11月23日 X5 ~ ByeBye!

再見啦 X5... 真係估唔到咁快你就要同大家say good-bye呢!!! 兩年都未夠呢....希望將來有機會o係街上見到你啦........

朋友仔話換車冇咩特別感覺... 不過對於子同我.... 感覺當然大一點啦... 因為我地結婚當日... 佢... 就係我地既主婚車ma.....

一直以來... 都希望結婚當日可以自己開部跑車...開逢既拉利/波子 or如果 自己已擁有一 部最新款既Z4... 都會係我杯茶.... ^^ 當然要安排, 其實不難, 不過最終都係選擇了X5.... 原因有幾個 1. 婚紗之大, 跑車桶座不方便, 2. 梁生兄弟應邀做司機, 極為放心及有信心. 3. 四驅車穩穩陣陣, 討其意頭... 一路平平穩穩, 路再崎嶇, 都如履平地... (梁生話買X5既原因喎)....  所以... 回憶當然多一點啦...

梁生... 俾多少少回憶你... 睇返我2009年2月28日個blog啦....

其實每一部車... 都一定佔有了你人生某一段既時間, 某一段既記憶既.... 記錄下來, 回味無窮......

多謝你今晚特意安排night ride給我同NatNat... 我地真係好回味and appreciate ga!!! 多謝留了兩天既special days for sharing (first and last day ride on X5!!!) Thanks so much!!!

今晚再一次不好意思晚了出來, 因為natnat最好既姊妹今天生了new born baby, 作為佢廿多年既好姊妹.... 佢一定要去醫院見見姊妹and baby佢先安心呢... 晚了真的真的不好意思呀.... sorsor......

ps. 恭喜阿賢今日生了個靚女女呢....!!!

11月22日 李太廚房之...籠仔蒸...

李太廚房今晚攪乜...? 咪係籠仔蒸蝦蟹糯米飯lor...

話說上星期李太去左towngas上堂, 之後就好想返屋企做個新鮮既實習 (因為當晚既作品已經俾我地宵夜K.O.左), 所以今日佢就去左買籠仔, 又買鑊... 今晚又整個新菜色大家開心下啦..... 大家? 有好野食更叫埋老友家族上黎開心下啦!

其實要多謝子好多野ga...... 個雪櫃入面好多時都已經fill滿哂我要飲既野啦.... hahah.... 滿既情況仲多個士多..... hahhaha..... 係冇可樂啦... 因為唔健康ma!!! Thanks子

11月19日 拍拖

最近心情一般! 所以放工之後即刻返屋企換衫, 之後接子放工兩個人去拍下拖! 想去開心下, 浪漫一下...

到中環接放工之後就打算先到Stanley食晚飯, 之後再到石澳行沙灘........

即慶! 一向我都係咁........ 不過最緊要係大家都開心enjoy! 天氣清涼, 坐outdoor開餐實在太舒服啦......

有酒有扒.......

老婆開心哂啦......

食飽飽之後都冇再入石澳啦... 改返大坑道老家探下父母親.....

11月18日 知己!!!

知己? 幸運地我有四個... 而今晚實在太開心啦  

因為今晚jessica終於上黎探我同natnat啦...!

今次見佢另一個令我極興奮既原因, 係因為佢都好快會榮升為阿太一族啦... 見妳咁幸福又有個咁錫妳既老公...真的真的很替妳高興!  哈哈...

佢係我人生中其中四大知己之一...大個之後其實我地都真係好少見面, especially佢o係美國而我又係澳洲既一段時間, 不過每一次見面大家好多野都唔洗講...一個眼神大家都明哂....心照哂!!! 真係好得!!! 今晚雖然只係傾左一陣, 但係我都已經舒服多了... 我最近真係好想搵人傾計呢!  真的很感激自己有一個咁了解自己, 而大家又可以咁暢所欲言沒有顧慮既知己! 多謝妳! 祝妳一生幸福快樂!!! 仲有多d上黎同natnat傾廚房經啦!!!

ps. 再一次多謝妳到曼聯都記得我呢.... 我會放o係部車ga啦.... ^^

11月14日 心連心慈善步行

最近參與左幾時公益活動, 而今個星期日就參加左由兒童心臟基金會發起既心連心慈善步行 ^^ 今次參加都係因為有梁太既邀請呢 

其實上年佢都有叫我去ga, 不過之前一晚有party, 所以我就起唔到身lu, 而子上年都有參加呢!  今年天氣又咁好... 所以都早早起身參加埋一份呢 ^^

前幾日子終於剪左佢既長髮lu, 其實佢由影pre-wedding開始一直留到婚後, 噚日終於去左剪lu..............個樣幾得意......

