3月20-23日 Conference Trip to Ho Chi Minh Trip 2014

剛剛才由馬六甲回來，不到一個月就跟公司再出發到越南胡志明市！

一直都冇想過去越南！今次可以一遊就真係特別呢！

2月21日 公司Project!

自大學之後，再一次籌備大型event! 很滿足更有很大的成功感！以往做參與者多，做籌備真係比較少！真係感謝公司及chair person既信任！更要感謝所有committee既support!

2月17-19日 Conference trip to Melaka 2014

一個三日兩夜既business trip, 真的很久沒有獨自離開外出啦！仲有點唔捨得屋企呢？今次去邊？！ 馬來西亞的馬六甲

今次真係晨咁早，天未光就要搭的士出機場

6月24日 新感覺

新環境， 同一機構， 但感覺卻不同！  雖然一切再要從新開始  但我覺得值得！ 暫時感覺良好， 努力學習中！




＊下面只係網上下載既一張圖， 不過跟我工作地方有點似

希望盡快上手！ 

2月23日 CFA

從事BANKING AND FINANCE既人仕， 大部分都想加入INVESTMENT BANK呢個INDUSTRY，只是以我既年紀及EXPERIENCE， 現在入行比較困難， 年紀已經算遲了  機會不多， 實力不夠， 唯有將勤補拙。。。。。。一直想報考CFA - Chartered Financial Analyst， 為了將來。。。都要做D野啦！如果早些年有人提點下， 可能可以走少些寃枉路。。。



之前都有睇佢既SYLLABUS都以為OK喎， 應該可以HANDLE到， 而且辭職之後， 應該有些時間去讀書， 好！ 今晚就上網報名， 登記﹠考試費成＄8000多， 都幾貴！ 報完名之後就收到套EBOOKS， 本本都成幾百PAGES，睇左一陣都覺得好吃不消， 好多野都唔明！ 大鑊， 即時有點後悔！ 應該報考12月而唔係6月。。。 點算？ 最慘既係冇得RESCHEDULE OR REFUND， 咁祝我好運啦！



PS。朋友叫我上網買精讀！ 上面果套就係啦！ 5本雞精版， 又有導讀， 又PASSPAPERS。。。本本都成本黃頁都叫精讀？ 越睇越冇信心！  盡力睇得幾多得幾多啦！

5月17日 新開始, 新決定

成了住家男僅幾天之後... 又黎一個新開始...   舊同事既一句說話一直以黎都深深印o係我腦海中.... "離開, 是為了回來!"

之前一直為左兩個offers而煩惱... 當然, 這是一個positive既選擇困難症...起碼... 自己可以有權選擇... 一直以來都很期望自己能夠加入"那間"銀行工作... 多次面試之後~成功了! 而且更給我一個比市價更好的offer...說真的... 早兩年前我已經想加入, 不過剛遇上金融海嘯.... 走不了, 更走不過.... 今次真是合了天時地利人和... 夢想成真了...不過.... 舊日既目標? 還是今天既目標嗎?

為了在工作上再有一突破...... 早兩天忍痛地推掉"那間"銀行既offer...而今天就正正式式回家了........ 為的... 就是兩個字... "轉型"...

今天返工的感覺... 既緊張, 又熟悉... 很特別!

今天開始就有好多書要讀啦... 加油啦!

10月30日 突然驚喜??!!

*只限家人only

噚晚為左慶祝同事仔生日所以放工後去左唱K..., 攪到今日都冇咩力做野... 超累呢... 下次都係留返weekend攪啦...

而放工之後突然又收到good news喎... 就係... "加人工"... 呢...!!!

真係一場及時雨.... 最近真係需要用好多錢呢...!!!

9月8日 150&150??!

公司email Box之前一直有個email... 神神秘秘咁話大老板邀請我地出席唔知咩地方既party... 心想唔係咩d"鼓勵"大會呀...就應該係d新strategy既briefing... 所以一直都冇咩留意... 是旦啦... 既然放工有車接去... 都要去ga啦...

大老板出現啦... 咩事呢...? 真係事前冇咩人知ga.....

而我地都係去到先知... 原來公司發行了一張全世界第一張面值$150既鈔票...用呢個idea去celebrate 150anniversary! 果刻都真係幾impressive...而張鈔票既設計都真係幾靚呢...

