9月28日 香港

我們的香港, What's wrong with our home town? 

It's hurt........

7月15日 Our 12th Anniversary

Happy 12th Anniversary! 

12年了！倆口子一齊經歷了很多，由單身，畢業，工作，置業，結婚，直到今時今日。很感恩和知足！今年沒有買花，沒有買禮物，只係開開心心食餐晚飯。

因為12週年最好的禮物,已經擁有了 ^^

8月30日 Yahoo! Blog 關閉服務

今朝一早收到老婆既電話告知話Yahoo! Blog即將關閉服務, 心中都不禁仲有點懷疑，係咪又係d謠傳ja.... 但返到屋企一上網見到紅色果堆字， 心情即時一沉， 多年感情， 多年心血， 一句說話， 個多月既通知期， 個blog就要關門大吉？！Why?!

Yahoo! Blog是我由2007年開始寫既blog！ 不經不覺就6年多啦！由單身，求婚， 籌備婚禮， 買樓， 裝修，大日子，Honeymoon,  新居 ，家庭生活，旅行， 車車， 足球， 朋友， 工作， 心中感受等等等等， 無論大小事都為我自己記下！我喜愛記下自己一切回憶， 閒時可以回味一下， 坦誠記錄自己感情及感覺下！ 更易認識一班志同道合既知心友！我很感謝呢個blog給我紀錄既一切喜怒哀樂， 及給我一個地方去舒發自己既感覺。700多篇紀錄， 260000多既瀏覽紀錄！ 很有滿足感！另一樣我愛yahoo blog既係我可以o係買野時揾到好多user report! 好有用！

但今日多了這段紅色既告示， 心真的碎了！ 轉blog重新開始是很煩既一件事， 但感情才是最重要的， 雙魚座既我係咁ga la.... 感情先行！ 其實自對上一次yahoo! Blog既系統更新之後， 就已經發覺個blog越來越唔user friendly, 心中都知道yahoo冇心再發展呢個blog, 但係都冇想過佢地會摺埋  心碎其實係感到又一個時代既終結！ 我由19／20歲開始寫blog， 經歷由icq, geocities, msn, netvigator chatroom, netmeeting, yahoo! blog一個又一個時代既盛世， 而到今時今日一個又一個地開始被淘汰， 心中不禁有點.......

對上一次geocities關門已經令我失去很多，幸運地我有做到backup, 反而今次yahoo就咩都沒做！ 一直以為yahoo係大公司， 點會摺埋呀？ 點知咪又係咁？！ 咁下次又可以去邊呢？！ FB????!!!! Google???!!! blogspot? or yahoo recommend既tumbir??!!! 過多幾年or 過多十年又會唔會落幕呢？！ 要記得當年既Yahoo係幾咁強大， 又chatroom, 又auction, 又blog, 又...... 但今時今日又係咁？！灰！！！！


Anyway... 再灰再感歎都不是時候啦！ 由於時間不等人， 都係要盡快搵屋搬至得啦！ 由於o係度認識了很多朋友， 真的真的不想大家各散東西， 所以最大選擇新blog既因素係睇大家會去邊...... Blog友們， 你地會去邊？！！！！ 請留言告知！！！！！


我自己選blog條件如下：
1. 最多現有Yahoo Blogger會轉到既新地方
2. 最易轉移／搬家 （真係好重要）
3. 大blog此終較好， 始終不想一兩年又要搬家
4. System要穩定

在這重要時間大家可以多多交流， 大家都可以盡快揾到好地方落腳啦！


希望大家有緣再聚.........

ps. 記得話俾我知你地去邊呀！！！

4月22日 一年了

一年前既今日! 身在奧脫福球場, 享受了14天歐洲之旅再加7天香港假期! 這個長假, 有得有失. 一年前後, 說實話, 生活快樂了! 當然有些事是可惜的, 不過生活還是要向前! 我要令生活更好! 每一天更要快樂!

最近努力融入新工作中! 希望盡快可以令自己on track啦! still alot to learn!

一年前後, 真的轉變不少!

