12月17-20日 李家首爾滑雪"寒"遊 (Part 2)

Dec 19

估不到噚晚第一晚返到首爾就食到咁夜! 不過今日都冇影響我地既雅致呢!



今日係子既生日! 所以今日一切都係佢話事啦! 今日既第一餐又係去左我地上年食過最愛之一! 元祖雞

呢間店舖好近酒店, 行十分鐘左右就到ga啦! 影返張相留念先! 希望下次可以再黎食! 真係好食過人蔘雞好多, 要知點食? 睇返上年介紹啦!

不過今日自己身體好似仲係有點唔舒服, 真係令我有點擔憂呢.... anyway! always believe快樂可以治病, 所以繼續玩and食啦! 食飽飽之後去左Tiffany介紹既三清洞, 呢區有好多有特色既cafe, 拍拖必到之處, 旅遊書好少介紹, 可以自己邊行邊搵!

係咪好靚呢......? 


呢間玻璃屋食Tiffany推介既! 三層玻璃, 天台open.... 不過o係零下10度既時間, 都係stay indoor啦!

Settle左子佢坐底之後.... 都要盡力以雞鴨講既溝通方式安排一個切餅儀式啦! Happy Birthday ar! 

今日唔知點解真係咁凍, 我平時都唔係好怕凍, 不過今日真係凍到有d震震震! 反而老婆就話夠暖喎! 休息過後就去左近期最興既新沙江南區! 聽聞最多整容地方! 又係當地最多人去既地方之一! 不過兩公婆都係冇咩野行.... 行左一陣就去左行明洞啦!!!!

真係好凍呀..... 仲係負10度.... 子係咪好細心呢!  super warm!

上年瘋狂入貨既evisu.... 買左都著唔哂, 今年冇買野lu!

約左Tiffany食dinner.... 我地去左Donuts King等佢, 打算用佢wifi.... 但今年唔知點解冇得用.... 突然失去聯絡, 大件事! 影呢張相果刻好感觸! 因為上年都係坐呢個位, 又咁上下時間同朋友o係度whatsapp, 而今年又係呢個位... 好有feel呀!

最終都meet到tiffany, 不過當中我地又改左地方, 又聯絡唔到, 最終搭了的士到梨大食辣椒雞鍋.... 係咪好大個鍋呢? 食飽又10pm啦! 之後女士又去左shopping啦! 附近又有好多化妝品店ma!

想買個s3既電話套做愴情侶機套.... 真係要叫大家格下價! 今日同一款我見過35000 won一個! 最終我返回東大門18000 won only... 仲要係兩個! 兩公婆都買得好開心! 今晚仲返左去東大門唱錢.... 真係抵! 11:30am就返酒店啦! 街外太冷了, 見到地下有d結左冰既痰..... 你地話有幾凍呢!

Dec 20

今日就要離開啦! 而今次我地冇寄存行李o係酒店, 反而拎哂d行李到Tiffany位於Mapo既屋企, 因為佢屋企有多條機場shuttle線經過, 而且更近我地今日既目的地! 鷺梁津魚市場! 今次黎首爾應承子佢食皇帝蟹..... 哈哈!

買菜呢家野就更係等女仕出手啦!

都有去過上次好好service見店睇過, 不過今次其中一個店員好唔老實, 磅海鮮果刻又倒水上個盤一齊磅.... 唉! 咁就生意, 算把啦! 另一間買蝦, 又扮野打貴了價! 好彩身邊兩位阿太級都有返咁上下級數! 又有精明眼!  所以好放心!

終於搵到你啦..... 哈哈哈! 兩人份.... 差唔多啦!!!



去開餐啦! 第一道菜係生蠔, 之後係呢個..... 我叫異形煲! 好大隻呀!!!!

真係abit scary.... 好大隻呀!!!!

當然仲有主菜啦!!! 真係食到好飽好滿足呀....!!! 食都食到3pm呀!!!

食飽飽之後返左Mapo, 拎返行李, 之後飲coffee食cake.... 又到super market! 最後由Tiffany送左我地兩公婆到shuttle站! 之後就搭飛機返香港啦!!! 11:15pm左右就返到香港啦!!!! 今晚仲要係搭747-400, 當年既空中霸王! 不過landing果刻遇到氣流, 都幾scary.... 好彩都平安返到黎!  We are home!!!

4日3夜既trip就咁就完結啦! 今次黎個trip其實可以仲開心d ga, 不過最衰自己身體唔爭氣啦! 成日都唔係好舒服咁! 唉.... 而今次都幾memorable ga, 第一次同子滑雪, 又第一次過白色pre聖誕.......  希望今次大家都可以好好relax一下! Recharge一下prepare for next year啦!  希望可以快d再去多次Seoul啦! 越來越愛呢個地方!

Seoul!!!! See you again soon!!!!