今日第一次到傳說中既金都... 說真的那裡都真係幾包羅萬有... 不過就冇咩自己想要既野.... 反而可以睇下帖, 禮物仔等等la... 不過今日最問心既都係子la... 因為.... 佢搵到佢最想要既野..... ^^ 不過佢都未plan到要用邊對呢....
買左之後仲入左去鋪頭倒亂呢... 係咁攪d龍鳳"bracelet"...... 子最開心呢....
而今晚又再一次約左jackie and ximon兩公婆一齊出黎食左餐casual dinner, 由於聽日個個都要開工, 所以好早就食lu..... Easter Holiday又完lu... 希望大家都有個新開始啦....!!!
而明天就要返新工啦.... 說真的, 真係有點緊張呢....pray for me!!! 心情有點忐忑....
今晚真係好開心呢... 又可以到ximon's既"豪宅"開party.... 說真的, 最近去過咁多既屋苑參觀...佢屋企真係好好好靚呢... 
今晚真係唔該哂Ximon兩公婆既籌備呢..... o係佢地屋企bbq真係好方便....大部份既野屋苑都提供了, 我地只係需要預備食物用具等.... 最重要既係場地非常clean呢... ^^ 雖然間中都下了兩滴雨, 不過仲好... 清涼d呢.....仲舒服... 一直食食食食又黎下men chat.... 因為女士都去左陪小B玩... 所以都好愉快呢.... 9pm就返上左去佢地屋企lu.... 而11:00pm又再落樓下食糖水.... 好relax咁又過左一日easter holiday.... 仲有一日就要返新工lu.....開始緊張!
而今日下午, 陪左子食左少少野之後, 見仲有時間就再約左carol睇樓, 因為佢之前call過我話有個新屋苑可以睇, 而Quxz噚日又睇過... 又好... 見有2hrs時間....所以我地先去左睇兩個四小蟲既單位, 不過弘景一直唔係我地杯茶, 所以都係望下就算.... 之後就係左今日既主菜 - 星匯居........
說真的... 一入去既感覺好impressive... 樓下lobby, lift and門口所有野都好岩feel... 好靚... 屋既灰色設計所有野都好正and好有型...有d似君匯港... kitchen, toilet, lift都有TV....好正ga.... d廳好見洗... 不過一入房就........
今日下午再次去左睇婚紗, 不過今日都係睇左一陣, 雖然好靚, 不過好似唔係我地相要既野... 再慢慢睇下先la...
6pm就去左west kowloon同mini club既朋友仔集合, 因為今晚會去流浮山食海鮮呢... 今晚真係超抵食.... 每人HKD260, 真係食到夠呢....
食飽飽之後就去左機場核心工程果面night ride and吹水呢... 睇下幾多mini....
今晚又過了一個愉快既晚上... 放假真係開心呢!!!
今朝一早就俾子morning call... 哈哈, 佢提我今日要去睇婚紗呢...
我地先去左Peony睇... 第一次見子著婚紗...感覺有點特別... 人地話, 女人著婚紗係最快樂最幸福既.... 而佢第一次... 我相信都係既
睇完之後去左同屋企人飲茶, 大約3:30pm又再去另一間子同事介紹既Joy's睇... 之前聽子介紹過老板娘係佢同事既媽媽... 仲要係好有experience既... 所以起初上到去都有點緊張呢.... ^^ 傾左一陣, 又試左"好一陣"... 總算大概知道要d咩啦... 佢間shop既所有gown都好靚ga... 全部gowns都係新, 手工又好, 真係好靚呢... 下面張相都係偷雞影, 不過應承左auntie會保持婚紗既privicy, 所以已將張相加工了... 唔會睇到款...
一分錢一分貨係真既.... 唔講唔知一套gown係咁貴.... 所以都係睇多陣先下決定... 今日總結係, 簡單就是最美....
今日過得咁特別, 所以搵左老友仔一齊食飯, share下今日既喜悅呢!!!
今天是我最後一天在匯豐銀行總行上班的日子... 心中有超過一百萬個捨不得... 說真的, 我從未有想過我係咁捨不得ga... 本以為可以灑灑脫脫的離開.... 點知... 都係咁... 
