9月21日 大Project!

最近真係忙得好緊要呢...雖然係忙, 不過都好開心既!

工作, 學業, 婚禮, 新居等等等等...... 有時真係分身都攪唔切呢! 一直以來都覺得大既野都已經做得差唔多, 可以收慢少少, 點知一睇子既123 Wedding進度表... 就真係唔懶得lu... 又要繼績開工呢! 不過最近花得最多時間既... 都係新居既進度...

9月6日到依家都已經兩個星期啦... 而呢兩個星期都忙於安排按揭, 到律師樓及尋找新居既designer等等呢! 由於子同我平日好多時都要OT, 所以次次都要迫埋星期六去攪呢! 哈哈... 其實自己一向都怕煩, 不過今次都要頂硬上啦... 第一次, 真係好多野都唔識ga! 不過好彩身邊有班老友記及一班銀行同事既幫手&指導...所以到現在都不至於手忙腳亂呢真係多謝哂呢!

上個星期四就再上左律師樓俾埋大訂啦.... 而家等埋份按揭批埋就應該ok... 不過講起樓按, 一般客申請完之後都係等銀行Feedback... 答案通常都係得三個... 批 / 唔批 / 補料....自己幫客做就多...... 不過到真係自己做.... 哈哈... 心情就緊張好多呢... 哈哈.. 成日check住部電腦, 睇下個application process到去邊呢...有冇咩地方kick住呢?個rate有冇變呢? credit rating點呢...等等.....真係好似等放榜成績咁...哈哈! 所以心情都有d緊張ga...... 又想佢快d批, 但心又想批完就要正式開始漫長既供樓生涯....

為左呢間小小既居所... 由簽S&P之後開始.... 整個budget plan真係要再收緊呢...首期, 律師費, stamp duty, 經紀俑金, 裝修費等等等都係一次性要支付既開支.... 計清條數都有d驚ga...始終呢個時間置業都係貴左d.... 不過冇辦法啦....既然已經決定左, 唯有小心d用錢啦... 婚禮既開支都係要收緊d啦... 一世人豪一次呢句說話真係要再小心d先可以再講呢....加油吧啦

其實o係決定簽S&P之前既幾日, 都有想過放棄ga... 心想不如留返o係屋企住好過啦...既可以慳錢, 屋又好住d, 都係等遲多一陣先再算啦... 不過又想新婚時可以二人世界過下新生活, 而呢個經驗又係可一不可再喎...想了又想之後, 又擔心自己留左o係屋企住之後會有個惰性唔再搬出去呢... 所以都係豁出去吧...! 居室雖小, 但總算是自己同子兩個人既地方! 開開心心  當然其實最想既都係留返o係港島現居附近呢... 不過自問以現在能力及市況, 真是mission impossible... 但與其要等, 倒不如做呢一刻可以做到既最好決定... 所以同子都好期待呢...

剛剛既星期日, 同子就四出搵designer...同左幾個傾過, 大約都有d idea, 不過依家仲係十五十六.... 換唔換哂d地板好呢.....??? 如果要換既話就真係要整哂全屋裝修呢!

9月19日 小B下水禮??!!

今日又到星期六啦... 可惜今日都要一早返工呢...嗚嗚  不過都冇理啦, 噚晚先陪左朋友仔做exercise, 不過太累啦, 所以只做觀眾呢... 之後一行人出發去左強記食dinner... 一食就食到12點幾... 所以今朝都好累呢... >.<

所以放工之後就先黎個family lunch, 之後就返屋企z..Z..z.z.z.Z.... 直到6pm就接子放學呢, 跟手就直飛入老友J屋企, 見證小B既第一次呢.... 好彩趕得切呢!

真係好可愛呢.... 雖然只係浮下水... 不過都玩左好一陣呀... 第一次佢都有少少怕, 不過浮下浮下.... 又ok喎... 嘻嘻哈哈咁笑個不停... 不過笑得最大聲既反而係在場果4個大人呢..... 玩左唔夠一個鐘都返上樓lu.... very hungry...

今晚咁開心, 就出左去超哥度食dinner呢....  hehehehe 咁開心.... 連有人既健康餐單都要改一改呢.... 好好味呢.....!!!

到小B食飽飽之後, 見到哥哥姐姐坐哂o係度, 又係時間提佢地要做exercise呢....所以我地之後就要抱抱抱抱抱... 抱出抱入... 哈哈... 之後抱左佢入附近既文具鋪呢... 哈哈!!! 佢見到個鴨仔燈籠就攬到實, 直頭要食左隻鴨咁... hehehe.. 見佢今日咁叻仔... 就of coz要送比佢開心下啦.... ^^ 呢個就係佢既中秋燈籠仔啦.....

9月12日 New Mini Club 6th Anniversary

今日係NMC既6th Anniversary!!!  Happy Birthday呢!!!

今晚party既地方就係機場既Hong Kong SkyCity Marriott Hotel... 今晚既場地佈置真係好靚呢.... 就先講今日做左咩啦....! 早上一起身就到左銀行攪mortgage既application, 而下午就同mini仔整左少少野and洗白白, 之後就出席呢個一年一度既會慶!

