7月15日 Nat and KEis的7週年紀念

7月15日啦...今次應該係我地婚前既最後一次紀錄日 由於未婚關係, 所以就更加珍惜呢...  子噚日就返到香港, 所以就趕得切今日慶祝!!!

本來打算今日放假, 不過由於同team既好好人同事有事假要放, 所以...讓左個off俾佢呢! 唔緊要啦... 所以一放工就即刻飛走呢.... 攪左少少婚禮事之後, 就急急咁去左Element食飯呢.... 本來想o係晚飯之前走去買部新camera...不過行左兩間既services都一般, 所以就算啦... 聽日再睇啦!!!

今晚去左邊度食呢? 哈哈.... 本來想去Kitchen @ WHotel, 不過最終就改左 Fire @ WHotel... 近期最愛....既地方!

今晚我地都好早食飯, 所以我地都差唔多包左個場食, 都幾有feel呢...!!!

而今晚最主要食咩呢??? 說真的... Menu真係冇咩選擇, 不過d野食好似幾特別!!! 所以等佢地介紹, 之後先上網search左部份comments, 今晚我地主要食既係阿根廷的香腸，有肥肥圓圓的Salchicha Congelada，以及修長的Chorizo Congelado。前者肉質較軟，以原汁原味取勝；後者混入較多香料，味道偏濃郁，亦較為脆身。當然仲有牛扒, 不過都被這種香腸搶了風頭呢... 而食到途中, 有一味"美食"我同子都忍不住吐了出黎.... 口感其實都幾得意ga, 不過就唔係我地成日食開既野... 叫waiter再黎介紹一下... 原來係牛既....."喉核"... sorry, 真係頂唔順...  我同子都係度大笑... 不過我都食左三分一粒"喉核"ga....

由於今晚冇開車, 仲可以放開咁飲下酒同子傾下計呢... hohohoho... 飲過呢杯我地又踏進第8個年頭啦... 而下年開始我地既關係就唔再係男女朋友呢...唔知下年又會點慶祝呢...?

子由昆明返黎之後會放都幾日假, 所以我黎緊兩日都會off, 直到星期六再返工呢.... 咁去邊好呢...? 7週年假期, 不如出去行下...? 不過兩日都唔知去邊好呢...Think Think先啦! 

7週年有冇禮物...??? 哈哈... 咪係輯Pre-Wedding Photo!!!  不過其實今日都有小禮物既...多謝哂子送既西裝

飯後見時間仲早, 我地就返左奧海城睇Harry Potter - the Half Blood Prince....

開心... 子...  Love you!