8月30日 整 or 唔整？

一家之主？就係要o係老婆打爛野時出動lor

不過呢一刻真係有點難做決定 @@

8月9日 安裝Now TV

一個愛睇波既男人， 最唔抵既， 就係俾收費電視玩黎玩去！ 一時又CABLE， 一時又Now! 早半年為了韓國節目channel M 又續約Cable了! 依家英超鑼， 又要搵人裝機了！ 屋企越來越多一舊二舊！

7月28日 Apple AirPort Extreme入手

上次refund左個airport express時個apple staff都見議我試一試部AirPort Extreme, 由於都打算之後買多部iPad mini and iPhone5S or 6! 都係比多一次機會Apple既AirPort系列啦！ 因為真係好方便！

7月7日 Apple AirPort Express

搬進新居3年多！第4個router入手了... 今次係Apple出既AirPort Express 都唔知咩事， 由第一個貴貴地既linksys, 至平平地既Belkin, 而Belkin仲用左兩個添 記得買第一個linksys時

4月29日 Apple TV

_{好耐冇買新玩具啦！今次入手既係Apple TV ！} 前排被老友曾生毒了， 哈哈！ 用左一晚， 好滿意， 好多MOVIE睇， 租又方便， 買又方便， blue ray quality! 但又平過買隻blue ray! 又OK喎！ 在家常用IPAD AND MACBOOK， 依家坐O係 SOFA可以控制好多野， 電視聽歌YOUTUBE咩都得！ 正！ 

12月28日 聖誕玩具

話說今朝一早起身就去左ELEMENTS散步AND睇MI-4，打算睇完戲之後就決定要唔要部車仔去唔去俾訂， 之不過睇戲之前一刻，都係決定唔要啦！ 因為一日要做所有野， 好似未係好READY咁， 所以之後決定買返份禮物仔， 兩公婆就到左NESPRESSO入貨！ 最終～～～ 咖啡機入手了 本來想買藍色果部， 不過冇哂貨， 之後見呢隻色又可以襯返屋企THEME既主題色！ 就買呢部啦！ 今日仲有＄300折扣， 正呀！仲買杯仔﹠子彈！ 返工前最岩用！招呼朋友又得!

11月16日 要健康, 加咩好?

一直以黎都好想為李家做好無塵家居! 因為子有鼻敏感, 所以什麼什麼3m filter, sharp水份離子空氣淨化機都整齊! 當然住在市區, 要做到無塵係冇可能既, 不過都盡量清潔些啦! 今日又加左一樣新野, 希望可以更健康些!



登...登...登.... 登.... 就係新既Philips 4重Filter & 水壺! 李太廚房煮食好清潔, 不過我依然覺得個人要更健康, 屋企水源既清潔真係好重要!



呢兩星期都有d鼻敏感(中醫話我), 攪到喉嚨成日都唔係好掂, 希望快d好返啦!

8月5日 家中冷暖系統

等左N咁多個月, 今日終於完全左個更換分體冷暖機啦... 新買間屋時見部舊機仲用得, 就唔好再花錢....  點知, 搬左入黎之後就覺得舊部機同新屋好似好唔襯, 而且冬天時新居就真係幾凍下.... 有見及此.... 上年已經打算換, 不過又怕新機size唔岩, 又怕工程整衰個牆, 所以一直係咁拖, 直到2月尾就訂啦.... 點知俾人一拖, 又話冇貨又話有工程唔夠機,又話panasonic冇返貨, 最終等到6月頭火起, 撻訂.... 再搵朋友買... 等左一陣就已經班到部返黎... 今日終於整好啦...   係咪靚仔好多呢...

呢部就係部舊機啦...... 覺得點呢...?!

早在上星期就已經搵左人返黎搭棚... 呢度又$3000 >.<

哈哈... 好大盒呀... panasonic... 實太等得你太耐啦...

工程進行中... 好dirty又大塵呀.... 救命...

安裝完成之後會試用一星期, 之後再安排拆棚啦.... ^^ 屋企野終於整好哂啦...

