直入東涌...! 今日天氣又好, 又有藍天白雲, 真係一個郊遊好日子呢... hoohoo... 同子到左車站買左兩套套票(當中包括了車票and兩個景點)... 之後就出發lu   大約30多分鐘既旅程... 說真的!!! 真的highly recommend!!! 香港做了一個咁巨型又可觀既景點.... 真的勁呀!  好遠已經見到大佛啦!!!

到達之後先同子到左昂坪市集食午餐...仲飲埋波子汽水呢... 食飽飽之後就先開始睇哂d景點(套票包左), 之後就係市集行下呢...  見到好少人同呢隻靈猴影相, 哈哈... 就走過去影下啦! 最緊要係唔洗排隊... 哈哈... 今日子同我都係england fans呢.. hoohoo.. 真係咁岩...冇約過一齊著呢...

其實個市集都唔係好大, 所以好快已經行哂! 之後見到大佛就o係附近, 本來怕熱既我已經唔係好想行, 不過行下行下又爬左上去呢! 不過上到去之後又覺得值得既...因為真係好宏偉! 起碼有十年冇去過....

 

之後行返落山就去左大雄寶殿, 行到呢度想起小學定中學既一篇-鳳凰山遊記! 仲記得當年既人要迫bus上山, 今時今日... 自己開車黎又得, 搭360又得... 真係方便呢... 時代轉變得真係快....

每人$23張ticket, 包括了參觀大佛內, 仲包了大雄寶殿後面既山水豆腐花, 炒麵 and 糕點... 真係抵! 抵! and 抵!

之後就開始回程到市集呢... 因為要搭360返東涌呢... 哈哈... 又俾我地見到d得意野, 影多張pre-wedding先...

返東涌啦... 睇下部車吊得幾高.... 機場o係左邊, 東涌市o係右邊.... 真係好靚!!!

返到東涌之後時間又趕得切喎... 之後去左邊呢...??? hehehehe 咪係join左兩位老友記既exercise day啦.... 一直打, 打, 打, 睇, 睇 and 睇... 又 7-9pm呢...

哈哈...換衫之後...哈哈! 子and我仲襯左呢...之前買左呢件波衫俾子係屋企著, 點知今日俾我自己要埋... 哈哈...夏天穿波衫真係好舒服架... 

我地一行人之後去左食日本野.... 期間... 收到同事C既電話問我可唔可以聽日同佢調假, 叫我聽日off喎, of coz可以啦!!!! 所以食飽飽之後我地仲去左唱K呢!

今日真係玩得好好好開心呢.... 好耐冇試過由早玩到晚啦... 2am先返屋企呢...!