12月28日 聖誕玩具

話說今朝一早起身就去左ELEMENTS散步AND睇MI-4，打算睇完戲之後就決定要唔要部車仔去唔去俾訂， 之不過睇戲之前一刻，都係決定唔要啦！ 因為一日要做所有野， 好似未係好READY咁， 所以之後決定買返份禮物仔， 兩公婆就到左NESPRESSO入貨！ 最終～～～ 咖啡機入手了 本來想買藍色果部， 不過冇哂貨， 之後見呢隻色又可以襯返屋企THEME既主題色！ 就買呢部啦！ 今日仲有＄300折扣， 正呀！仲買杯仔﹠子彈！ 返工前最岩用！招呼朋友又得!

12月26日 Boxing Day = Aaron & Car again?!

今日係BOXING DAY！ 哈哈！ 即慶陪子睇左AARON！！！ 仲有STEPHY夠睇呢！

噚晚睇完AUDI之後， 成晚都心癮， 所以今早起身之後就同左子去AUDI既二手車場， 想睇下佢地二手車價再決定要唔要訂新車！點知竟然係二手車部竟然俾我地見到佢．．． 又真係幾靚仔又抵開．．． 子都問我係咪時候要換部有4隻門既車呢？ 咁即係老婆LIKE？ 

內外所有野都OK喎！不過．．． 唔係全新．．． 而我部車都係剛剛好年半， 新車換二手好似怪怪的， 不過即管傾傾啦！ 明天再續．．．


之後約左大佬到太子集合， 之後一齊去睇AARON！

正呀！ 超前既握手位！


今日同左大佬AND嫂一齊睇！


仲有STEPHY陪睇！ 佢都NICE GA！

最終今晚子佢超HIGH， 佢握到兩次手， 而我就一次再加拍佢一之背脊（哈哈！ 即俾SECURE打開我隻手）， 我地仲讓堆STEPHY一齊握！ 哈哈， 城城見到佢都有少少O左嘴， 想SAY HELLO， 不過佢唱緊歌！


極開心既一晚， 之後同大佬一家去左紅磡食宵夜， 之後就散LU ^^ 開心！

12月25日 Merry Christmas!

MERRY CHRISTMAS!!! 祝我身邊所有朋友都聖誕快樂﹠開開心心！ 今朝早SLEEP左一陣就要開門俾鐘點姐姐入黎執屋啦！ 不過我之後都係返房繼續Z.z.z..zZ.z.z.z.. 因為實在太TIRED啦！ 本來約左屋企人12PM飲茶， 不過都係頂唔順， 都係2PM再見啦！ 因為今日係表弟及未來弟婦受浸既日子！ 所以一起身就同子兩個趕出去呢！ 恭喜哂健仔AND VANCCI！ 聖誕節參加受浸禮都幾有意思呢！



禮成之後我地同姨媽及阿媽一家去食TEA， 食完之後就同大佬撞左入AUDI睇車， 又到年底， OF COZ問下有咩SPECIAL啦！ 點知問下問下， 同子又睇中了新AUDI A5 COUPE 2.0 QUATTRO! 計過條數又唔錯喎， 幾大CHANCE， 不過都係做下RESEARCH AND睇下佢收我部車幾多錢先啦！ 真係衰， 攪到我成晚心癮起！



晚黑就約左好姊妹JANICE同佢個男友一齊行尖沙咀睇燈飾AND影相呢！ 本打算在尖咀開餐， 不過實在太太太多人啦！ 跟住我地改左地方去食一好有地道風味既打邊爐， 真係好抵食又正呀！ 拾下拾下又過左個凍凍既聖誕夜！ 本來之後再上我屋企AFTER PARTY， 不過JANICE突然唔舒服， 所以我地散住步咁送佢返屋企， 之後都散LU， 希望佢快D好返啦！
。。。之後同子返屋企係咁睇DISCOVERY CHANNEL！ WHAT A HAPPY NIGHT！ 



MERRY CHRISTMAS！！！

12月17日 Surprise Party for NatNat!

