今日真係是我同子人生中其中一個重要日呢... 
原因係我地今晚做了一個很重大的決定呢... 就係置業啦 
呢一步對於好多人黎講可能係家常便飯, 不過對於快成家的"我們", 就真係一個好重大的決定呢! 
朋友成日問我做咩想咁耐... 原因係置業真係需要有好大既承擔, 唔只係金錢上... 責任上都係... 唉...都唔知講咩呢... 腦海中仲係一片空白, 上面張相都係食完晚飯後至可以好好咁坐定定影張紀錄照呢... ^^
呢幾個月都四圍玩尋找新居的故事... 其實都有心急過, 又有懶過一排, 又有再搵過... 心想都唔急呀... 就算真係搵唔岩留返o係屋企住都可以呀...屋企都叫夠住而且又有車位俾我...都可以呀... 所以除非搵到好o岩, 否則都係睇定d先啦... 點知睇下又睇下... 咁又一段時間啦....當中睇住價錢又跌又升, 而今年就一直係咁升... 心中其實都不禁罵了自己幾次, 走了機會... 
不過心水盤真係少之又少... 睇了咁耐都係得兩間自己有心出價, 可惜兩次最終都落空了呢... 所以今次當有第三間機會黎到... 子, 朋友都覺得機不可失... 所以今日都豁左出去呢...
對於自己住所要求... 一直都是希望是景觀開揚, 私隱度高, 寧靜及升值能力等等... 不過有齊呢d條件既樓價錢都..... 不過都唔理啦慢慢再搵啦... 直到星期一睇左兩間都ok喎, 不過由於價錢傾唔埋就算啦, 而噚日又搵左成日都唔岩... 心想都算啦... 不如返屋企住啦... 個市升到咁, 時不預我....都冇計
... 但突然間心血來潮... 再電相熟經紀傾下之前果兩個點啦...佢既回覆係個價可能都有dd機會傾下... 又好... 就試下今日睇埋個日景再決定啦...!
所以今日試完蛋糕之後就約埋老友J一家出黎幫幫眼啦....大家由cwb經西隧趕到屋苑呢!... 次次過西隧都覺得唔抵, 不過今次真係要用呢... 因為遲大到呢... 哈哈... 到步之後一次過睇哂兩個單位... 心中有數知鍾意邊間... 就以近期黎計, 其實都ok既... 不過業主突然間又話冇得傾, 就咁我地就將任務交俾經紀傾啦... 我地俾左最後既instruction之後, 就到左餐廳等消息呢... 經過一輪討價還價之後...而又經老友分析之下, 再加上子又鍾意而且計過條數都可以afford到, 所以就係今日5:45pm confirm去馬呢! 6:15pm就再上業主屋企俾訂and簽S&P... 多謝老友J問我地影低呢個過程呢...
先是子簽...
而之後就到我呢... 本以為會手震呢... 點知成個過程其實腦海都幾"一片空白"呢
, 哈哈... 不過我個樣好似簽得好用力咁呢...緊張呢!
講左好耐.... 不如睇下間屋個view啦...!
而另一面個view... 我都好鍾意呢...!
完成左之後.... 心中不禁 "呼"一口氣.... 終於完成了一大任務呢!
不過其實自己仲未識反應呢...
不過當簽好哂所有野之後, 其實新既任務又開始呢... Mortgage, 裝修, 電器, 家具, 搬屋等等等等... 又係一個新開始呢.......
攪下攪下天都黑哂lu, 之後我地所有人就去左mega box食dinner慶祝呢...!!! 其實心情真係開始忐忑... 又想早日完成所有野搬入新居, 但又開始有d唔捨得住左18年既屋企...
哈哈... Anyway... 子... 呢個就係我地既新居啦...!!! 希望我地都住得開開心心啦!
ps. 真係衷心多謝你地!
弓喜哂!準業主 !簽約儀式不單隆重...仲好sexy 喎! 快d諗下要點裝修吧!
