8月30日 又一weekend

今個weekend又做過咩呢...? 星期六下午收到經紀call話業主決定提高賣價, 不過又未定到價, 所以業主夢又要停一停...  之後打俾另一相熟經紀Carol傾左一陣, 大家都覺得應該靜一靜... 市場一知有客要咩單位, 就好易比業主同經紀提價... 冇計啦...

星期六下午就係見pre-wedding pictures既designer開會, 之後就同屋企人去飲茶, 再之後就同約左Jason仔行街街... 係咁行... 不過今晚冇去食dinner... 所以同子返左大坑食火車頭呢... hohoho... 好早食dinner呢, 因為今晚上左S先生既新居呢... hehehehe... 真係好靚呢...我都好想住呢區呢...  不過今晚都係留左一陣就走lu... 因為星期六有曼聯vs阿仙奴呢... 曼聯今晚真係唔爭氣, 不過好在都拎到3分.... 運氣真係勝利既重要因素....

而星期日做咩...? 下午先同表弟一家飲茶呢.. 之後又去左海怡半島睇樓, 不過真係好舊呢..... 所以興趣真係不大, 而且天氣好熱呢, 所以睇左三間就走lu... 之後去左cyberport想睇戲, 不過時間又唔o岩, 所以改去左IFC行街街...

8pm就約左兄弟團既ar Lam去左食燒烤呢....正呀!!!

ar Lam and Kathy!下星期攪打邊爐嗎?

ps. 仲有噚日拎左條mini replay jeans呢...!!! 哈哈!

8月27日 新居出價?!!

今日係好重要既一日... 原因係今晚會做人生其中一樣重大投資嗎?

冇得買時又心急, 有得買時又忐忑, 所以全日心情都好緊張, 又冇咩心機返工... 唉... 咁樣真係唔係好掂呢... >.< 不過冇計啦! 其實自星期日同經紀傾完, 就得知今晚去睇既一間係最大機會既... 雖然budget又要再次提升, 不過計足幾日數... 都要頂啦, 自住都冇得計咁多....呢間屋係繼四月份睇過果間之後, 最最最有chance既一間呢... 上次果間因為還價太狠又唔心急, 所以真係走左寶呢...

所以下午就搵左老友J接我收工, 之後返屋企拎車,再之後就再接埋子放工... 跟手返去奧運站集合食dinner... 我地兩個今晚都好緊張呢...   始終呢方面既經驗都係唔夠既... 好在J兄o係度, 心都定d呢... 由於今晚業主都係度, 所以我地都預備好支票...心想, 快check過樓既condition冇問題就可以開票還價....

8:30pm.. 我地準時到左屋苑, 之後上左Target... 睇睇睇.... checkcheckcheck... 屋既condition冇問題, 不過個view係比expectation低左d... 上次4月睇果間係3x樓, 而今次係2x樓....不過樓價就唉.... 今日睇2x樓比起上次睇3x樓,低左成十幾層喎, 不過幾個月間樓價竟然升左成40萬(今日突然仲話要加多10萬, 即前後50萬)...crazy...有冇攪錯

睇完之後就開車到經紀個office傾, 不過傾之前我地仲叫佢俾我地睇多一個屋苑, 點都想多d選擇ma... 嘩一聲, 雖然有無敵維港景, 不過... location真係唔ok呢.. 原因係...有叮叮叮聲地方.... 所以都冇睇哂就走lu....

返到office一陣之後, 梁太都join埋一齊...我地就開始左呢個出價遊戲..... 攪攪攪攪......攪到成11:30pm... 唉... 真係好累.... 過程真係好好笑仲有少少火藥味呢....  不過講左咩就大家知又得談笑la.... 最終話唔加今日果10萬, 咁即係點... 即係咩都冇減過啦.... 我唔理啦...大家都好累, 臨走前再出左價... 得就得, 唔得就算啦...

之後大家去左食宵夜呢... 好tired... 不過又幾好玩喎....!

順其自然啦...

8月22日 夜訪"A"居

由於上午要返工, 下午到子要返工... 所以今日都冇咩做呀.... 直到晚黑接埋子到時代廣場換條Mini送既 Jeans呢...!!!

而今晚真係要多謝好友A...今晚有機會參觀佢地既新居仲可以見見我地既花女小姐呢.... 

好友既A室設計真係好靚ga..... 我最鍾意係佢既燈光設計and長長走廊..... 不過最重要既都係呢個港島夜景..... 真係好無敵呢....!!!