12月31日 2010 完滿的一年

2010年的最後一日啦... 本想用完美的一年作標題, 但最終只用了完滿  原因是希望往後可以更完美, 不過說實話, 2010年卻是近年最快樂的一年! 所以很感恩 !

一直很想o係有mood既時候寫個全年既round up.... 哈哈... 就今晚吧! 回顧今年.... 真的有很多很多既轉變呢...  當然... 開心事佔多啦...! 所以特別想記下...

婚姻 

年初終於同子結束了7年多的愛情長跑, 李生藍小姐正式變成李生李太名號  新婚生活先正式同子兩個一齊生活, 一切順利... 家中分工有序... 沒有不習慣... 感覺不錯... 家中每一樣野都一步一步慢慢咁砌出黎... 家室都慢慢建立起黎! 而且婚後先知子識煮咁多野, 相信不久應該變成肥佬一名, 不過我唔會俾自己變肥佬既....放心!

子! 多謝妳既support and 照顧!

 

家庭

家中各人安好... 心滿意足!

 

工作

為了可以有一年好好享受新婚生活, 自己成功由前線既工作轉往一些較中前線既consultant工作, 當中放棄了一些tangiable既rewards, 不過卻換來了一些私人時間及避免了一些不必要既精神壓力! 值唔值得....? 當然值得... 新婚既生活只有一次, 我唔想日日o係壓力/OT/Briefings中渡過! 其實年中都有迷茫過... 做人係咪應該現實d呢...? 不過之後都唔想太多啦.... 既然plan左一年休息期, 好好enjoy吧啦...不過一年時間過得很快, 又一年啦... 所以已經訂下2011年既objectives俾自己.... 希望今年會有些轉變啦!

 

朋友

今年真的忽略了一些自己既朋友, 真的不好意思, 自己實在太懶, 好多時都想返屋企好好休息.... 下年應該好些!  不過慶幸自己生活上有一班好友, 而其他工作及情感上都有一班peer groups 可以support及sharing.... 還求什麼?

 

生活

今年生活都算滿足... 計埋Honeymoon... 總共去了3次旅行, 4個地方... 馬爾代夫, 新加坡, 上海, 日本... 哈哈... 出年應該一個long及一個short trip就夠啦...  而5月又換了新車...哈哈... 雖然唔係咩名車. 不過都已經好滿足啦!

 

健康

2011年要做多些運動至得啦... 唔可以再成日都傷風感冒呢

 

今年總算順順利利咁過啦! 展望2011年可以更好啦!!!

預祝大家都身體健康, 快快樂樂!

9月10日 家

屋企既裝修工程仍然進行當中, 而依家飯廳中所有既酸枝傢俱全部都被送到維修廠中進行修復工程... 因為佢地都一把年紀呢...所以都要好好保養佢地呢 其實以前唔識欣賞呢d傢俱, 不過呢幾年就越來越鍾意呢類古老傢俱呢... 因為好有中國feel呢! (不過自己新居就唔會放lu)... 大傢俬都被送走.... 依家就得返兩張用黎招呼好友用既雀檯... 一張放電視而另一張就用黎開飯....  其實我自己都好少返屋企食飯, 不過今晚o係呢張咁細既檯度開餐就真係有另一返感覺呢.... 唔知點解好有"家"既感覺.... 細細地咁4個屋企人圍埋一齊坐, 真係好耐都冇試過lu...都warmwarm地ga... 要想起對上一次咁迫咁坐埋一齊食飯, 起碼都18年前仲住灣仔既年代... 之後搬左黎大坑道又轉用左長檯, 大佬之後又去了英國, 而我又去埋澳洲, 所以呢個方法既家庭飯局, 又真係好少有...

其實自從星期日拍左板買屋之後, 心情真係有d矛盾ga... 一方面又好想快d有新既生活, 有自己既地方, 有自己同子既一個安樂窩, 但另一方面又有d唔捨得自己既現居&"生活模式"! 始終由細到大都是4個家人一齊住呢! "老土症"又再一次發作呢... 說真的... 離家外住我不是第一次, 只不過今次卻不同了...因為呢個生活模式之後就不同了............黎緊呢半年屋企既轉變都幾大... 11月新工人到步, 12月大佬結婚, 1月到我.... 家中一時間增加了3個人...轉變一定有呢... 由以往只有4個人既家突然變成了7個人...唔知到時跟依家又有咩唔同呢...?   點都好啦... 好好珍惜呢段跟家人同住既時間啦....(雖然我都唔"痴"家既)....