NatNat 就黎生日! 做老公既更要俾個big surprise佢啦!  成個禮拜都扮到懶懶閒, 冇咩prepare佢生日既野! 哈哈哈! 都係想俾個驚喜佢呢!



其實早前已經約好哂佢身邊既好友及姊妹一齊同佢慶祝啦!  哈哈! 今次佢真係好surprise, 因為今晚同佢食dinner既時候, e~~~~ 一入到去, 點解佢地o係度既....??!!! heheheeh.....食飽飽之後, 我仲去左agnes b拎子最愛既cake呢!

食飽飽之後就趕返屋企, 因為仲有兩位好友黎參加呢個私人派對呢!  今晚真係要多謝好多人, 多謝子, shingo, janice, alex, liza, and 自己! 今晚所有人都真係好開心呀! 好耐冇試過玩得咁開心啦! 最重要既係所有人都名可以笑住玩! 醉住走! 盡興而歸! 哈哈.... 今晚真係飲左好多, 又whiskey, 又white, 又香檳rose.... 子今晚都醉埋, 認真少有!!! 子!!! 雖然今晚未到正日, 不過都希望妳玩得開心啦!!!  預祝妳生日快樂!

今晚呢個陣容真係一個字!!! 正!!! 一個私人小party! 兩個人wing到由椅跌左落地, 小弟係其中一人, 又有一個飲到自己去左嘔, 另一個就話自己冇嘔只係噴, 仲一個就越飲越勇, 而另一個就飲左少少... hahhaa... 自己配對返自己角色啦hahahah!!!!

12月15日 李太廚房聖誕特別版

李太今晚放工之後就連最愛既電視都唔睇, 一直留左o係廚房入面係咁焗,
焗 , 焗 & 焗 ! 不過佢真係整得好開心呢!

11月26日 快樂的假期

終於好完滿咁放完呢9日既Annual Leave啦！ 今個AL真係可以好好咁享受一下二人世界， 又可以好好咁休息下， 真係好！

對比年中既一個不是太盡慶既21日大假（當然包埋WEEKEND紅假）， 咁樣我先覺得係一個假期，雖然短短地， 不過可以先去一個SHORT﹣TRIP， 返黎之後仲有4日假期真係好正， 早上好好休息， 下午有時開車去較遠既地方食TEA。。。哈哈， 今午就開心啦！ 次次想去RITZ CARLTON既CHOCOLATE LIBRARY都FULLY BOOK， 今日總算WAITING LIST都入到去啦！ 兩公婆睇下MAGAZINE， 吹下水。。。好RELAX咁又一個下午， 佢地SIGNATURE既HOT CHOCOLATE真係。。。RICH， 仲係太甜啦！！！ 晚黑有時O係屋企飲杯SAKE， 又有時落CLUBHOUSE做GYM，清減一下HAHAAH。。。


而26晚都好開心呀！ 下午先到白石同子既公司同事BBQ PARTY， 見完結都係4PM， 兩公婆再直入西貢買料， 預備今晚屋企煮海鮮大餐啦！ 今晚真係有蝦有蟹， 真係正AR！ 不過第一次整咁大隻蟹， 整佢果時都幾恐怖呢！


唔知點解今次放假都真係好回味呀！ 希望快D到聖誕節啦！ 我已經急不及代啦！ 我已經拎左年底AL， 不過子就冇得放LU。。。 唯有等WEEKEND啦！

11月20﹣23日 李家秋季大旅行之首爾遊 (Part 2)

Nov 22, 2011 - Part 2啦！ 噚晚太好瞓啦， 所以今早成11AM至起身， 以去旅行黎講， 真係好浪費時間！ 不過天氣咁凍， 又真係好難叫自己早起！所以起身之後唔食早餐就直接到東大門附近搵書介紹好出名既陳元袓補身雞， 不過由於真係好地道而且位置又難搵， 所以都搵左一段時間又冷左好一陣至搵到！
終於搵到啦！ 真係既熱辣辣又好味！ D湯真係好正GA！