兩位阿太..........發起人!

Jason 上年歲半都行左一段, 今年佢都行到三份二呢....

一邊行又一邊整古做怪...... 天氣又好, 又有小b, 所以都行得好開心!

天氣舒適.... 香港既景色真係仲靚呢.....

開心既一個星期日 ^^

行完之後有咩攪....? 我地就係返左跑馬地做腳仔按摩lor.... ^^

大家都好開心呢....

11月11日 Mini Countryman Launch Party

年年11月11日都係好多朋友既好日子... o係度先祝佢地快快樂樂開開心心啦! 今晚我同子都一樣咁開心呀... 因為我地今晚都join左Mini HK o係尖沙咀1881 Heritage既Countryman Launch Party呢!

8pm入到場已經好熱鬧啦.... 最鍾意熱鬧既party!!! music, champagne, wine, foods, friends, cars, models, boys and gals... yeah! Really enjoy the party!

又有表演!!!

今晚既主角countryman 再有嘉賓 Vivian Chow & William!!! Vivian 真係好靚!

個場今日真唔錯, 次次mini攪既party其實都好好玩! 大家可以聚下又飲下酒!

同朋友仔影下相先!!!

之後再同主角影下相先!

雖然聽日仲要返工, 不過weekday有時可以咁玩下, 真係好唔錯呢!

11月8日 Oregon Scientific

一直都很喜歡Oregon Scientific呢個牌子! 感覺上好似好high tech咁... 一個普普既鐘都可以賣到過千! 有時睇落, 係喎.... 好多functions, 不過有好似可有可無咁...真攪鬼 ! 不過見親佢既地方, 一係o係飛機上既magazine, 一係IFC, 再一係Timesquare... 就係咁... 成日覺得佢好似好勁咁, 所以想去買, 不過次次都冇咩特別o岩... 直到半年前見到呢兩件items.... 即刻想買... 不過又等等等...... 到呢兩日先買左返屋企呢

上面呢個係Oregon既Sunrise wakeup clock! 想買好耐啦...!!! 因為想整盞bedside lamp可以用黎睇下magazine睇下書, 而呢個clock更一次有哂我想要既functions, clock, alarm, light, radio, 而最最最重要既係佢可以有四重大自然既聲.... 流水, 海浪, 郊外, 樹林聲...... sleep之前, 一邊聽住, 一邊睇書再加埋佢彷日出既燈光加鳥叫聲既alarm... 真係好正......

當然一樣野係唔夠啦.... 仲要加埋下面呢個Mini Aroma Diffuser先可以叫perfect!

此香薰噴霧機確實有吸引之處，佢以 ultrasonic vapor去打出噴霧，即是以超聲波震盪技術，無需加熱便可將香薰轉變為噴霧 ^^

依家晚黑開著冷氣, 有時房間太dry, 呢部機岩哂我同子... ^^ 又香又靚!!!

呢幾晚日日都用, 越用越鍾意, 一邊聽住流水聲, 再用mini Aroma Diffuser打出香薰, 再加上柔和光, 然後慢慢入睡, 感覺好似去左thai spa咁... 正! 當然你要自己選自己喜愛既香薰油啦.... ^^

11月7日 譚家千金

恭喜譚氐家族一新成員既來臨!!! 譚家千金今日兩日大啦.... 其實早係兩日之前我地都有見過面呢.... 不過今日可以咁近距離....真係多謝佢dad & mum咁放心呢

再一次祝樂詩佢身體健康, 快高長大及要孝順父母呢.....  哈哈... 睇佢上面張相隻手仔, 舉哂手仔咁真係好得意呢...... 子見到佢都好開心ga!!!

到我又抱下先.....!!! 哇哈哈... 你地睇下佢個樣 勁可愛!

呢排好多好多初生babies呀....  好彩仲記得掂抱呢... 所以都ok ga!

11月1日 捉鴨入屋

今日放工陪子行街... 又再一次中伏...  屋企越來越多, 仲越來越大隻...

仲霸坐左我個皇帝位....

如果o係子娘家既鴨仔全部過哂黎, 我估好快都要搬屋啦...