8月1日 Mini再做小手術

自從換了新冷氣之後, 就打算再keep mini仔多一段時間, 所以都打算將佢既損耗品都換埋呢...之後就可以安安心心咁同佢出街街呢...

噚晚同阿Lam去左阿Dor攪既最後72小時party..., 所以今朝都真係起唔到身呢... hehehe... 不過同李醫生約好左拎mini仔去... , 所以今日一定會拎佢去既... 快d整好哂d野就唔洗心掛掛... 而今朝放低左mini仔之後, 大佬就車我返屋企呢...

返到屋企之後, 李醫生就打左電話俾我, 話一直以黎有雜聲既零件, 就係圖下呢一part, 不過都唔太貴hkd830可以攪掂....

不過之後佢補充多句, 佢話... "mini仔有一零件都要換呢!不過件野都幾貴"...個心即時實一實, 又壞左咩呀... 原來係個pulley呢... 時時都聽朋友仔講話改R53一定要改呢part... 都有想過改racing野... 不過都係算啦... 我又唔係開得快... 又懶得去搵racing pulley.. 就叫老板幫我換返原廠貨... 不過都要HKD2000, 買個racing都唔係貴多好多, 所以都有心大心細ga, 不過趕住用車, 是旦啦...... 老板好好人, 佢話上次換得冷氣機就應該幫我check埋, 咁就唔洗今次再整, 所以人工唔計, 只收料錢.... 真係好人呢!不過突然又整多樣野, 始終都有d.... 唉....

12pm放低車...5pm就可以拎返車車, 仲可以接埋子放學呢.... 去到車房老板話mini原來出左改良版既pulley... 用料同重量都輕了很多很多... 以前果個好似石咁重, 佢話應該起步好feel d... 叫我自己試下.... 哈哈又好!

用後感... 唔知係咪換左air filer and 輕左既pulley... 說真d, 好似真係好左, 部車好似加速快左d....K&N既filter吸氣聲仲好多呢... 好正呀! 遲d再想想換埋套suspension... 不過等有閒錢先啦...

今晚接埋子之後就去左探病左既梁兄.... 哈哈... 晚一些就接埋梁太一齊去慶祝小B既pre-birthday party呢..!!!