我相信當我遷到新居之後, 就是我人生一個新開始呢.... 

5月11日 今年今日...

一年既轉變真係好大,而仲記得上年今年今日...心情真的極不一樣呢!

上年既今日都係開心既, 不過之前既日子就真係....真係想不到咁快就一年lu, 真係希望子妳要健健康康呀!  其實個個都要身體健康and開開心心既...

而今年今日... 新的工作, 新的環境... 此時此刻... 咩都慣lu.... 今個batch既同學比較多, 個個都不錯個... 不過最開心既都係同檯既幾位大哥大姐... Angie, Anthony, Brian, 采兒, Victor... 我地幾個都幾合拍, 所以overall都好開心呢... 日日都係咁玩又笑又玩滴露....  不過最重要既係佢地都幾experience, 又有private banker更有RM2... 所以有佢地幫手, 大家學新野都幾快, 有問題仲可以教到我呢... hahaa... 講真, 呢個training都幾intensive... 由開戶口, Banking Services, Margin Trade, FX, Hedge, NDF, Funds, Options, Futures, Mortgage咩都要學....都幾full schedules ga...朝朝都要做investment work and 日日仲要test....有時都幾大壓力ga, 不過好彩班同學都互相support, 所以都過左幾關la.... 而唔開心係waste左個MPF牌... 因為公司冇做....  最怕讀書, 不過成日都有好多野讀... 不過nevermind la... 有人工仲可以學野.. 都係一件好事... 話咁快就上左一個月堂啦... 仲有三星期就要落行... 有d緊張呢...

工作以外... 最重要既就係籌備婚事啦... 上年子入醫院時, 已經有個念頭.... 而今時今日... 大部份既重要野都已經settle好...  依家開始跟schedules一步一步黎, 應該都可以既.... 等再攪埋間屋仔... 就掂哂lu....

祝一切順利呢...!!!

2月25日 很美的婚禮

最近再有一位華仁同學仔ken先生結婚了... o係度祝佢地新婚快樂...

睇過佢地結婚當中既照片and 部分既video, 說真的一切都很美 !

所以希望o係度分享一下佢地既喜悅, 更加希望可以取下經呢...

再次祝新郎哥and新娘... 新婚快樂, 永結同心

回顧我的2008

今晚總算有些時間, 去寫寫2008年的回顧...  

前幾天出街既時候, 影左呢一條我每天行到巴士站既路呢.... 果朝早既天氣好冷, 不過有著陽光藍天白雲...心情很不錯呢.... 希望2009年, 每日都有呢一種輕快既感覺

2008年... 是很突別的一年, 總結今年我真的不知道呢一年算是成功還是不成功... 或者就算不過不失吧! 2008年的前半年是很快樂的, 而後半年卻跟一般香港人一樣,受了金融海潚的影響了心情... 沒有了之前的開懷...

家庭上, 今年一家人都開開心心順順利利, 一齊總算可以吧....grandma身體健康, 爸媽常常去旅行, 俾我可以放心的做做自己事.... 多謝佢地... 我希望佢地之後都要身體健康, 開開心心就夠了...

愛情上, 不用說的就只有子一人, 今年我同佢都經歷了很多很多.... 當中, 最令到我擔心最憂心既就係五月既一次手術.... 那次既經歷至今.... 說真的我還是有點怕... 人...原來是很脆弱...我還有很多很多事未陪子做, 幸好當時有一班好友的支援支持, 如果沒有佢地, 我都真的不敢想像... 說真的, 我真的很感謝幾位朋友Dr. Li, Edmund, Jackie, Kennis and Amy 再一次多謝你地! o係最近一次既checking當中, 佢已經康復了...經濟過這次經歷, 我自己的life planning其實都有所更改, 有些target在可以既情況下, 我都希望可以提前進行...再俾多少少時間我吧... 努力中; 此外, 今年我都很替佢開心, o係工作上我相信今年是佢豐收的一年, 恭喜妳! 我地今日既付出, 都係希望將來既生活可以好一點.... 大家努力吧!!!

