11月20﹣23日 李家秋季大旅行之首爾遊 (Part 2)

Nov 22, 2011 - Part 2啦！ 噚晚太好瞓啦， 所以今早成11AM至起身， 以去旅行黎講， 真係好浪費時間！ 不過天氣咁凍， 又真係好難叫自己早起！所以起身之後唔食早餐就直接到東大門附近搵書介紹好出名既陳元袓補身雞， 不過由於真係好地道而且位置又難搵， 所以都搵左一段時間又冷左好一陣至搵到！
終於搵到啦！ 真係既熱辣辣又好味！ D湯真係好正GA！





食飽飽之後就行下後街， 睇下地道人LUNCH食咩， 煎魚烤肉等等。。。D店舖好阿媽煮飯FEEL， 佢地仲用隻匙去試味， 之後再用同一隻匙去煮。。。子佢“O”o左嘴， 不過我又覺得好正常！


食飽飽之後我地就開始我地今日既明洞Shopping Day! 第一個站就係樂天百貨既雪花秀！ 真係好後悔第一個站就去果道， 因為真係買左好多野， 仲好鬼死重， 拎到我手都斷 不過期實我都買得唔少， 個個話好重， 咁我都試下啦！

行過樂天之後就入明洞掃掃掃！ 本來想去返兩年前既32CM ICE CREAM， 不過搵左好耐都搵唔到！ 所以就搵間最多人食果間買啦！


食完之後就去左EVISU狂掃男裝， 不過之後要等3個HOURS等改！ 見都幾累， 又坐下休息下！


之後去買化妝品手信！ 呢幾間係SEOUL真係都幾出名， 四圍都見到佢地既分店！


而呢間就係我噚晚買CD既店舖， 其實都OK抵GA！


行左一陣， 又去食地道野， 今次食炒年榚＋飲魚肉湯！街頭凍冰冰， 再食D熱辣辣既野， 真係好有FEEL！


拎得啦！ 拎得啦！ 不過點解其中一條JEANS既SIZE唔岩既， 又要等多30MINS， 點知。。。又買多幾樣野， 最終？4 Jeans, 1 Jacket, 1 Sweater, 2 Tees, 店張見我地咁SUPPORT， 仲送左冷帽 ＋ 4對SOCKS。。。真CRAZY！


行完之後真係太多野拎， 打算返酒店放低D戰利品先， 點知明洞突然有示威， 好多防暴警察出黎呀！


返酒店放低左之後， 我地又去左第一晚既肥仔記ENCORE， 今次影多幾張相， 用CASE你地要去， 可以搵到！


又食好野！ 幾開心！


最好食既係條五花腩！入口即溶！

個廣告燈箱係咪好得呢！食飽飽之後又行東大門， 行到成0030至返酒店， 有夜街行既地方真好玩！ 估唔到半夜都仲咁熱鬧！


Nov 23, 2011 - 最後一日啦！ 1130寄存左D行李之後就出發啦！ 一出去又見到D韓國車， 其實都幾靚， 雖然係抄款， 但係都唔錯！ 點解強國又係抄， 成日都抄得咁UGLY， 而且成日都俾人鬧！


一直想睇電器產品， 書介紹去龍山， 行左一轉其實都係冇咩特別！我地只去行左IPARKMALL， 不過冇咩睇！


行左30MINS左右就走啦！ 12PM就改去梨大！ 見到電訊公司， 影張相先！ 上次去英國， 剛推IPAD2， 半年後既今日就係IPHONE4S！


行左一陣， 又未搵到野食， 又食街頭小食， 不過好凍呀又！


再行行行！ 終於搵到餐廳食！ 石鍋飯＋辛辣麵！ 總算食到啦！超抵食呀！


食飽飽之後就趕返酒店搭機埸BUS到機場， 我地搭1940既CX， 不過我地搭1530既SHUTTLE出去， 好彩JA， 原來車程都唔短GA！ 我地成1730至到機場， CHECKIN ＋ TAX REFUND之後， 都1830啦！ 搭SHUTTLE其間仲見到個天有少少飄雪！


晚上10點幾就返到香港機場啦！旅程圓滿結束！


本來打算出去食野， 不過因為太累， 所以都係留O係屋企影下D戰利品啦！ 哈哈！



今次既旅行真係好開心！ 好滿足！ 雖然只係短短四日， 唔知點解依家已經好回味啦！ 希望快D兩公婆又可以一齊去旅行啦！
PS．好彩仲有4日假可以休息多幾日！正！