2月27日 再見Mini仔

再見了...  陪伴了我同子差不多三年的mini仔... 今晚送你到車行的一刻, 真的很不捨得, 離開了, 又行返轉到開開你隻門, 離開了, 又再返去摸摸你.... 真係要離開之時見著你一步一步咁消失.... 說真的... 我還沒有開夠棍波的你... 子走上黎同我講了一句 "賣仔莫摸頭".... 最都係要跟佢講句再見! 下午仲將佢還原至一部原裝車呢

三年前既6月... 經歷了很多的trouble事至可接你回家, 好彩你都好叻仔呢... 次次同你出街都帶結我很多歡樂....   開著mini仔真係好好玩... 快又得, 慢又得.... 最緊要既係佢令到我識到好多好朋友又令到我更愛開棍波車..... 呢幾年間佢既小問題都多ga.... 不過好彩大問題就冇.... 所以改佢, 維修佢... 有時都令到我幾煩呢...不過好彩大部份都係小問題....但計下計下其實都花左唔少錢...上左年紀都係咁上下呢... 有見及此, 由於今年又要開始驗車, 車又有些老化件又整, 加加埋埋都幾o禁計..... 既然剛剛結婚, 又有新居, 不如換部新車既有保養, 又係自動波子又可以開... 好啦.... 豁出去啦咁!!! 開部人生第一部"自己"既新車啦....!!! 不過都要五月至到呢...

噚晚好唔捨得, 之前仲同佢去返老家佢間房呢....

今朝就o係佢新房同佢影多張相....

Mini仔... 希望你快d搵到好人家啦... 再見啦...!!!

之後要冇車用成兩三個月.... 真係大件事and煩呢... 唉....