工作上, 前半年是我工作以來最快樂的日子...回報及工作性質既適合我既性格又唔困身, 第二季出的糧其實以經足夠我08年全年的洗用, 所以生活總算可以, 雖然市場已經受到海嘯影響, 不過一切總算順利...不過年低時金融海嘯的影響越來越大, 身邊一位一位既同行朋友都慢慢離開的離開淘汰的淘汰... 心都灰了... 現在總算還頂得住,不過都越來越難做了; 10月份本有一次轉變的機會, 只可惜市道既影響.... 都告吹了... 今時今日, 唯有頂硬上... 搵得幾多得幾多, 做得幾耐得幾耐.... 相信呢個都係不少人既心聲.... 不過總括今年.... 自問自己還未達到年頭訂下的目標.... 所以.... 失望; Btw, 上年極trouble的老板已經離開了, 希望今年o係新team新老板的情況下可以有更好的發展....

今年全球的人都受到影響, 每個人都有自己既故事, 更有自己的煩惱, 希望好既環境可以快d到, 更祝身邊既所有人都身體健康.

講左好多工作上既野, 其實都有好多開心事想share呢.... 其實睇左我blog耐既朋友都知..... 呢段時間除了子之外....我見得最多既.....就係梁家既小B Jason啦....今年年頭睇住佢媽媽個肚一日一日咁大..... 到BB出世前一晚我地仲上左山頂飲野...到佢第一日出世, 直到今日佢五個月啦....... 慢慢認得人, 慢慢撩人講野, 又識轉身.... 可以睇住佢一天一天咁大... 一日比一日健康及可愛...我同子都好錫佢, 所以一有時間都去搵佢玩呢, 呢種感覺真的很奇妙很開心, 佢既來臨真係改變左不少人呢... 希望佢都開開心心健健康康! 另外一件開心事, 就係Karen and Nelson既wedding.... 好成功, 好開心.... 見到佢地11月時終於拉埋天窗, 真係好幸福呢..........!!! 仲有....... 太多太多la.... 所以不說了.... 

最後當然還要多謝一班老友記啦!!! 有些事... 心照吧! ^^

最後, 2008年我經歷的真的很多, 而我相信2009年會是更難的一年....祝願所有人都可以順順利利....

 

2009年的我...伺機而動

12月22日 凌晨時份的享受

這個凌晨時份實在太享受, 太有mood...

今晚早左返房, 又見冇咩做, 就開左一枝Nelson結婚時送比我既白酒自己o係房自隊... 想搵隻似樣d既杯好好咁嘆一下, 點知搵黎搵去都唔知阿媽放哂我d杯o係邊, 唯有求其搵隻啦....

今晚11pm就開始飲... 一面飲, 一面讀返自己以前既blog, 又寫下依家個blog... 真係好有feel, 好有mood....再加上方大同隻新Album橙月and自己房點既香薰味...視覺, 聽覺, 嗅覺, 感覺都得到全面滿足, 實在太陶醉...  (p.s.極力推介方大同既SingaLoveSong and 三人游....)

之後一面飲, 一面同自己既朋友仔MSN...直頭好似大家去左clubbing咁傾計, 今晚先同左一個識左8年既英國友人ColCol Chat左一晚, 真係好耐冇同佢傾過, 以前o係澳洲反而傾得多d, 大家都有d sharing... 正呀! 之後又同左sorlo傾計.... 哈哈... 咁o岩既... 大家成晚都狂聽三人游..... 多謝你既lyric... 好正!!!

就係咁... 攪到成2:30am至sleep... 雖然聽朝仲要返工, 不過都係值.... It was one of my perfect moments in 2008.... Happy, Relax and ...... 唔識講.... 一個字.... 正!!!

12月10日 Dream House?

最近成日都同班華仁仔出黎吹水, 從而都得知有佢地有幾個都已經成家立室, 而當中有幾個仲有自己既生意,物業等等..... 真係~~~唉!  大家都係28歲.... 點解相差咁多ga.... 我仲要做多幾多先可以achieve到我要既野呢...???