不經不覺玩左呢個會都有三年啦....!!! 呢幾張就係近3年既membership card!而今年子都加入埋做memeber呢... ^^

今年個場真係整&好靚呀....!!! 真係好似mini既marketing function咁呢...!

 

食, 玩 & 抽獎係今晚party既重點呢...!!! 好滿足呢... 今晚聽會長上台做sharing, 真係好欣賞佢對new mini cooper and個會既passion呢...  真係冇想到一部細細既mini原來真係咁有魔力ga....能夠gather到一班愛玩mini既車主, 到識到一班由車友變到做到好友既老友記...就真係更難得&開心呢....睇o下下面個board就知有幾多車主啦!

今晚好多獎呢... 最想抽到既係suspensions and netbook呢... 哈哈... 雖然抽唔到, 不過今晚都拎左好多禮物.. 最鍾意之一就係自己部mini仔既相呢...!!! 哈哈!!!

Special Thanks to everyone who have contributed their effort to this wonderful event!!! We have a great time tonight!!!

9月10日 家

屋企既裝修工程仍然進行當中, 而依家飯廳中所有既酸枝傢俱全部都被送到維修廠中進行修復工程... 因為佢地都一把年紀呢...所以都要好好保養佢地呢 其實以前唔識欣賞呢d傢俱, 不過呢幾年就越來越鍾意呢類古老傢俱呢... 因為好有中國feel呢! (不過自己新居就唔會放lu)... 大傢俬都被送走.... 依家就得返兩張用黎招呼好友用既雀檯... 一張放電視而另一張就用黎開飯....  其實我自己都好少返屋企食飯, 不過今晚o係呢張咁細既檯度開餐就真係有另一返感覺呢.... 唔知點解好有"家"既感覺.... 細細地咁4個屋企人圍埋一齊坐, 真係好耐都冇試過lu...都warmwarm地ga... 要想起對上一次咁迫咁坐埋一齊食飯, 起碼都18年前仲住灣仔既年代... 之後搬左黎大坑道又轉用左長檯, 大佬之後又去了英國, 而我又去埋澳洲, 所以呢個方法既家庭飯局, 又真係好少有...

其實自從星期日拍左板買屋之後, 心情真係有d矛盾ga... 一方面又好想快d有新既生活, 有自己既地方, 有自己同子既一個安樂窩, 但另一方面又有d唔捨得自己既現居&"生活模式"! 始終由細到大都是4個家人一齊住呢! "老土症"又再一次發作呢... 說真的... 離家外住我不是第一次, 只不過今次卻不同了...因為呢個生活模式之後就不同了............黎緊呢半年屋企既轉變都幾大... 11月新工人到步, 12月大佬結婚, 1月到我.... 家中一時間增加了3個人...轉變一定有呢... 由以往只有4個人既家突然變成了7個人...唔知到時跟依家又有咩唔同呢...?   點都好啦... 好好珍惜呢段跟家人同住既時間啦....(雖然我都唔"痴"家既)....

我相信當我遷到新居之後, 就是我人生一個新開始呢.... 

9月10日 上報?!

*此篇只限朋友及家人 之前搵樓時時都會睇下報紙又上下網睇下d市況... , 有時見d報導又會介紹下d買家係咩炒家, 用家, 新婚客, 上車客等等等等....所以買果時都有預到佢地會用d case呢做廣告...唔知佢地會點形容我地ma哈哈... 今朝一早收到梁生電話... 話生果報有報導喎... 而返到工之後o係唔同既網頁ar... 報紙呀...都睇到呢篇報導呢...哈哈!  好好笑... 不過呢篇blog會lock... 所以老友記請保密呢! 低息享多項優惠 西九龍屋苑錄上車客承接

低息環境持續，加上銀行積極推出多元化按揭產品，吸引用家趁勢入市。多個中價屋苑包括西九龍凱帆軒，及長沙灣昇悅居等，均錄上車客入市個案，當中凱帆軒更錄一對新婚上車客，斥資三百四十六萬八千元購入該屋苑一個高層自用。

        香港置業高級營業經理戴學文表示，凱帆軒一座高層F室，面積約六百五十五方呎，兩房間隔，享開揚少海景，成交價為三百四十六萬八千元，平均呎價約為五千二百九十五元，屬市場合理價。

        買家為一對新婚上車客，兩人皆為專業人士，於六月份原本計劃斥資約三百萬元入市，惟經計算後發覺利息雙低能減輕供樓負擔，遂於三個月內「加大入市預算」近五十萬元購入該屋苑一個兩房單位。

        凱帆軒暫錄六宗成交

        戴學文續指，原業主於○六年六月以約二百六十萬元購入單位，是次成交帳面獲利約八十六萬八千元，物業升值逾三成三。本月至今凱帆軒錄得約六宗成交，交投量較上月同期上升約五成，現時平均呎價約為五千六百九十七元。

        美 聯助理區域經理張曉盈表示，長沙灣昇悅居x座高層兩房單位，面積六百四十七方呎，成交價約為xxxxxxx元，平均呎價約為xx元。

        XXX xxx萬易手

        據了解，買家為一名上車客，鍾情西九龍區物業，故購入上址作自住之用。原業主於○三年十二月以約一百八十五萬元購入上址，是次成交帳面獲利xxx元，物業升值x成半。

9月8日 150&150??!