9月12日 新Router

搬左到新居都只係有9個月左右...而一直都想整到間屋盡量數碼化... Wifi Everywhere係我最想做到既基本要求 ^^ PS3, Netbook, Notebook, iphone, ipad, itouch, whatever..... 只要o係我屋企既任何一個位置, 都希望可以隨時上到網   所以當搬入新居之前, 就已經四圍物色一個最強既router.... 當中Linksys係以前我認識最靚既一個牌子!!! 當時見到下面呢部N160, 又係cisco出品, 又係linksys, 又靚仔, 價錢又比出面果d一般router貴... 心想, 都冇得買錯卦................

用左半年左右, 一個字.... 差!!! 而且由於佢太有型啦.... 攪到散熱勁差, 成日overheat, 又唔stable, 成鬼日斷線... 真係唉...平常老婆o係睡房/廳上網, 工作功課又連唔到網做唔到, 好彩仲有隻netvigator手指, 而我又成日用唔到PS3上網打機... 所以一早就想換左佢... 不過買左咁貴, 又用左一陣... 所以都忍下先啦...

忍左一段時間..... 最終都忍唔到啦.... 上FB問問朋友... 好多人介紹呢部BELKIN - SURF..... 樣子普通......價錢一部Linksys可以買到佢2.5部.....  心想買佢最top model - Belkin Play Max.... 不過經sales分析and老婆意見.... 最終買左部最普通既Surf版本....

用左個多星期.... Well.....  Reliable & Stable係我對佢既comments.....at least用到依家都未斷過線...而且次次開PS3都上到網.....  真係平, .... , 正之選.... 係冇咁型呢... ^^ 

6月16日 家中風扇

一直以黎都睇中左G.O.D.一款風扇, 貪佢靚仔襯間屋又夠靜  見最近有返隻腳 (車車), 即時到銅鑼灣分店購買!

點知........... 最終一個字.... 煩!

第一部... 輕微漏電, 拎返去換第二部.... 又再出事....parts唔齊砌唔到, 個remote既finishing又唔掂...即時打返去.... ^%#^%$&&*.... 過一日又過海.... 換過一部... 即場叫佢地砌埋...... 終於攪掂.......

希望佢一切安好啦.... GOD把野都唔係果d一二百蚊把風扇, 都攪到咁煩... 唉...

5月15日 Weekend Assignment

由設計新居起... 一直都希望以黑白灰為主題... 所以o係飯廳既白色大櫃中一直有預留一大空間用黎放置大花瓶作點綴... 白色櫃撞黑色花瓶.... 靚係靚.... 不過就好單調.... 見今日下午飲完茶之後唔洗睇中醫, 就叫左太太一齊去花墟買花瓶及花呢... ^^

經過一輪"行花市"之後... 就買左一個超抵用既花瓶及這些"植物"啦...

效果真的不錯呢...

4月29日 到齊啦~~~Sony 5.1!!!

終於齊人啦... 屋企既電器總算齊啦... 最後一套既Sony 5.1!!! 一直好想可以留o係屋企睇戲... 今日終於達成啦  最愛sony...!

前幾日收到sales既calling話有前款到, 所以兩日前就去左睇!!! 真係好新, 新到未拆箱... sales哥哥即刻開俾我試呢... hohohoh.... 試左一陣又ok喎... 不過仲係心多多定係買2009款最top model既blueray 5.1好呢...? 只不過係2009年款, 減左價, 又免費送多對speakers俾我upgrade做7.1..... 而最重要既係老婆俾左permit....困難選擇症又黎... 聲又真係正多....而且只係貴多4千.... 如果長用就冇所謂啦...

子俾我話事... 我話食完野做決定啦... 今時今日買野而遇著十五十六時.... 總叫自己停一停... 想一想... 問下自己係咪真係鍾意玩... 之後會唔會後悔or夠唔夠用or冇用呢... 因為之前太多次領野... 買左返黎擺or冇時間玩...(哈哈... 身邊好多魔鬼) 屋企太細, 唔想擺太多野ma... 最終決定左買Sony 出左剛一星期既DVD 5.1... 正... !!!

最主要既原因係唔想太多一舊二舊speaker... 7.1太多啦...冇位放, 而最top model既blueray係好聲, 不過我已經有ps3可以播blueray, 買左好似overlap左, 始終呢個moment買dvd既機會係一定多個blueray.... 最後係...blueray 5.1套speakers太勁啦.... 我真係有點怕怕會嘈到隔離neighbour! 所以綜合左自己既needs.... 都係dvd 5.1已經夠... 因為佢仲可以做埋amp, TV, PS3都可以用佢5.1出聲... 哈哈哈... !!!

