11月20﹣23日 李家秋季大旅行之首爾遊 (Part 1)

返黎啦！ 返黎啦！今次呢個TRIP真係玩得好開心呀！ 完全同上年個日本TRIP有得比呀！ 有睇開個BLOG既朋友都知我兩年前都有去個韓國， 上次跟團玩我真係覺得好普通， 今次自由行真係好正呀！ 而經過今年中既英法之旅之後， 一直都好想同子兩個人再出去旅行！ 今次就好快手咁籌備左呢個4日3夜既SHORT TRIP，都真係好正！ 而今次真係一個極凍極凍既首爾自由行旅程, 連一向唔怕凍既我都真係怕怕! 今次旅程同李太自由自在, 盡食盡買! 開開心心咁完成左個李家秋季大旅行! 正呀!

今次個BLOG會分PART 1 ﹠ 2去寫，希望大家都鍾意啦！ 其實去韓國一直都好抵玩， 因為無論你係搭國泰OR大韓都係凌晨機， 去到正好係早上， 所以可以玩足成日， 都抵玩GA！而今晚我地食完飯就直出機場， 搭0020既CX！ 哈。。。順手影埋買大左一個SIZE既HAND CARRY先！個袋好得意， 不過大左少少！


NOV 20， 2011﹣ 凌晨4：30AM左右就到機場， 第一件事就更係換錢啦！原來明洞換最抵有147， 機場140， 而香港132。。。大家可以參考， 不過由於點都要有D錢係身， 所以我地都係O係香港AND機場換。。。



攪掂哂就出機場門口等SHUTTLE， 真係比個INFORMATION點左， 攪到MISS左兩班車， 不過一出機場就已經FEEL到寒意啦！ 不過當時都仲頂到！ 我地搭理6001到酒店， SHUTTLE既SERVICE超好， 搬哂行李， 有暖氣， 而且一定MAKE SURE人人有位坐！ 14000WON一位！



呢間係我O係網上最多人住過又有好COMMENTS既WESTERN COOP RESIDENCE， 由於近地鐵AND東大門， 所以極方便！



由於到酒店都係8AM左右又未可以CHECKIN， 所以留左D行李O係酒店之後我地就先O係東大門附近行下， 點知一行就出事啦！ ﹣2C ONLY！！！ 真係好凍呀！ 一直以來勁唔怕凍既我都要投降！ 一行D勁冷風吹到我都要掉頭走， 走入了一間24HRS既快餐店飲杯暖野！ REST左一陣再行， 不過感覺都係一樣， 心想出事了， 點頂幾日呀？！ 又話GORE-TEX ＋ FLEECE可以頂到極凍既天氣， 不過卻冇帶到件低衫， 真係出事， 不過都要頂啦！ 今次NATNAT叻啦！ 因為佢仲拎多左件羽絨背心， 所以佢都OK！ 反而今次我隻手仲凍過佢， 真少有！影呢張相真係凍到拎唔到出黎呀！NATNAT即時都買左隻毛毛耳仔呢！


見時間都OK！ 即時開始第一曰既旅程， 我地先趕去景福宮睇換兵儀式， 正好趕得切開始， 如果唔係又要吹風等啦！


呢個就係韓國既皇宮！ 今次本來打算去紫禁城黎個詳細遊， 不過今次改左去SEOUL， 都好啦！


個皇座咁普通既？！


呢個就係皇帝接待外國使節既地方， 依家都唔開放比遊客GA！ 遊覽景福宮真係好舒服， 因為都唔太迫， 而且D人都OK既， 如果係故宮， 一定人山人海！


行左個多鐘之後就去左附近， 又係旅行書介紹最出名係人蔘雞地方 （土俗村）， 真係好多人排隊！


天氣又咁凍， 之前又冇食咩熱野， 所以我地都好期待呀！ 等左25MINS， 終於等到啦！


熱辣辣！ 一人一鍋！ 好味呀！ 不過D茶就凍D。。。！ 食飽飽之後真係頂到一陣！ 不過由於真係太累啦！ 所以3PM左右我地就返左HOTEL CHECK IN ﹠返去小休一陣。。。因為噚晚真係SLEEP左唔夠一個鐘！