公司email Box之前一直有個email... 神神秘秘咁話大老板邀請我地出席唔知咩地方既party... 心想唔係咩d"鼓勵"大會呀...就應該係d新strategy既briefing... 所以一直都冇咩留意... 是旦啦... 既然放工有車接去... 都要去ga啦...

大老板出現啦... 咩事呢...? 真係事前冇咩人知ga.....

而我地都係去到先知... 原來公司發行了一張全世界第一張面值$150既鈔票...用呢個idea去celebrate 150anniversary! 果刻都真係幾impressive...而張鈔票既設計都真係幾靚呢...

大會7:30pm完, 而之後所有有需要對客既同事就要留到9pm.... 唉... Kowloon Bay走而今晚自己又冇開車.....所以返屋企真係好trouble... 又多人...又冇的... 唯有等shuttle...返到屋企都累到暈...

9月6日 重要決定

今日真係是我同子人生中其中一個重要日呢...

原因係我地今晚做了一個很重大的決定呢... 就係置業啦  

呢一步對於好多人黎講可能係家常便飯, 不過對於快成家的"我們", 就真係一個好重大的決定呢!  朋友成日問我做咩想咁耐... 原因係置業真係需要有好大既承擔, 唔只係金錢上... 責任上都係... 唉...都唔知講咩呢... 腦海中仲係一片空白, 上面張相都係食完晚飯後至可以好好咁坐定定影張紀錄照呢... ^^

呢幾個月都四圍玩尋找新居的故事... 其實都有心急過, 又有懶過一排, 又有再搵過... 心想都唔急呀... 就算真係搵唔岩留返o係屋企住都可以呀...屋企都叫夠住而且又有車位俾我...都可以呀...  所以除非搵到好o岩, 否則都係睇定d先啦... 點知睇下又睇下... 咁又一段時間啦....當中睇住價錢又跌又升, 而今年就一直係咁升... 心中其實都不禁罵了自己幾次, 走了機會...   不過心水盤真係少之又少... 睇了咁耐都係得兩間自己有心出價, 可惜兩次最終都落空了呢... 所以今次當有第三間機會黎到... 子, 朋友都覺得機不可失... 所以今日都豁左出去呢...

對於自己住所要求... 一直都是希望是景觀開揚, 私隱度高, 寧靜及升值能力等等... 不過有齊呢d條件既樓價錢都..... 不過都唔理啦慢慢再搵啦... 直到星期一睇左兩間都ok喎, 不過由於價錢傾唔埋就算啦, 而噚日又搵左成日都唔岩... 心想都算啦... 不如返屋企住啦... 個市升到咁, 時不預我....都冇計... 但突然間心血來潮... 再電相熟經紀傾下之前果兩個點啦...佢既回覆係個價可能都有dd機會傾下... 又好... 就試下今日睇埋個日景再決定啦...! 

所以今日試完蛋糕之後就約埋老友J一家出黎幫幫眼啦....大家由cwb經西隧趕到屋苑呢!... 次次過西隧都覺得唔抵, 不過今次真係要用呢... 因為遲大到呢... 哈哈... 到步之後一次過睇哂兩個單位... 心中有數知鍾意邊間... 就以近期黎計, 其實都ok既... 不過業主突然間又話冇得傾, 就咁我地就將任務交俾經紀傾啦... 我地俾左最後既instruction之後, 就到左餐廳等消息呢... 經過一輪討價還價之後...而又經老友分析之下, 再加上子又鍾意而且計過條數都可以afford到, 所以就係今日5:45pm confirm去馬呢! 6:15pm就再上業主屋企俾訂and簽S&P... 多謝老友J問我地影低呢個過程呢...

先是子簽...

而之後就到我呢... 本以為會手震呢... 點知成個過程其實腦海都幾"一片空白"呢, 哈哈... 不過我個樣好似簽得好用力咁呢...緊張呢!

講左好耐.... 不如睇下間屋個view啦...!

而另一面個view... 我都好鍾意呢...!

完成左之後.... 心中不禁 "呼"一口氣.... 終於完成了一大任務呢! 不過其實自己仲未識反應呢... 不過當簽好哂所有野之後, 其實新既任務又開始呢... Mortgage, 裝修, 電器, 家具, 搬屋等等等等... 又係一個新開始呢.......

攪下攪下天都黑哂lu, 之後我地所有人就去左mega box食dinner慶祝呢...!!! 其實心情真係開始忐忑... 又想早日完成所有野搬入新居, 但又開始有d唔捨得住左18年既屋企...

哈哈... Anyway... 子... 呢個就係我地既新居啦...!!! 希望我地都住得開開心心啦!

ps. 真係衷心多謝你地!