上星期過開機場, 中途見順路就拎部車車返車廠, 俾佢地跟返上次做services既一d手尾, 順手叫佢地跟跟alignment.... 心想, 星期四放底, 星期五返都ok啦.... 點知..... 出事了! 星期五拎部車.... 佢地做完alignment仲掉埋車軑, 之後部車出現嚴重偏左問題, 由於急住用車, 叫佢還原前後軑, 之後好了些就走.... 約左星期一再返去攪...
星期一拎返部車去廠, 放工去拎返... 佢地叫左個技術部既師父跟我車...而偏左問題仍在, 而在車中既對話大致如下....
師父 - 部車我地已經做了alignment, 又跟過車軑, 所有野都within車廠既acceptance level, 可以校既都已經校左...... (我當然話不認同啦), 佢話就算再擺部車都冇用啦.... 佢地可以做既都做左, 更唔知仲有咩整, 好驚waste左我既時間, 過幾日都係咁偏左....
之前個維修部仲好笑.... 可能坐人多了, 令到車偏左.... 其實vw/audi既車都係會偏左不過係多定少..... 當然...路面影響及車軑損耗有影響我都明白.... 不過d答案都唔好咁naive啦........ 車廠竟然唔識整車.... 同我講佢地都係頭痛醫頭, 腳痛醫腳, 壞乜換乜... 頂! 識得換, 但有問題就唔識find out the problem and solve the problem... 咩車廠呀?!
之後返到車廠...service ambassador問我點.... 我話明哂.... 我俾你地整之前係正常, 依定你地攪到偏左出問題你地又話正常.... 維修部技術部又話正常.... 即係你地車廠既車係有偏左問題都係正常....... 其實我明, 機械野都要撞手神, 不過我俾佢地之前正常, 依家偏左一定有問題啦.... 但廠死話正常... 我話咁ok啦... 你地出返封black and white confirm呢個issue係正常... 我就ok啦... 不過... 我會搵d高手參酌一下... 不過anyway, 我係唔會收車.... 之後佢地安排左部replacement car俾我代步用.... 叫我等幾日佢地會再跟...
updated
事件係4月15日下午暫時解決.... 今次佢地有誠意好多... at least我知佢地校左好耐...唔係求其交返俾我, (因為行左我部車成二百幾公里) 而sa仲重申佢會自己test過再交俾我,所以調校後果暫時接受啦... 依家都直... 不過我覺得仲係調校之前好一點.... 不過都唔想再煩啦... 遲d搵坊間expert去fine tune啦...... 唉... 真係冇想過返車廠既經驗係咁ga...買新車都係希望有好既after sales service啦, 由攪到好perfect, 至出事, 至冇符, 至盡調校..... 不知所謂!
依家部車返黎啦.... 唔想再煩啦... 希望倆公婆都可以好enjoy部車車啦...!!!
真係好灰喎~~~ 銅鑼灣有度度呔呎好平, 仲幾好添, 我d玩開track既朋友都係果度攪, 你有興趣我比information你!!!
回覆刪除[版主回覆05/03/2011 20:56:00]好呀... 要攪果時搵妳.... thx alot!...