過完大禮啦
請帖我地沒有刻意去設計, 只係希望將自己鍾意既野以最簡單既方法表現出黎, 由於本身唔想太common咁用紅色, 所以就選擇左呢張帖啦... 之前都有為左用金色or紅色字而跟子猶豫左好耐... 不過個人insist用金色... 睇落會靚d, 不過d字色就會較難出黎, 不過大家候生仔就應該冇問題呢...
之後就到Guests of 66既Invitation... 全人手製, 而且仲要分兩款.... VIP and Vip... 哈哈.. 即係冇分別... 黎親既都係Our Super VIP呢... o係度要多謝Jennifer and 子既努力設計及製造呢!
雖然係guest of 66... 不過呢兩張既invitation card都係整左40張呢... 收到既朋友真係要好好珍藏呢...
真的很感激一班兄弟都能夠出席今晚既兄弟團聚... 由於個個工作上都很忙, 所以一直都好難一次過約齊人腳咁出席... 而今晚總算"兄弟團聚"啦! 其實個別兄弟今晚都仲要開OT, 但放工之後都能夠趕及出席... 真的多謝你地呢!
在坐既每一位我都唔知點樣介紹... 佢地個個都叫"兄弟"吧... 說真的... 真的是兄弟... 當中有親兄及親表弟, 有識了二十年以上既兄弟, 有澳洲一齊經歷了很多的兄弟, 仲有生活上既兄弟.... 心情有點激動...
今晚大家很多都是第一次見的...但都很高興大家都能夠有傾有講有笑... 很愉快咁就過了一個pre-wedding既兄弟聚會...希望大家在我big day當日都玩得開心!
而今晚再一次確認, 我當日做既決定係沒有錯既...
一月三日, 一月十一日及一月二十三日... 都是楊天命師父幫我同子擇了既好日子...而我地最終都選擇了一月二十三日, 如果唔係, 今日都可能係我地既big day呢! 
今天一早天陰又下雨, 心中都開始擔心big day當日既天氣呢... 不過好好彩, 今日既過大禮儀式在家人及姑姐既幫手下... 一切都順利完成! 今朝9am就車左grandma and姑姐過屋企, 之後拜神及預備所以禮品...
11am就出發呢... 出發前更要影下相啦... grandma話好開心!
到左子屋企啦... hehehe... 送禮之餘, 仲將禮品及禮金(老婆本)轉交到uncle手呢!
呢個就係大發糕啦! 今朝中間(紅紙下)個大發糕先至到手呢, 而講起呢個糕... 真係有一段古呢....之後再講講發生咩事.... ^^
完成之後就返工啦.... 今日工作上都幾順利, 仲開左紅盤呢!
回顧整個過大禮既籌備過程, 今次真係在整個婚禮籌備上第一次"扯火"... 主要原因有兩個, 先講左外在既問題... 其實整個婚禮都不大希望到 "金都"這個商場幫襯, 因為到過幾次都覺得佢地賣野既quality真係冇咩保證, 有d好好, 有d真係唔ok.... 要買到好野, 真係好睇彩數and到邊間公司... 不過心想其實好多野都可以o係果道買, 只要唔係最重要既items, 好似佈置車花, 茶杯果d等等....都可以考慮o係果道買呢, 既然咁方便就好啦... 就訂埋個過大禮package, 其他野自己再補... 點知... 真係出事了.... 大家睇下個原本大發糕....??? 爆左既...?
