4月9日 Welcome Panerai!

一直好鍾意Panerai，不過都搵唔到原因俾自己買！直到最近終於都係忍唔到手！

放工就由子既陪同下買左呢隻PAM 312！

4月13日 騎術學校

一直想學騎馬，可惜冇時間，冇機會！今日經老婆鼓勵，終於正式入紙提交申請，希望可以有日策馬奔馳！只可惜waiting list勁長！有排等呢！

3月11日 311Day ^^

2014年生日快樂！ 

人大了，經歷多了，一切簡簡單單便好了！

多謝子陪我慶祝生日，祝願所有朋友都心想事成，身體健康！

1月31日 恭喜發財

年初一啦！恭祝大家新年快樂，身體健康 & 心想事成！

又這一年了，時間真係過得好快！希望今年事事順利，開開心心！

年年新年都會回老家住下，陪下家人過節！

10月26日 寫寫寫～keep blogging

仍然唔捨得我呢個跟我多年既blog! 10月30日定止更新！今日已經26號啦， 一口空氣update了幾篇blogs! 其實最近有很多事很想分享， 不過真係都update唔切, 因為都要盡快準備上新blog安排！ 等我啦！ 希望快d可以同大家share新blog address

10月20日 洗滌心靈的一日

今朝一早陪老婆到山頂慈善行，之後終於去左傳聞中好正既Ritz Carlton Spa by ESPA! 

洗滌心靈！

呢個地方無論係一個字～正！好值得推介！

今日好好咁睇住日落，估唔到原來今日係咁值得回憶呢！

7月1日 大食團之健康運動日

一班朋友約好左7月1日飯局之前陪下兩位BB游水， 而其他人可以去cycling.... 平時大食團食咁多野， 都係時候要注意身體啦！ 點知今日掛三號風球， 所以之前plan好既野都cancel左！ 正當以為只得返飯局， 子竟然提出不如ad hoc冒雨狂跑！哈哈 ～ 既然由妳提出， 更陪妳既！ 即時call埋其他團友ad hoc出動！

多謝哂一班好友即時出動， 陪我地一齊癲！ 雖然只係輕鬆hea跑3km.... 但只要子肯做運動， 老公一定支持啦！ 加油！
做完運動， 當然又大食啦！

5月11日 行山遊及我的第一次？！

天朗氣清！ 做咩好？！ 行山lor....之前老婆工作超繁忙， 大家都係時候同大自然做朋友啦！ 前幾日個天都仲日日下大雨， 今日竟然陽光普照， 仲要叫得曬曬地， 對於開始跑返步既我， 都有點辛苦呢！

N年冇行過山，老婆又有幾個好朋友一齊行！ 就晨早9：30am趕入東涌， 今日行奧運徑 ！ 由東涌行入去徑既入口都要3﹣4km, 而條徑大約7km左右啦！

由於星期六一向都係family day, 所以一直認為今日唔開車行完之後直接由梅窩搭船出中環應該趕得切返銅鑼灣飲茶！ 11﹣12km 1.5hrs應該可以完成！點知山路崎嶇， 又大隊前行！ 哈哈！ 最終都要成1:30pm至出到碼頭！ 不過行呢段徑我都覺得可以推介！始終到東涌比較方便， 回程有船到中環！ 比起去新界更方便出入！ 一路行呀行！ 其實都幾開心！ 不過下天就真係要think think la...... 不過今日行到半到都真係受傷了 


再次多謝哂咁多位老友記既問候， 話說今日行完山開始落山之際，一邊落斜， 又一邊叫老婆小心及教佢落斜， 點知膝蓋突然有點痛， 由於要趕船返香港， 太陽又曬， 都要頂住行啦， 平時跑步有時都會痛， 不過跑跑下會冇事， 不過今日越行越痛， 頂到出香港， 行唔到， 之後打的到CWB FAMILY GATHERING，因為都遲到啦， 所以都幾趕！ 不過最慘既係真係行唔到！ 食飽飽之後以為抖夠， 點知一行， 腳痛到冇力又行唔到， 死頂行去睇跌打， 點知關左門， 之後誤打誤撞， 搵到呢間求救！今次真係人生～～～第一次睇跌打！ 

整左成日， 好多了， 藥都除了！ 希望休息兩日會好返啦！ 今日要多謝老婆扶足我全程， 再要多謝兄弟Jerry收到我CALL後幫我搵跌打， 最後仲要多謝曾家兩公婆送我返屋企（哈哈～晚黑去左食生蠔）！ 哈哈！Sweet Sweet!

4月28日 IRON M&W ^^

最近全城Ironman! 兩公婆兩日前都去左cyberport睇左場3D Ironman 3啦！ 一個字！正呀！ 其實o係睇Ironman3之前， 我地仲一次過返睇左第一﹠第二集！ 個人覺得一二集好睇D， 而另外有套外傳Avengers都好好睇！ 第三集反而有D over左啦！又用remote, 又幾廿隻一齊好似有D冇左"鐵甲“呢個特點，反而變左機械人大戰!不過套戲都係唔可以唔睇既！



