12月30日 目標完成

2013年內300km目標完成！

由今年1月30日第一次跑步， 熟悉我既朋友都知我唔係運動人，

11月24日 聯合國兒童慈善跑2013

今日很特別！為左紀念你地，我會努力完成我第一次參加公開跑步活動！

7月30日 喜愛夜跑

終於打動老婆同我一齊喜愛夜跑 ！第一個月跑左7次而且30KM， 由一個少做運動既人到依家有興趣慢跑， 算係一個不錯既開始 ！加油﹠keep it up!!! 都係果句啦！ 我地唔係要去鬥快， 只係想身體健康及突破自己！

7月1日 大食團之健康運動日

一班朋友約好左7月1日飯局之前陪下兩位BB游水， 而其他人可以去cycling.... 平時大食團食咁多野， 都係時候要注意身體啦！ 點知今日掛三號風球， 所以之前plan好既野都cancel左！ 正當以為只得返飯局， 子竟然提出不如ad hoc冒雨狂跑！哈哈 ～ 既然由妳提出， 更陪妳既！ 即時call埋其他團友ad hoc出動！

多謝哂一班好友即時出動， 陪我地一齊癲！ 雖然只係輕鬆hea跑3km.... 但只要子肯做運動， 老公一定支持啦！ 加油！
做完運動， 當然又大食啦！

4月17日 我的第一個10km

最近開始注意身體！ 由一月尾開始， 就要求自己要做多些運動！身體健康， 對自己， 對家人都係一個責任！ 幸好我身邊有一班好朋友， 其實自上年年底有感人開始老， 身體又越差！ 再加上其實自己開車咁多年後， 真的懶了， 有時連行去停車場都覺得遠！ 行多兩步都唔夠氣， 真係唔掂！ 所以依家都盡量Keep住每星期跑兩晚步! 雖然有時都會跑下行下！ 不過都睇到個進步既！ 之前2﹣3km, ，到之後4﹣5km, 6﹣8km, 到4月12日一個勁好天既晚上， 終於由醫生朋友陪同下完成左第一個10km! 真意想不到！完成了， 成身汗， 冇哂氣， 不過勁有滿足感！

3月10日 Run! 跑吧！

我不是高手， 更不是跑手！ 

長年只顧工作，玩﹠食 ～再加上少休息少運動， 直到上年尾終於感到身體越來越差， 都係時候要為自己健康努力一下了！

其實由1月尾開始都KEEP住一星期跑一兩晚， 由第一次圍住朋友屋苑跑只跑到半個圈就冇氣， 到上星期竟然可以又跑又行跑到8KM左右，不過平時都係4﹣5KM左右， 都真感到身體既耐力好似進步了！ 其實今次突然跑步都想多謝幾個人既支持！ 子， BM哥AND Joseph兄！ 子佢好SUPPORT我跑步， 仲幫我增添左好多GEARS俾我呢！哈哈！ 而BM哥就係知我身體差， 第一個捉左我去跑步既老友， 沒有佢支持， 我應該唔會跑！ 而Joseph， 就係我RUNNING BUDDY， 最近好多時間都一齊慢跑， 互相SUPPORT！ Thanks alot!