8月25日 My Scirocco

Scirocco用左都有三個月啦! 前日仲剛返廠做埋Run-in Check! 終於可以寫一寫對呢部車車既一些comments呢...

外型:

自己越睇越鍾意, 車頭爬得夠哂低, 而車尾就微微升高, 頭低尾高, 典型跑車look, ,原裝已經好好睇, 所以要改既只會考慮low-down, 換18' rims, 4出喉only..... 外觀大約係咁la, 不過仲未搵到好鍾意既bodykit.....而1.4最差既係頭燈未有HID, 車牌&mirror燈又唔用LED, 好似冇咁high咁....而頭/尾bumper由於造料問題, 白色易變黃, 車廠已承認白色問題, 所以有需要佢地可以跟進, 不過潮流興白色, 用到真係變色至算啦... 到時可能都換左第二部/換左bodykit lu...

內籠及設備:

overall都ok...廿零萬車仔...既抵又好用, 試過我部車既朋友相信都係呢個comments, 呢個價錢, 歐洲新車又有齊應有既設備...真係抵! D型呔盤, 又有golf gti 6代既中央台display連parking mode display,  桶椅又有暖熱功能ok啦....7 Speed DSG, 再加DCC電子避震3個mode: Sport, Normal & Comfort... 呢個function真係最正... 接太太放工or自己放工, 用comfort真係最正又吸震, sport又真係爆硬, Highway 快車一流 ..... 一般黎計, normal個setting係最好!!! 而部車最唔好既地方就係個錶板, 老土左d lor..... 手工方面, 就不過不失啦, 車窗都開始有些雜聲(單門車通病)...

性能及操控:

1.4 Tsi Engine & DSG 7 Gearbox係VW最新既科技.... 聽聞係最慳油又最powerful既matching... 用後感... well... 同我部棍仔mini cooper s真係有得揮, 4個人坐上山都仲可以有推背感.... 1.4 engine only ja bor... 真係唔相信有呢個感覺, 而個gearbox轉波快到自己都唔知..... 呢個科技真係勁....  Turbo既吸氣聲&supercharge既工作聲又大, 好過癮呢!  唔好既.... 我估係起步果下反應, 唔知係咪開慣棍波, 依家用DSG總係覺得第一下起步有delay.... 棍波就衝住去.... , 而且始終係1.4, 尾段唔夠黎.... 130-150km之後好似軟哂咁... 0-100都ok既.... 不過市區+山路正常用... 一定夠....  操控??? 一直用開BMW產品既都知... 操控一直係bmw既強行... 呔感一流, vw就冇得揮, 個呔太輕, 有時要捉得好緊, 又難keep住佢行直線...所以handling就差一點點, 不過都係靈活既....

售後服務: VW出名service差, 不過用過一次, so far ok啦.... 有車接送由青衣到廠, 都方便既, 不過要佢跟一d野, 有d又話冇又話唔洗整... Service Advisor就跟得好, 師父就comments一d整, 一d唔洗... 都唔知相點...... 而且要keep住佢既保養, 就要每半年返去check一次, 每次落樓又要3-4千...咁一年都成8千啦.... 咁都唔係好抵喎... >.< 不過要保用, 冇計啦.... 話哂自己第一部新車, 都要錫d啦....

最後.... overall都好滿意部車車, 希望佢呢幾年都聽聽話話, 健健康康啦...! 不過新車應該都ok既....

(ps. Thx Bigmouth哥幫我部車車影左上面頭兩張好靚既相!!! 真係影得佢好型呀! 而下面兩張我就用左新相機canon s95影呢... ^^)