今日click左佢地既facebook, 點知睇到阿K先生間屋... 即時"嘩"左一聲.... 呢隻灰色tone既裝修係我最鍾意ga, 仲要點解間屋會係.....咁既??? 問左之後先知原來佢間屋o係將軍澳......

佢間屋真係好似我上次o係昇悅居睇果間既....? 佢既小露檯係我既最愛(仲要係有維港景)!!! 請朋友上黎飲杯酒, 望住個海傾下計, 就真係正爆, 所以上次一睇已經好有feel, 不過又未到價...想等佢再跌下就可能有chance啦, 點知未等到就已經賣了...

最近銀行又加按息, 從事金融工作又有一大隱憂.... 唉.... 依家真係唔知點, 唯有都係過了年再算啦, 幾時先可以有我自己同子既"竇"呢....?

7月7日 雙魚座

雙魚座 - 愛幻想, 感性, 情緒化, 重感情....發神經

而我? 就係呢種人.... 對自己重視過的, 其實都放了很多感情.... 當中親情, 愛情, 友情都是我最重視的.... 只可惜呢方便我既表達能力係最差既.... 唉... 

最近真係Period come... Well.... 又係d情緒病, 思緒混亂症... 自從903出左果個tool bar之後, 前幾晚weekend晚晚都聽收音機..... 凌晨既2 - 3am聽到既好舊好舊既歌.... 真係比佢"撩"到我d mood又出哂黎.... 即時download返哂好多好舊既歌一面聽, 一面寫blog呢.....

剛剛聽緊一首最可以respresent到我剛到melbourne時既一自首歌, 就係許志安既<怪你怪到心痛>....聽緊果首歌果陣, 我都係到左melbourne一陣, 而果時仲用緊MD呢... 仲記得當時既我.... 哈哈... 個心都唔係melbourne, 而係o係香港呢.... 果個年紀...個心大部分時間都係掛住當時既女友呢... well, 不過一切都係過去呢....而果時聽住呢首歌, 每日8am就由fairfield既homestay趕出去街口既火車站..... 話就話街口ja.... 不過都要行成10分鐘... 仲要係超高速果隻... 所以有幾"近", 大家都知la... 不過最甘既, 就係冬天得果一, 兩度.... 又下雨..... 係果面又唔興拎雨傘呢... 所以一面"林", 又一面急步俾d冷風吹...都幾......係野ga.... 到左車站... 又要坐十個站至到Melbourne Central (City), 再轉tram又要15mins至可以到college.... well...每次企o係站前, 我都會聽呢首歌呢...  果時成日想.... 8:30am.... 香港既家人, 女友, 朋友... 佢地個面都係5:30am... 唔知佢地點呢... 日日如是....人生路不熟, 當年只有18歲既我, 又第一次出國 個mood都好似幾淒涼ga...不過呢種mood都只係維持左一段時間呢....... 因為兩年之後搬左出city... 生活就唔同哂呢.... 不過今日想起同一班housemates住, 真係好開心ga... home master有兩間屋... 收左好多唔同既學生....黎住... 住得最耐既都係佢地... Yuko(Japan), Cathy(HK), Terry(HK), Eka, Ganda & Wiwed (Indonesia)...... 當中yuko之後都同我搬左出city... Terry and Cathy同我就如兄妹, Eka & Ganda係親兄弟, 而wiwed最有錢... 屋企好多野都係佢整... 好似foxtel, cable tv等呢.... 仲記得以前有段時間最唔開心.... 半夜就會由後花園走去cathy房外拍窗叫佢.... 有幾次仲嚇死左佢呢.... 而terry就成日同我打機... 食宵夜.... eka and ganda...我地好多野都會share玩呢.... o個段時間, 又真係好開心...好有回憶.......

過左去一段時間.... 睇返自己以前都好攪笑呢..., 睇下我個長毛look...... ^^ 驚唔驚...??? 當年仲好瘦呢.... 面勁尖呢.... (依家擂緊安仔既<心靈相通>), 好想唱K呢...