於是同間shop個sales講要換... 點知佢話個個都係爆, 爆先好喎.... 我唔信, 我話如果爆係好既, 點解唔幫我整爆埋其他果d包呢? 為此...即時打電話比大妗姐maggie及屋企人求證, 點知個個都話未聽個而且又冇理由, 所以我地叫佢換, 點知間shop又話冇, 又話唔關佢地事, 又話冇得換... 乜都冇.... 而屋企人又企硬要個完整要個意頭... 為左咁... 今次真係企左o係度嘈, 我明白間shop都係訂返黎, 不過佢地冇理由要我地"硬食" 一件爛了既product! 之後我地要求佢地call返佢地整件糕既師父叫佢整過件, 錢~我可以俾! 點知又俾個師父極不禮貌咁對代, 佢話係咁ga啦... 10件有8件都會爆, 既然保證唔到, 佢係唔會做既.... 子同我真係火到爆左..... 間shop話可以退返錢俾我喎... 我x % ^$#呀.... 我要既係一件完整既大發糕, 而我明天早上吉時過大禮... 妳話退錢? 咁我點呀...? 改期???? 你地做嫁娶生意咁... 你咁既操守叫人點去幫襯? 有問題就吹水搵excuse, 如果見到個product有問題, 都唔應該硬要包上去啦.... 我地最終都係冇法子... 因為佢地即時真係唔幫我地整especially個師父... 間shop話... 明日下午整好可以再黎拎喎....整好我都過咩吉時啦! 佢地老板娘之後至出黎say sorry, 不過都係成個幾鐘之後至出黎... 我頂呀! 成個過程在壓力中, 真係好冇癮... 好彩在期間, 我都叫定屋企人call返相熟既酒家, 希望佢地可以特別幫我整一個大發糕.... 好彩佢地都好樂意幫我地整, 仲可以o係今日早上拎貨呢...即時就走啦... 已經唔想再浪費時間.... 不過o係度真係要name佢間shop出黎.... 大家真係唔好信幫襯一間沒有專業操守既婚嫁公司.... "華x裙褂公司" 在2樓0x室及basement既x8室都有佢地公司!!! 大家要小心d呀..... >.<
而另外一個問題就係屋企習俗問題.... 我地雙方既dad and mon其實都好易話為, 好casual, 大家象徵式好多野都ok, 好多事佢地都好respect我地... 只可惜屋企親戚那邊既習俗實在係太多... 太多俗例... 太多野要follow.... 太煩瑣... 我明白大家都想我地婚姻美好...都係為我地好, 所以我都希望進量follow and respect....個婚禮一直都係由我同子兩人主導, 但現在佢地過多既參與及控制....真係已經不再是給予意見咁簡單, 我同子都覺得好大壓力... 一件本來開心既事, 覺到大家都咁煩躁, 就係為左一些所謂既俗例???!!! No Way and I will never let it happen again...
婚禮最重要是大家去enjoy去開心... 如果要攪到人人都煩躁, 我寧願唔跟任何習俗...
講講下又有點燥呢.... >.< 唔再講啦!
之後整個星期日都係prepare過大禮... 連個車尾都放滿哂野呢....
真係好多野...
今日返到屋企見到老豆買了新玩具返屋企... 哈哈... 又有野玩lu... 想買好耐呢, 之前想買Canon, 不過最終都係Sony好d呢... ^^ Wedding & Honeymoon...??? heehehe...
而今夜就第一次安排花仔花女見面... 哈哈... 佢地兩個小朋友都係我老友記既仔仔女女, 兩個小朋友既打招呼方法真係別具一格呢... ^^ 辛苦哂佢地既訓練呢! 記住啦...進場首歌係 Canon in D呀!
擇了良辰吉日... 今朝一早7:45am就到新居進行入伙 - 儀式!
由於新居工程已經完全了99%.... 仲有1%係入伙之後既執漏呢... 所以屋企人都幫我地arrange了今朝一早到新居做入伙儀式呢....
不過唔知點解呢... 間屋個感覺在入伙儀式之後真係有點唔同ga.... 正當一面煲水, 又開風扇, 又開TV, 著哂d家電果下.... 之後間屋真係舒服左... 好似同之前有些唔同呢... 哈哈... 心理? 迷信? nevermind啦... 感覺舒服就好了
幾時正式搬入? 最快都在婚後啦!!!
出來做野都有一段時間, 今次都係第一次放大假呢! 有冇好好休息...? 當然冇啦, 因為今個假期實在太忙啦!
工作上一直都在忙在跑, 只可惜越做就越沒有樂趣, 人生就這樣嗎??? 入行都有些日子, 毅然轉行又做得咩呢? 正好希望借用今個假期好好咁為自己想想, 為將來想想... 不過只可惜... 今個假期什麼都沒時間想呢...