11月20﹣23日 李家秋季大旅行之首爾遊 (Part 1)

返黎啦！ 返黎啦！今次呢個TRIP真係玩得好開心呀！ 完全同上年個日本TRIP有得比呀！ 有睇開個BLOG既朋友都知我兩年前都有去個韓國， 上次跟團玩我真係覺得好普通， 今次自由行真係好正呀！ 而經過今年中既英法之旅之後， 一直都好想同子兩個人再出去旅行！ 今次就好快手咁籌備左呢個4日3夜既SHORT TRIP，都真係好正！ 而今次真係一個極凍極凍既首爾自由行旅程, 連一向唔怕凍既我都真係怕怕! 今次旅程同李太自由自在, 盡食盡買! 開開心心咁完成左個李家秋季大旅行! 正呀!

11月19日 向世界出發

每年都希望可以achieve到一個長, 兩個短既旅行願望! 不過由於子今年返新工, 所以幾時放AL大家時間都唔係好就到!  直到兩星期前confirm到個假之後, 我地就即時訂package出發lu!!! 由於最想去既日本愎又好似唔係咁穩陣咁... 所以我地今年決定再一次去我地兩年前去過既地方...



首爾!!! We are coming!!!

11月16日 要健康, 加咩好?

一直以黎都好想為李家做好無塵家居! 因為子有鼻敏感, 所以什麼什麼3m filter, sharp水份離子空氣淨化機都整齊! 當然住在市區, 要做到無塵係冇可能既, 不過都盡量清潔些啦! 今日又加左一樣新野, 希望可以更健康些!



登...登...登.... 登.... 就係新既Philips 4重Filter & 水壺! 李太廚房煮食好清潔, 不過我依然覺得個人要更健康, 屋企水源既清潔真係好重要!



呢兩星期都有d鼻敏感(中醫話我), 攪到喉嚨成日都唔係好掂, 希望快d好返啦!

11月2日 Mini Coupe Launch Party

今個星期認真充滿節目， 今晚收工之後接埋子就去左NEW MINI COUPE既新車LAUNCH PARTY！
而今晚既主個就係MINI第一部既雙坐位COUPE！

10月13日 YAHOO BLOG升級了

YAHOO BLOG終於被強制升級了！ 一直都很不願意UPGRADE， 又怕之後唔識用， 又怕要重新做好多好多SETTING， 所以一直都想多一事不如少一事， 不過眼見好多BLOGGERS既UPDATE都睇唔到， 都知離UPGRADE既時間都不遠了。。。不過今日突然開機， MSG就話一係癈左個BLOG， 一係CLOSE左佢 OR 一係UPGRADE， 都冇得選擇啦。。。UPGRADE啦！ 不過我仲好鍾意舊版 ^^

太多太多回憶啦。。。2007年開始用， 又SINGLE， 至轉工， 至買屋， 至結婚， 至。。。好多好多回憶！ 

不過都要有個新開始啦！ 希望大家繼續ENJOY啦！

新地方， 新開始！

10月8日 蟹燒紅酒之夜

今個週末實在過得快樂！ 因為今晚一大班朋友安排既BBQ﹠RED WINE PARTY， 實在係太熱鬧又好開心呢！  真係好羨慕有住HOUSE既朋友，屋前既有一個大大既車房， 屋後仲可以燒野食開PARTY！ 真係正！ 

而今晚既攪手就係MADAM ﹠ BRIAN呢！ 今朝一早收到佢地既MSG話有走私蟹， 走私墨魚， 仲有刺身， 牛扒， 羊架等等等等。。。！ 所以一飲完茶就即刻接埋ALEX一齊入去。。。