Last Day其實都冇咩好寫.... 都係食下farewell lunch, 做埋exit interview, 影下相咁... 反而相記錄一下每天工作的點滴啦.....!!! 在總行工作呢幾年... Total轉了三個team leader... 說真的, 有時真的很不慣.... 剛剛慣了合作方式, 轉頭又要轉..... 唉... 不過呢幾年間... 很高興同Nelson兄都是同一team.... 總算係有一個伴... 兄弟, 雖然你有時衰d.... 不過都好感激你既.... ^^ 每日既工作.... offically要返8:30am, 之後就要開morning briefing/investment briefing..... 一直到9am... 之後一班早餐腳就會落哂去basement開餐.... 說真的, 我根本不肚餓... 下去最多都係飲杯coffee... 最多都係想refresh一下自己個腦only, 吹下水又等自己醒下呢.......
呢d就係日日食... 但係又好鬼難食既燒賣... 咁又食左幾年..... >.<
通常食15mins我地都返去開工la... 而呢條通道既lift可以直到counter入面....
講真我地個個其實都幾勤力ga! 只係我懶d啦...由於日日都要跑數,個個都唔會waste太多時間, 始終你永遠都唔會知機會幾時有...每天既早上,大部份時間都係比較靜, 所以覆email/覆call比較多, 有時又接下counter, fmc, international banking centre既referral!不過都唔係太多,而呢個就係我既work station!
做一陣野就要食lunch la... 我地多數食11am, 因為lunch hour行比較多人, 機會又多d.... 所以早d出去仲可以食到早餐, 如果唔係, 我地就食2pm..同林大哥食就比較快... 通常一餐lunch都唔會過30mins.... 所以次次都食唔足1 hour!係咪好慘呢.... >.<
下午都係見客見客報價報價落下deal.... 咁就一日.... 4:30pm收行.... 之後會出去買個tea食下... 因為實在太早食lunch la... 有時頂餓都幾慘ga... 5pm返行再做野... paper work呀.. call下舊客呀... 講下briefing, meeting呀, 捽下數呀..... 咩都要做... 通常7pm收工la... 日日如是.... 呢個就係我地日常既工作, 說真的, 不是太辛苦, 不過壓力卻很大的... 不是我們呢行, 你地不會明白啦... 天文數字既數... 日日睇performance.... 都幾係野ga....
今日係last day, 我又想介紹一下朋友仔呢....!
Carmen and Cat仔係Customer Ambassador, 佢地兩個都好好人, 我好多生意都係佢地refer俾我呢.... 成日同cat仔一齊企main.... 都真係幾好笑ga.... 我地講野既內容真係.... 唔出得街... hoohohoh.....
下面呢兩個就係同team既好朋友, Nelson and Iris... 說真的, 佢兩個都係我在總行最close既好朋友.... also最可信賴既工作夥伴....
Cass係我總行最好朋友之一... 我地由企門口開始識..... 由講笑話, 到吵架(都係一日), 佢由customer services升到做general banking officer... 我覺得佢既服務同細心真係最好既.... 所以我自己做既mortgage都會搵佢幫手.........
記得以前我新黎時, 就成日同佢企呢個位搵客.... 儲客呢... 而我最大既deal(過HKD10M)就係由佢refer俾我既呢.... 多謝你!
以下就係Financial Management Centre既reception!以往我好多時都會o係果度幫手呢... 間唔中都有d好機會ga... 不過最開心都係同佢地一齊工作呢, 仲可以傾下計!
呢個就係3/F既pantry... 有時都會入去rest rest呢......, 因為出面坐滿客, 有時都幾有壓力呢.... d客成日都係度望到實哂, 佢地係度等時, 你又唔接客, 佢地就會用d好不滿既眼神, 成日好似問, 你做咩唔做野, 要我等..... 哈哈....
Kathy Ho... 一個年紀輕輕, 但做野超搏既同事... 不得不提呢
靚仔ronald and kathy... GBO同事... 同我都係manchester united既fans...!!!