回覆刪除[版主回覆09/07/2009 20:31:00]Thanks Thanks!!! Sexy??? 哈哈.. 我都幾Sexy Ga... hahaha... 攪掂mortgage之後睇埋風水至再plan啦... ^^
恭喜晒哦 所以现在你们不用那么烦了吧 终于搞掂咯 现在慢慢的看家私咯，我们现在就是在这个stage咯 哦，还有最重要的就是等我们到你们的新家坐坐啊 那到时，我们就是第一次到真正香港人的家咯。哇，好开心哦
回覆刪除[版主回覆09/07/2009 21:14:00]都係果句... u and your husband are on my guest list always....
I am so so so happy! that's our new house!!
回覆刪除[版主回覆09/07/2009 21:18:00]I still cannot believe it is real until now..... Honestly, I really feel excited about "OUR" new house lei....
恭喜晒R!! hehe!!
回覆刪除[版主回覆09/07/2009 21:21:00]多謝allan兄...!!!
恭喜哂，又完成一個人生的大決定！以後又多一個重大責任喇！俾心機呀！
回覆刪除[版主回覆09/07/2009 21:22:00]工作上真係要加油啦.... 懶不得....lu... >.<
恭喜曬. 再嚟就係煩裝修啦!!
回覆刪除[版主回覆09/07/2009 21:27:00]一步一步黎la... 真係有好多野要煩... ^^
多謝哂你呢!
記得記得記得... 請我上去玩呀！
回覆刪除[版主回覆09/08/2009 21:53:00]Of coz no problem la....^^
恭喜哂呀. 個陣我地睇樓都睇左好耐. 因為真係一個好重要既決定. 我地兜兜轉轉睇左幾十間,最後都係買返第一間! 我覺得有時真係好講緣份! 你地呢間屋一定會住到你地永遠都咁開開心心, sweet sweet 同埋風山水起架. 再一次恭喜你地
回覆刪除[版主回覆09/09/2009 00:53:00]哈哈... 不如share下你買左邊間呀....? 搬左入去未...?
恭喜曬呀! 我身在北京時阿健已經話o左比我聽你倆o既好消息啦~! 好近我家!算係neighbor啦! hahaha!
回覆刪除[版主回覆09/09/2009 00:18:00]多謝妳呢... 不如妳同阿健都plan下搬埋過黎啦... 同一個屋苑都幾好玩呢... 哈哈... 出去玩又可以一齊出車.... 好似o係外國咁呢... woo正! 將來搵多d錢再一齊搬返港島....!!!
我又遲左兩日..可能係時差關係(海底同陸地)...下一步係咪計劃xx....我看到由一粒豆丁keis變成大豆keis...之後開始有小豆丁(lee bean bean)出現...
回覆刪除加油啦... 我又要歸隱喇~~
[版主回覆09/09/2009 00:16:00]小魚變大魚.... 大魚生魚春....
哈哈... 又要歸隱??? 唔好卦.....?
恭喜恭喜, 哇, 咁短時間完成左咁多任務, 好勁好勁!!!!!
回覆刪除[版主回覆09/09/2009 11:51:00]多謝哂呀... 呢個月真係整左好多野呢....
Wa..congratulations!!
回覆刪除[版主回覆09/11/2009 13:10:00]Thanks 裝修進度如何呢...?
睇見你哋買樓過程, 就諗起我同男友去買樓嘅情形了, 又係同經紀傾呀...好緊張呢
回覆刪除恭喜恭喜你同子榮升業主!!!
[版主回覆09/22/2009 02:17:00]多謝妳呀...!!!
我同bf都係一樣, 就咁就做左業主...但之後嘅野, 仲有排煩呀!!!
回覆刪除[版主回覆10/25/2009 00:12:00]最近進度如何呢...? 我已經confirm左designer啦...!!!
恭喜你做業主
回覆刪除