1月26-31日 Nat & KEis' Sweet Honeymoon

Natalie & KEis' 123 Wedding 及新居projects總算順利完成...  很滿足... 很快樂... 之前花了很多個月既努力, 時間及心血...又一直忙~忙~及忙! 直到婚後既第三日... 我地終於可以好好咁休息一下... 去享受我地既二人世界既Honeymoon Trip!!!!!!

馬爾代夫既Cocoa Island 及新加坡!!! We are coming!!! 

睇下影下既魚群.... 真係好多and好大條ga!!!

Jan 26既下午.... 香港天氣比結婚當日暖了些.... 不過都仲好冷, 但都冇影響我地既心情.... 準時搭下午4pm班機由香港飛往新加坡! 好開心呀!

當日搭既Air Bus - A380空中巨無霸係全世界最新, 最先進及最大既飛機... 最多可有800成客.... 不過SQ已經改了佢個位既闊度... 所以唔會有800人咁多!!! 搭A380係旅程既重點之一!!! 真係好興奮呀.....!!! 子同我倆人坐在upper deck既最後一行! 好闊呀!

飛左一陣之後.... 空中小姐仲為我地送上honeymoon既cake &香檳呢

整個旅程真係好漫長... 由香港至新加坡花了三個多鐘頭... 之後再轉機由新加坡飛到Male又要4個多鐘頭.....到達MALE International Airport都已經係HKT 1am....而當地慢香港時間三個鐘呢.... 正當子同我都有點累.... 點知由Cocoa Island黎接機既代表話之後仲有50mins既speedboat trip... 心中都有怕怕呢... 坐左好耐好耐啦.... 不過都冇計呢.... 越遠離首都... 相信個island會越接近大自然... 所以上speedboat之前我地都先去toilet而大件行李都交比當地接代員看管.... 正當心中都不大放心, 所以都係速去速決.... 點知出左黎.... 等極又唔見子, 又唔見左行李既.... 心想冇咁黑ma.... 搵左都"好一陣"... 正當有點擔心... 點知原來我出錯左門口..... heheheehe stupid me.... 之後就上speedboat啦.....

落到船... 原來只有我同子兩個客人.... 船員4人接代員1人..... 都幾大陣像呢.... 之後開船啦....熄了船中既燈... 之後看著離岸越來越遠... 直至出至海中心..... speedboat就盡油前往cocoa island.... 當時其實子同我都有點驚驚地... 始終在海中心... 叫天不應, 叫地不聞... 前面有3個黑人, 後面又1個... 行左好耐...好耐...再好耐....都係黑漆漆..... 當時唯有捉實子隻手.... 叫佢放心... 放心.... 好快到... 好快到...... 經過55mins既黑又快既旅程.... 我地終於到達Cocoa Island啦.... 一到步第一個感覺係.... 好靜...好黑and 個海好清呢.... 而我地只聽到浪聲.... 到步既時候都已經係香港既2:25am.....

經接代員講解之後, 我地就返房休息啦.... 我地今次入住左佢地既Villa..... 每間屋都係在海上而建造, 坐迎北向南... 所以入房時都很大風... 好驚跌落海呢.... 到步啦.... 呢個係上層既睡房........而下層有室內及室外既大浴室....

下層係living room及向海既大露台! 由於第一晚到.... 飲了半枝紅酒之後就sleep lu.... 因為都幾累呢....

Jan 27 一早起身.... 其實都成9am local time (即香港12pm), 夠哂sleep.... 一按制打開床尾既電子curtain.... 一望無際既大海就在眼前呢...正當下樓時... 點解有隻....crab既...?佢入左屋....??? 哈哈... 梳洗好之後就出去食早餐lu.... 所有既屋都係o係海中.... 而島中只有一間restaurant... 早午晚都o係果道食... d人好nice..... 食左第一餐之後就四圍行... 不過個島好細.... 20分鐘內一定行得哂!

行到半路我地仲見到好多shark babies... 起碼有成8-9條... 佢地可以swim到沙灘邊... 真係好驚ga..... 佢地既dad and mum會唔會o係附近呢...? 當地識員話唔怕... 因為大既游唔到埋黎.. d珊瑚礁已經阻隔左.... ^^

之後陪子四圍散步... 睇下佢幾傻........

