1月26-31日 Nat & KEis' Sweet Honeymoon

Natalie & KEis' 123 Wedding 及新居projects總算順利完成...  很滿足... 很快樂... 之前花了很多個月既努力, 時間及心血...又一直忙~忙~及忙! 直到婚後既第三日... 我地終於可以好好咁休息一下... 去享受我地既二人世界既Honeymoon Trip!!!!!!

馬爾代夫既Cocoa Island 及新加坡!!! We are coming!!! 

睇下影下既魚群.... 真係好多and好大條ga!!!

1月24日 李生李太的第一天

1月24日係婚後既第一日...哈哈...心情都唔識得點去形容, 只好覺得好特別... 起身第一個問題係...? 我o係邊度呢...?  因為昨天真的太累啦.... 咩都唔記得... 而之後望望身邊既子.... 就記得啦... 我同子已經結左婚啦, 從今開始她都會陪住我呢....hheeehee...

我們的大日子 123 - 回顧篇

 Jan 23, 2010 是我人生當中的大日子... 由於要記下既事實在太太太多...很想記下當日每一個細節, 所以一直唔知點去開始寫這一篇blog... 一直拖下等下... 終於到差不多放完整個婚假2月9日凌晨至寫下這一篇人生最重要既日記... 子跟子結婚了!!!

自寫下上頭篇之後... 由於要完成整套banquet既音樂CD(當中包括background, march-in, 敬酒, 尾段, backup)合共5隻disc, 由於希望客人會o係唔同既音樂影響下可以有個更好既感受, 所以都攪到成2am至sleep... 只可惜成晚都睡得不好... 一直擔心天氣既問題, 很怕下雨... 一直到5點至合上眼... 不過5:45am又起身啦... 因為要morning call班兄弟起身... 佢地要7am到我屋企呢... 而8am就要接新娘... 說真的, 我很感激一班很懶sleep既兄弟... 因為出乎意料地個個都很準時.... 由天未光佢地已經到我家門... 我地一齊食早餐... 雖然個個都"牛牛"地... 不過大家都很開心 嘻嘻哈哈o係屋企樓下佈置下花車, 而大佬就出車同表弟們先幫我去取花....我地7:25am開車, 不過心情其實很不安, 因為個天太黑啦... 好在一班兄弟在身邊安慰及支持... 心情在見好些!  所以7:45am我地已經到女家樓下... 不過最終都冇準時8am上到接新娘, 因為之前攝影師們要先在女家影, 之後再落樓下影我地...而攝影隊有成7個人... 真係好pro呢...! 所以都要8:25am至上樓呢... 哈哈...(可以玩少個遊戲) 兄弟... 出發啦!

部份既highlights可以o係video睇返啦...! 準時9:05am就接左子由女家出門啦!

我地出門之後先分兩隊... 一隊先返大坑道男家, 而主花車隊就會到鯉景灣grandma屋企拜祖先, 之後再返回男家入門! 多謝今日梁兄做柴可夫...!

返到屋企....都係做飲茶儀式及拜神!

由於時間都可以... 之後大家影下相, 不過真係要多謝一班兄弟姊妹, 因為有佢地, 我地兩個先可小休一陣就再出發到Conrad及到Pacific Place采蝶軒午膳... 本以為可以同子好好食d野... 點知... 子一到conrad就上4511房要預備, 而我都係留左o係茶樓食左10分鐘, 之後拎左部份點心上去俾子食... 不過講真, 當時真係冇食過咩落肚... 留左o係新娘房一陣, 我都要到pool deck準備.....至子就留左o係房, 同姊妹們預備!

這條就係子既The One! 我同子都叫佢做"一舊雲"

在Poolside舉行既Signing Ceremony係2pm-4pm, 而證婚係2:30pm 當日天色一直都好灰, 其實o係1:45pm時我見天氣都仲可以, 係凍d同大風d之外, 我都有打算提前2:15pm就簽紙, 不過最終都stay with schedules..... 因為天色之後開始好轉, 係冷了些.... 不過當時已經唔怕冷啦... 因為看見Guest of 66既好友一個一個咁到達... 心情已經開始興奮起黎.... 很高興.... 我從未試過咁多好友一次個聚首一堂... 每一眼看見的都是至親至友.... 我很快樂... 由於子當時仲未出場, 所以由我, 家人及兄弟姊妹們招呼客人...

直至準時2:30pm, 由wedding planner & mc maggie為我們開始這個典禮.... 樂隊開始演奏, 而一對花仔花女都相繼出場... 佢地真係好可愛.... 所以之前都有同子傾過當花仔花女行完佢先慢慢行入場.... 當日真的很順利完成整個march-in... 天公造美... 心... 是很感激的!

簽紙儀式在一片歡樂氣氛下完成! 藍小姐正式成為李太啦...

Grandma都好開心呢....知道佢等左呢日好耐!

多謝大家!

我從來都冇想過自己會流淚, 不過那一刻實在忍不住了... 正想開咪講既時刻, 看見很多最好既好友都為我們感動得流淚... 我同子都真的感受到... 真的有很多朋友愛錫我地... 每一眼都可以看見最好的親人朋友... 感受到呢一刻我仲記得...多謝你們給我兩一個完善既婚禮!