大會7:30pm完, 而之後所有有需要對客既同事就要留到9pm.... 唉... Kowloon Bay走而今晚自己又冇開車.....所以返屋企真係好trouble... 又多人...又冇的... 唯有等shuttle...返到屋企都累到暈...

4月17日 新工的一星期

終於返左一個星期la... 返新工既感覺很特別!

首先好想係度多謝所有sms, msn, fb and打過電話俾我既朋友仔及同事仔...多謝哂你地所有人既支持及鼓勵呢 心中無言感激!!!

仲記得當第一日踏進新銀行大樓時... 我望住佢個logo同自己講, 我已經正正式式由....轉到.... 銀行了.... 呢個感覺好好好特別.....

已經返左一個星期新工lu..., 如何? 說真的, 現在還不知道呢, 因為o係落行之前都要training呢, 而且個schedules比以前FPM既18日半更長, 因為由4月中一直會training到6月頭, 所以都幾長呢.... 本來都以為training period會係一個honey moon啦... 不過原來都唔係ga, 因為佢地training都幾多野做... 可能做既野始終唔同.... 不過我都好willing去學去做, 因為要成為一個正正式式既personal banker, 就唔可以只focus o係 I&I 方面.... 所以真係好多野都要學... 依家每朝8:30am開始read newspaper and listen銀行一條叫830既hotline即時update market news... 好甘呀  本以為自己會好enjoy training既日子, 因為唔洗再跑數, 點知冇左跑數既壓力... 換黎既就係好似小朋友咁坐定定上堂and考試... 其實都係另一種壓力呢.... 好彩trainer都好好人... 上堂唔算太辛苦呢....

第一日校長出黎訓話, 有一句我好agree, 佢話我地呢個batch有26人... 個個來自唔同銀行....咩position都有, 所以剛開始時好多人都會同自己舊行比較, 哈哈... 佢一講果刻, 我正掛住我d舊同事仔呢... 想緊上星期同佢地做緊咩, 始終上星期既呢一刻我都仲同緊佢地一齊呢!!! 而再講返呢個btach既batchmates大部份都係做開relationship manager居多, 仲要有好多人由private banking過黎....所以佢地都應該幾熟將會學既野, o係咁多猛人面前, 我都係低調d, 惡補下先呢....哈哈, 不過玩左幾日, 都已經熟左半班同學仔呢... ^^ 其實銀行system方面, 間間銀行都差唔多,所以問題不大反而係做既野多左好多呢...因為過黎之前,所有人都話比我呢度個culture跑得仲勁個Citi, 心都知幾甘la, 不過都要頂啦...今時今日呢個時勢, 有promotion又有加薪, 都算好好啦... 

說真的.... 最最最不慣的...就是以往搭地鐵由cwb到中環, 而今日由cwb到觀塘, 身邊既人, 好多好多既野都很不同... 衣著, language, 所有野都同平時唔同哂, 感覺總是怪怪的...我還是比較喜歡在中環返工,  所有野都好靚呢....仲記得第一朝早就連落車都落錯, 原來要到牛頭角站下車, 而我卻早了在觀塘站下車.... 真stupid.... 行到傻左! 而以往到呢面都係自己開車, 而今日就搭車, 仲要行... 真係唉...好唔慣呢! 希望我之後可以重返中環啦....

最後啦... 都唔知有咩講啦.... 所有野都開始習慣中... 希望可以順利完成所有野!!! 比心機做好新工啦...!!! 加油!

4月7日 再見匯豐總行

今天是我最後一天在匯豐銀行總行上班的日子... 心中有超過一百萬個捨不得... 說真的, 我從未有想過我係咁捨不得ga... 本以為可以灑灑脫脫的離開.... 點知... 都係咁...  情緒病又發作.....想o係度再講一句, 多謝哂身邊每一位同事, 客戶朋友及Batch94既batchmates..... 你們給我的回憶... 常在心!!!