今晚終於送貨啦... 師父下星期二黎裝, 不過我又點等到呀...!!! 今晚請左大佬上黎食飯, 食飽飽之後就開工...整完之後就嘆下套blueray <阿凡達>... 好勁呀...!!!

個盒都好大個呢...!!!

好好好開心呀!!! 又慳左$4000 ^^

4月17日 "綠化"工程

新居一直以黑白灰為主題... 不過由於感覺上有點冷同實際上都太易dirty... 所以一直同子去搵多一隻顏色去撞起個感覺...

綠色同藍色一直係我地既至愛, 不過用o係屋入面我地都想以綠色為主.... 地毯, 杯墊, 坐墊等等..... 最近想將綠化行動進一級, 所以買左d葉種植物返黎擺呢!

3月20日 清新空氣

自從搬到新居之後, 一直都有擔心子既鼻敏感問題會唔會有影響, 因為子個鼻鼻一向都比較弱, 所以一直以來我都希望屋企可以有個空氣更清潔既環境... 保持屋企清潔係第一步, 所以好多朋友上到我屋企都見我成日拎住部吸塵機係又吸下, 唔係又吸下呢...  希望屋企可以盡量做到無塵及衛生d... 哈哈...

由於之前唔想再o係婚禮, 新居及裝修上再加extra budget去replace一些可以用得返既電器, 所以屋企既air-cond都係用返原本已經有既冷氣機, 不過兩個星期前都係忍唔到啦... 感覺上每天既睡眠時間都比較長, 如果睡房既冷氣系統殘舊/唔衛生(雖已於裝修之後洗冷氣及消毒), 咁對身體就真係唔好啦....... 所以兩個星期前已經更換了全新既冷氣機呢...... ^^ 又靜又有3M過濾網.... 感覺都有信心些啦...

而再講返轉頭, 一直以來都擔心子既鼻敏感問題, 點知都係多餘既^^.... 因為佢既鼻敏感好似o係新居都冇發作過呢..... 打敗仗既反而係我.... 由三月初開始一直感冒不適, 到之後好返又到氣管敏感, 晚晚好易咳.... 我咁耐以來一直都未試過病咁耐(所以攪到今時今日至update個blog呢)... 好辛苦... 睇左好多次醫生又唔好, 食得藥多個人又燥.... 真係煩..... 咳到好敏感, 公司空氣一唔好, 就係咁咳~~咳~~咳~~咳~~咳~~ 直到有一晚子問我, 其實真係好似未見過我病咁耐都唔好, 氣管敏感唔知係咪你由港島搬過kln之後唔慣 (真係no offence, 因為我都仲係覺得港島既空氣真係好似好少少ga, 可能依家住得很近馬路及市區啦) 其實最近空氣污染指數及濕度又高, 空氣真係好差呢...... 既然返到屋企都有敏感情況... 不如就整返部空氣清新機啦, 希望可以幫屋企既空氣進一步潔淨...我唔想咳到屋企空氣污濁又傳染俾子

經過上網及經一眾準媽媽forum既推介, 最終都一致認為Sharp既牌子係最出色既, 所以當confirm左brand之後, 就再做一輪research....... 最終又確定左有水份HD PCI功能既KC-850A... 功能方面自己上網可以睇, 不過我幾鍾意佢可以用保持房間濕度及其中一個filter會加水份過濾, 感覺很不錯呢, 仲即刻拍板

Well... 用左一段時間之後, 跟好多blog and forum既report都係差唔多, 屋企都少左塵同埋一返到屋企就冇咳lu (唔知係咪止咳藥既力量呢).... 總之有時唔開窗, at least都可以令屋企空氣清潔d及流通d啦... ^^

最近天氣日日都唔係咁好, 日日個天又灰, 又大塵... 混混濁濁咁.... 所以最近每天返屋企, 第一件事就係開齊佢兩兄弟... 一個抽濕, 另一個負責過濾空氣呢....

希望快d好返.... 個個都身體健康呢!