晚宴.... ^^ 就在香港會議展覽中心舉行  這張相真的很靚!

婚宴就在8:30pm開始, 沒有什麼童年片段.... 在進場之前既一刻... 說真的, 有一些緊張... 始終全場滿坐.... 有親戚, 朋友, 同事等等等等...... make a deep breath之後, 就聽到MC叫我們進場..... 掌聲, 歡呼聲, spot light, 爆炸聲既花炮不斷..... 很熱鬧, 很高興... 一邊捉緊子隻手一面行..... 很滿足...

人生三大目標... 順利完成了第二樣.... 多謝子!

在台上我已不知可以說什麼!

當日一直忘記了多謝"外父"大人為子造了這套合共13卡既頸鏈及耳環首飾!

婚宴期間一直等待既即日剪接終於到步啦... 大家都睇得很開心.....

一邊看著, 一邊捉實子... 心中很滿足, 很感動.... 就在播完剪播之後, 終於鼓起了最大勇氣, 為子唱了一首黎明既<從今開始>.... 之前一直有猶豫... 因為唔想攪到個婚宴好似做show咁, 二來音響唔好, 三來又有很多同事親戚在場... 但那一刻我都不理了, 因為我真的很想在這晚屬於子及我既party上... 為子唱一首歌... (手拿著iphone, 因為預左發太瘟, 忘記歌詞)...幸好... 當晚沒有冷親在場朋友...

敬酒了...... 以往認為不是重要的一環... 今日到自己方知, 原來是很重要的! 因為當晚可以同每一位傾計既.... 就係呢一刻!

酒席順利於2315完成.... 很美滿!

我都寫得太多啦.... 想再次多謝上天, 子, 屋企人, 兄弟姊妹及所有黎既朋友... 沒有你地, 便沒有這個美滿的一天! 子...妳係我太太啦!

ps. 記得用480p睇呀!

1月23日 Natalie and KEis' 123 Wedding - Video Highlight

婚禮順利完成啦  終於正式娶左子返屋企啦... 好開心!

唔識講啦...好想多謝很多人及感謝上天都給我地一個好天氣去完婚! 由於仲有好多野要做...大家睇住今日既Highlight先啦!

再一次多謝你地既支持及祝福! 我會好好照顧子啦!

ps. 轉用480p睇會靚d ga... ^^

1月23日 123 Wedding第一部之上頭

Nat and KEis' 123 Wedding既第一手消息... 就係剛剛上完頭and食埋上頭飯呢... 一個月前屋企先食完.... 估唔到今晚主角就到我啦... 心情? 唔知.... 呢分鐘只係想快d整好哂聽日要播既音樂disc  開始冇時間問自己... 今日係big day嗎?

開始啦... 第一步拜神啦!

阿爸幫我上頭......

明天就會一直忙忙忙.... 我唔敢保證一切完美... 只係想盡力令子同我都可以好enjoy... 好享受呢一日... Today is belongs to Nat and Me....!!!

預祝我地一齊順利!

1月19日 天氣

最近check了一星期天氣既預報.... 為什麼123會.....希望天公當日可以造美啦 

 

 

(借用了blog友JOEY既pic呢 ^^)

1月16日 衝呀...最後衝刺^^

返左個半星期工... 總算有返d野交, 個婚假總算可以放得輕鬆少少呢...  呢個星期六, 將會係以單身過的最後一個weekend.... 沒有arrange到瘋癲既weekend party... 因為??? 日...日都好忙呢...

好似今日咁... 一早返工, 放工之後就到cwb同屋企人飲茶, 之後又開始忙婚禮既野... 今日再一次到Cocoon Final Fitting... 每次上去都超級開心... 由pre-wedding到big day所有關於禮服婚紗...都係由佢地一手包辦, 自問自己都係要求多多, especial對colour matching方面.... 不過當選擇困難症出現時... 最幫到手既都係jackie liu and coco... 好多謝佢好我地wedding服飾上既意見及安排... 真係好滿意及感激! 而今晚就上去睇埋造好左既婚紗鞋呢... 不過都仲要改改... 因為對鞋好易 "out"到婚紗呢!

而之前就到左King's Production/The Studio拎我地既油畫及相簿....!!! 3月安排影pre-wedding, 6月影相...到結婚前一星期... 終於到手啦...!

1月13日 派帖啦!!!

過完大禮啦終於可以開始派請帖俾我地既Guests啦... 希望大家都鍾意啦!

請帖我地沒有刻意去設計, 只係希望將自己鍾意既野以最簡單既方法表現出黎, 由於本身唔想太common咁用紅色, 所以就選擇左呢張帖啦... 之前都有為左用金色or紅色字而跟子猶豫左好耐... 不過個人insist用金色... 睇落會靚d, 不過d字色就會較難出黎, 不過大家候生仔就應該冇問題呢...

之後就到Guests of 66既Invitation... 全人手製, 而且仲要分兩款.... VIP and Vip... 哈哈.. 即係冇分別... 黎親既都係Our Super VIP呢... o係度要多謝Jennifer and 子既努力設計及製造呢!

雖然係guest of 66... 不過呢兩張既invitation card都係整左40張呢... 收到既朋友真係要好好珍藏呢...