4月21日-5月2日 英法之旅+曼聯朝聖夢 (Part II)

不好意思!!! 要大家等左咁耐, 終於有時間可以update part II啦!!! 希望大家都會鍾意睇啦... ^^ Part II既開始係紀錄左o係London & Paris 兩個城市ga

Apr 27 - 一早起身o係holiday inn express食左早餐之後就出發到車路士既主場standford bridge stadium, 不過都係等我既part III啦... 由於大家之前幾日又病, 而今日子都開始唔係好舒服, 所以大家都唔係太精神..... 再加埋早餐又一般... 大家都好想食餐好野!

由車站落車就見到有台灣麵?!!! 大家都好開心, 打算行完球場之後就出黎食, 點知希望越大, 失望越大.... 行完球場出黎, 間麵店原來冇開門ga.... 大家心都灰哂, 睇下natnat個背影都知佢幾失望.... 我地都係想飲啖滾熱辣既牛肉湯ja....

見大家食唐餐既意慾咁大.... 即時去china town搵食.... ^^ 第一間去食, 點知都係好一般, 不過都冇所謂啦... 起碼有水餃食下..... ^^ 食飯時又到jason naughty..... 攪左一陣... settle左我地又再出發lu..... 去邊...?!

大笨蛋.... 哈哈... 係Big Ben至真.... 兩公婆總算一齊到英國首都 London啦!!!

四圍都有慶祝royal wedding既活動....!!! 而作為英國國民既我... 當然要探下女皇啦!!! 不過今日佢冇出黎喎...... 對上一次黎已經係10年前啦....! 由於梁生話黎過好多次, 所以得我, 李太 and 梁太一齊行.... 仲行左個公園呢.... 不過攪錯, 咁大個park冇toilet ga...

四圍都有好多記者, 仲有好多人排定隊等皇子大婚... ^^

熱鬧完之後更要去返d英國景點行下街街啦, 我地仲食左日本小食呢...

幾大英帝國feel.... 好多國旗呀...!!! 無日落....

一直行左好多地方之後我地又返左去china town旺記開餐, 去到呢個地方我又想起當年黎英國住o係大佬屋企, 之後成日同wilson地一齊出黎食飯, 仲週街泊車呢...

食飽飽之後就返左酒店, 仲同jason玩拍片呢...hhohohohoho...


Apr 28 - 一早起身.... 之後第一個去既地方就係大英博物館... 又稱"賊豆"... 唔識寫個字呀... 大家明就得啦.... 不過中國館依舊咁細..... 因為我知佢地唔只得咁少國寶... 見到呢張相, 相講返句十年前後..... 十年前自己一人在相中, 十年後已經同老婆一齊黎...

行完之後又去開餐.... 食飽飽之後我地又去下一站.... 阿仙奴主場....聯長球長, 不過我都係鍾意高貝利.... 有feel d... 不過都係果句... 等part III啦...

行完球場, 我地改搭taxi到burberry既warehouse.... 嘩... london cab真係幾貴, 而且個driver成日都話唔識路.... 頂......入到去of cos又買野啦...

今晚終於可以一見.... 認識近十年既一個網上好友..... 由當年o係澳洲已經開始傾計到今日.... 大家終於見面啦... Priscilla!!! 大家當年仲讀緊書, 而唔同既係佢o係英國, 估唔到今日大家出黎都已經有家庭啦...... 今晚好多謝佢地特意出黎, 仲車左我地幾個一齊先到一些景點, 之後仲去左食好好味既越南菜.... 而由於natnat喉嚨越來越唔舒服, 佢地仲同我地去左英國既超市買藥呢.... 真係多謝妳地呀....!!!

晚黑仲同我地去左london既一個靚景點.... 李梁英國之旅團體照! 哈哈... 之後仲要多謝pris一家車我地返酒店.... 哈哈... 好驚險呀... 因為我地咁多人... 不過好開心and好好玩咁呀... hehehehe希望遲d可以再見啦....

Apr 29 - 今日係Royal Wedding, 全個london氣氛都好好, 由於怕之後封路, 所以我地都早左出車站, 預備搭Euro Star到paris... 不過其實我都想stay london睇royal wedding ga, 不過訂哂野, 冇法啦.....

婚禮開始啦.... 全英國國民都好開心... 個個都話皇妃好elegent and pretty... 我地點睇...? mac book pro啦.... 哈哈... 睇直播.... 多謝機主既sharing....

個多hours之後就到Paris啦....

不過由於好多朋友都話paris真係要小心小偷, 而且剛到步時同taxi driver又雞同鴨講, 所以感覺都係好一般啦.......  返到酒店仲....  e~~~ 好似有陣味咁既... 仲好似有d血跡 o係toilet度門.... 唔係卦, 之後15mins左右, lobby個人打上黎話room keeper之前都feel到有味, 佢地主動幫我地換房... 我話冇問題, 住近我朋友就ok啦.....

留左o係hotel一陣又出去啦....感覺越來越一般... 地鐵真係好dirty, smelly and好多人都好似賊賊地咁........ 攪到人都有d緊張.... 始終又係中國人, 又有小朋友, 而natnat又越來越唔舒服, 所以都要extra照顧佢..... 不過anyway啦.... 我地終於到左Paris啦... 一直我覺得好romantic既地方.... ^^

出左站一陣... Jason又倒旦啦..... 哈哈....... 不過我地冇理佢呢... 哈哈....