其實我有好多野仲想打呢... 不過明日仲要返工... 唉.... I think I really gotta take a break 呢... 最近有很多迷茫... almost十年前既我...同今時今日既我...有點lost呢... 很想回到過去呢..... 好多野都share.... 點好呢...依家mood起.... 真係好想彈返琴呢... 不過依定個琴搬左出飯廳, 半夜三更... 都係要忍手呢......

不過最近想得最多既都係工作, 唔知如果俾我從頭再行一次.... 我又會唔會有另外一個story呢? 其實我本身大學時唔係一開始就讀B.Com ga....我考入大學果時....係入左The University of Melbourne 既 Architecture.... 為左改科, 果時都同老豆debate左一輪ga... 工作上... 下次再share吧... night!

4月20日 難過的一星期

這個星期... 真的過得很重...

不過在這裡我都不想多提, 而我只想多謝所有為我分憂既好朋友..... 謝謝你們!

希望一切都可以盡快settle...

 

 

3月29日 我的"散"文

好耐都冇寫過blog啦... 其實好多野都想寫ga, 不過每次一坐左o係電腦前面, 都係想click...click...click... 之後就sleep lu... 所以其實都miss左好多野... 好多感覺... well, 既然係咁, 我都想一次過寫哂呢一篇散文... 散既意思係... 真係散哂既意思... 希望大家睇得明la....

朋友---其實自從去完macau trip之後我地都攪左好多野ga... 之後有Tuem mum瘋狂雀局海鮮dinner啦..., 真係個個都玩到癲哂ga... 女仔既又玩得開心, 男仔既炒人同比人炒都咁crazy... 其實識到呢班朋友仔真係幾開心又玩得埋ga.... 我記得有位好朋友講過... 有時真係好少有對對couples都可以玩得埋ga....男仔又可以一講車, 影相, 電腦, 旅行咁... 女既又可以一齊玩下四方城, 扮下靚, 食下野咁.... 而最重要既... 係個個都可以做到朋友... 都幾難得ga....  而o係呢班朋友當中仲搵到幾個可以傾到心事既, 都真係一個bonus黎ga...^^ 所以~都幾開心呢...

屋企---最近都幾多野攪ga... 又要整部NOW HD TV Box,  整呢部野都幾受氣ga, 不過好彩大佬攪掂.... 真金白銀買部機... 佢地竟然俾部二手我地, 仲要係唔work果隻..., 個installer仲死, 話如果我地唔要就成部拎走, 叫我地用住舊果部先... %$&^%&%^% 唔係卦, 之後打去佢地CS complaint.. 佢地話香港全部既都係二手... 我 "大佬"真係火都黎埋... 插到佢地死, 依家做緊promote... 叫人買機, 你竟然同我講全部人都係二手既... 咁你真係有病... 比錢買仲要係二手??? 冇野呀... 我唔係租機ga..... 攪左一輪, 終於個師父都係死死地咁返去拎部新機黎..... 又話冇新...??? Besides,  遲d屋企都幾多野要攪.... 換全廳air cond, 又要拆鐵閘... 真係幾多野要煩呢....

今朝起身...剛剛眼都未開就走左出去老豆間書房, 打開窗... 想吸一下新鮮空氣... well... 望一望個景.... 我都唔記得左自己有幾耐冇望個窗外個景lu.... 日日放工都係睇電視 and 上網.... 原來真係會miss左好多野ga....唉... 而今日一睇... 對面間大廈拆左又起緊lu... 相信好快又會起到好高lu.... 真係唔明點解香港間間屋都要起到咁高既....???