假期由12月19日開始直到今日, 其實都有成19日呢... 其實由18日放工開始prepare子既birthday party, 到平安夜, christmas, 除夕, 新年....都沒有什麼crazy parties... 大部份都係平平靜靜咁同班朋友仔一齊過... 之平日又做咩... 新居, 婚禮都是最大既projects...
今個假期confirm了好多野... wedding上... 樂隊, 租車, 禮服, 訂做子既婚紗鞋, 裝飾... 好多好多... 仲有最重要既Honeymoon地點... 都已經confirm好呢! 新居方面... 都已經完成了95%, 電器&傢俱都開始進屋, 係sofa要1月中至到步呢... 其他都差唔多lu...
其實放咁多假都驚ga.... 12月19日至1月6日, 之後1月20日放婚假+block leave至2月9日, 再之後又新年... 第一個quarter就咁過左一半.... 都驚ga....
不過工作及人生大事... 邊樣重要? 都唔洗問啦...
成個假期都係忙於新居及婚禮之中... 19日假期... 都冇一日可以好好咁"HEA"下...反而日日都"午出晚歸"... 因為早上都係Z..zzZ.z.z..呢
今日新居都開始進行執漏工程, 而窗簾及窗檯坐墊都已安裝好呢! 明天再執好主人房地台及洗手間之後... 再等埋月中sofa到步... 咁就差唔多完工呢... 今晚影返兩張飯廳照...都有8至9成完成啦...
兩個影法... 又有另一個feel呢...
整個工程都總算順利呢.... 而其間其實都有些大鑊mistake ga... 由於唔識咁多工程野... 所以之前都係自己畫圖, 再俾師父execute... 點知係畫少一幅圖就出事啦...... 下面張圖係改前... 上面係改後..... 未改之前真係比個檯角撞死.... 而整個櫃都造深了... 其實我只係要佢一半既深度......... 不過好彩.... 經過補救之後, 效果都ok呢... ^^
2010... 第一件想同大家分享既就係完成了既第一本Pre-Wedding Album
希望大家都鍾意呢輯相啦!!! 仲有23日...就到BIG DAY啦!
祝大家2010年... 身體健康, 開開心心!!!
2009... 再見了... 
2010就到三字頭啦... 而2009年總算可以令我o係三十歲前完成了三仔任務...
屋仔, 車仔, 老婆仔
回顧一下2009年, 只知今年既轉變真係好大... 求婚, 轉工, 置業, 家中增加成員 (大嫂及工人), 屋企大翻新, 仲有進行中既婚禮籌備及新居裝修工程等等等等... 說真的, 心情在這一年真的大上大落... 既開心, 但又多野要煩(工作上較多呢), 壓力都越來越大呢... 希望在完婚之後可以好好調整下呢! 因為真的有太多野要去做... 今年都冇停過呢... >.<
可幸既係... 今年我同子都遇到很多很好既人, 佢地都幫助了我很多... 工作上, 婚禮上, 新居上, 生活上... 沒有他們... 今年一切都沒有咁順利... 多謝身邊的一班 "貴人"
說真的... 我真的沒有想過今年會有咁多重要既決定... 時間過得快到好似做夢一樣, 而還有23日... 我的人生就會有個新開始呢...
除夕... 今日一整個下午都在新居跟進裝修一些要再執既地方... 而晚黑就有首批客人到場參觀呢(其實下午時dad, grandma and姑姐地都有上黎幫眼check下仲有咩要跟)... 而今晚, 佢地當然要做第一批啦... hehehe....
大家參觀完之後就到左超哥度食日本野... 生蠔, 刺身... 哈哈... 變肥仔啦...!!!
食飽飽之後就出哂去銅鑼灣... 去熱鬧下...迫下.... 之後仲去左睇IFC放煙花呢! 10, 9, 8........3, 2, 1.... Happy New Year!!!! 當時做緊咩...??? o係天橋上報案.... 原因??? 梁兄執到個銀包lor.... !!! 哈哈... 2010年就執到"錢"啦... 哈哈... 仲要做了一單好事...
希望今年都有個好開始啦!!!
