6月10日 需要Blog友高手求救 ～ Urgent need help!

各位blog友，我個blog突然間出現問題，需要大家幫手！！！
之前經好友幫助，成功由Yahoo blog將所有文章，相片及留然轉到blogspot.... 一路正常

但最近發現所有由yahoo blog轉到blog spot既相全部都load唔到出黎，所有blog都有文字，但相就load唔出

現在全部相片全都SAVE了在Google Drive，在Google Drive都仍可找到照片，只係blogspot唔可以張d相load到出黎，想問大家有冇辦法

2012年之前既blog, 所有相都load唔到！


真係好唔開心呀！真的要求救

5月18日 重回blog life ^^

Hello to all my dear friends! I am back!!!

今日終於正式將舊blog既post選擇性地resume! 終於可以重新開始我的blog life!

真的有很多野想再同大家share! 等我慢慢開始寫返過往半年既blog啦！

(即由2013年10月至2014年5月的blogs即將重寫）updated at May 19, 2014

(剛完成2013年10月至12月）updated at May 20, 2014
(剛完成2014年1月至3月）updated at Jun 20, 2014

ps. 今日要特別多謝 "澄" ～謝謝妳幫手resume我最愛既blog!

10月29日 再會! 各位Yahoo Blog友

10月30日之後個Blog就唔可以再update/edit了！ 希望用今次機會再次多謝這7年來咁多人既支持
寫blog原意係希望為自己生活留下一點紀錄， 但在不知不覺中卻交下很多志同道合及關心自己既朋友， 這真此料不及的感到窩心及幸福！

謝謝你地！ 睇住我這7年既長大及轉變..... 希望在新既blog可以再度與你地重聚！ 重新出發 ^^

http://keislee311.blogspot.hk

多謝支持 ﹠ 後會有期

10月30日 新blog開張 ^^

各位Yahoo Blog既好友！

今日正式同大家講 ～ K先生既新blog正式開張啦！

不過由於最近比較繁忙， 所以仍然未有時間將舊blog轉載至新blog! 希望大家俾d時間我啦！

10月26日 寫寫寫～keep blogging

仍然唔捨得我呢個跟我多年既blog! 10月30日定止更新！今日已經26號啦， 一口空氣update了幾篇blogs! 其實最近有很多事很想分享， 不過真係都update唔切, 因為都要盡快準備上新blog安排！ 等我啦！ 希望快d可以同大家share新blog address

8月30日 Yahoo! Blog 關閉服務

今朝一早收到老婆既電話告知話Yahoo! Blog即將關閉服務, 心中都不禁仲有點懷疑，係咪又係d謠傳ja.... 但返到屋企一上網見到紅色果堆字， 心情即時一沉， 多年感情， 多年心血， 一句說話， 個多月既通知期， 個blog就要關門大吉？！Why?!

Yahoo! Blog是我由2007年開始寫既blog！ 不經不覺就6年多啦！由單身，求婚， 籌備婚禮， 買樓， 裝修，大日子，Honeymoon,  新居 ，家庭生活，旅行， 車車， 足球， 朋友， 工作， 心中感受等等等等， 無論大小事都為我自己記下！我喜愛記下自己一切回憶， 閒時可以回味一下， 坦誠記錄自己感情及感覺下！ 更易認識一班志同道合既知心友！我很感謝呢個blog給我紀錄既一切喜怒哀樂， 及給我一個地方去舒發自己既感覺。700多篇紀錄， 260000多既瀏覽紀錄！ 很有滿足感！另一樣我愛yahoo blog既係我可以o係買野時揾到好多user report! 好有用！

但今日多了這段紅色既告示， 心真的碎了！ 轉blog重新開始是很煩既一件事， 但感情才是最重要的， 雙魚座既我係咁ga la.... 感情先行！ 其實自對上一次yahoo! Blog既系統更新之後， 就已經發覺個blog越來越唔user friendly, 心中都知道yahoo冇心再發展呢個blog, 但係都冇想過佢地會摺埋  心碎其實係感到又一個時代既終結！ 我由19／20歲開始寫blog， 經歷由icq, geocities, msn, netvigator chatroom, netmeeting, yahoo! blog一個又一個時代既盛世， 而到今時今日一個又一個地開始被淘汰， 心中不禁有點.......

對上一次geocities關門已經令我失去很多，幸運地我有做到backup, 反而今次yahoo就咩都沒做！ 一直以為yahoo係大公司， 點會摺埋呀？ 點知咪又係咁？！ 咁下次又可以去邊呢？！ FB????!!!! Google???!!! blogspot? or yahoo recommend既tumbir??!!! 過多幾年or 過多十年又會唔會落幕呢？！ 要記得當年既Yahoo係幾咁強大， 又chatroom, 又auction, 又blog, 又...... 但今時今日又係咁？！灰！！！！


Anyway... 再灰再感歎都不是時候啦！ 由於時間不等人， 都係要盡快搵屋搬至得啦！ 由於o係度認識了很多朋友， 真的真的不想大家各散東西， 所以最大選擇新blog既因素係睇大家會去邊...... Blog友們， 你地會去邊？！！！！ 請留言告知！！！！！


我自己選blog條件如下：
1. 最多現有Yahoo Blogger會轉到既新地方
2. 最易轉移／搬家 （真係好重要）
3. 大blog此終較好， 始終不想一兩年又要搬家
4. System要穩定

在這重要時間大家可以多多交流， 大家都可以盡快揾到好地方落腳啦！


希望大家有緣再聚.........

ps. 記得話俾我知你地去邊呀！！！

10月13日 YAHOO BLOG升級了

YAHOO BLOG終於被強制升級了！ 一直都很不願意UPGRADE， 又怕之後唔識用， 又怕要重新做好多好多SETTING， 所以一直都想多一事不如少一事， 不過眼見好多BLOGGERS既UPDATE都睇唔到， 都知離UPGRADE既時間都不遠了。。。不過今日突然開機， MSG就話一係癈左個BLOG， 一係CLOSE左佢 OR 一係UPGRADE， 都冇得選擇啦。。。UPGRADE啦！ 不過我仲好鍾意舊版 ^^

太多太多回憶啦。。。2007年開始用， 又SINGLE， 至轉工， 至買屋， 至結婚， 至。。。好多好多回憶！ 

不過都要有個新開始啦！ 希望大家繼續ENJOY啦！

新地方， 新開始！

正式私有化

不經不覺寫了這個blog都有兩年時間啦!

首先o係度多謝大家一直以來既支持!

其實一開始寫呢個blog既時候都係希望記下一些生活事, 而另一方面又可以有一處地方俾自己暢所欲言不受限制的記下自己既感受, 好讓自己將來及一班志同道合既朋友仔都可以分享到自己既感受! 有感瀏覽此網既人數越來越多... 而將來所寫既事可能比較私隱, 所以經過長時間考慮, 正式落實於2009年10月10日將此blog私有化及只開放給家人/好友及blog友...

現有的blog友是沒有受影響的，因為我已經將你地放進好友列之內!

當然有興趣繼續分享KEis先生blog既朋友...可以在此留言, 等我add你地加入我既好友列之內, 但記得先要登入自己既Yahoo ID呀!

再一次多謝一直以來支持本Blog既朋友!