8月6日 《BB戰車》選擇篇

作為一個準爸爸，為BB選擇戰車一定係最有趣既topic之一！

相信不少準爸準媽都一定有同感！行開BB店既時候，

最願意逗留長時間既一定係 Car Seat & Stroller Departments ^^

一直以來對Stokke都有一定好感！無論係設計，安全及質素！都有一定保證。 不過嬰兒產品當中，她的售價都較一般牌子貴！但她的產品真的很吸引！

選擇BB戰車！

兩公婆著重既係《車身高度》，《安全》，《外觀》及 《resale value》!

兩公婆shortlist了三款戰車！Stokke Xplory, Stokke Scoot & Quinny Zapp Xtra 2!

No.1 Stokke Xplory

價錢 HKD 11,480

呢部係兩公婆既心水戰車，每當外出見到Xplory都會俾佢外表吸引！其實幾年前花仔都係用Xplory V2車身！當年秋天時份，天氣清涼咁推住佢行科學園，勁舒服，又寫意！最重要係埋檯食tea開餐等! BB坐既高度係可以同張檯有一樣高度，BB可以一齊開餐，增強與父母既connection, 感覺良好！而其他車款可能只望住檯底同腳，感覺就...... 不過Xplory出名收摺有難度，希望新出既V4車架會有進步！不過此車的重量都係一個問題！另外當然係佢過萬既車價！一般普通BB車都係三幾千！

No.2 Stokke Scoot

價錢 HKD 6,980

Stokke Scoot 反而係我既心水之一！車仔較Xplory細，開摺較容易，而且有Stokke既優良設計，感覺非常適合香港道路，既靈活又輕便！個人非常喜歡！不過要用呢個價錢，可以買到好多其他很好既車款！而子覺得最唔值得既係，佢冇左stokke最重視既車身高度！要花近7000既車價，但同普通stroller冇乜分別，感覺有點不值！

No. 3 Quinny Zapp Xtra 2

價錢 HKD 3790

Quinny 既三輪設計一直都很吸引我！感覺非常輕便靈活，而且設計前衛！外觀很吸引！可惜之前有朋友講過，三輪車很容易反車，特別是上escalator時候！

聽過之後一直有點擔心！之後去過位於海港城既專門店睇 (咩3 Baby)就唔開名啦！年幾前去過，服務奇差無比，原班所謂sales, 不知所謂！無論係陪朋友，自己去睇！次次去既服務態度都係唔掂！去到都冇mood睇！再睇車身用料，同stokke有一定距離！Maybe 做2nd car ok 既！

Anyway, 冷靜再想想先啦！

經過一段時間行過BB店，個人覺得mother court服務最好，mother care and chicco專門店都係不錯選擇！