7月12-15日 我們十週年之旅 (Part 1)

十年了! 與NatNat不知不覺就十年了! 今次又係一個ad hoc既假期, 所以特別珍惜! 由當初冇拎假, 到突然拎到兩日假, 到由本來打算去沖繩, 到改去台灣, 到本來打算去溫泉hea, 到可以到十分, 到兩公婆仲可以一齊好似那些年咁放天燈慶祝十週年紀念! 今次真係超額完成! 十年對於很多人來講唔係好長, 不過當我現在仲係三字頭, 而已經有十年都有nat係身邊, 感覺真的很特別, 更要感恩...人生不知道有幾多個十年, 希望可以一直慶祝更多既十年! 不知十年後我地又會點慶祝呢?




Jul 12

早機出發, 兩公婆晨早就搭的士轉Airport Express到機場! 正常星期四要返工, 仲撞到同事呢! 不用好似平日趕返工, 反而可以以一個輕鬆心情到機場, 旅行出發既感覺真係好! 其實最近都有點煩! 正好可以refresh一下自己既情緒! 今次出trip冇搭國泰, 而改搭長榮! 因為有hello kitty機呢! 為左個trip, 今次仲買多個噁行李箱呢! 26'size仲要係硬身, fit哂4日3夜用!

一個鐘多就已經到左台北啦! 今次最主要想hea下, 浸下溫泉, 休息下就好了! 一下機都好精神呢! 之

台我地先搭國光bus到台北車站, 見有些時間, 就先到附近既良品食牛肉麵!

之後就搭捷運到北投! 大約30mins左右, 之後再轉接駁shuttle就可以到春天溫泉啦!  見到shuttle bus個公仔, 兩公婆都好like!

 

到步都3-4pm啦! 台灣既夏天真係好熱呀! 所以之後都改了輕裝出發! 酒店房間好靚, 最正都係房間既溫泉!

休息左一陣就出發啦! 第一個站就係去淡水睇日落同晚餐! 捷運車程都係廿多分鐘, 好彩都趕得切睇日落!  兩公婆一齊日落, 認真不錯!

仲可以食下街頭小食! 由於食左好多野, 所以最終冇留淡水開餐lu!



望著倒影! 十年前後, 感觸良多! 最快樂既係可以靜靜咁拍拖!

本來子打算去師大夜市, 不過佢見我未到車程一半都已經累到睡了, 便更改行程至近北投些既西門町! 一到步又食阿宗麵線, 而之前子一直不愛冬瓜茶! 今晚終於改變了! 由於太熱! 一飲之後就愛上了!

行左一陣就去買手信! 乜東東?

行左一陣就返酒店了! 趕9:50pm shuttle返酒店, 第一晚要好好浸下..... 出太多汗真係好累!




Jul 13

早晨呀! 9時多起身! 食過早餐又出發了!

經朋友介紹, 先到上引水產, 聽聞似築地, 又似seoul既鷺梁津!

呢個地方可以買水產, 仲可以食sushi, 刺身, 烤物, 鍋物等等.... 不過最大特色係站食!!! 烤, 鍋除外!

由於sushi有排等, 我地先食烤物!!!

Cheers!!! 子!!! 十週年快樂!



食飽之後剛好有位食sushi!!!! 件球衣既10號真應節!!!

食飽之後都係兩時多! 就返出去市政府附近既誠品!!!

行左一陣, 頂唔順了..... tea break時....z...z...z...Z.z..z.Z...

Rest 左一陣就出左去影相, 到台北就of coz要影101啦! 不過冇行到去, 因為太熱啦!!!
 

影完相就陪子去左三越買太陽餅!!!!


5時多去邊.... 又去左忠孝復興既hello kitty cafe! 本來打算飲杯野, 原來有min charge ga, 因為7pm又約左朋友食dinner呢! 點好!? 身邊有香港人話我地好彩, 唔洗排隊, 平時起碼排30-45mins!

我地唔係kitty fans, 不過都幾得意既! 睇下子件球衣? 都係kitty黎ga!

食完tea既一陣, 就去左好有名既<乾杯>, 今晚既係紀念日, 我地仲約左一個咁有緣既親戚呢!!!




幾日前到澳門得知表妹coco 同佢朋友mary都會去台北! 正好一齊食dinner啦!!!  <乾杯> 真係好有feel, 一入去d人好熱情, 而且狂炸機! 所以一入去都超high!  <乾杯> 有兩個regulations! 一個係8pm全店要乾杯, 飲完會送返一杯俾妳! 而另一個係, 如果你肯同身邊人親親10秒! 佢地就可以送多一碟俾你地!

兩公婆紀念, of coz no problem啦!!! 不過最攪食係個主持人! 佢地會問一些我地既info, 之後篇故仔!!!

笑到咁?! 係因為佢地話 ~ 李生李太今日黎係十週年紀念, 而十年前既今日佢地就係o係度認識..... 我真係"O"左嘴!!! wahaha不過都開心既!

呢個地方真好!!! hehehehahaha又一晚! 子仲撞到佢舊同事呢! 食得好開心既一餐!!!

食飽之後? 去邊好?!

士林夜市la!!!! 真係好熱呀! 我地幾個行左一陣, 又食左少少野.... 就趕返酒店啦!!! 因為北投部shuttle最晚係10:55pm!!! 不過都真係好開心! 去旅行我最愛就係夜市!!!

返到北投車站等shuttle啦!!! 10年前既呢個時間! Love you 子! yeah!

待續.... Part 2