睡醒之後就即刻出去東大門行街街！ 咁凍。。。當然要食下街頭小食啦！ 行完一陣又去搵野食啦！



揾左好耐先搵到書介紹最出名既烤肉店！ 搵左好耐， 吹左好耐風先搵到！ 原來權家明家改左名啦！ 我依家叫佢肥仔號！


呢間係我O係SEOUL最推介既食店！ 簡直係10星推介！ 幻想下天氣咁凍， 食辣辣暖笠笠， 又抵食！ 勁LIKE！ 食飽飽之後， 行左一陣夜市就返酒店休息啦！ 我去每一個地方最鍾意就係行夜市， 因為真係可以睇到人地既CULTURE！而子仲買左對毛毛鞋保暖呢！




NOV 21， 2011﹣ 由於今次自由行都唔係太急趕， 所以我地都SLEEP到夠哂先出發！ 今日去既第一個地方就係老友介紹必到既汝矣島附近既鷺梁津水產市場！


睇下子佢幾有興趣！  樓下買料， 之後可以上樓上俾人煮！ 不
過大部分餐廳都係日本AND韓文為主既？


鯊魚頭？！


之後撞到一間識國語， 即刻講價啦！ 又可以介紹埋餐廳！ 正呀！


係咪好吸引呢？



我地都叫左好多野， 又蟹又鮑魚又8爪魚好多野。。。睇下子食既SASHIMI， 隻8爪魚仲郁GA！！！


仲有好正既長腳蟹！ 本來好想食皇帝蟹， 不過真係太大隻啦！兩個人食太浪費啦！



食飽飽之後我地就去左弘大， 因為有好多野賣， 而且有好出名既HELLO KITTY CAFE！ 個BELL都係HELLO KITTY GA！ 當可以拎野時係會響GA！

哈！ 見好多人都寫左野O係牆， 我地都多下手先！ 大家睇到上面個位， 如果有機會去到， 再影張相俾我睇下啦！



當然仲要同主角影下啦！ 不過講真喎， D CAKES AND DRINKS都唔錯喎！ 好彩子INSIST要黎， 都唔錯喎！



之後就留左O係弘大附近行夜街！ 講真都幾多野睇！


行到累累地就提意去明洞食首爾最出名食韓牛既地方， 景福宮！ 不過真係太累啦！ 子都要係車站REST REST！


到左明洞之後就即時去搵景福宮， 不過都搵左好耐呀！ 去到有暖氣既地方真係好！


價錢都OK既， 不過偏貴， 好睇你食咩！ 不過我想介紹既係綠色果枝＜真露＞， 都叫飲得既我， 4細杯已經開始WINGWING地！食得都幾開心呀！ 飲飽食醉之後就兩公婆拍住拖咁夜遊明洞， 天氣冷冷其實都幾浪漫呢！

行左一陣就返酒店啦！ 間房係咪好似渡假屋呢？ 有廚房， 書房， 睡房， 樓下LOBBY仲有WIFI上網呢！ 由於食得太多熱氣野， 所以晚晚都要整杯清熱號， 原來又真係幾有用喎。。。燥底既我都冇喉嚨痛！ 勁！

今晚係明洞仲買左隻GIRLS GENERATION CD呢， 佢地隻THE BOYS真係O係街頭勁播！ 本來想買隻MIX埋其他歌手既雜綿碟， 不過又搵唔到！ 我每次都希望買隻LOCAL最興既CD， 之後當你聽返隻CD既時候， 你就會記得當時年代及地方最興D咩。。。


續。。。PART 2 will be updated soon....