之後再到dive centre借浮潛用具... 而呢度就係我地房既露台...anytime都可以下水呢...

我下水啦..... 哈哈... 見唔見到我水底既影呢...? 香港真係冇透明既海水...

左手面既808Villa就係我地住果間啦..... ^^ 樓梯上面有個淡水缸俾人沖洗而屋既另一面可有樓梯直上室外浴室...

藍天碧海...人間天堂! 我從來都冇想過真係咁靚ga.... ^^

玩左一陣, 又去食午餐啦........................

下午既時間.... 又係游水, 吹海風, 上網, 傾下計, 飲下野, 聽下歌...喜歡的... 下水... 累了... 又回villa既露台休息..... 人生為何可以咁relax..... 我倆真的可以好好休息一下.... 我地在日落時.... 仲聽了婚禮當日唱既<從今開始>...感覺很sweet!

晚餐時間又到....

由餐廳望回船屋及villa.....好清靜... 不過好大風... 當地好得意... 晚黑潮退.. 日頭潮漲..... 點房時.... 都是靠月光既光呢.... 很美... 真的很美..... ^^

Jan 28 起身之後又去食早餐.... 食一個個半鐘既早餐.... 香港有幾可??!

兩公婆之後又四圍去散步.... 呢個pier就係當日到步既地方呢..... 我地又扮下影pre-wedding呢...... 哈哈.....

行完又返房游水及休息呢... 今朝自己仲鼓起勇氣, 一次過游到去珊瑚礁邊.... 好驚呀... 即深藍色既海呢... 我好似Finding Nemo既魚仔咁... 白色既係淺水區, 深色既係"深淵"呢ga.........................^^

Jan 29 子今日游水時耳仔入了水... 攪到成日都想搖返佢出黎..... 而今晚我地就會離開Cocoa Island lu.... 很不捨得.....

離開前既晚餐.... 我地之後會搭當晚8pm既speedboat返male.... 當地人既services真的很好... 我地仲寫了letter去多謝serve我地既Joy, Thomas and GM Felix.. 多謝佢地!

又再一次經過50mins既恐怖speedboat... 終於到左male airport... 而之後我地又會搭11pm(即hkt 2am) Flight到新加坡呢.... hehehehehe 因為我地會去meet特別嘉賓呢!

Jan30 晨早7am到新加坡... 之後直接返hotel... 酒店更upgrade了我地既房間及提早給我地check-in呢.... honeymoon真好...!!!

準時9am.... 酒店lobby集合我地既特別嘉賓... 小B 好開心及意外地可以見到呢個小朋友及其dad and mum呢... 在上機前... 撩了梁兄到新加坡...哈哈.. 佢地真係到左呢....好開開開心可以見到佢地.......相信小b都係....

由於之前都去過好多次新加坡... 所以就由我做導遊啦... 不過第一站我就問自己... 剛剛去完maldives... 點解仲要去underwater world既....???

之後又去聖淘沙.... 其實都係必到景點...... 行完之後又去左牛車水食午飯...

之後由於太熱及濕啦... 而我地兩公婆噚晚又overnight flight... 所以大家都累到返左酒店陪小b游水呢..... ^^ 之後rest左一陣先再出動....

晚黑經好友chien介紹... 去左Boon Tong Kee食海南雞飯, 飽飽之後又去左clarke quay飲野.............

Jan 31 大家一早起身又出動啦.....

到新加坡就更要睇merlion啦... ^^

之後又去左suntek city and搭下MRT..... 下午在orchard road食埋lunch之後就返酒店check out... 之後就搭7pm左右班機返香港啦.... 而返到香港都成11pm lu... 好開心... 而當晚我地冇返新屋sleep呀.... 返左大坑屋企過夜呢.... 多謝子既permission俾我睇埋曼聯vs阿仙奴呢.......... 今次既旅程真係好開心呢......!!!

後感:  5日3夜及2日1夜既旅程就咁就完畢啦..... 很不捨得.... 真的很開心..... 因為同太太都可以o係一個完全relax既心情下享受這一個人生一次既Honeymoon.... 很sweet...很美滿..... 多謝子.....!!!