望住靚靚既夜景咁傾下計...飲下野... 不經不覺又傾到維港都熄哂燈呢.... 好多謝哂好友A及太太既分享呢... 希望可以快d同你地做街坊啦!

8月21日 Mini 50' Birthday @ LKF

今晚食飽飽之後就去左蘭桂芳參加既Mini arrange既Mini 50' Birthday Party!  

星期五既LKF永遠都有好多人.... 今次仲可以o係最多人流既california tower門口擺左部新既mini cooper s convertible... 認真襯哂!

Friday Night! Fever Night! yeah!可惜飲左酒係唔可以開車既.... woowoo...... 不過個場真係整得好靚!

Party大約9pm開始呢.... 有酒, 有音樂, 有(子), 有朋友, 有美食, 又有Mini....好唔好玩都唔洗講啦......

今晚既MC森美....佢真人都幾FIT幾型ga... 同佢平日做節目真係好唔同!

個個叫佢整個 "豬"嘴影相, 佢都冇問題... 今晚佢最搶鏡呢!

MC JIN... One of my favouritest rapper!

子仲做埋在場waitress.... d旦糕仲有Mini 50 Birthday既Logo呢..!

飲飲飲... 今晚wine, whiskey, beer... all you can drink..... 哈哈... 飲完仲可以轉場呢..... 可惜明早要開工..... 唉......

今晚得到既戰利品... 其實仲有件Tee呢..... 下面個章仲可以拎去Timesquare Replay換條Jeans, 而個章仲會幫你車上條新牛仔褲呢... 哈哈...

Thanks Mini!

ps. speical thanks benny for the photos ^^

8月20日 大坑

今日放假都冇plan過要做咩, 所以大部份時間都係留左o係屋企俾自己好好休息一下呢...  因為平日工作實在太累啦.... 而由於屋企現正進行裝修工程, 所以都冇咩野好食, 所以下午就開車落左去大坑買野食呢... 食咩...?哈哈哈哈...... 睇下啦...!!!

30蚊就有咁多...... 真係好好味呢!

講起呢區, 突然都想寫下野呢...其實由大坑道屋企開車到大坑其實都係10分鐘內車程, 所以黎呢度食野真係非常方便... 不過以往黎呢頭最多既原因係做咩...? 其實唔係食野多, 一係探親友, 二係拎西裝黎洗, 三係幫車換胎/電, 四係有時遊完車河之後到廿四小時點心店飲夜茶...., 五係超早起身到茶水檔食早餐...  不過每次到大坑都覺得好清靜.... 旺區中少有寧靜.....

不過呢幾年, 呢區既轉變真係好大.... 四圍都開滿新餐廳, 越南菜, 甜品店, 火鍋店, 老式食店, 酒鋪..... 等等... 真係咩都有.... 每當入夜之後, 人來人往, 車來車往.....就連有時泊車都好難搵位呢....而且人多了, 地區又好似雜了, 記得有次到糖水店食糖水, 當中有告示寫出來提示食客 "請保持請靜, 以免打擾樓上住客", 今時今日真係唔同哂呢... 是方便了, 但就居民就失去了寧靜...

而以下呢間餐廳就係最近最常去既其中一間呢...^^

唔知係我古老定老土呢...? 雖然現在真係方便左好多, 不過我還是喜歡以前既大坑呢...

8月16日 Fruitful Weekend

繁忙工作了一整個星期, 最快樂既就係過weekend!!! 最近工作真的很辛苦, 不是要追呢樣, 就係要跑果樣.... 說真的, 老板係一個好人, 如果唔係真係我都好快癲.... 天交數...... 咩叫天文數? 如果一Q只turn FX, 就要跑億五左右, 即每月五千萬左右, 好在有d discount俾我...如果唔係就.... 而我個盤又邊有咁多閒錢turn呀... 唉.... 唔理啦... 有得off就好好relax下啦!

星期五晚放工就去左參加grandma既birthday dinner... 祝Grandma身體健康, 長命百歲 and 開開心心, 再過多幾個月佢就可以一次過飲齊大佬一pair加我一pair人既孫新抱茶呢!!! 希望佢都日日都開開心心! 晚飯之後就成家人上左佢地屋企參觀呢... 全屋翻新裝修兩個月, 真係好靚呢... 而最吸引既係咪全新Sony 55' LCD TV!!! 超大部呢! 見到佢地間屋咁靚... 我真係想快d攪掂新居問題.... 之後同子遊左陣車河就返屋企試隻新wine... 一個字~正!!!

