5月21﹣24日 李家曼谷“泰Hea"之旅（Part 1)

返黎啦！返黎啦！終於返左黎香港幾日又有返少少時間去update個曼谷之旅啦！不過都係update住part 1先啦！ 搵相寫blog其實都有d難度， 因為一直寫Blog都係以自家遊記記錄為主！所以都影左好多相， 有d相影出黎唔係好靚，不過卻幫我記憶返我去過邊做過咩！用邊張好， 真係頭痕！ 不過發現原來旅行blog特別多bloggers 用黎搵資料（哈哈！其實我出發之前都係上blog搵好多hotel資料， especially係一d住過間酒店既comments真係好重要）所以今次真係破紀錄用左成40張相去寫一篇blog! 希望除左做自家遊記之外， 更可以幫到plan緊去bangkok既blogger朋友啦！



正如上一篇blog所講， 其實今個trip都有係ad hoc安排， 本來想去華欣＋曼谷5日4夜， 但想去既Let's sea又full左! 所以最後更改左至4日3夜既曼谷“泰Hea"遊！選左好多間酒店， 最終選擇了最高人氣既Siam Kempinski & The Okura Prestige! 一次過試哂兩間靚靚酒店！正呀！ 今次最主要都係想HEA， 想SPA， 所以HOTEL AND SPA係最重要既一環！提下大家過去做SPA， 緊記booking in advance, 通常都有discount， 而且有名既SPA好都已經FULL了！今次個trip仲同大食團之友既張生張太一齊出發！所以都有點期待! 食出香港！


May 21 (Day 1)

出發啦！6：20AM就出發去機場， 最近次次出發都影張出發照 今日好好呀， 因為有專車接送！




天沒光齊！ 就由張生驅車入機場， 其實相信大家都沒睡醒， 因為今早成5:30am wake up, 而噚晚仲3am先sleep, 一邊Plan行程， 又要confirm SPA booking, 因為有D覆左fully booked， 咁又要上網搵新target， 又要重新訂過行程！ 辛苦哂子！

呢張都係例牌出發照！ 本來0855機， 點知都delay到0955

兩個多鍾行程就到啦！ 真係快手！ 到左bangkok既第一步當然係“唱”少少錢搭的士出酒店， 好多朋友介紹要用299銖出張7days無限data既sim! 有冇用見人見智， 個人覺得如果酒店都有“快”WIFI， 其實買唔買都冇所謂， 因為放假個人都唔係想成日上網！ 不過出一張又平，有事又可以用， 其實如果你好熟路， 否則新手到泰國都最好買返張（今個trip試過幾次塞車， 都要打電話去推遲spa booking, 因為有d spa 15mins late 就會release出黎， 而且試過俾的士司機亂黎， 開個GPS就即時可以KO佢啦！） 至於換錢， 都係出返市區啦！ 機場差好多！

450銖由機場出到我地住既酒店！The Okura Prestige  一到步真係好滿意， 感覺勁似香港Ritz Carlton!

由check in至上到房間！ 感覺超好  酒店既新， 服務好， 房間仲勁滿意！ 既新， 冷氣夠， 而且wifi勁快！

浴室係我鍾意既類型！ 勁like! 休息左一陣之後就出發啦！

本來打算到水門街食海南雞飯， 點知到步時已經關門了， 之後taxi司機唔知車左去附近咩地方話有好野食， 落車睇左一陣！ 普通料而且唔平， 所以我地決定四圍行下， 最終行過d街坊鋪！外面睇唔敢入去， 但真係好香喎！ 出得黎玩！ 括出去吧！ 食 

點知一食！ 真係好好食！ 誠意之作  每碟都係40銖！ 有冇攪錯， 咁好食既豬手飯， 真係HKD10左右！

食飽飽之後就要去換錢啦！ 旅遊書介紹superrich! 點知到步發現有兩間superrich, 仲要打對岸？ 即係邊間？ 兩間入去望望個rate再決定啦！ 一間橙色， 一間綠色！最終選擇了邊間？自己睇啦！

換完錢之後就行到Chit Lom and Siam既中心地點！ 先到BIG C觀光下！ 天氣咁熱， 唔好買野住啦！

之後慢慢行到Central World既門口， 又有好多街頭食鋪， 兩家人又抵不住大食性格， 哈哈！又食！ 不過真係好好食！ 45銖左右！不過out door食湯粉really........好熱呀！

食飽飽就沖入central world and Zen...... 過下冷河先！依家都係Casual 行下， 因為book左9pm既3.5hrs treatment! 所以仲有時間飲杯野，散下步！