3月17日 添置電器

不經不覺都搬入左新居接近兩個月啦...  真係有好多野想分享呢, 其實置一頭家真係不容易呢... 原因係一直用慣o係手既野, 突然係新居入面消失了 (因為未買), 有時都幾幾"拿"手唔成世ga..... 哈哈.... 入到新居之後, 星期一唔係要買呢樣, 星期二就要買果樣..... 行完超市, 之後又要去行電器鋪., 之後再去行五金鋪.....等等等...... Yeah!!! Shopping好過癮呀....哈哈....係ga.... 不過找數果下仲過癮喎 .... Heater.... Air Cond, Rice Cooker, 抽濕機.... 音響5.1???!?!!! 每日買/每星期買...? 發左達咩...?唔係呀... 不過唔買冇得用呢, 而且成日覺得間屋唔齊野好似唔complete咁...所以...焗買! 有朋友成日都笑住話呢d係一次性既野呢/你搬得屋就預好哂budget啦.... 係既係既....係預左既.... 不過我唔係有一千幾百萬係手未開頭, 用既都係之前儲下既血汗錢...預計左都要小心用錢卦...

一個月內增添了新冷氣, 是暖風機, 抽濕機等等等... 買左好多野...而今次highlight左幾件電器出黎, 其實買之前都有上網做左好多research, 希望大家想買野既都岩用啦...第一樣要介紹既係呢部抽濕+Dry衣機... 買呢部Panasonic X-YHC12X既最大原因係, 呢排天氣真係濕到暈.....洗了衫又唔dry, 屋企又濕.... 一定要用, 佢既function唔講啦....同大部份既一樣, 不過佢卻多左一樣吹冷風, 平時可以當風扇用, 空氣流通d都好, 一般抽濕機只有抽濕/dry clothes呢個function....

Rice Cooker就由李太自己選擇.... 選擇原因不明.....

之後呢部就由好友家族送俾我地新居入伙.... Dyson DC31... 佢係我o係新居用得最多既電器之一,  佢有幾勁????!!!!  大家可以去電器鋪睇睇... or 自己上網做多d research! 但可以同大家講佢係新居既 Must Buy Item之一...... 其他既吸塵機?! 唔會買啦....

1月8日 新居入伙"儀式"

擇了良辰吉日... 今朝一早7:45am就到新居進行入伙 - 儀式!

由於新居工程已經完全了99%.... 仲有1%係入伙之後既執漏呢... 所以屋企人都幫我地arrange了今朝一早到新居做入伙儀式呢....  由於grandma一方既屋企人好多規舉... 所以之前一晚真係忙到甩"look"呢... 真係唔明點攪咁多野...  其實我都知佢地想我地住得順and開心... 不過太多規舉(俗例)... 真係會另到人好煩呢.... 不過anyway.... 今日既入伙都係順順利利.... 哈哈... 家肥屋潤, 個個身體健康, 開開心心... 之後同子一齊趕返工, 哈哈... 將來日日都係咁啦....

不過唔知點解呢... 間屋個感覺在入伙儀式之後真係有點唔同ga.... 正當一面煲水, 又開風扇, 又開TV, 著哂d家電果下.... 之後間屋真係舒服左... 好似同之前有些唔同呢... 哈哈... 心理? 迷信? nevermind啦... 感覺舒服就好了

幾時正式搬入? 最快都在婚後啦!!!

1月4日 新居 90%完成

成個假期都係忙於新居及婚禮之中... 19日假期... 都冇一日可以好好咁"HEA"下...反而日日都"午出晚歸"... 因為早上都係Z..zzZ.z.z..呢 ....

今日新居都開始進行執漏工程, 而窗簾及窗檯坐墊都已安裝好呢! 明天再執好主人房地台及洗手間之後... 再等埋月中sofa到步... 咁就差唔多完工呢... 今晚影返兩張飯廳照...都有8至9成完成啦...

兩個影法... 又有另一個feel呢...

整個工程都總算順利呢.... 而其間其實都有些大鑊mistake ga...  由於唔識咁多工程野... 所以之前都係自己畫圖, 再俾師父execute... 點知係畫少一幅圖就出事啦...... 下面張圖係改前... 上面係改後.....  未改之前真係比個檯角撞死.... 而整個櫃都造深了... 其實我只係要佢一半既深度......... 不過好彩.... 經過補救之後, 效果都ok呢... ^^