買野---最近好想買好多野呢.... 改車.... 已經搵mimi訂左條喉.... 又差唔多成7,000蚊, 我點解可以咁大洗ga.... 果時想儲錢... 果時又心癢.... 真係冇用..... 仲有好多野想改, 不過真係要按住自己呢....  唉.... 自己仲要係做wealth management.... damn it.... 而今個星期仲去左睇好多野, 不過真係要有用ga... 好似個External harddisc.... 搵緊隻500G, Maxtor, Seagate or Western Digital... 有冇人有好介紹呢....??? 之後又想換書臺chair..... 唉... 不過唔知咩好... 唔知黃生有冇好介紹呢...? interior design佢都在行ga..... 勁 ^^

而今日下午行行下街同子又撞到sorlo and helena.... 我地幾個又唔怕肥咁去左食ice cream.... 真係攪野.... 不過講真, 我都幾多時o係街撞到佢呢...而晚黑就約左jackie and kennis地去左mega box行街... 因為我都要去OTO拎我訂左個幾月既massage machine.... 真heavy.... 其實最近都見得幾多jackie and kennis... 個感覺都幾得意ga.... 睇住佢地兩個結婚, 依家又有左BB...見到佢地咁幸福, 其實都幾開心ga...而最近都陪過佢地睇過幾次BB野...原來今時今日要買BB野...都真係要好有學問呢..... 見得多, 睇得多.... 其實個心都開始期待ga.... 好想快d見到佢地個B出世呢.... ^^   而行完街之後我地就去左kowloon city食日本野.... 今晚仲食左d好好好大隻既生蠔呢....真係成隻手咁大ga...正!!!

11月8日 寫... 不出...

今日發生左一些事...... 我想寫, 不過我寫不出....

我只想好似以前在melbourne一樣~~~ 冷, 夜, 聽著mp3, 一面行... 希望可以釋懷一些...

只可惜, 我行了很久.... 都辦不到...

11月4日 業主夢

今日真係好開心呢... 一個最重要既原因就係天氣好lor... 天朗氣清,  好耐都冇藍天啦, 今朝一早見到咁, 即時都想去郊遊, 不過可惜啦... 子又要返學, 所以我都先陪左佢食飯, 之後就再搵節目lor... 所以下午就入左去kenny兄屋企, 再"食飯" and去佢屋企"拆屋" hahaha...

佢倆公婆簡直勁... 勁咩...?  我只可以講... 什麼什麼 "x聯物業", "中x地產"都唔係佢地對手, 本來打算上去坐坐, 點知依家突然攪到想買樓..... 今次真係荒唐, 上次睇下樓點知就買左車, 今次探朋友... 之後唔知會點呢...??? 不過講真, 其實我都開始有置業既打算, 依家開始供, 再放租出去, 等一兩年, 可能換樓又未定, 自用又未定... 所以依家都真係要好好咁plan下...

以前去深井多數都係食下糖水呀,  燒鵝咁! 一直都好少留意佢既四周圍... 今日下午一邊同amy and kenny食飯, 一面又聽佢介紹, 真係覺得幾好呢...  一個小社區, 食野, 交通, 環境都ok.... 真係可錯, 以為佢好far away, 但係其實由TST過黎都係15mins, 同我由跑馬地過去都差唔多... 而且keep住行highway, 好似油錢都慳到喎.... 其實之前都係睇緊杏花村or 置富or 昇月居果d budget大約2-3M左右, 不過睇完呢度又真係有多一個選擇... 個人比較prefer杏花村... 可能係情意結...

上到kenny屋企, 真係ok喎.... 景靚&屋內設計又好.... 真係幾適合兩口子住... 閒時又唔一定要出市區, 我即時想起melbourne既fairfield.... , 可以好清靜咁留屋企都可以.... 哈哈... 搵日真係要同子上去睇下... kenny, 我真係好鍾意你間屋呀... ^^ 簡簡單單最好!!! 不過我最鍾意都係你飯廳放車仔個櫃.... 好正!!! 哈哈, 等我放兩張相share一下先(我已問左kennyw兄拎permit ga la, because都要respect佢既privicy), 不過靚野唔怕share啦, right??? 經過今日睇過間屋之後, 我估我真係會開始consider一下, 不過最快都要係明年7月後既事, 因為我有d地方仲要用錢呢....不過今次真係心癮起.hehehe....

今次真係比人"的"起左條癮...... 咁我要save money for mini tune up or 首期呀...? 之後下午都係留左o係kenny屋企, 睇下怪談, online下搵下brake disc d info咁lor... 之後6pm左右就同埋kenny"s 媽媽一齊去海港城行街,之後sorlo仲幫我接左子過黎呢... thanks alot sorlo....