睇完套戲之後突然間想買隻Ironman返屋企擺！ 於是星期日就走左入某間玩具店逛逛！ 最終都冇買， 返而影左張低B相........... 嘩～～～哈哈哈！

4月17日 我的第一個10km

最近開始注意身體！ 由一月尾開始， 就要求自己要做多些運動！身體健康， 對自己， 對家人都係一個責任！ 幸好我身邊有一班好朋友， 其實自上年年底有感人開始老， 身體又越差！ 再加上其實自己開車咁多年後， 真的懶了， 有時連行去停車場都覺得遠！ 行多兩步都唔夠氣， 真係唔掂！ 所以依家都盡量Keep住每星期跑兩晚步! 雖然有時都會跑下行下！ 不過都睇到個進步既！ 之前2﹣3km, ，到之後4﹣5km, 6﹣8km, 到4月12日一個勁好天既晚上， 終於由醫生朋友陪同下完成左第一個10km! 真意想不到！完成了， 成身汗， 冇哂氣， 不過勁有滿足感！

3月10日 Run! 跑吧！

我不是高手， 更不是跑手！ 

長年只顧工作，玩﹠食 ～再加上少休息少運動， 直到上年尾終於感到身體越來越差， 都係時候要為自己健康努力一下了！

其實由1月尾開始都KEEP住一星期跑一兩晚， 由第一次圍住朋友屋苑跑只跑到半個圈就冇氣， 到上星期竟然可以又跑又行跑到8KM左右，不過平時都係4﹣5KM左右， 都真感到身體既耐力好似進步了！ 其實今次突然跑步都想多謝幾個人既支持！ 子， BM哥AND Joseph兄！ 子佢好SUPPORT我跑步， 仲幫我增添左好多GEARS俾我呢！哈哈！ 而BM哥就係知我身體差， 第一個捉左我去跑步既老友， 沒有佢支持， 我應該唔會跑！ 而Joseph， 就係我RUNNING BUDDY， 最近好多時間都一齊慢跑， 互相SUPPORT！ Thanks alot!

2012 回顧

2012年是我最UP AND DOWN既一年！ 大喜大悲都經歷了， 是時候要休息一下! 

希望2013年會一切順利！

11月1日 Audi Pure Performance

最近很大壓力! 放工之後去左參加Audi o係亞洲博覽館既function

8月30日 充電中

新工作在即! 子都拎左10日假陪我! 大家本想去個short trip, 但又唔想係到人又累, 心又散! 最終去左澳門好好休息下就算! 今次去左威尼斯人住, 子話唔叫個breakfast係房食下, 都唔可以好好咁hea到... 又好!

8月29日 - Nespresso Crealto Preview Event

這個就是李太最新傑作! Tiramisu x Crealto!!!  (其實呢個係參加完個event之後一個星期整既!!! )



今晚陪子出席左nespresso既event! 主角同然係新既limited edition ~ Crealto!

 


今個event都幾得要呀! 有得飲, 有得食, 又有得拎! 正! 不過冇想過coffee可以溝酒既...

好靚既crealto capsule!!!

呢個廚師仲即席整左 Tiramisu x Crealto! 子當然好有興趣咁學啦!

好快完左個party之後, 就趕左去PP見兩個好重要既朋友... Yan and 澄! 很快樂的一晚!

8月24日 15年後第一聚!

今晚出席左期待成一個月既華仁仔5K班大聚集! 其實唔係一個月, 正確黎講係15年! 
舊同學既聚會間唔中都有出席, 不過只係自己班既就少之又少! 今晚一聚, 感觸良多! 而今晚仲有兩位老師出席, 當大家成為了朋友, 話題真的更free又更多!



一班同學, 大部份都冇咩變, 而大家今時今日更做遍唔同行業! 感覺真係特別, 一轉向多野講既我, 面對住一班高手, 我都真係算靜了! 哈哈....
今晚個場, 就係我地其中一位同學開ga! 

成晚男仔, 又點會食完就算啦! 之後當然又暢飲一番啦!

8月19日 英超開鑼！

英超開鑼啦！ 為左心愛既球隊， 當然要入貨支持啦！本來想印Giggs, 因為點都想有一件佢既球衣， 不過今年新簽入既球星～香川真司Kagawa實在太吸引啦！ 所以最終都選擇印佢！ 不過最厲害既當然係費SIR今夏既最大收購 No.2 Nat Nat啦！



不枉我多年既引導及用埋法國TRIP既引誘。。。哈哈！ 子！ 妳要多D陪我睇波呀！  Forever Manchester United!



繼前年後， 今年又有情侶裝啦！

8月4日 Apple One to One Training

由香港apple買了部mac book pro之後, 順手報了個一年既course, 一係唔睇, 一睇竟然得返50多日, 見星期六之後會陪仁屋企人飲茶, 好! 12pm上返個one to one training先! 今日學basic野, 之後要學執相and整片, 點都要學識點fully utilize部機先!

今早到左IFC泊好車之後就先到LGB買杯 Ice Soya Latte, settle down之後專心咁上一個鐘堂! 正!

7月7日 兩日一夜青島特約澳門爆食十三餐勁食之旅

兩日一夜青島特約澳門爆食十三餐順利完成！飲食兵團勁呀！好開心嘅勁食之旅^^
點解青島？！ 因為去到邊都飲LOR！ 餐餐都飲！ 原來啤酒重平過水！真過分！ 

4月22日 一年了

一年前既今日! 身在奧脫福球場, 享受了14天歐洲之旅再加7天香港假期! 這個長假, 有得有失. 一年前後, 說實話, 生活快樂了! 當然有些事是可惜的, 不過生活還是要向前! 我要令生活更好! 每一天更要快樂!

最近努力融入新工作中! 希望盡快可以令自己on track啦! still alot to learn!

一年前後, 真的轉變不少!