曼谷既traffic真係堅！ 不過有樣野想問下大家， 話說行堅去siam Bts時， 6PM正全街既人突然停哂！動都唔動！ 好似俾人點左穴咁， 咩事呢！？ 果刻都幾Scary， 行又唔係， 唔行又唔係！

到車站之後就搭BTS到Sala Daeng! 因為今晚終於俾我地搵到o係曼谷竟然有當年去馬爾代夫Honeymoon既Como Shambhala Group 一直想買返佢地既香薰油， 終於俾我地揾到佢地有Retail係Metropolitan Hotel入面！點知跟住本旅遊書， 個地圖真係勁唔準！ 個Scale完全唔岩比例， 行到我同朋友都...... 仲要下雨..... 唉！ 真係唔好意思， especially朋友仔踢了拖， 行得勁辛苦 （好有名既胡先生真係要跟進一下佢本書啦！之後睇到個作者序佢話都知有問題， 我本係12-13 version, 而朋友仔係13﹣14version, 問題一樣， 咁道歉都冇用啦！）如果同屋企老人家旅行， 真係唔好盡信佢張地圖！ 本來expect 10 mins walk, 點知行左成30﹣35mins至到！ 好辛苦， 不過幸好都搵到！所以都好開心！

之後搭taxi出返BTS站啦！太累！ 又幫襯了街邊海南雞and魚旦粉！ 不過不失啦！ 熱到暈低啦！

終於到9pm就到左我地第一個massage place! Center Point and Spa! 享受一個3.5hrs既treatment! 

Are we ready?!!!!

紙鶴

完成之後真係好正呀！ 可能特別累， 又特別熱啦！ 一邊sleep, 一邊massage & 推油， 又有香草波波再加foot massage..... 正呀！ 做完之後就返酒店啦！ 有人執好房間， 準備好睡衣又有兩隻！ 好細心呀！

子見有套日式睡衣當然要一試啦! 好cute喎！  Good nite!

May 22 (Day 2)

Good morning!  Okura 提供左兩間餐廳可以選擇食早餐！ 今早去左up & above食buffet! 不過真係好正！茶都有咁多款選擇， 好香呀！

早餐又好食！ 環境又舒服！仲有好朋友一齊， 呢個早餐真係不得了！

係咪得先！

食飽飽之後當然要用佢Signature既infinity pool啦！

11am! 兩公婆包了池！ Hea玩！ 真係好relax, 終於可以差下電啦！

1：15pm出發到Thong Lo！ 因為2PM約左做子精心安排既3hrs treatment! 當中有Spa, 有傘蒸，有磨沙，仲有milk spa with flower, 仲有好多好多.....

Leyana Spa! 環境一流！ 勁relax! 我地自己搭taxi去， 但其實佢地都可以有shuttle到就近BTS接送

Day 2 Treatment & Spa... Are we ready?!

原來子仲落左special request! 所以間房仲佈置過呢！有天鵝呀！好靚and sweet！

Thanks for the perfect arrangement!

做完spa之後就到左一間由“鬼嫁”推介位於Asok既餐廳 （相信大部分既女Bloggers都有睇開佢既blog, 因為老婆已經做左佢既fans啦！一切由LC開始）， 不過今個trip都要多謝佢個blog既資料， 冇佢個blog都搵唔到呢個好地方！ 呢間餐廳叫得做佢既飯堂， 唔知撞唔撞到佢呢？！

好好食！ 而賣相都唔錯！

我最愛既係呢味大蝦炒粉絲！ 好正！

呢餐勁叫勁食又勁飲！ 都係1700銖左右！ 一個字～～～ 抵！

之後又落雨啦！ 我地就去左附近既Terminal 21! 呢個商場既資料自己睇書啦！ 相信好多人都去過！

呢道都幾多小朋友去！ 張生張太of coz要掃掃貨啦！

行完之後都係11pm左右， 先o係food court飲杯野， 之後又癮起想去做下thai massage, 點知Terminal 21既Let's relax 話冇位（我覺得佢地趕收工only), 唯有轉到隔離街既Reflex Place, 點知未行到門口就已經有職員咆哮出黎話close and too late.... 咩事呀？！ 幸好有電話， 即時打到對面既Senses, 又OK喎！ 不過由於佢地正常12AM關門， 所以只提供foot massage, 又好！ 4個人排排坐咁！ 嘻嘻哈哈， 咁先叫旅行ma!

做完！？ 哈～ 又想食！ 就o係門口食街檔！ 老老實實， d街檔野真係好好食！

好辣呀！ 岩哂我！ 正呀！ 食飽飽之後就搭taxi返酒店！ around 60銖啦！Day 2 就咁完結啦！ 真係開始唔捨得

Part 2 就待續啦！ 

（預告 - 轉到人氣酒店Siam Kempinski)