K先生的新blog

2010/7/16

7月15日 8週年啦!!!

今日係NatNat同我既8週年紀念啦!!! 不經不覺就8年啦!!! 而今年... 無論是身份, 感覺, 都已經完全唔一樣啦!!! 多謝子!!! 妳已經唔再係我女朋友/未婚妻.... 妳今年已經係"李太"啦!!!

2009年既Anniversary!!! 當時佢已經係未婚呢!

2007年既我地呢....

2003年....

剛識子呢... ^^

同今時今日係咪好大轉變呢...^^

I love you!!!

2010/7/11

7月10日 Thx! NatNat!!!

一早起身見到有份禮物放左o係床邊....... ^^ 好surprised呀...!!! 呢份就係8週年禮物啦!!! 多謝老婆!!!

個人黎講, 唔係太鍾意轉換銀包, 因為用開上手, 成日都唔想轉, 而且一直只愛又細又薄既款式, 可惜市面上真係好少有又細又薄既款, 再加上感情及習慣, 所以一直都唔捨得去換... 直到今日收到呢個銀包, 心想.... 都係時候一轉啦... 呢個顏色係新色, 我一睇到就鍾意啦...

一直用開既銀包都係老婆買既, 仲用左好多年呢!!! 係時候呢一過轉變啦... 多謝老婆!

2010/7/10

兩位澳洲同學及老友分別黎探我... 第一個當然係chien啦 ^^ 佢係馬來西亞既好朋友仔之一, 自從佢轉左過新加坡做野之後, 成日都有機會黎香港training呢... 7月9日今次見到佢真係好開心...我地一家同佢加梁家仲一齊去左打邊爐, 之後再帶佢上我新居呢.... ^^ 哈哈.... 之後我再同佢出去w hotel飲野呢... ^^ 好開心可以同個知己飲下野, 傾下計呢.... 心情實在愉快

7月24日我既伴郎兄弟終於有時間聚下啦.... ^^ 今晚我, 老婆and阿昌三個人先o係屋企集合, 之後大家一齊出去食飯, 食飽飽之後, 我地兩兄弟又出左去飲野呢.... 兩個男人.... 哈哈... 飲左幾sets再加枝black lable.. 爆左.... 哈哈! 以前一星期同佢o係唐人街飲兩三晚, 到依家老左, 真係幾個月一次.... 不過每次同佢一齊大家都好有默契呢!!!

多謝你地兩個.......!!!

2010/7/5

7月4日燒鬚

星期日下午走左去elements睇戲, 點知呢場戲就真係貴lu.... 話說當日車場都排哂長龍, 等左一陣之後都入到去... 見有一個車位既係單邊, 有部車泊左n次都入唔到, 之後d人又唔泊... 於是咁安全既位我更係蛇咬都泊啦.... 雖然係難泊左d, 不過我仲可以泊到貼哂牆呢.... 唉... 入果時真係冇咩野... 直到睇完戲... 走lu.... 就咁開車走.....好快手咁用尾出車, 嘩..... 好貼牆喎.... 不過都冇聲... 應該冇問題啦.... 點.... 唉.... 直到晚黑搵梁氐一家食糖水先發覺.... e...... 點解車頭咁dirty既... 到睇真d...... 唉...花左...... 新車剛剛一個月多d就破身.... 真係心情低落.......

7月6日updated:

當晚即刻上網做research搵地方整車...... 好彩都搵到間不錯既局部噴油補返, 7月5日放低部車, 7月6日拎返.... 又ok喎... 手工都真係唔錯呢... 下次真係要小心d...

2010/7/4

7月1-3日即慶Trip:上海世博及小籠包之旅

一個即慶既short trip!

話說今個星期一起身時得知老婆o係 7 1回歸假後拎多左日假休息, 突然心血來潮都想離港休息一下, 問問老板又批到日假, 即刻星期二下午做就booking... 星期三confirm酒店, 星期四就早機離港... ^^ 出發同natnat兩個既上海world-expo & 小籠包Trip呢! 我地兩個都係第一次去呢.... ^^

閱讀更多／see more »

2010/6/17

6月16日家中風扇

一直以黎都睇中左G.O.D.一款風扇, 貪佢靚仔襯間屋又夠靜見最近有返隻腳 (車車), 即時到銅鑼灣分店購買!

點知........... 最終一個字.... 煩!

第一部... 輕微漏電, 拎返去換第二部.... 又再出事....parts唔齊砌唔到, 個remote既finishing又唔掂...即時打返去.... ^%#^%$&&*.... 過一日又過海.... 換過一部... 即場叫佢地砌埋...... 終於攪掂.......

希望佢一切安好啦.... GOD把野都唔係果d一二百蚊把風扇, 都攪到咁煩... 唉...

2010/6/13

6月13日家中~高清世界杯

世界杯正式開始啦!!! 英格蘭要加油呀!!! 由婚前及裝修時已經開始為新居準備世界杯及英超... 今晚終於正式開始啦.... 可以好好咁o係自己既竇享受睇波樂趣

圖中既鴨仔已經講述左我同太太既情況... 一隻坐定定睇波, 另一隻就o係窗台做咩呢...? 咪 "sleeping緊" lor!

HD真係好鬼死清呀!!! 真係早裝早享受呢...!!!

6月12日家務助理

自新婚生活以來, 同子o係生活上都融合得唔錯... 家頭細務大家分工都好合拍... 大家都有大家負責既工作, 雖未及酒店既級數, 但都ok清潔ga... 一直以來我都極討厭清潔浴室,而o係外國時我自己都唔會去洗.... 到今時今日自己都要落手落腳做....冇計!

其實結婚之前都已經plan左婚後要請個人幫幫手, 一來都唔想子咁辛苦, 二來間中有人攪掂哂d屋企野, 大家都冇咁煩... 不過一直都懶而冇去take action! 不過最近, 有見子同我都要返新既工作, 放工已經超累, 再加上子仲有個MBA course要返.... 所以... 最近都決定聘請返個家務助理幫手... 經同事介紹之後... 終於請左個家務助理幫手啦...

以後都唔洗再煩呢...