Last Day其實都冇咩好寫.... 都係食下farewell lunch, 做埋exit interview, 影下相咁... 反而相記錄一下每天工作的點滴啦.....!!! 在總行工作呢幾年... Total轉了三個team leader... 說真的, 有時真的很不慣.... 剛剛慣了合作方式, 轉頭又要轉..... 唉... 不過呢幾年間... 很高興同Nelson兄都是同一team.... 總算係有一個伴... 兄弟, 雖然你有時衰d.... 不過都好感激你既.... ^^ 每日既工作.... offically要返8:30am, 之後就要開morning briefing/investment briefing..... 一直到9am... 之後一班早餐腳就會落哂去basement開餐.... 說真的, 我根本不肚餓... 下去最多都係飲杯coffee... 最多都係想refresh一下自己個腦only, 吹下水又等自己醒下呢.......

呢d就係日日食... 但係又好鬼難食既燒賣... 咁又食左幾年..... >.<

通常食15mins我地都返去開工la... 而呢條通道既lift可以直到counter入面....

講真我地個個其實都幾勤力ga! 只係我懶d啦...由於日日都要跑數,個個都唔會waste太多時間, 始終你永遠都唔會知機會幾時有...每天既早上,大部份時間都係比較靜, 所以覆email/覆call比較多, 有時又接下counter, fmc, international banking centre既referral!不過都唔係太多,而呢個就係我既work station!

做一陣野就要食lunch la... 我地多數食11am, 因為lunch hour行比較多人, 機會又多d.... 所以早d出去仲可以食到早餐, 如果唔係, 我地就食2pm..同林大哥食就比較快... 通常一餐lunch都唔會過30mins.... 所以次次都食唔足1 hour!係咪好慘呢.... >.<

下午都係見客見客報價報價落下deal.... 咁就一日.... 4:30pm收行.... 之後會出去買個tea食下... 因為實在太早食lunch la... 有時頂餓都幾慘ga... 5pm返行再做野... paper work呀.. call下舊客呀... 講下briefing, meeting呀, 捽下數呀..... 咩都要做... 通常7pm收工la... 日日如是.... 呢個就係我地日常既工作, 說真的, 不是太辛苦, 不過壓力卻很大的... 不是我們呢行, 你地不會明白啦... 天文數字既數... 日日睇performance.... 都幾係野ga....

今日係last day, 我又想介紹一下朋友仔呢....!

Carmen and Cat仔係Customer Ambassador, 佢地兩個都好好人, 我好多生意都係佢地refer俾我呢.... 成日同cat仔一齊企main.... 都真係幾好笑ga.... 我地講野既內容真係.... 唔出得街... hoohohoh.....

下面呢兩個就係同team既好朋友, Nelson and Iris... 說真的, 佢兩個都係我在總行最close既好朋友.... also最可信賴既工作夥伴....

Cass係我總行最好朋友之一... 我地由企門口開始識..... 由講笑話, 到吵架(都係一日), 佢由customer services升到做general banking officer... 我覺得佢既服務同細心真係最好既.... 所以我自己做既mortgage都會搵佢幫手.........

記得以前我新黎時, 就成日同佢企呢個位搵客.... 儲客呢... 而我最大既deal(過HKD10M)就係由佢refer俾我既呢.... 多謝你!

以下就係Financial Management Centre既reception!以往我好多時都會o係果度幫手呢... 間唔中都有d好機會ga... 不過最開心都係同佢地一齊工作呢, 仲可以傾下計!

呢個就係3/F既pantry... 有時都會入去rest rest呢......, 因為出面坐滿客, 有時都幾有壓力呢.... d客成日都係度望到實哂, 佢地係度等時, 你又唔接客, 佢地就會用d好不滿既眼神, 成日好似問, 你做咩唔做野, 要我等..... 哈哈....

Kathy Ho... 一個年紀輕輕, 但做野超搏既同事... 不得不提呢

靚仔ronald and kathy... GBO同事... 同我都係manchester united既fans...!!!

最後更不得不提以下既Ingrid....匯豐全港最Top既sales...佢既productivity and 人工, 簡直係我既偶像!!! 仲要係年年都咁勁....... 一個人頂得半team數.... 勁!!!

以下就係總行Level 28既Mess Club, 以前只有executive level既同事至可成為member上去食野, 飲野happy hour等, 仲有buffet食ga..... 睇下後面個view幾正, 另一面可以望哂中環半上view!

再多謝部份Wealth Management既同事上黎同我farewell呢....無言感激!