最後更不得不提以下既Ingrid....匯豐全港最Top既sales...佢既productivity and 人工, 簡直係我既偶像!!! 仲要係年年都咁勁....... 一個人頂得半team數.... 勁!!!
以下就係總行Level 28既Mess Club, 以前只有executive level既同事至可成為member上去食野, 飲野happy hour等, 仲有buffet食ga..... 睇下後面個view幾正, 另一面可以望哂中環半上view!
再多謝部份Wealth Management既同事上黎同我farewell呢....無言感激!
最後又返落level 3既conference room, 呢間房係我第一日落行做registeration既地方, 之後平時team meeting, investment briefing and "捽數"等等都會o係度進行... 大老板房就係隔離........
最後更想回顧一些重要人士呢Batch94!起初一齊training做FPM, 呢個時段最開心, 而當我走左後,18人只係得返3個ja! Sam, Stefanie and Michelle加油啦...!!!
當然仲有同batch最跑得既Doug Doug la.....
呢面就係上年阿姐Team既同事, 最團結既一群....說真的, 以往係同行如敵國, 不過同佢地我都部份人成日都有聚會呢..... ^^
最後啦.... 返返去level 3既主場影張相先...講真, 總行真係幾靚ga! 而影呢張相既時候已經係last day既6pm la... 當時既心情都係好特別.... 要做既都做齊, 銀行又關了門...四周都好靜, 或許是離開既好時間啦... 離開時真的百感交雜!!! 一直以為做呢個位只係單打獨鬥既工種, 沒料到除了工作經驗之外, 更贏了不少的友誼!!!多謝你地每一位給我回憶既朋友.... I love you all!!!!
離開是為了回來??? 不知道.... 不去想那些太長遠的事la.... 只想好好休息這一個星期, 因為一個星期之後我就要在新的工作崗位再次搏鬥.... 加油呀...!!!
每月一次既War Game日又黎la... 今日9am先到jackie屋企集合, 之後等埋allan之後就一車出去大網仔食breadfast.... 10am就到西貢開戰....
今日真係好似打resident evil咁... 好多人好似喪屍咁打不死..... 死了仲開鎗打中我頭頂.... 超痛呀... 不過nevermind啦... 如果佢地打power....我都幾喪ga... 哈哈.... 今日打打下仲下大雨呢..... 不過好快又停左..... 所以都ok啦... 一直玩, 由10am打到3:30pm... 既熱又累....
5pm到左子屋企, 之後同左佢出去搵屋, 今次去快睇碧海籃天, 個間隔都大好多....不過就一d feel都冇...始終個location都係唔就腳.... 睇完都成6:30pm, 之後晚餐就陪左子既屋企人一齊去左佐敦食飯呢.... ^^
今日子唔洗返學... 終於可以一齊陪屋企人飲下茶, 傾下婚禮既籌備過程...
我地先由銅鑼灣告士打道一直行...行...行.... 行到去灣仔果邊既車行.... 見部subaru幾得意, 又入去睇下先..... 之後就行返入去電車路..... 去左修頓球場對面果間新building行下..... 入面d野又真係幾靚呢... 之後想去行下附近d喜帖.... 哈哈... 點知成條街都拆哂, 所以去左行大王東街呢...我地仲見到毛小姐拍緊套畢打自己人 hehehe... 我都幾熟果頭ga... 十一年街坊喎.... hohohoh....之後去左合和又take個break... 飲杯coffee relax下...
Rest夠又去左行大街市... 之後再去行188睇ps3 game....之後再陪子去睇鴨仔..... 行完就再去鵝頸橋拎返套dry洗左既西裝..... 全程都係用腳行... 冇開車... 所以都幾tired呢.... 咁耐冇行, 今日真係一次過la.... very very tired... 之後搭的士返屋企....
7pm又去左大坑食dinner... 今晚又係兩pairs朋友仔呢... 已為人父母&準父母一齊出黎食.... 哈哈... 今晚倪匡先生仲撩小B玩呢.... 走果時仲見到周慧敏呢... 佢真人好nice, 仲好靚呢.... 行過佢都很有禮貌的點點頭打招呼.... 真係開心呢...