哈！ 入到去天未黑就已經開始啦， 睇下呢枝頭1500ML既RED幾咁大枝！

今晚真係有好多野食呀！ 睇下D蟹幾咁大隻！ 燒既蟹真係好香GA！

之後再燒好多肉食！ 今次真係長肉啦！

我都扮下燒CHICKEN WING先！呢種天氣清清涼涼～～～正！

HEHEHEHAHAAHAHA 咁食食食飲飲飲！

飲飽食醉之後就更係坐埋一齊吹下水啦！ 咁先開心盡興！

由於要開車， 所以我都唔係飲好多， 不過都夠盡興呢！我已經開始期待月底既大閘蟹局！

PS﹣聽日係子既靚靚好友JEN A既BIG DAY， O係度預祝佢新婚快樂！ 聽日見啦！

10月6日 Steve Jobs

今朝早一打開FB， 全個版面都係STEVE JOBS既新聞及照片， 仲要係黑白照， 心知不妙啦  Steve... R.I.P. 

Apple 老板／蘋果教主離開了！ 其實我不是教徒，更不是一個狂熱既APPLE FANS， 我反而只係一個USER， 只係想去嘗試一下當今世界覺得最好用既科技！ 對於最近轉用了不少APPLE PRODUCTS既我，今日見到呢個NEWS， 心中都覺得很可惜。。。身邊有朋友話佢係勁人， 又有人話佢係無良奸商。。。WELL。。。呢樣野我又唔係評論， 永遠歷史自有公論。。。

不過有樣野係真既， 就係佢改變了這個世界既一些生活模式， AT LEAST對於我黎講， 一早起身就會拎起部IPAD2， 睇NEWSPAPER及FB， 之後出街又一定拎住部IPHONE， 收發EMAIL， ONLINE， MP3， PIC， WHATAPPS， CALLING等等等。。。。而最近又不停咁用部MACBOOK， 用得開始仲多過PC， 不能否定， 我都開始被同化了。。。 一塊細細薄薄既IPAD2， 我覺得係當今最好既發明， 佢將我小時候睇漫畫既法寶變成真了。。。

當然APPLE係勁識做生意既公司， 呢樣野好多人都明白。。。

其實我唔係好識教主， 反而係最近會睇返一樣我好欣賞佢既地方 PRESENTATION SKILL。。。由於工作需要， 我好多時候都會睇人做PRESENTATION， 而佢既PRESENTATION， 係好做得好出色AND精彩。

最後一樣令人反思既又係生老病死既一課， 無論係一個富可敵國，或者係幾咁智慧天才。。。這一關都係人生必經一關， 大家活在當下及要身體健康呀！

今天既新聞， 我相信不只是APPLE既損失， 反而係全世界既損失。。。 

Thanks for bringing us i-products steve! R.I.P.

10月5日 重陽假期

今篇BLOG係我第一次用MAC機UPDATE GA， 不過唔知點解新既＜速成＞好似同我用開既WINDOW XP唔同， 又有D似WINDOW VISTA個版本， 所以打得好唔慣， 仲可以講係龜速呢！唔知有冇辦法轉用舊既版本呢？

今日係重陽， 本來打算同老婆一齊去拜山， 不過子之前有D唔舒服， 所以都係留返係屋企啦。。。 見今日係假期， 都係好好休息下！

今日下午又去左APPLE STORE買左呢個MACBOOK PRO既套， 唔知點解一睇就好鍾意， 見到佢就好開心咁， 即時就買左啦。。。

其實今朝起身之後打算同子兩公婆上山頂食早餐， 重陽節點都要登下高 ^^ ， 今日天氣真係好好呀！ 不過可惜未上到山頂就超塞車啦。。。 既然上唔到山， 就改左同子去西環海傍。。。改食LUNCH啦。。

好有FEEL咁望住個海咁食左一餐之後就再到IFC SHOPPING，哈。。。我就去左買個MACBOOK 套LOR！ 買完野又到AGNES B食TEA。。。超肥仔！

買完野之後又返左老家， 接埋阿爸阿媽再MEET大佬AND大嫂到大坑達摩食拉麵呢， 好滿足既一日!