8:45pm左右我地6個就一齊去左土瓜灣食新疆菜.... 食左勁多野呢.... 大約10pm左右就散場lu.... 聽日又要返工la....

返到屋企都有同老豆傾過.... 不過佢好似prefer港島果面多d... 不過再plan plan先啦! 不過我都有信心下年應該都可以做到... 要再努力工作至得啦... !!!

最後要再多謝kenny and amy今日既招待!!!

10月30日 秋~~~胡思亂想

秋...... 唔知點解突然只想講呢個字...可能剛剛沖完涼出黎感覺到有一點點既涼意... 其實秋..... 除左涼之外, 仲有一種靜俾到我... 就係一種類似寂寞既感覺... 我很起喜歡秋天既感覺, 因為唔知點解每當天氣係咁既時候, 我都會想好多野.... 好多好多既無謂野...   

仲記得剛剛去Melbourne既頭一年, 過左去3個月左右就到秋天啦... 每日放學之後都要由火車站行10分鐘先可以返到homestay family既屋... 果陣時過, 又沒手提, 每日只可急急腳腳咁行返屋企, 一班聽住古董MD機, 一班腳踼踼咁係咁踢起地下既枯葉, 好不無聊, 踢左幾腳之後又會望下個天, 同一天空下, 想下香港果面點呢....? 我地melbourne果面就又涼, 太陽又開始落...成條街人都冇一個, 冷冷清清... 其實一個人果時都有點寂寞(不過只係我剛過去果時)  而香港又正值夏天, melbourne又快香港3hours, 相信香港既人一定係好繁忙.... 返學既返學.... 食飯既食飯... 又嘈又熱鬧... 一想到咁... 又會問自己... 我可以幾時返香港... 不過好在... 我住左年幾既housemates個個都好好... 妹妹cathy, terry哥, 仲有印尼既eka, ganda兩兄弟... 返到屋企總算熱熱鬧鬧...不過o係香港, 除左係半夜o係屋企or自己半夜出下車去海邊吹下風之後.... 要靜....其實都幾難and demanding...

今晚早左沖完涼, 所以想左好多野, 而今日又有兩個銀行一齊training既batchmates要走, 所以攪到我d心情都幾....我其實真係好唔捨得佢地(雖然我地都係一個月見一次), 我仲記得之前一齊training, 一齊考試, 一齊去玩, 去過節... 每日都好close....之後雖然大家都去左唔同既行, 但係感情其實都很不錯.... 我今日問左阿doug and keith, 你地仲記唔記得第一日返工, 個個蛋散都"懶"哂有自信咁, 扮到好似好有信心做好呢份工咁... 但係之後.... 個個都因唔同既原因離開左...我明白呢d就係reality, 18個人, 依家得返9個..... 唔知我地仲頂到幾耐呢.... 不過我會頂ga... unless我有更好既opportunity.... 否則我都會頂住... 其他既兄弟姊妹, 我地要頂住... 唔好咁意放棄呀...  其實我之前都有一個好大既逆境, 不過好好彩, 問題我已經solved左啦... 依家everything都已經冇問題啦... 所以你地都放心啦.. 我冇事la ^^ 而今日見左個生客, 唔知係咪冇咩壓力, 所以今日見客都好relax, 仲俾果3個客一齊讚我夠pro同有耐性...., 所以都幾開心呢... 希望我之後可以做得更好啦... 不過其實過左上次果件事, 我到依家都仲有點...... 陰影... 好怕有d野唔係可以control 係自己手度....不過事情暫時都解決了.... 所以我終於可以安心咁relax一下....

最後, 其實最近既我都好開心ga... 好似噚晚咁, 我地又同一班朋友仔咁出哂黎食飯, 女仕之前就自己去哂shopping, 我, kennyw and sorlo就去左happy hour....好不熱鬧又share左好多野, 而今日下午又同左sorlo and catherine一齊食dinner... 依家見佢地既時間真係仲多過見屋企人, 不過真係好開心呢... 又玩得又傾得埋....  開心哂... 希望快d去埋個korea trip就好lu....