今日到星期五啦!終於可以好好休息, 原因係聽日係public holiday...星期六唔洗返工真係開心好多呢... hohohooo
放工後先去接子收工, 之後就直接驅車到Simon荃灣既屋企呢.... 泊好車車之後, 我地就去左樓下既商場搵野食呢....本來想去食日本野, 可惜最推介果間太多人, 所以去左另一間, 之後輕輕鬆鬆咁傾下計.... 真係多謝你地既sharing, especially裝修果part... 唔講真係唔知d designer係會有d咁既收費方法, 第時真係要小心d lu....
食飽飽之後就去左行club house and參觀佢地屋企呢... 真係要再一次多謝你帶我地參觀呢...個屋苑真係既Grand又有氣派...說真的, 我很喜歡呢一類型既屋苑呢.... 唯一可惜既係location and 又真係貴左d呢... 之後再參觀屋企 ^.^ 好靚呢... 全屋我同子最愛既就係呢個飯廳設計and盞蛋蛋燈..... 之後再享受下佢既音響....正... 之後再加埋Joanna Wong既歌.... 真係好享受呢... 屋企仲有我同子最愛既露台.... 兩口子住... 真係夠哂....^.^ 之後又睇下結婚相, share下做婚紗等等等..... 很開心呢...! jackie 兄 and 梁太 10:30pm都上埋黎玩... 不過stay左一陣之後, 我地幾個又再改location到深井食糖水呢... ^^ 今日都過得好快樂呢.. 希望快d有下次既聚會la....
回顧返今日下午, 整日都係call下熟客傾下計... 執下野咁... 冇咩特別! 下面呢一張相既環境, 就係我第一日到銀行坐既位, 坐o係度, 望下counter同事做哂, 望下條escalator上上落落.... 感覺好似係噚日發生既事咁.... 情緒病又發作...
大老板今日又同我傾話會等到星期一先再俾answer佢... 不過我reject了....既已決定... 就要下定決心.....
星期五bank close at 5pm...而o係我心目中, 星期五既關門係一個完滿既complete, 就算我星期一and二再返工, 感覺都有點唔同, 所以o係4:55pm, 我再一次企定定係Main即門口.... 接待客人...再一次感受當年新仔搏盡既感覺, 直到5pm見到escalator慢慢定下來....閘門隨即關上.... 我同自己講... 我在HSBC既日子正式完結了...
想了很久很久... 今日終於鼓起了勇氣, 向公司請辭...
說真的, 呢幾個星期的心情真的很矛盾... 面對著一個更好的發展機會, 卻一直十五十六的, 自己明知如果留在現有的位置, 可以發展的空間真的很有限... 但係卻猶豫不決... 或者呢個選擇困難症又再一次發作...
最不捨得的是一班共事既同team同事... 天天一齊見面, 一齊開morning briefing, 一齊俾人捽數, 一齊搵錢...一齊早餐, 午餐, 食tea, 直到今時今日一齊共渡時艱... 互相扶持... 以FPM黎計, 很難得的.... 一直以為, 遞交了辭職信的心情應該會很愉快, 再沒有跑數的壓力, 應該很快慰.... 點知心情卻完全相反.... 辭職一事只有近親幾位同事知道, 而對其他人一直都封口隻字不提, 所以下午當其他同事相繼得知我快將離開之後都很驚訝, 本以為做得我地呢個位既人都係單打獨鬥而同其他部門既同事關係唔會特別密切, 點知原來有很多同事都很關心我呢....說真的, 這是我意料之外的.... 我很多謝銀行所有朋友同事的友誼... 生離死別是我最屎既一環... 不要野我啦.... 我很婆媽and眼淺的......