之後行香榭大道..... 全paris最靚係呢道啦.... 晚黑一定好有feel... 不過今日開始天氣都開始轉熱啦...

開飯啦.... 食下seafood先... 不過都係香港好熱d..... 而點解搵呢間位於香榭大道既restaurant, 因為有wifi上網lor...!!!

食飽飽之後本來想去鐵塔行下... 不過大家都有點累, 而且nat又唔係好舒服, 所以大家行左一陣都返酒店啦......

Apr 30 - 噚晚返左酒店, 先知原來阿doug同女友都到左paris shopping, 所以即刻大家whatapps交換情報, 而natnat又問左酒店既advice... 所以改左今日去shopping, 因為明日係星期日, 到時d shops會close哂..... 所以一早起身就去Lafayetta.....先到LV...不過真係好多國內人, 買到好似街市咁....... 感覺一般....而子今朝開始失埋聲, 噚晚又睡得唔好... 真係有點擔心佢... 不過有得shopping, 佢應該好d...

行完之後約左阿doug佢12pm o係Chanel既Head Store等.... 大家見左一陣就入去啦.... natnat最期待就係呢個"景點"....據說到Chanel既head store shopping係可以有13% tax refund, 比起出面多1%.....

子當然有收穫啦....

行完之後大家先去醫肚, 之後又返去老佛爺血拼.... Parda, LV..等等... 好彩子黎paris之前係有準備, 而且大家都知要買咩... 所以好快又買哂所有佢要既野啦... haha...冇哂cash lu..... 由於真係又熱又累.... 所以今日下午5點幾已經要返酒店啦.... 休息下.... 順便幫d戰利品影下相先......本來想再出去, 不過都係冇啦... 今日太累而且有點唔舒服...>.<

May 1 - 一早起身又出發啦.... 今日打算係以sight seeing為主啦... 

不過都要到hsbc提款... 因為真係冇咩cash啦... >.< 以為用premier banking可以wavie埋手續費, 點知佢扣左credit card戶口.... 咁即係又收手續費+interest... 真係唔抵.... 作為我地呢d budget travellers, 都真係幾唔抵...... 不過冇計啦....

之後都想到LV買野... 可惜close左...就係呢度... 唉.... 之後改變了很多...

之後大家開始sight seeing.... 買了2days pass.... 可以四圍去...!!!

鐵塔呀...!!! 到此一遊就夠啦...   今日沒乜mood... 不過都影張相紀念啦!

Jason依然同我咁"恩愛"?!

之後我地去了聖母院... 即刻想起了<達文西密碼> , 而我地仲去埋羅浮宮.... 唉... 為左影呢張相, 我成部相機仲跌落地了... 好彩仲用到.... 不過好可惜呀.... 因為今日竟然冇開門, 我地個個都成十個"小"呀...... >.<

最後我地改出去香榭大道食tea.... 飲野, 感受下paris既sunday..... 飲飽食醉, 之後又返酒店, 感覺paris不是太好.... 所以都冇四圍去, 反而開始有點miss香港.... wa.... wa... 大家睇下地價最貴, 而又最多尊貴牌子既香榭大道.... 就咁睇仲衰過國內既車站 >.<

返到酒店我地兩家仲去左酒店對面既韓日食店開餐.... 呢餐就係我地返香港前既最後一餐晚餐啦......  籌備了近半年既trip....過埋今晚就完結啦....

May 2 - 今朝一早我地call左馬生介紹住o係paris既香港taxi driver...., 佢用佢部大 benz cab車我地到機場.... 我地就返香港啦...... 再見啦....英法之旅!!!

我地之後搭星航既A380.... 先到新加坡, 之後再轉返香港.... 我地今次終於買到A380部飛機模型啦.... 好有紀念價值呀....!!! 返到香港大約係1pm左右.... 之後我地返屋企休息, 晚黑就陪子去左睇醫生, 之後仲探外父母.... 好在仲有一星期annual leave先返工, 倆公婆都仲可以好好休息下....

總結 - 今個trip既主要目的都完成了.... 曼聯之旅在極好天氣既情況下超額完成, 既有贏波, 仲可以睇哂好多野.... 而仲去盡左英超big 4主場, 更是超額完成! 而NatNat仲可以o係paris入貨.... 想買既都買了.... 佢都好開心啦....!!! 一直覺得最浪漫既地方都陪子去了! 而且今次仲同好友一家, 再加上同jason既連續多日相處, 感情更是深厚了.... 不知之後不可以再每一天見佢, 我同子會唔會捨不得呢??!!

而其實個trip既上半部大家都好開心ga, 不過下半部就可能因為大家都開始累再加大家都有點病.... 所以個mood都少了些...  再加上paris俾我既感覺真係好一般.... 本以為係好浪漫既地方, 點知成日要防小手, 加上要照顧病了既natnat, 再加jason b, 所以都有點壓力ga... especially上車下車既地方, 個人比較喜歡英國多一點.... 最令到我意外既係Bath City... 因為真係好靚呀! 有機會好想同我屋企人黎多次......多年曼聯夢想, 半年籌備既英法之旅.... 總算夢想成真!

可是有些事卻令人遺憾...