星期六晨咁早就同子落左去大坑食早餐呢... 好鍾意食d老式茶水檔呢! 之後就去左律師行攪埋監禮律師呢一部份! 詳情睇返15/8既blog啦! 依家婚禮最重要既部份都完成得77, 88... 仲有樂隊, 場地裝飾及最重要既新居!!! 之後先送子剪髮, 而我就返左屋企rest  rest... 2pm就接埋子一齊去family飲茶!

飲完茶做咩呢? 子今日唔洗返學...就去搵樓啦...由於屋企人都比較prefer我住返港島, 所以今午就去左睇港島東即佢地屋企附近既某屋苑.... 睇左65/F and 31/F.... 屋苑好靚! 景又好! 如果可以住港島真是最好... 不過睇左幾間都已經超哂budget, 還是focus返奧運站啦... 不過依家奧運都唔平.... 唉 >.<

以下呢張係望西景 ^.^

31樓望東, 仲可以望到杏花村呢!

行完一陣都熱到暈啦..... 所以就返屋企rest rest先... 晚黑就約左老有JJBXK一齊到北京道一號食dinner... 之後仲去左1881 Heritage行街街... 呢個新land mark真係好靚, 不過呢兩日真係熱到暈低....

行左一陣我地又去左食ice dessert! 今晚小b爸爸仲發生左凌晨12am返出尖沙咀事件呢...! 快快樂樂又過一晚......

而今日? 下午陪左子既屋企人飲茶, 之後有人要買鴨仔喎.... 點知繼噚晚sold out之後, 今日去左果間又冇, 咁點好呢... 有人差點仲眼濕濕呢...咁熱都要幫佢搵搵啦...接埋liza之後, 好彩間store即時做野, 咁我地即刻衝去海港城買一隻"烤"左既黑鴨啦! 好彩買到! 之後就約埋Waiming and Ben一齊去左睇場地裝飾, 睇黎呢幾日都要做多d research呢! compare多一兩間就可以confirm呢!  睇完野之後都係5:45pm, 而由於今晚要睇曼聯, 所以都想食個early dinner呢... 哈哈... 今晚NKKJJBL一齊又到左大坑既綄沙kitchen食dinner.... 哈哈... 呢度and超哥既日本菜已經變左我地既飯堂呢.... 哈哈! 呢兩日都過得好開心呢... 不過聽日又要返工啦..... 唉 >.<

加油啦!冇計!

8月15日 監禮律師

終於confirm埋監禮律師啦...  又完成一個任務呢...hooohohoo... 好開心! 今朝一早就到左律師樓交齊資料, 大約一個小時就攪掂哂呢... 之後大約o係婚禮前10日再見律師confirm所有文件呢就冇問題... 哈哈! 呢一part完成得比較快手.... 遲d將所有酒店及律師資料pass埋比Maggie, 咁就可以制定當日婚禮流程...

今次搵曹律師都好有信心, 原因係曹律師之前幫老友J做過監禮人, 而我當日在場都覺得佢帶得個氣氛好好...唔會好似有d律師咁亂攪"所謂"氣氛...而且佢仲係歐小姐(某位名大吟姐)既合作伙伴, 咁就更加有信心啦!!!

8月10日 Guests of 66

Guests of 66

咩意思呢...  ??? 其實一些很要好既朋友及家人都已經知道 Guests of 66係咩意思lu... 其實一直以來都好抗拒o係酒席其間做證婚儀式, 原因係好怕正當證婚時席間會有不同既distractions而影響一個莊嚴既婚禮, 電話鈴聲, 小孩冇人理亂跑亂撞, 打牌, 食野, 高談闊論係我以往o係一些證婚時刻見識過既問題.... 其實一直相信教堂係最好...只可惜我同子都唔係教徒呢...所以安排唔到, 而註冊處都好傳統, 不過環境就一般, 而且好多時都有不只一對新人在場, 所以好多時都見到對對新人都好趕住完成任務咁又唔可以好好enjoy佢地既perfect moment...由於係咁, 所以一直都打算o係酒店Book個function room做證婚... 攪個Private Party!

所以當日決定攪個Poolside證婚Ceremony... 子同我都好讚成! 既然係Private Party, 我都希望在場既賓客都可以好enjoy咁見證及分享到子&我既喜悅.... 所以當日出席既賓客都一定係我倆最親及要好既人物呢...

由於場地所限,  Conrad只可以offer 66個Headcounts俾我地... 所以其實當日計埋我, 子, 兄弟姊妹團及家人親友等, 其實子同我可以邀請既朋友仔其實都不多呢....  就係呢個原因... 所以就有張List叫 Guests of 66啦...