大老板在我向team head請辭之後都未知我決定要走, 仲問我覺得公司既offer比我地一班舊人既新package如何... 而當我話俾佢知我已經遞信以後.... 佢就同左我入房傾, 說真的, 我做了呢幾年都未試過係佢間房傾成個鐘.... V姐... 多謝哂妳既分析.... 說真的, 同佢傾計果一個鐘, 我個心真係有"幾"刻想過留返o係總行... 不過我知道還有自己要走的路呢, 希望將來再會有機會與她共事, 她真係一個好靚又叻既老板....
由於我是舊制既FPM所以離開只需要7days, 而新制就要3個月至可以離開... 所以我最快下個星期二即4月7日就可以走lu...
由於心情有點實實地, 所以放工之後約左private bank既Quxz去左no.9 happy hour... 佢之前都係我地level 3既同事呢... 一直傾傾傾..... 咁又傾到8pm... 很開心大家今日都有很多既sharing呢... 可以暢所欲言傾計既感覺真的很不錯呢..... Hazel 之後8pm都黎埋, 而quxz就走lu... 因為佢要去dinner.... 而我地飲完之後仲去左SOHO食Pizza Express呢.... 再一次多謝哂妳呀Hazel... 多謝哂妳送既birthday gift and dinner呢..... 放心啦... 我一定會用ga... ^^ 呢隻Emporio Armani Toilette係我一直用開ga...!!!
*注意此topic只供親友及好朋友分享
引用了之前一位好友既題目: 向左走, 向右走! 真最近才切身感受到呢六隻字...
這個大信封不是裁員, 放心.....
一直保持低調, 因為這個消息比較敏感, 所以一直想等到時機先提出來大家分享一下... 去或留???
在公司... 我都算是半個"老屎忽", 在這個quarter中我仲交到功課, 行著舊制(即低薪+無上限comission)的我估著就算市況仲有幾差都好, 如果不是最差的一群及沒有出現嚴重錯失, 我想生活及工作仍是死不了的...雖然不用死,但可以有更好的發展嗎? 看見銀行中最top的同事, 在最近的promotion中,所獲的條件簡直毫不吸引...兩位同事都reject了offer, 那就算今年我有機會做得最Top, 出年又點樣呢? 這樣的offer, 如果接受呢? 不過之前我都選擇留在公司, 始終H記現有剩下既舊制同事所獲的薪金制度是最為吸引....不過H記由上年開始已經要求舊制同事改成新制(低薪+季度獎金), 公司當然不希望一工兩制啦, 所以佢地一直都想將我們一群舊制人改變為新制... 只可惜我地一直堅拒不簽新offer letter....well... 可惜現在的海潚真的給人更多藉口去改變....既然市局動盪, 外邊世界又唔知點....而身邊仲有一班幾好既朋友同事, 每日都互相扶持咁一日過一日...共渡嚴冬, 呢種support都好重要, at least係日日壓迫性既工作生涯都可以有一點既warm呢, 但只不過既然有咁多既uncertainties及睇到留在原位的發展機會已經大不如前... 那應該點呢?
離開又是一個選擇... 其實另一間銀行的聘書我在之前已經簽好了... 最快更會在4月中上班, 新工那邊的發展環境及條件薪金應該比起H記好, 單向錢看, 收入可能會不如前及失去了一個搵真銀既機會.... 不過學既野及做既野都會多好多.... 工作量更不用說會更辛苦....付出跟回報可能不成正比呢, 之不過長遠計我相信會好些.... 不過Last In First Out呢種不安的感覺最近都侵襲我呢呢.... 始終在市況最動盪又最差時要我放棄穩定的工作... 真的很難選擇....其實捨不得我一班好同事, 是我最consider既其中一點...
而今天... 公司繼上年發過一份new contract之後, 今天又黎一份新的.... 條件據說是最好的一份... 唉...
走 / 留... 明天要決定!
今日收到呢一份可能係我暫時在H記中最後既一份contract offer... 心情真的很忐忑.... 我仲記得想起幾年前剛加入時, HR打比我叫我簽contract, 看到一份屬於自己offer的contract, 我都不知幾開心及興奮.... 而到今年今日... 看見它... 我已沒有半點興奮感覺....
就黎會結婚的我, 應該求穩定還是是時候出外搏一搏嗎?
左走右走....