最後又返落level 3既conference room, 呢間房係我第一日落行做registeration既地方, 之後平時team meeting, investment briefing and "捽數"等等都會o係度進行... 大老板房就係隔離........

最後更想回顧一些重要人士呢Batch94!起初一齊training做FPM, 呢個時段最開心, 而當我走左後,18人只係得返3個ja! Sam, Stefanie and Michelle加油啦...!!! 

當然仲有同batch最跑得既Doug Doug la.....

呢面就係上年阿姐Team既同事, 最團結既一群....說真的, 以往係同行如敵國, 不過同佢地我都部份人成日都有聚會呢..... ^^

最後啦.... 返返去level 3既主場影張相先...講真, 總行真係幾靚ga! 而影呢張相既時候已經係last day既6pm la... 當時既心情都係好特別.... 要做既都做齊, 銀行又關了門...四周都好靜, 或許是離開既好時間啦...  離開時真的百感交雜!!! 一直以為做呢個位只係單打獨鬥既工種, 沒料到除了工作經驗之外, 更贏了不少的友誼!!!多謝你地每一位給我回憶既朋友.... I love you all!!!!

離開是為了回來??? 不知道.... 不去想那些太長遠的事la.... 只想好好休息這一個星期, 因為一個星期之後我就要在新的工作崗位再次搏鬥.... 加油呀...!!! 

4月1日 告別匯豐

想了很久很久... 今日終於鼓起了勇氣, 向公司請辭...

說真的, 呢幾個星期的心情真的很矛盾... 面對著一個更好的發展機會, 卻一直十五十六的, 自己明知如果留在現有的位置, 可以發展的空間真的很有限... 但係卻猶豫不決... 或者呢個選擇困難症又再一次發作...

最不捨得的是一班共事既同team同事... 天天一齊見面, 一齊開morning briefing, 一齊俾人捽數, 一齊搵錢...一齊早餐, 午餐, 食tea, 直到今時今日一齊共渡時艱... 互相扶持... 以FPM黎計, 很難得的.... 一直以為, 遞交了辭職信的心情應該會很愉快, 再沒有跑數的壓力, 應該很快慰.... 點知心情卻完全相反.... 辭職一事只有近親幾位同事知道, 而對其他人一直都封口隻字不提, 所以下午當其他同事相繼得知我快將離開之後都很驚訝, 本以為做得我地呢個位既人都係單打獨鬥而同其他部門既同事關係唔會特別密切, 點知原來有很多同事都很關心我呢....說真的, 這是我意料之外的.... 我很多謝銀行所有朋友同事的友誼... 生離死別是我最屎既一環... 不要野我啦.... 我很婆媽and眼淺的...... 

大老板在我向team head請辭之後都未知我決定要走, 仲問我覺得公司既offer比我地一班舊人既新package如何... 而當我話俾佢知我已經遞信以後.... 佢就同左我入房傾, 說真的, 我做了呢幾年都未試過係佢間房傾成個鐘.... V姐... 多謝哂妳既分析.... 說真的, 同佢傾計果一個鐘, 我個心真係有"幾"刻想過留返o係總行... 不過我知道還有自己要走的路呢, 希望將來再會有機會與她共事, 她真係一個好靚又叻既老板.... 她今天說會保留我封信多幾天, 不過我相信這個決定是應該不會改變的...雖然如此, 但內心卻很感激.....

由於我是舊制既FPM所以離開只需要7days, 而新制就要3個月至可以離開... 所以我最快下個星期二即4月7日就可以走lu...

由於心情有點實實地, 所以放工之後約左private bank既Quxz去左no.9 happy hour... 佢之前都係我地level 3既同事呢... 一直傾傾傾..... 咁又傾到8pm... 很開心大家今日都有很多既sharing呢... 可以暢所欲言傾計既感覺真的很不錯呢..... Hazel 之後8pm都黎埋, 而quxz就走lu... 因為佢要去dinner.... 而我地飲完之後仲去左SOHO食Pizza Express呢.... 再一次多謝哂妳呀Hazel... 多謝哂妳送既birthday gift and dinner呢..... 放心啦... 我一定會用ga... ^^ 呢隻Emporio Armani Toilette係我一直用開ga...!!!